Lajmet nga UBT
Ndikimi i AI në tregun e punës: Diskutim i studentëve të Sistemeve të Informacionit me ekspertin Ilir Ferizaj në Akademinë Verore
Në kuadër të Akademisë Verore të Global UBT Fest, Fakulteti i Sistemeve të Informacionit organizoi një aktivitet të veçantë, ku foli Ilir Ferizaj, një ekspert nga industria dhe përfaqësues i kompanisë SPEEX. Tema e prezantimit ishte “Ndikimi i AI në Tregun e Punës – Rast studimi sektori i IT-së”.
Ferizaj prezantoi një analizë të thelluar mbi ndikimin e Inteligjencës Artificiale (AI) në tregun e punës, duke theksuar se, sipas studimeve dhe raporteve të ndryshme, AI pritet të ndikojë deri në 40% të vendeve ekzistuese të punës. Sektori i IT-së, veçanërisht pozitat si mbështetësit teknik, programerët dhe pozita të tjera të ngjashme, pritet të jenë më të prekurat.
Gjatë diskutimit me studentët, u theksua se pavarësisht zëvendësimit të disa vendeve të punës, AI do të krijojë edhe shumë të tjera. Pozita të reja si analistët e të dhënave, menaxherët e projekteve të AI, dhe mirëmbajtja e sistemeve të AI, do të bëhen të domosdoshme. Drejtimet si Machine Learning dhe robotika do të jenë gjithashtu shumë të kërkuara.
Ferizaj theksoi se ata që kanë njohuri të avancuara në përdorimin e AI do të jenë më të përfituarit nga ky transformim. Adaptimi dhe mësimi i vazhdueshëm u paraqitën si strategjia më e mirë për t’u përballur me këtë fenomen dhe për t’u përshtatur me rrethanat e reja.
Akademia Verore e Sistemeve të Informacionit vazhdon të ofrojë platforma të rëndësishme për diskutime dhe shkëmbim idesh mbi teknologjitë e reja dhe ndikimin e tyre në shoqëri.
Ka filluar konferenca ‘Tranzicioni i Energjisë; Implementimi i Politikave të Strategjisë së Energjisë, Digjitalizimi’, e organizuar nga UBT i cili po mbahet në Parkun Shkencor, Inovativ dhe Teknologjik të UBT-së në Lipjan.
Në këtë konferencë po merr pjesë Rektori i UBT-së, Prof. Dr. Edmond Hajrizi, ministrja e Ekonomisë, Artane Rizvanolli, kryesuesja e Komunitetit Nacional CIGRE, Pranvera Dobruna-Kryeziu dhe Ymer Fejzullahu, kryetar i Bordit të ZRRE.
Të ftuar të tjerë janë po ashtu ekspertë të fushës së energjisë elektrike në vend.
UBT News do të ju sjell informacionet kryesore të kësaj konference me rëndësi.
Vlen të përmendet se edhe studentët e UBT-së po e ndjekin këtë ngjarje.
Lajmet nga UBT
Konferenca ‘Tranzicioni i Energjisë; Implementimi i Politikave të Strategjisë së Energjisë’, Armend Ymeri flet për organizimin
Emisioni n’Ritëm në Campus Radio me autore dhe moderatore Albina Zeneli pati të ftuar Prof. Ass. Dr. Armend Ymeri i cili njëherësh është dhe Dekan i Fakultetit të Inxhinierisë së Energjisë në UBT.
Me të diskutuam për konferencën ‘Tranzicioni i Energjisë; Implementimi i Politikave të Strategjisë së Energjisë, Digjitalizimi’, ngjarje kjo që do të mbahet nesër me fillim nga ora 08:30 në Kampusin Inovativ të UBT-së në Lipjan.
“Kemi ftuar ekspertë të fushës që do të ndajnë përvojat e tyre me të pranishmit, do të jenë Pranvera Dobruna, Artane Rizvanolli, përfaqësues mga KEK, KOSTT dhe KEDS”, u shpreh Z. Ymeri.
Përndryshe, Dekani ka bërë thirrje që studentët të marrin pjesë sepse sipas tij i’a vlen dhe madje thekson se kuadrot e reja të UBT-së janë me fat për mundësitë që ofrohen.
Lajmet nga UBT
Studentët e Psikologjisë dëgjojnë rrëfimin e Ramadan Nishorit – Zëri i parë i një të mbijetuari të dhunës seksuale gjatë luftës
Me rastin e Ditës Memoriale të të Mbijetuarve të Dhunës Seksuale gjatë luftës në Kosovë, studentët e vitit të parë dhe të tretë, të Fakultetit të Psikologjisë, nën mbikëqyrjen e Prof. Violeta Zefi, morën pjesë në një ngjarje të organizuar nga Qendra Kosovare për Rehabilitimin e të Mbijetuarve të Torturës.
Gjatë kësaj ngjarjeje, studentët e Fakultetit të Psikologjisë kishin mundësinë të dëgjonin historinë rrëqethëse të Ramadan Nishorit, një nga të mbijetuarit e dhunës seksuale gjatë luftës në Kosovë. Nishori, në një rrëfim në Ditën Memoriale të të Mbijetuarve të Dhunës Seksuale gjatë luftës, tha se ishte dhunuar nga policët serbë në vitin 1998, derisa po mbahej në stacionin policor në Drenas.
“Për drejtësinë. Për të vërtetën. Për shërimin tim dhe të gjithë atyre që vuajnë në heshtje.”, shprehet Ramadan Nishori, ndërsa u drejtohet me një thirrje të gjithë të mbijetuarve.
Kjo ngjarje e organizuar sot, më 14 prill, ishte një përvojë e thellë reflektimi dhe ndërgjegjësimi për studentët e UBT-së, duke theksuar rëndësinë e mbështetjes për të mbijetuarit e dhunës seksuale gjatë luftës në Kosovë.
Fjalimi i Ramadan Nishorit dhe gjithë përvoja e këtij aktiviteti ishin një mundësi për studentët që të kuptonin më thellë pasojat e dhunës seksuale dhe rëndësinë e rehabilitimit të të mbijetuarve.
Lajmet nga UBT
Delegacioni i UBT-së realizon vizitë në TÜBAT, në kuadër të Kongresit të 15-të Kombëtar të Studentëve të Mjekësisë
Në kuadër të Kongresit të 15-të Kombëtar të Studentëve të Mjekësisë, i mbajtur nga data 12-14 prill 2025 në Universitetin Trakya, një delegacion i UBT-së zhvilloi një vizitë zyrtare në Shoqatën e Kërkimeve Shkencore të Universitetit Trakya (TÜBAT).
Gjatë takimit u diskutuan mundësitë për thellimin e bashkëpunimeve akademike dhe shkencore mes dy institucioneve, me fokus në projekte të përbashkëta, shkëmbime studentore dhe zhvillim profesional.
Delegacioni i UBT-së u përfaqësua nga Prof. Dr. Fisnik Laha, Dekan i Fakultetit të Biokimisë Mjekësore dhe Bioteknologjisë, dhe Prof. Dr. Cengiz Çesko. Takimi u përmbyll me shkëmbimin e dhuratave simbolike dhe me një ndjenjë të ndërsjellë respekti dhe bashkëpunimi.
UBT shpreh mirënjohjen për mikpritjen e ngrohtë dhe organizimin e shkëlqyer të kongresit, duke falënderuar në veçanti Kryetarin e TÜBAT-it, Ömer Bolat, si dhe të gjithë ekipin organizator për angazhimin dhe profesionalizmin.
Gjethet e mentes për shëndetin e trurit dhe stomakut
Arrestohet William Levy, aktori i njohur i serialeve spanjolle
Vdes futbollisti i njohur shqiptar, 28-vjeçari humb jetën në fushë
Dështimi i konstituimit të Kuvendit, ç’thotë Ligji dhe Kushtetuta për situatën e krijuar?
Fillon konferenca për tranzicionin e energjisë në UBT
Katër ushqimet që i zhbllokojnë arteriet në mënyrë natyrale
Konferenca ‘Tranzicioni i Energjisë; Implementimi i Politikave të Strategjisë së Energjisë’, Armend Ymeri flet për organizimin
Përfitimet shëndetësore të pirjes së ujit para gjumit
Diamanti blu ne ankand/ Guri i çmuar, pjesë e trashëgimisë mbretërore të Indisë
-
Bota3 months agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota3 months agoFluturimet e dëbimit kanë filluar, thotë Shtëpia e Bardhë
-
Bota3 months agoShtëpia e Bardhë: Armëpushimi në Liban do të zgjatet deri më 18 shkurt
-
Bota3 months agoTrump zbulon listën e zezë të Shtëpisë së Bardhë