Lajmet

Ndihmësja e Navalnyt thotë se ai u vra derisa po negociohej për këmbimin e tij

Ajo nuk i ka përmendur emrat e dy shtetasve amerikanë që ishte planifikuar të këmbeheshin.

Published

on

Maria Pevchikh, ndihmësja e politikanit opozitar rus, Aleksei Navalny ka pretenduar se një këmbim i të burgosurve – ku ka qenë i përfshirë edhe kritiku i Kremlinit – ka qenë në fazën përfundimtare para se ai të vdiste në një burg në Siberi.

Pevchikh, udhëheqëse e Fonadacionit të Navalnyt Kundër-Korrupsionit, ka thënë të hënën përmes një videoje në YouTube se ndihmësit e Navalnyt kanë punuar për dy vjet që t’i bindin zyrtarët e Perëndimit për të negociuar një marrëveshje që do të përfshinte kritikun e Kremlinit dhe dy shtetas amerikanë të mbajtur në burgjet ruse, për Vadim Krasikovin, ish-kolonelin e Shërbimit Federal të Sigurisë (FSB) në Rusi, i cili është dënuar për vrasje të një ish-luftëtari çeçen në Berlin më 2019.

Ajo nuk i ka përmendur emrat e dy shtetasve amerikanë që ishte planifikuar të këmbeheshin.

Aktualisht janë disa amerikanë që po mbahen në burgjet ruse, përfshirë ish-marinsin Paul Whelan, gazetarin e të përditshmes amerikane Wall Street Journal, Evan Gershkovich, dhe gazetaren e Radios Evropa e Lirë, Alsu Kurmasheva.

Navalny do të përfshihej në marrëveshje si pjesë e një “këmbimi humanitar”.

“Në fillim të shkurtit, Putinit i është ofruar të këmbejë vrasësin e FSB-së, Vadim Krasikov, i cili është duke vuajtur dënimin për një vrasje në Berlin, për dy shtetas amerikanë dhe Aleksei Navalnyn. E kam pranuar konfirmimin se negociatat ishin në fazën finale në takimin e 15 shkurtit. Më 16 shkurt, Aleksei është vrarë”, ka thënë Pevchikh.

“Aleksei Navalny do të mund të ishte ulur me ne këtu, sot”, ka shtuar ajo.

Deklaratat e saj nuk janë konfirmuar dhe as kundërshtuar prej burimeve tjera.

I pyetur për këtë çështje më 26 shkurt, zëdhënësi i Qeverisë gjermane Christiane Hoffmann, ka thënë se nuk mund të komentojë.

Më herët gjatë këtij muaji, Putin i ka thënë komentatorit amerikan Tucker Carlson, se “një marrëveshje mund të arrihet”, për të liruar Gershkovichin, i cili është arrestuar në mars të vitit të kaluar në Rusi, nën akuzat për spiunim, të cilat ai dhe Qeveria i kanë konsideruar të pabazuara, me një “patriot” rus, që po vuan dënimin në Gjermani, dhe kjo besohet se ka qenë referencë për Krasikovin.

Wall Street Journal i ka cituar zyrtarët perëndimorë në atë kohë, të ketë thënë se Putin dëshiron që Krasikov të këmbehet për dy të burgosur amerikanë, përfshirë Gershkovichin.

Në video, Pevchikh ka dyshuar që Putin “nuk e ka toleruar” lirimin e Navalnyt dhe në vend të këmbimit “ka dashur ta heqë qafe krejtësisht”.

Ajo nuk ka dhënë dëshmi për të mbështetur pretendimin e saj.

Sipas saj, miliarderi rus Roman Abramovich ka qenë “negociator jozyrtar” në mes të Kremlinit dhe zyrtarëve evropianë.

“E kam pyetur Roman Abramovichin për kushtet dhe çfarë ka thënë Putini. Fatkeqësisht Abramovich nuk u është përgjigjur pyetjeve, por as nuk ka mohuar asgjë”, ka thënë Pevchik.

As Abramovich dhe as Kremlini nuk e kanë komentuar këtë deklaratë të saj.

Trupi i Navalyt i është dorëzuar familjes përgjatë fundjavës, një javë pasi është bërë publike vdekja e tij në burgun e ashtuquajtur “Ujku Polar” në Arktik.

Ai ka qenë duke vuajtur dënimin me burgim prej 19 vjetëve, nën akuza që ai dhe mbështetësit e tij i konsiderojnë të motivuara politikisht.

Ende nuk dihet shkaku i vdekjes së tij.

Nëna e Navalnyt i ka akuzuar zyrtarët rusë se i kanë bërë presion që të organizojë një ceremoni sekrete të varrimit për djalin e saj për të shmangur turmat e njerëzve.

Zëdhënës i Kremlinit, Dmitry Peskov ka thënë më 26 shkurt se është “absurde” të pretendohet se familjes së Navalnyt i është bërë presion./REL

Lajmet

Tre persona në pranga për së paku tetë vjedhje në Fushë-Kosovë, dëmi mbi 60 mijë euro

Published

on

Policia e Kosovës ka arrestuar tre persona në Fushë-Kosovë, të dyshuar për kryerjen e së paku tetë rasteve të vjedhjeve të rënda në banesa gjatë muajve tetor dhe nëntor 2026.

Sipas Policisë, A.B., F.H. dhe M.K. janë arrestuar pas një hetimi dymujor. Operacioni policor është zhvilluar më 18 nëntor, ndërsa dëmi fillestar material nga vjedhjet vlerësohet të jetë mbi 60 mijë euro.

Gjatë kontrolleve në katër lokacione, policia ka sekuestruar stoli ari, para të gatshme, një pistoletë, një veturë që dyshohet se është përdorur në kryerjen e veprave penale, dy telefona dhe një sasi të dyshuar të marihuanës.

Hetimet e mëtejshme kanë çuar policinë edhe te një argjendari në lagjen “Dardania” në Prishtinë, ku dyshohet se janë shitur stolitë e vjedhura. Pronari i argjendarisë është shoqëruar në stacion policor. Ndërkaq, një sasi tjetër ari është lokalizuar dhe sekuestruar në Prizren.

Policia ka bërë të ditur se ndaj të dyshuarve janë iniciuar raste për “Vjedhje të rëndë”, “Posedim të paautorizuar të armëve” dhe “Posedim të paautorizuar të narkotikëve”.

Pas intervistimit, me vendim të prokurorit, tre të arrestuarit janë dërguar në mbajtje për 48 orë./A.K/

Continue Reading

Lajmet

Tre zyrtarë nga Kosova diplomojnë në Akademinë e FBI-së, vlerësohet partneriteti me SHBA-në

Published

on

By

Ambasada e Shteteve të Bashkuara të Amerikës në Kosovë ka njoftuar se tre zyrtarë të zbatimit të ligjit nga Kosova kanë diplomuar së fundmi në Akademinë Kombëtare të FBI-së.

Në njoftimin e ambasadës theksohet se Kosova është një partnere e fortë e SHBA-së në fushën e zbatimit të ligjit dhe ka një nga rrjetet më të mëdha të të diplomuarve të Akademisë Kombëtare të FBI-së në nivel global.

“Krenarë të festojmë diplomimin e tre zyrtarëve kosovarë nga Akademia Kombëtare e FBI-së! Kosova është një partnere e fortë e SHBA-së në zbatimin e ligjit, me një nga rrjetet më të mëdha të alumni-t të Akademisë Kombëtare të FBI-së në botë. Jemi të entuziazmuar të punojmë së bashku për të luftuar krimin e organizuar transnacional”, thuhet në njoftimin e Ambasadës amerikane.  /E.A/

Continue Reading

Lajmet

Kuvendi miraton tri marrëveshje ndërkombëtare

Published

on

Kuvendi i Kosovës sot ka miratuar tri marrëveshje ndërkombëtare.

Me dy të tretat e votave, deputetët miratuan Konventën për Njohjen dhe Ekzekutimin e Vendimeve të Huaja Gjyqësore në Çështjet Civile ose Tregtare.

Kjo marrëveshje mori miratimin në tentimin e tretë, pasi u sigurua se Serbia nuk është pjesë e kësaj konvente.

Po ashtu, Kuvendi miratoi Protokollin për ndryshimin e Marrëveshjes mbi Statusin dhe Funksionet e Komisionit Ndërkombëtar për Personat e Zhdukur.

Në mesin e marrëveshjeve të miratuara ishte edhe Konventa për Zgjedhjen e Gjykatës. /KosovaPress/

/A.K/

Continue Reading

Lajmet

Kurti: Javën e ardhshme pritet drafti i parë i strategjisë për Apelin dhe Ligjit për Specialen

Published

on

Kryeministri i Kosovës, Albin Kurti, ka bërë të ditur se javën e ardhshme pritet të pranohen drafti i parë i strategjisë shtetërore për procesin e Apelit në Hagë dhe drafti i ri i Ligjit për Dhomat e Specializuara.

Duke folur në Kuvend për Ligjin për Specialen, Kurti ka thënë se ai është hartuar pas pakënaqësisë me aktgjykimin e 16 shtatorit, por ka theksuar se që nga fillimi kishte shprehur rezerva për këtë nismë.

“Nuk dyshoj në qëllimin e mirë, por nuk mjafton vetëm qëllimi i mirë, duhet të kemi edhe sukses. Për këtë na duhet një ligj që nuk kthehet mbrapsht dhe bëhet praktik në realitet”, ka deklaruar Kurti.

Ai ka theksuar se në grupin punues për strategjinë janë të përfshirë përfaqësues të ndryshëm, ndërsa drafti i ri i ligjit pritet të përgatitet nga një ekip ekspertësh.

Kurti ka përsëritur se nuk e ka ndryshuar qëndrimin për Dhomat e Specializuara që nga viti 2015, duke e cilësuar këtë gjykatë si të pazakontë.

Ai ka përmendur edhe raportin e vitit 2008 për pretendimet lidhur me “Shtëpinë e Verdhë” dhe trafikimin e organeve, duke thënë se hulumtimet e zhvilluara nuk kishin gjetur dëshmi për këto pretendime.

Sipas Kurtit, çështja e ndërmarrjes së përbashkët kriminale mbetet ndër pikat që duhet të trajtohen në procesin e Apelit. Ai ka shprehur bindjen se vendimi i 16 shtatorit duhet të korrigjohet në Apel, proces për të cilin ka thënë se pritet të zhvillohet gjatë vitit 2027./A.K/

Continue Reading

Të kërkuara