Lajmet

Ndalimi i punës së grave në OJQ nga talibanët godet ndihmën jetike për afganët

Vendimi për ndalim u shpall më 24 dhjetor të vitit 2022.

Published

3 years ago

on

Gjatë muajit qershor të vitit të kaluar, një ekipi mjekesh dhe infermieresh iu deshën gjashtë orë me makinë nëpër male, shtretër lumenjsh të thatë dhe në rrugë të paasfaltuara për të arritur te viktimat e një tërmeti masiv që sapo kishte goditur Afganistanin lindor, ku mbetën mbi 1 mijë të vdekur.

Kur arritën atje, një ditë pas goditjes nga tërmeti, panë se burrat ishin trajtuar, por gratë jo. Në shoqërinë thellësisht konservatore të Afganistanit, gratë qëndruan brenda çadrave të tyre, në pamundësi për të dalë për të marrë ndihmë mjekësore dhe ndihmë të tjera, sepse nuk kishte gra punonjëse ndihmëse.

“Kishte ende gjak mbi trupin e grave”, tha Samira Sayed-Rahman, nga Komiteti Ndërkombëtar i Shpëtimit.

Vetëm pasi ajo takoi pleqtë vendas për t’u treguar për ardhjen e një ekipi mjekësor me femra, gratë dolën për të marrë trajtim.

“Kjo nuk është vetëm situata në emergjenca; në shumë pjesë të vendit, gratë nuk dalin për të marrë ndihmë”, tha ajo.

Sayed-Rahman tha se ky është një shembull që tregon se sa jetike janë gratë punonjëse për operacionet humanitare në Iran, dhe tregon pasojat që do të vijnë pasi talibanët ua ndaluan grave afgane të punojnë në organizata joqeveritare.

Vendimi për ndalim, që u shpall më 24 dhjetor të vitit 2022, detyroi pezullimin e shumë operacioneve humanitare nga organizatat që thanë se nuk mund dhe nuk do të punojnë pa punonjëse femra. Agjencitë e ndihmës paralajmërojnë se qindra mijëra njerëz janë tashmë të prekur nga ndalimi i shërbimeve dhe se nëse ndalimi vazhdon, pasojat e tmerrshme dhe madje vdekjeprurëse do të rriten edhe më shumë te popullsia që u godit nga dekada të luftës, përkeqësim të kushteve të jetesës dhe vështirësive ekonomike.

Agjencitë e ndihmës dhe OJQ-të e kanë mbajtur Afganistanin gjallë qëkur talibanët morën pushtetin në gusht të vitit 2021. Rikthimi në pushtet i talibanëve shkaktoi një ndalesë të financimit ndërkombëtar, një ngrirje të rezervave valutore dhe një ndërprerje nga bankat globale, duke shembur ekonominë tashmë të brishtë.

Pas ndalimit, 11 grupe të mëdha ndërkombëtare humanitare së bashku me disa më të vogla pezulluan plotësisht operacionet e tyre, duke thënë se nuk mund të operojnë pa punëtoret e tyre gra. Shumë OJQ të tjera kanë reduktuar punën e tyre në mënyrë dramatike.

UN Women njoftoi se pas pezullimit të operacioneve nga 151 OJQ vendase dhe ndërkombëtare, vetëm 14% ishin duke funksionuar me kapacitet të plotë./UBTNews/

Related Topics:
Continue Reading

Rajoni

Me shumicë votash, Vesa Shatri zgjidhet Kryetare e re e Këshillit Studentor të UBT-së

Published

2 hours ago

on

December 3, 2025

By

Këshilli Studentor i UBT-së ka zhvilluar procesin zgjedhor për përzgjedhjen e përfaqësuesve të rinj të studentëve, në një proces të drejtë, transparent dhe të monitoruar nga autoritetet akademike të institucionit. Me shumicë votash, Vesa Shatri është zgjedhur Kryetare e Këshillit Studentor të UBT-së, duke marrë besimin e studentëve për të udhëhequr strukturën përfaqësuese të tyre.

Në përbërjen e re të kryesisë, janë zgjedhur këta përfaqësues:

  • Kryetare: Vesa Shatri
  • Nënkryetare: Eliona Kastrati
  • Sekretar: Mal Shehu
  • Këshilli Akademik: Ema Spahija
  • Komisioni për Ankesa: Elena Jashanica
  • Komisioni i Cilësisë: Odesa Mala
  • Komisioni Disiplinor: Rizgjim Sejdiu
  • Komisioni i Etikës: Arianit Hasani

Procesi zgjedhor u mbikëqyr nga përfaqësues të lartë të UBT-së, përfshirë Prorektorin e UBT-së, Prof. Dr. Binak Beqaj, sekretarin e institucionit, Prof. Dr. Artan Tahiri, këshilltarin në Zyrën e Rektorit, Prof. Dr. Elmi Kelmendi, koordinatoren për Çështje Akademike në UBT, Mirlinda Jashanica, si dhe Ismije Pllana, nga zyra e sekretarit.

Zgjedhja e kryesisë së re vjen me synimin që përfaqësimi i studentëve të jetë sa më efektiv, gjithëpërfshirës dhe i orientuar drejt përmirësimit të vazhdueshëm të jetës akademike e studentore në UBT. Përfaqësuesit e rinj do të angazhohen për të qenë zëri i studentëve, për të adresuar kërkesat e tyre dhe për të bashkëpunuar ngushtë me menaxhmentin e institucionit.

Në fjalën e saj, Kryetarja e re, Vesa Shatri, falënderoi studentët për besimin dhe theksoi angazhimin e saj për të mbrojtur interesat e tyre dhe për të ndërtuar ura komunikimi të qëndrueshme mes studentëve dhe strukturave drejtuese të UBT-së.

Continue Reading

Lajmet

BE-ja i kërkon KPK-së zbatimin e plotë të reformave: Shteti ligjor, parakusht i domosdoshëm për integrim

Published

3 hours ago

on

December 3, 2025

By

Zyra e Bashkimit Evropian ka njoftuar se në takimin e zhvilluar me Këshillin Prokurorial të Kosovës, u është bërë thirrje të gjithë anëtarëve të tij t’i zbatojnë plotësisht reformat e KPK-së.

Në njoftimin e lëshuar nga kjo zyrë, thuhet se shteti ligjor është parakusht thelbësor për Bashkimin Evropian.

“Zyra e BE-së në Kosovë u bëri thirrje sot të gjithë anëtarëve të tij që të zbatojnë plotësisht dhe së bashku reformën e KPK-së, të sigurojnë ligjshmërinë e vendimeve të tyre, të veprojnë me integritet dhe të mbrojnë besimin e publikut në sistemin e drejtësisë”, thuhet në njoftim.

Pas shkarkimit të u.d. së kryeprokurorit Besim Kelmendi dhe përplasjeve brenda KPK-së, Zyra e BE-së dje ka kërkuar takim urgjent me të gjithë anëtarët.

Ndërsa tri organizata të shoqërisë civile kanë paralajmëruar për rritje të rrezikut të kundërligjshmërisë në KPK.

Për këtë arsye ato kanë kërkuar ndërhyrjen e gjykatës./EO

Continue Reading

Lajmet

​Certifikohet NISMA

Published

4 hours ago

on

December 3, 2025

By

Komisioni Qendror i Zgjedhjeve ka certifikuar sot subjektin politik Nisma Socialdemokrate, për pjesëmarrje në zgjedhjet e parakohshme parlamentare të 28 dhjetorit.

Drejtori i Zyrës për Regjistrim, Certifikim dhe Kontrollin Financiar të Subjekteve Politike, Besnik Buzhala tha se Nisma ka përmbushur të gjitha kriteret sipas ligjit për zgjedhje dhe ka paguar taksën për certifikim.

“Periudha e certifikimeve politike ka përfunduar me 30 nëntor. Subjekti politik NISMA ka përmbushur kriteret për certifikim duke dorëzuar listën e nënshkrimeve dhe mbështetësve dhe ka paguar taksën për certifikim. Nuk ka gjoba nga PZAP, KQZ dhe Zyra”, tha Buzhala.

Më 2 dhjetor 2025, KQZ mori vendim për certifikimin e 22 subjekteve politike, 16 parti politike; tri koalicione, dy iniciativa qytetare dhe një kandidat i pavarur për pjesëmarrje në zgjedhjet e dhjetorit, ndërsa nuk e ka certifikuar Listën Serbe./KP

Continue Reading

Lajmet

Lista Serbe fton konferencë për media pas moscertifikimit nga KQZ

Published

5 hours ago

on

December 3, 2025

By

Lista Serbe, ka njoftuar se sot më 03.12.2025, në ora 15:00, në selinë e partisë do të mbajnë konferencë për media.

Sipas njoftimit, drejtuesit do të flasin për vendimin nga KQZ-ja i cili siç pretendojnë ata ka penguar pjesëmarrjen e subjektit në zgjedhjet e parakohshme parlamentare të 28 dhjetorit 2025, transmeton KosovaPress.

“Udhëheqja e Listës Serbe do të mbajë një konferencë të jashtëzakonshme për media, ku do të flasë për vendimin joligjor për të penguar pjesëmarrjen e Listës Serbe në zgjedhjet e parakohshme parlamentare më 28 dhjetor 2025” thuhet në njoftimin e partisë.

Ndërsa dje gjatë mbledhjes së dytë lidhur me përgatitjet për procesin zgjedhor, KQZ-së nuk ka certifikuar Listën Serbe për zgjedhjet e parakohshme parlamentare të 28 dhjetorit.

KQZ votoi certifikimin ndaras për partitë politike, meqë rast Lista Serbe me 2 vota për, 2 kundër dhe 7 abstenime nuk u certifikua./KP

Continue Reading

Të kërkuara