

Kulturë
Ndërmarrësit apo punonjësit e pavarur, cilët janë më të lumtur?
Published
4 years agoon
By
Betim GashiÇdo lloj i punës ka aspektet pozitive dhe negative. Punët mund të jenë të ndryshueshme: një minutë jeni të stresuar dhe në tjetrin të lumtur.
Webfaqja e sigurimeve Insurance Quotes së fundmi anketoi më shumë se 1,000 Amerikanë të karrierave dhe gjeneratave të ndryshme për të zbuluar se si ndihen për punën e tyre. Studimi krahasoi ndjenjat e njerëzve nga lloji i punësimit, duke përfshirë punonjësit e pavarur, punonjësit e vetë-punësuar, punonjësit me pagë, punonjësit për orë dhe njerëzit të cilët kanë pagë fikse plus bakshishe.
Nga ekuilibri jetë-punë në sigurinë në punë, rrugët e ndryshme të karrierës kanë gjërat negative dhe pozitive. Këtu janë disa fakte se si njerëzit në lloje të ndryshme të punës ndihen për punën e tyre.
Punonjësit e vetë-punësuar janë më të lumtur
Del se njerëzve iu pëlqen të jenë shefi i vetes. Ndërmarrësit dhe tjerët punonjës të vetë-punësuar janë disa nga Amerikanët më të lumtur sot. Në një shkallë prej 1 në 7, ata të vetë-punësuarit shënuan 5.4 në spektrin e lumturisë, duke i vendosur ata mbi punonjësit me pagë dhe ata për orë.
Punonjësit e pavarur janë më të stresuarit
Nga të gjitha llojet e punësimit, punonjësit e pavarur janë shumë më të stresuar se të gjithë punonjësit tjerë. Sipas sondazhit, pothuajse të gjithë ata (92.9 përqind) thanë se nuk ishin të lumtur për shkak të stresit që puna e tyre sjellte. Mirëpo, të gjithë punonjësit e pavarur të anketuar thanë se ishin të lumtur me fleksibilitetin e punës së tyre.
Punonjësit me pagë fikse + bakshishe thonë se kolegët e tyre janë aspekti më i keq i punës së tyre
Kolegët e këqij mund të jenë një ankth i vërtetë. Dhe punonjësit të cilët kanë një pagë fikse + bakshishe thonë se kolegët e tyre janë aspekti më i keq i punës së tyre. Në fakt, pothuajse dy e treta thanë se kolegët e tyre i mërzitnin.
Njerëzit me punë të shumta janë pak më të lumtur se ata me vetëm një punë
Sot, shumë njerëz po bëjnë punë të shumta, në fakt, afër 7.6 milion Amerikanë punojnë, sipas statistikave të Zyrës së Punës. Në përgjithësi, kur është fjala tek aspektet e punës si fleksibiliteti, ambienti i punës, përgjegjësitë dhe stresi, njerëzit të cilët kanë më shumë se një punë janë më të lumtur. Mirëpo, njerëzit me më shumë se një punë janë më negativë kur është fjala tek ekuilibri jetë-punë dhe përqindja e pagesës.
Punonjësit me punë të shumta brengosen për pagesën për shpenzime mjekësore
Kur është fjala tek shpenzimet për urgjenca mjekësore, njerëzit me punë të shumta nuk kanë aq vetëbesim sa njerëzit me një në aftësinë e tyre për të paguar për këto ndodhi. 66 përqind e njerëzve me një punë thonë se ndihen rehat duke paguar kontrolle mjekësore, përderisa vetëm 58 për qind e punonjësve me punë të shumta thanë këtë.
Punonjësit me një punë ndihen më rehat në rritjen e familjes dhe kursimit për pension
Njerëzit të cilët kanë vetëm një punë kanë më shumë vetëbesim në financat e tyre kur ishte fjala për rritjen ose nisjen e familjes dhe kursimit për pension. Vetëm një në katër punonjës me punë të shumta ndjehej rehat për rritjen e një familje, përderisa 34 përqind e njerëzve të cilët kanë vetëm një punë thanë kështu.
Shumë nga punonjësit e pavarur më të vjetër kanë më shumë se një punë
Kur është fjala tek gjeneratat, gjeneratat më të vjetra të cilët janë të vetë-punësuar apo të pavarur kanë më shumë gjasa të bëjnë dy punë.
Të rinjtë e shfrytëzojnë më së miri punën e tyre të dytë
Krahasuar me gjeneratat tjera të punonjësve të cilët kanë punë të shumta, të rinjtë fitojnë të ardhura javore të mëdha nga bizneset e tyre anësore. 21 për qind e atyre fitojnë 300 dollarë ose më shumë çdo javë, përderisa vetëm 18 përqind e të vjetërve fitojnë kaq.
You may like
Magazinë
Ylli i “Shtëpiake të Dëshpëruara” ndërron jetë në moshën 71-vjeçare
Published
49 minutes agoon
June 2, 2025
Aktorja e njohur, Valerie Mahaffey, ka ndërruar jetë në moshën 71-vjeçare pas një beteje me kancerin. Lajmin e bëri të ditur familja e saj.
Mahaffey la pas një karrierë të mrekullueshme në aktrim, duke u bërë një ndër figurat më të dashura për publikun me rolet e saj, përfshirë Alma Hodge në “Desperate Housewives”, ish-bashkëshortja e personazhit të Kyle McLaughlin, si dhe mësuesja e Sheldon, MacElroy, në serialin “Young Sheldon”.
Ajo u vlerësua me çmimin Emmy më 1992 për rolin e Eve në serialin “Northern Exposure”, një nga personazhet më të preferuara të saj.
Ndër rolet e tjera të njohura përfshihen edhe tri episode në “Glee” dhe pjesëmarrja në serialin “Dead to Me”.
Mahaffey la pas bashkëshortin e saj, aktorin Joseph Kell, dhe vajzën e tyre, Alice.
“Kam humbur dashurinë e jetës sime, ndërsa Amerika ka humbur një nga aktoret më të dashura,” tha Kell në një deklaratë për Variety.
Magazinë
Princi Harry donte ta ndryshonte mbiemrin në Spencer, përçarja vazhdon në Pallatin Mbretëror
Published
3 hours agoon
June 2, 2025
Princi Harry kishte ndërmend të ndryshonte mbiemrin, ai ishte konsultuar me vëllain e Princeshës Diana për këtë çështje.
Duka i Sussex ka qenë duke eksploruar mënyra për të marrë mbiemrin e nënës, Spencer, veprim që do të thoshte se ai do duhej të hiqte dorë nga Mountbatten-Windsor, të cilin e mbajnë fëmijët, Princi Archie dhe Princesha Lilibet.
Raportet thonë se e diskutoi çështjen me dajen e tij, Earl Spencer, gjatë një vizite të rrallë në Britani, por u informua se procesi është i ndërlikuar dhe pengesat ligjore janë të pakapërcyeshme.
“Ata patën një bisedë shumë miqësore dhe Spencer e këshilloi të mos ndërmerrte një hap të tillë”, tha një mik i Harry-t.
Fakti që ai u konsultua me kontin për këtë çështje, sugjerim që do ta kishte zhgënjyer vëllanë dhe babanë është provë e qartë se përçarja me familjen e tij është e thellë. Mountbatten-Windsor është mbiemri që mbajnë pasardhësit e Mbretëreshës së ndjerë Elizabeth dhe Princit Philip. Ai kombinon emrin e familjes mbretërore Windsor dhe mbiemrin e adoptuar të Dukës së Edinburgut.
Në certifikatat e tyre të lindjes, fëmijët e Dukës dhe Dukeshës së Sussex janë Archie Harrison Mountbatten-Windsor dhe Lilibet Diana Mountbatten-Windsor.
Autori Tom Bower ka argumentuar se “Meghan vendosi që qëllimi i vërtetë në jetë ishte të ishte Diana e ardhshme”. Nëse ndryshimi i emrit do ishte bërë, vajza e Meghan, e cila thuhet se e ka takuar gjyshin Charles vetëm një herë, quhej Lilibet Diana Spencer dhe do të ishte homazh për nënën e ndjerë të Harry-t.
Ky veprim do të ishte veçanërisht i dëmshëm për Mbretin Charles, i cili e do emrin Mountbatten njësoj si babai i tij. Një mentor i Princit Philip, Konti i Parë Mountbatten i Burmës ushtroi gjithashtu një ndikim të fortë te stërnipi i tij, Mbreti i ardhshëm Charles.
Filipi e mori emrin Mountbatten kur u bë shtetas britanik i natyralizuar dhe hoqi dorë nga titujt mbretërorë grekë dhe danezë në vitin 1947.
Mbretëresha dhe Filipi vendosën në vitin 1960 se do të donin që pasardhësit e tyre të drejtpërdrejtë të njiheshin si Mountbatten-Windsor.
Emrat dhe titujt janë temë e ndjeshme për Dukën dhe Dukeshën e Sussex . I’u dhanë titujt Sussex nga Mbretëresha Elizabeth në ditën e dasmës së më 2018.
Meghan këmbënguli së fundmi se mbiemri i saj është Sussex, duke korrigjuar një të ftuar në emisionin e gatimit dhe stilit të jetesës në Netflix.
Magazinë
Miley Cyrus zbulon marrëdhënien me prindërit: I respektoj ata si individë më shumë se sa si prindër
Published
4 hours agoon
June 2, 2025
Miley Cyrus ka pasur probleme të shumta gjatë gjithë jetës profesionale e personale. Një prej tyre është me familjen e saj, me të cilën ka pasur ulje-ngritje të mëdha.
Në një intervistë me New York Times, artistja foli për marrëdhënien e saj me të atin, Billy Ray Cyrus, e cila është përkeqësuar me kalimin e viteve.
“Ndërsa jam rritur, i respektoj prindërit e mi si individë dhe jo si prindër, sepse nëna ime e donte vërtet babanë tim gjatë gjithë jetës së saj, dhe mendoj se të jesh e martuar me dikë në industrinë e muzikës dhe të mos jesh pjesë e saj është padyshim shumë e vështirë”, tha ajo.
“E mora një pjesë të dhimbjes së nënës sime si timen sepse e lëndoi atë më shumë sesa më lëndoi mua si e rritur, dhe kjo është arsyeja pse mora përsipër shumë nga dhimbjet e saj”, vazhdoi ajo.
Të dy kanë partnerë të tjerë, Tish me aktorin e “Prison Break”, Dominic Purcell, dhe Billy Ray me Elizabeth Hurley.
“Tani që nëna ime është e dashuruar me njerkun tim, që e adhuroj, tani që e shoh babanë tim të lumtur, mund t’i dua si individë e jo si prindër”, pohoi ajo.
Si e përjetuat divorcin e prindërve tuaj?
Tish dhe Billy Ray u divorcuan në vitin 2022 pas 30 vitesh martesë, por ishte diçka që Miley arriti ta kapërcente dhe nuk e ka problem të flasë për të.
“Ajo që më pëlqen te mënyra se si funksionon bota tani është se gjithçka është kaq e shpejtë. Në vitet ’90, kur diçka dilte në gazetë, a e mbani mend si zgjati një vit? Tani thjesht nuk ekziston më”.
“Jam mësuar aq shumë me këtë sa mendoj, ‘Nëse kjo është simptoma, që përballemi me këto opinione publike të sikletshme ose të vështira, atëherë është diçka që jam e gatshme ta pranoj për të pasur jetën që kemi’”, tha ajo.
Kulturë
“Ëndrra pa kufi, Opera pa mure” – publikohen datat e Ramë Lahaj International Opera Festival
Published
3 days agoon
May 30, 2025
Festivali Ndërkombëtar i Operës Rame Lahaj (RLIOF), do mbahet nga 23 korriku deri më 2 gusht 2025, duke sjellë edicionin e tij të pestë, me temën “Ëndrra pa kufi, Opera pa mure” një thirrje për tejkalimin e barrierave dhe për fuqinë transformuese të artit.
Festivali konsiderohet jo vetëm si një festë e muzikës por një dëshmi e forcës së ëndrrave dhe vizionit për Kosovën.
Më poshtë gjeni njoftimin e plotë të festivalit:
Në një vend ku mungon një shtëpi opere, ne nuk pamë një pengesë, por një mundësi për të ndërtuar diçka më të madhe. Me pasion dhe përkushtim, kemi kthyer çdo hapësirë në një skenë tingujsh që përkëdhelin zemrat e publikut.
“Ëndrra pa kufi, Opera pa mure” është më shumë se një moto, është fryma që do të na udhëheq në këtë edicion. Artistë nga çdo cep i botës na janë bashkuar, duke treguar se muzika është gjuha universale. Ajo nuk njeh barriera, nuk njeh kufi. Kosova është gati. Është e denjë, dhe ka nevojë për një shtëpi ku arti të marrë frymë, ku talenti të lulëzojë, ku brezat e ardhshëm të besojnë se ëndrrat bëhen realitet.
Në këtë 5-vjetor, ne nuk ndalemi. Ne ëndërrojmë më fort, krijojmë më lart dhe ndërtojmë themelet e së ardhmes.
Arti nuk ka nevojë për kufi, ai ka nevojë për zemra që besojnë. Në këtë edicion jubilar, një rrugëtim që ka shënjuar historinë e artit operistik në vend, RLIOF ka ndërtuar tashmë një traditë, duke vendosur çdo vit një tullë më shumë për shtëpinë e ardhshme të artit muzikor në Kosovë.

Kryeziu-Hyseni: Qëllimi i opozitës është vazhdimi i bllokadës në Kuvend

Tregjet e aksioneve në Evropë tërhiqen pasi Trump dyfishon tarifat për çelikun

Kina akuzon SHBA-në për “shkelje të rëndë” të marrëveshjes tregtare

Selektori i Serbisë: Në Shqipëri do të bëheshin dy milionë tifozë po t’i zinte stadiumi

Ylli i “Shtëpiake të Dëshpëruara” ndërron jetë në moshën 71-vjeçare

Princesha Diana: Letra që zbulon sa e vetmuar ndihej në pallat

Ukraina dhe Rusia zhvillojnë bisedime në Stamboll me gjithë intensifikimin e sulmeve

Dështon edhe përpjekja e 25-të për konstituimin e Kuvendit të Kosovës

Bllokada në Kuvend, Haziri: Arritja e një marrëveshje politike është përtej urgjencës
Të kërkuara
-
Lajmet nga UBT1 month ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Kulturë2 months ago
Shkëlqeu me rolin e tij në ‘Kontesha Arduini’, intervistë me Mirsad Ferati
-
Kulturë2 months ago
27 marsi/Dita Ndërkombëtare e Teatrit! Mitrovica sjell shfaqjen “Kontesha Arduini”, histori magjepëse që nuk duhet humbur