Eminemi e ka dëgjuar albumin e pestë të Kendrick Lamarit, “Mr. Morale & The Big Steppers’ dhe ka mbetur pa fjalë.

Kështu së paku merret vesh nga postimi i tij në Twitter, ku legjenda e repit nuk i ka kursyer lëvdatat për reperin i cili lansoi album pas vitesh mungesë në skenën muzikore.

“Hej Dr. Dre, ky album i Kendrickut është qesharak. Jam i pafjalë”, ka shkruar Eminemi në llogarinë e tij në Twitter.

Komentet e tij vijnë pak muaj pasi dyshja ishte pjesë e performancës në SuperBowl me Dr. Dre, Snoop Dogg, 50 Cent dhe Mary J. Blige./klankosova.tv./

Gjatë dy javëve në prag të finales së emisionit të saj, Ellen DeGeneres ishte emocionale, thanë burimet për Page Six.

“Ellen ka qarë shumë”, tha një burim për Page Six.“Disa javë përpara finales ishin shumë emocionale”.

Në studiot e Warner Bros në Burbank, të cilën ajo e ka pasur shtëpi për gati 20 vjet, DeGeneres, 64 vjeç, filmoi episodin e saj të fundit të “The Ellen DeGeneres Show” më 28 prill. Shfaqja e fundit, e cila do të transmetohet më 26 maj , përmban një grup të të ftuarve, përfshirë Jennifer Aniston dhe Pink – të dyja u shfaqën në episodin e parë më 8 shtator 2003.

Por ndërsa DeGeneres ishte e trishtuar kur pa fundin e emisionit të saj 19-vjeçar, ajo nuk donte të dilte me zhurmë. Në shfaqjen e saj të fundit nuk kishte tapet të kuq, siç e kishin dashur disa që e njohin.

“Ajo donte të dilte në heshtje”, tha një burim televiziv i njohur për Page Six,“Ishin miqtë dhe familja e kastit dhe ekuipazhit në audiencë”.

DeGeneres njoftoi largimin e saj majin e kaluar. Kjo erdhi 10 muaj pasi një hetim i BuzzFeed News ekspozoi pretendimet e detajuara të punonjësve për një vend pune toksik në set. Ata pretenduan se u ndaluan të flisnin drejtpërdrejt me DeGeneres dhe ylli u kritikua për mosmarrjen e përgjegjësisë për mirëqenien e punëtorëve të saj./UBTNews/

Aktorja amerikane, Amber Heard kishte frikë se ish-bashkëshorti i saj, Johnny Depp do ta vriste aksidentalisht gjatë një sulmi të supozuar në muajin e tyre të mjaltit, u tha në një gjykatë amerikane.

Duke dëshmuar para gjykatës, Heard dha një imazh të aktorit si abuzues i varur nga droga dhe xhelozia. Depp e paditi aktoren Heard për 50 milionë dollarë pas një artikulli në të cilin ajo pretendon se ishte viktimë e dhunës. Ai vazhdimisht i ka mohuar akuzat për abuzim.

Çështja e profilit të lartë në Virxhinia ka rifilluar për javën e pestë pas një pauze, para së cilës Depp kishte treguar anën e tij të historisë dhe zonja Heard kishte filluar disa nga dëshmitë e saj.

Në gjykatë të hënën, Heard mes lotëve u tha juristëve se ajo besonte se “nuk do të mbijetonte” nëse do të ishte ende e martuar me Depp-in.

“Isha tepër e frikësuar se kjo do të përfundonte keq për mua. Nuk doja që ai të largohej. E doja shumë”, deklaroi ajo.

Heard e ka akuzuar Depp-in për raste të përsëritura të dhunës fizike. Të hënën, ajo pretendoi se ai e sulmoi atë ndërsa ishte në trenin Orient Express në Azi, pas dasmës së tyre në shkurt të vitit 2015. Ajo deklaroi se Depp e ka goditur atë dhe e kapi për fyti ndërsa ishin në dhomën e tyre të gjumit./UBTNews/

Conor McGregor ka pohuar se dëshiron të blejë Twitter-in, pasi Elon Musk vendosi në pritje blerjen e kësaj kompanie prej 35 miliardë funtesh.

Musk po vonon marrjen e tij derisa të verifikojë detajet në lidhje me numrin e llogarive të rreme në Twitter, por këmbëngul se ai mbetet i përkushtuar për të përfunduar blerjen e tij. Ish-kampioni i UFC-së në dy pesha, McGregor, është një nga sportistët më të pasur luftarakë në botë, por ka një vlerë neto në miliona, jo në miliarda.

Kjo nuk e pengoi atë të postonte në Twitter: “Unë po blej Twitter”, muaj pasi ai pretendoi se ishte i interesuar të blinte fillimisht klubet e futbollit Manchester United dhe më pas Chelsea.

McGregor javën e kaluar e gjeti veten të zbritur nga top 10 atletët më të pasur në botë, pasi nuk kishte luftuar që kur u mund nga Dustin Poirier verën e kaluar./prive.al