Lajmet

Ndahen çmimet për gratë e arta të Kosovës

Zëvendëskryeministrja Rexhepi është shprehur se gruaja është shtylla dhe ngrohtësia e secilës shtëpi.

Published

on

Sot në Prishtinë është mbajtur ceremonia e ndarjes së çmimeve për gratë e arta të Kosovës. Me këtë rast, zëvendëskryeministrja për Çështje të Pakicave dhe të Drejtat e Njeriut, Emilija Rexhepi ka deklaruar se gratë për të drejtat e tyre duhet të luftojnë vazhdimisht.

“Gratë kanë krijar shumë veprimtari, të cilat janë barturt nga gjenerata në gjeneratë, pak gra janë futur në libra historike. Për këtë arsye, zonja të dashuara është obligim i jonë që në mënyrë konstante të ngrisim zërin në të gjitha segmentet e shoqërisë, inkuadrimi jonë të jetë gjithmonë i dukshëm, duke mos u bazuar nga ato çfarë e thojnë meshkujt apo e mendojnë. Për të drejtat tona, ne duhet të luftojmë në mënyrë konstante për shkak se mendoj që gratë janë të fuqishme, janë të drejta dhe paraqesin shtyllën e familjes së vet”, ka thënë ajo.

Zëvendëskryeministrja Rexhepi është shprehur se gruaja është shtylla dhe ngrohtësia e secilës shtëpi.

“Pranoj të organizojmë apo të institucionalizojmë pa konotacione politike, pa ngarkesa partiake dhe politike…të ju tregojmë që na dimë, mundemi dhe mund të ndryshojmë stereotipe të ndryshme për ne dhe gjithashtu të gjithë juve të ju dëshmojmë me punën tonë që jemi shumë të suksesshme dhe profesionale në ato gjëra, të cilat i punojmë dhe se mund të jemi shembull shumë i mirë i grave… jo vetëm në Kosovës, por edhe në rajon”, ka shtuar ajo.

Ndërsa, përfaqësuesja e organizatës joqeveritare Lady, Sanije Murati, ka thënë se ngjarja e sotme është vetëm fillimi i një iniciative për të thënë faleminderit gratë e Kosovës. Ajo ka ftuar qeverinë për bashkëpunim më të ngushtë me shoqëritë civile.

“Unë sot, këtu para jush përfaqësoj zërin e shoqërisë civile, zërin që dëgjohet jo shumë, po zërin, i cili njëkohësisht kontribuon shumë. Në jetë ato që punojnë, na, gjithë ditën që punojmë, është çdo ditë që ballafaqohemi me problemet burimore të shoqërisë tonë. Ne jemi ata që shpeshherë kur nuk ka rrugëdalje, gjejmë alternativat dhe përkrahje konkrete për popullin tonë. NGO Lady udhëheq shtëpinë e vetme shëruese për gratë në Kosovë dhe prej kësaj binës unë sot ftoj qeverinë tonë për bashkëpunim më të ngushtë me shoqëritë civile dhe krejt organizatat, me të cilat ne së bashku, luftojmë për një të nesërme më të mirë”, ka deklaruar ajo.

Në fund të aktivitetit është bërë ndarja e çmimeve për gratë e Kosovës, me ç’rast janë shpërblyer: Atifete Jahjaga, Fahrije Hoti, Igballe Rogova, Mrika Nikqi, Resmija Rahmani, Vera Paçaku, Fatma Hoxha, Aleksandra Jovanoviq, Sanije Murati, Shqipe Breznica, Elvana Shala, Vlora Tuzi-Nushi, Arta Jashari, Linda Shala, Feride Rushiti, Arbnora Fejza-Idrizi dhe disa gra nga komunitetet.

Lajmet

Ambasada amerikane: Familjet e të zhdukurve meritojnë informacion të plotë për fatin e më të dashurve të tyre

Published

on

By

E ngarkuara me Punë në ambasadën e SHBA-së në Kosovë, Anu Prattipati, bëri homazhe te memoriali kushtuar personave të zhdukur.

Ambasada amerikane është e përkushtuar të mbështesë të vërtetën, drejtësinë dhe përpjekjet për pajtim”, thuhet në postimin e ambasadës.

Më tutje, ambasada thekson se familjet meritojnë informacion të plotë për fatin e më të dashurve të tyre.

Continue Reading

Lajmet

Pesë të lënduar në aksidentin mes pesë veturave në magjistralen Mitrovicë-Prishtinë

Published

on

By

Pesë persona kanë pësuar lëndime trupore si pasojë e aksidentit në magjistralen Mitrovicë-Prishtinë. Mes tyre ishte e përfshirë edhe një veturë e Policisë.

Lajmin e ka konfirmuar për “Betimi për Drejtësi“, Flora Ahmeti, zëdhënëse e Policisë për rajonin e Prishtinës.

Sot rreth orës 07:30 kemi pranuar informatën se në rrugën Mitrovicë-Prishtinë, ka ndodhur një aksident trafiku me lëndime. Në këtë aksident kanë qenë të përfshira 5 automjete ( prej tyre një automjet i policisë). Si pasojë e aksidentit janë lënduar pesë persona. Me rastin po merret njësiti i trafikut rajonal”, tha Ahmeti.

Continue Reading

Lajmet

Narkotikë të konfiskuar në Suharekë, një person arrestohet

Published

on

By

Policia e Kosovës ka njoftuar se të dielën, në rrugën “Brigada 123” në Suharekë, gjatë kontrollit të një veture kanë gjetur substanca narkotike.

Gjatë kontrollit në veturën e një të dyshuari, shtetas i Kosovës, janë konfiskuar dy pako rizlla, një mulli për bluarje (grinder) dhe një qese plastike që përmbante substancë të dyshuar narkotike të llojit marihuanë, me peshë 6.91 gram.

I dyshuari është arrestuar dhe pas intervistimit, me vendim të prokurorit, është liruar në procedurë të rregullt.

Continue Reading

Lajmet

Aksident me fatalitet në Gjakovë, humb jetën një person

Published

on

By

Policia e Kosovës ka njoftuar se të dielën në fshatin Vogovë të Gjakovës ka ndodhur një aksident trafiku me pasojë vdekjen e një personi.

Sipas njoftimit, një shtetas i Shqipërisë, duke drejtuar automjetin, dyshohet se nga pakujdesia ka humbur kontrollin dhe ka shkaktuar vetaksident. Si pasojë, drejtuesi i automjetit ka humbur jetën në vend, ndërsa vdekja e tij është konstatuar nga ekipi mjekësor.

Në aksident janë lënduar edhe tre pasagjerë, shtetas të Shqipërisë, të cilët po trajtohen në spitalin e Gjakovës.

Me vendim të prokurorit, trupi i pajetë është dërguar në Institutin e Mjekësisë Ligjore për obduksion, ndërsa rasti është duke u hetuar.

Continue Reading

Të kërkuara