Sport

Ndeshjet e sotme në Europa League: United dhe Roma zbresin në fushë, radhën e kanë edhe Bajrami me Muçin

Published

on

Sot mbrëma, Europa League do të rikthehet me ndeshjet e javës së fundit të fazës së grupeve, duke përcaktuar ekipet që do të vazhdojnë garën për trofeun e dytë më të rëndësishëm evropian. Ekipet e mëdha si Manchester United dhe Roma do të zbresin në fushë, ndërsa shqiptarët Nedim Bajrami dhe Ernest Muçi do të përfaqësojnë ngjyrat e tyre në përballje të rëndësishme.

Rejnxhërsi kundër Totenhemit: Duel i zjarrtë për Bajramin
Një nga ndeshjet më të pritura të mbrëmjes do të jetë ajo mes Rangers dhe Tottenham Hotspur. Mesfushori shqiptar Nedim Bajrami pritet të jetë një nga pikat kyçe të skuadrës skoceze, në përpjekje për të ndalur gjigantët londinezë dhe për të siguruar një rezultat që mund t’i çojë në raundin tjetër.

Roma pret Bragën: Mourinho kërkon fitoren
Në “Olimpico”, Roma e drejtuar nga Jose Mourinho do të presë Bragën. Verdhekuqtë kanë nevojë për një rezultat pozitiv për të siguruar kualifikimin, ndërsa përballen me një ekip portugez që di të surprizojë. Mourinho synon të shfrytëzojë përvojën e tij në kompeticionet evropiane për të udhëhequr skuadrën drejt suksesit.

Muçi dhe Beshiktashi sfidojnë Bodo/Glimt
Sulmuesi shqiptar Ernest Muçi do të ketë mundësinë të tregojë veten, ndërsa Beshiktashi udhëton në Norvegji për t’u përballur me Bodo/Glimt. Ekipi turk është i motivuar për të mbyllur grupin në mënyrën më të mirë të mundshme, dhe Muçi shpreson të luajë një rol vendimtar në këtë ndeshje të vështirë.

United në fushë: Rikthimi i “Djajve të Kuq”
Manchester United do të zbresë gjithashtu në fushë, duke kërkuar një fitore për të mbyllur fazën e grupeve me stil. Përballja e tyre pritet të jetë një mundësi për trajnerin dhe lojtarët që të tregojnë forcën e skuadrës në arenën evropiane, pas disa luhatjeve në kompeticionet e brendshme.

Me këtë mbrëmje vendimtare, Europa League premton spektakël dhe emocione për të gjithë tifozët e futbollit, ndërsa ekipet luftojnë për të siguruar vendin e tyre në fazat eliminatore./UBTNews/

Lajmet

Sunderlandi e zyrtarizon kapitenin e ri Granit Xhaka

Published

on

Ylli kosovar Granit Xhaka i cili u transferua pak javë më parë në ekipin e Sunderlandit, po konsiderohet si një lider i lindur, pasi që përfaqësuesit zviceran iu besua edhe shiriti i kapitenit, duke e pasur parasysh lidershipin e tij dhe përvojën e madhe.

Madje klubi anglez përmes rrjeteve sociale e zyrtarizoi vendimin që mesfushorit me tipare defanzive t’ia besojë shiritin e kapitenit.

“Granit Xhaka, kapiten i ri i Sunderland AFC”, shkroi klubi anglez.

E ish-futbollisti i Baselit, Borussia Monchengladbachut, Arsenalit dhe Bayer Leverkusenit, tha se ndihet krenar që iu besua kjo përgjegjësi dhe privilegj.

“Më bën jashtëzakonisht krenar që jam kapiten i këtij klubi dhe i kësaj skuadre. Shpresoj të tregoj lidershipin tim brenda dhe jashtë fushës, duke ndihmuar shokët e mi të skuadrës në qendrën stërvitore dhe në të gjithë klubin”, u shpreh 32 vjeçari.

Continue Reading

Sport

Zyrtare: Milani nënshkruan me Zachary Athekame

Published

on

Milani ka bërë zyrtare nënshkrimin me mbrojtësin e djathtë zviceran, Zachary Athekame, nga skuadra e Young Boys.  

Lojtari 20-vjeçar ka nënshkruar një kontratë pesëvjeçare, e cila do ta mbajë në “San Siro” deri në vitin 2030.

Ish-mbrojtësi i Xamax do të mbajë fanellën me numrin 24 te “Rossonerët”. Sipas raportimeve, Milani ka paguar një tarifë prej 10 milionë eurosh për kartonin e tij, ndërsa Young Boys kanë ruajtur një klauzolë prej 10 për qind për çdo shitje të ardhshme.

Athekame është lojtar i gjithanshëm në krahun e djathtë, i aftë të luajë si mbrojtës i krahut, por edhe më përpara në mesfushë.

Ka 10 paraqitje me përfaqësuesen U21 të Zvicrës. Gjatë sezonit 2024/2025 me Young Boys, Athekame zhvilloi 30 ndeshje në kampionat, ku regjistroi dy asiste dhe luajti mbi 1700 minuta. Ai ishte pjesë kyçe e skuadrës në Ligën e Kampionëve, duke luajtur në të gjitha tetë ndeshjet e fazës së grupeve.

Para se të kalonte te Young Boys, 20-vjeçari ka luajtur për Xamax dhe është formuar në akademinë e Bejune.

Transferimi i tij te Milani shihet si një hap i madh në karrierën e tij.

Continue Reading

Lajmet

Jashari: Tare më premtoi për të më sjellë te Milani, ëndrra mu bë realitet

Published

on

Ardon Jashari ka folur në konferencë për shtyp si futbollist i ri i Milanit, ky ka përsëritur vendosmërinë e tij për t’u transferuar veç tek gjiganti italian përkundër faktit se kishte edhe oferta të tjera.

Ai e ka përshëndetur punën e bërë nga drejtori sportiv, Igli Tare, i cili i kishte premtuar se do të bënte gjithçka që është e mundur për ta sjellë në Milano.

Gjithashtu, përfaqësuesi zviceran ka folur për aftësitë dhe karakteristikat e tij, futbollistët modelë dhe për objektivat që i ka me “Rossoneri”.

“Të jem këtu është një ëndërr që u bë realitet, e doja vetëm Milanin. Ka një harmoni të madhe në dhomat e zhveshjes. E dija se nuk do të ishte e lehtë të largohesha nga Club Brugge. Tare më ka thënë se do të bënte gjithçka që është e mundur për të më sjellë këtu. Ishull imi ishte Pirlo, në fillim kam nisur të luaj si ai si trequartista. Jam mahnitur nga Modric, me të mund të rritem shumë.”, tha Jashari.

 

Continue Reading

Lajmet

Drejtori sportiv i Bayernit kritikon: Klubi mund të marrë çdo yll nëse paguan çmimin

Published

on

Drejtori sportiv i Bayern, Maks Eberl kontaktoi për herë të parë drejtpërdrejt meLuis Diazin e Liverpulit pas bisedimeve me menaxherët e tij në mes të qershorit, madje kishte lënë Kupën e Botës për Klube në SHBA më herët për këtë arsye.

Bayern  kishte eksploruar opsionin Uilliams, ku agjenti i tij thuhet se fillimisht kërkoi një tarifë të garantuar prej 10 milionë euro neto për lojtarin, përpara se ai dhe lojtari të uleshin për bisedime me Bayern-in.

Në rastin e Gitens, marrëveshja midis Dortmundit dhe Çelsit ishte tashmë shumë e avancuar. Në atë pikë, ishte e qartë se të dy transferimet do të kërkonin shuma të mëdha parash.

“Sigurisht, kemi parë lojtarë të ndryshëm; kjo është puna jonë. Bazuar në përvojën e fituar nga këto bisedime, mund të them se: kushdo që pretendon se Bayern ka humbur tërheqjen e tij ndërkombëtare për yjet e mëdhenj, nuk e njeh tregun. Bayerni mund të marrë çdo lojtar nëse është i gatshëm të paguajë çmimin e kërkuar. Por këtë do ta bëjmë vetëm nëse jemi 100 përqind të bindur, si në rastin e Luis Diazit.”, konfirmon Eberl.

Kërkesat fillestare të Liverpul për Diazin u refuzuan menjëherë e më pas, drejtori ekzekutiv i Bayern, Jan-Kristian Dresen, ndërhyri në bisedimet me drejtorin sportiv të Liverpulit, Riçard Hugs.

Të dyja palët arritën një marrëveshje për një tarifë transferimi prej 67.5 milionë euro plus deri në 7.5 milionë euro pagesa bonus.

 

Continue Reading

Të kërkuara