Lajmet

NATO nis stërvitjet “Air Defender 23”

Në stërvitjet “Air Defender 23”, që udhëhiqen nga Gjermania, do të përfshihen rreth 250 avionë luftarakë nga 25 shtete të NATO-s.

Published

2 years ago

on

NATO ka nisur stërvitjen më të madhe ajrore ndonjëherë në Evropë më 12 qershor, për të shfaqur unitetin drejt partnerëve dhe ndaj kërcënimeve të mundshme, sikurse Rusia.

Në stërvitjet “Air Defender 23”, që udhëhiqen nga Gjermania, do të përfshihen rreth 250 avionë luftarakë nga 25 shtete të NATO-s dhe shtetet partnere, përfshirë Japoninë dhe Suedinë. Stërvitjet do të zgjasin deri më 23 qershor.

Deri në 10.000 ushtarë marrin pjesë në stërvitjet që kanë për synim të rrisin ndërveprimin dhe gatishmërinë për t’u mbrojtur ndaj sulmeve me dronë dhe raketa, në rast të ndonjë sulmi brenda territorit të NATO-s.

“Mesazhi i rëndësishëm që po dërgojnë është se ne mund të mbrojmë veten”, tha gjenerallejtënant Ingo Gerhartz.

Stërvitjet “Air Defender” u krijuan më 2018 si pjesë e përgjigjes ndaj aneksimit të Rusisë të gadishullit ukrainas të Krimesë, edhe pse Gerhartz insistoi se ky më nuk është synimi.

Ai tha se stërvitjet “nuk do të dërgojnë, për shembull, asnjë avion në drejtim të Kaliningradit”, një enklavë ruse që gjendet në kufi me shtetet anëtare të aleancës, Poloninë dhe Lituaninë.

“Ne jemi aleancë mbrojtëse dhe kështu janë planifikuar këto stërvitje”, tha ai.

Në shtunën, qindra protestues u mblodhën në Vunstrof të Gjermanisë për të kundërshtuar stërvitjet. Protestuesit mbanin në duar pano me mbishkrime si “praktikoni paqe, e jo luftë”. Ata po ashtu bënë thirrje për “zgjidhje diplomatike” të pushtimit rus të Ukrainës dhe armëpushim të menjëhershëm.

Ambasadorja amerikane në Gjermani, Amy Gutmann, tha se stërvitjet do të tregojnë “pa asnjë dyshim aftësinë dhe shpejtësinë e forcës sonë aleate” dhe se këto stërvitje synojnë të dërgojnë mesazh për shtete, përfshirë Rusinë.

“Do të isha e befasuar nëse ndonjë lider botëror nuk do të kuptonte që kjo stërvitje shfaq shpirtin e aleancës, që nënkupton fuqinë e kësaj aleance, dhe këtu përfshihet edhe [presidenti rus, Vladimir] Putin”, tha ajo.

“Duke u sinkronizuar së bashku, ne shumëfishojmë forcën tonë”, shtoi ajo.

Rusia ka nisur pushtimin e paprovokuar të Ukrainës në shkurt të vitit 2022. Pas nisjes së pushtimit, Finlanda dhe Suedia – dy shtete neutrale – me qëllim që të shmangin një konflikt me Moskën, kërkuan anëtarësim në NATO. Suedia ende po synon që të arrijë të bëhet anëtarja më e re e aleancës.

Sipas nenin pesë të NATO-s, çdo sulm ndaj një shteti anëtar konsiderohet sulm ndaj të gjitha shteteve anëtare./REL

Related Topics:
Continue Reading

Lajmet

Plagoset një person në Prishtinë, i dyshuari në arrati

Published

35 minutes ago

on

October 6, 2025

By

Një person është plagosur me armë zjarri të dielën pasdite në rrugën “Garibaldi” në Prishtinë.

Sipas raportit të publikuar nga Policia e Kosovës, i dyshuari mashkull kosovar është larguar në drejtim të panjohur, derisa ende ndodhet në arrati.

“Viktima mashkull kosovar ka pësuar lëndime nga arma e zjarrit, pasi që i dyshuari mashkull kosovar dyshohet se ka shtënë me armë zjarri në drejtim të tij dhe është larguar nga vendi i ngjarjes në drejtim të panjohur. Njësitet policore në vendin e ngjarjes kanë gjetur dhe konfiskuar tri gëzhoja si dëshmi materiale. Lidhur me rastin është informuar edhe prokurori, ndërsa njësitet policore janë duke hetuar rastin”, thuhet në njoftim nga Policia e Kosovës.

Continue Reading

Lajmet

Rreth 30 aksidente trafiku për 24 orë në Kosovë

Published

40 minutes ago

on

October 6, 2025

By

28 aksidente trafiku kanë ndodhur në 24 orët e fundit në Kosovë, ku njëri përfundoi me fatalitet, nëntë me të lënduar dhe 18 më dëme materiale.

Sipas statistikave të përgjithshme të policisë, gjatë kësaj periudhe janë shqiptuar 1 mijë e 898 gjoba trafiku.

Gjithashtu, në 24 orëshin e fundit janë arrestuar 12 persona dhe gjashtë janë dërguar në mbajtje.

Continue Reading

Lajmet

​Përballja me Slloveninë, përzgjedhësi i Kosovës flet sot në konferencë për media

Published

1 hour ago

on

October 6, 2025

By

Kombëtarja e Kosovës dhe U21 zhvillojnë sot aktivitetet përgatitore në prag të ndeshjeve kualifikuese, dhe Federata e Futbollit e Kosovës ka bërë të ditur orarin e aktiviteteve për ditën e sotme për Kombëtaren A dhe Kombëtaren U21.

Në orën 12:00, në hotelin “Emerald” do të mbahet konferenca për media e përzgjedhësit Franco Foda, ku trajneri do të flasë për përgatitjet dhe pritshmëritë para ndeshjeve të ardhshme.

Më pas, në orën 17:00, Kombëtarja A do të zhvillojë stërvitjen e radhës në Kampin Nacional të FFK-së në Hajvali, në stadiumin kryesor.

Ndërkohë, Kombëtarja U21 do të dalë në stërvitje në orën 16:00, po në Kampin Nacional të FFK-së, por në fushën me bari artificial.

Këto seanca janë pjesë e përgatitjeve të fundit të përfaqësueseve të Kosovës në prag të ndeshjeve të rëndësishme që i presin në kuadër të kualifikimeve./S.K/KP/

Continue Reading

Lajmet

​Ndërron jetë Shemë Mustafa, ish-polici i rrëmbyer nga Serbia dy vite më parë

Published

1 hour ago

on

October 6, 2025

By

Ka ndërruar jetë Shemë Mustafa, ish-pjesëtar i Policisë së Kosovës nga Mitrovica, i cili në qershor të vitit 2023, u rrëmbye nga forcat serbe së bashku me dy kolegë të tjerë.

Lajmi për ndarjen e tij nga jeta është bërë i ditur nga familjarët përmes rrjeteve sociale, kurse varrimi i tij do të bëhet nesër në varrezat e Shipolit në Mitrovicë.

Mustafa vuante prej kohësh nga një sëmundje kronike dhe shërbeu për vite me radhë në Policinë e Kosovës.

Gjatë rrëmbimit të tij, Policia aktin e cilësoi këtë si kidnapim klasik të organizuar brenda territorit të Kosovës, kurse në Beograd u tha se ata janë arrestuar nga njësitet anti-terror të xhandarmërisë serbe brenda territorit të Serbisë, në komunën e Rashkës.

Policia e Kosovës pati bër të ditur se ata dyshohet se janë rrëmbyer nga forcat serbe gjatë një patrullimi në vendin e quajtur Tresave/Bare, në vijën kufitare në veri të Kosovës në komunën e Leposaviqit. /S.K/KP/

Continue Reading

Të kërkuara