Lajmet

​National Geographic: Pesë arsyet pse Shqipëria duhet të jetë arratisja juaj e radhës

Published

on

Vlora, qyteti i tretë më i madh në Shqipëri, ka shumë për të ofruar. Zbuloni plazhet e tij të mrekullueshme, historinë spektakolare dhe kompleksin e ri të Marinës, shkruan Joseph Reaney në një artikull të botuar në “National Geographic”.

E rrethuar nga ujërat blu dhe peizazhi i gjelbër, me detin Adriatik të pabesueshëm të kaltër në njërën anë dhe Malet e Vetëtimës të mbështjellë me pisha nga ana tjetër, Vlora ka magjepsur vizitorët vendas që nga ditët e Homerit.

Por vetëm tani – pasi Shqipëria po bëhet një nga destinacionet me rritjen më të shpejtë turistike në Evropë – më në fund po fiton një vëmendje më të gjerë.

Me motin e saj të mrekullueshëm, brigjet e gjata me rërë, historinë e lashtë dhe atraksionet e reja emocionuese – duke përfshirë projektin modern bregdetar që po ndërtohet -Vlora ka të gjithë elementët e nevojshëm për t’u bërë arratisja tjetër e madhe mesdhetare.

Më poshtë vijojnë pesë arsyet pse duhet të vizitoni Vlorën:

1. Eksploroni bregdetin mahnitës

Ndiqni shëtitoren nga Marina e Vlorës dhe shumë shpejt do ta gjeni veten në zonën e plazhit. Kjo shtrirje e gjatë e rërës së artë është një atraksion për vizitorët në zonë. Ju do të mahniteni me panoramën e saj, pasi qyteti gëzon më shumë se 300 ditë me diell në vit.

Merrni një kajak ose skaf në gji për të eksploruar brigjet mahnitëse shkëmbore dhe shpellat misterioze të Gadishullit të Karaburunit dhe ishullit të Sazanit. Eksploroni zonën më të gjerë të Vlorës, që është shtëpia e shumë plazheve të bukura, si Dhërmiu, Gjipeja, Radhima, Jala apo Palasa — të gjitha lehtësisht të arritshme në një udhëtim ditor nga qyteti.

2. Zbuloni kulturën

Vlora dhe Shqipëria e Jugut janë të bekuara me disa objekte të pabesueshme trashëgimie. Pasi të vizitoni qytetin e vjetër të qytetit dhe Kalanë e Kaninës, drejtohuni në jug në Orikum, dikur një bastion i Jul Çezarit dhe tani një park arkeologjik.

Vizitorët mund të udhëtojnë gjithashtu në veri të Apolonisë, një qytet në majë të kodrës me rrënojat e lashta greke dhe romake. Më tej – ndodhen vendet e famshme të Trashëgimisë Botërore të UNESCO-s të Gjirokastrës dhe Beratit.

I pari është një qytet osman i ruajtur mirë, i shpërndarë në një kodër, dhe i dyti është një qytet me një ndërthurje ndikimesh ilire, romake dhe bizantine, shtëpia e kishave dhe xhamive të mbushura me murale.

3. Qëndroni në një Marinë krejtësisht të re

Bregu i detit të qytetit po shndërrohet aktualisht në Marinën e Vlorës, një projekt në zhvillim,

Zona do të ketë mundësi të shkëlqyera akomodimi, duke përfshirë një hotel me 5 yje dhe apartamente elegante me pamje nga deti. Në juglindje nga Marina e Vlorës ndodhet një shëtitore e gjatë – e cila do të jetë e mbushur me restorante, kafene, bare, dyqane dhe argëtime familjare.

Vizitorët do të jenë në gjendje të enden përgjatë pontoneve lundruese që ofrojnë ankorim për më shumë se 400 jahte dhe mega jahte – dhe shohin velat e tyre të gjata të bardha që lëkunden butësisht në erë, duke reflektuar mbi ujërat e kristalta.

Do të ketë shumë vende për të shjuar një kafe, akullore italiane – përpara se të pushoni në një nga spa-të luksoze të resortit ose në baret buzë detit.

4. Provoni kuzhinën mesdhetare

Ju mund ta shijoni “Mesdheun” në Vlorë. Rendi i ditës këtu janë ushqimet e detit, me çdo gjë, nga levreku dhe barbuni e deri te kallamari dhe sepjet në menu, të cilat më së miri shërbehen me limoni ose pak hudhër.

Mund të shijohen edhe ushqime të tjera shqiptare dhe ballkanike, si byreku, mishi i pjekur në skarë, qofte dhe tavë kosi.

Mos humbisni djathin kaçkavall, i cili është i pëlqyer nga vizitorët (djathë kaçkavall tradicional gjysëm i fortë shqiptar), dhe, si ëmbëlsirë – bakllavanë e shijshme.

Shoqëroni ushqimin tuaj me një gotë verë, raki (një pije alkoolike tradicionale e prodhuar në Shqipëri) apo edhe një dhallë.

5. Zbuloni habitatin natyror

Vlora është ideale për ata që kërkojnë të eksplorojnë natyrën, kodrat dhe malet e thepisura që përqafojnë qytetin. Për jetën e mahnitshme të shpendëve, shkoni në veri të Vlorës në Lagunën e Nartës, një zonë ligatinore e mbrojtur bregdetare e njohur për biodiversitetin e saj të pasur.

Nëse pyjet e gjelbra të dendura dhe faqet vertikale të shkëmbinjve ju tërheqin më shumë, drejtohuni 20 milje në jug të Vlorës për në Parkun Kombëtar të Llogorasë, ku bashkohen detet Adriatik dhe Jon. Gjithashtu, për një aventurë njëditore, udhëtoni drejt kufirit grek për në liqenet dhe kënetat e bukura të Parkut Kombëtar të Butrintit të listuar në UNESCO.

Rajoni

Rektori Hajrizi: Studentët e UBT-së, të gatshëm për tregun global të punës

Published

on

UBT ka dëshmuar se është institucioni lider në arsim, shkencë dhe inovacion në Kosovë e rajon, duke nxjerrë kuadro profesionale që sot kontribuojnë në kompani e industri të nivelit botëror. Në një intervistë në FIVE të Dukagjinit, Rektori i UBT-së, Prof. Dr. Edmond Hajrizi, thekson se përmes programeve moderne dhe industrive të krijuara brenda institucionit, studentët përgatiten jo vetëm për tregun e punës vendor, por edhe për atë global.

“Ne prodhojmë 400 arkitektë në vit, dhe nuk është se ka aq kompani vendore për t’i absorbuar. Ata punojnë për kompani globale. Po ashtu, ne përgatisim 1.000 programerë çdo vit, dhe kërkesa nuk është vetëm në Kosovë. Janë të mjaftueshme për tregun vendor, por ka kërkesa edhe në nivel botëror”, tha Rektori Hajrizi.

Ai nënvizoi se UBT ka arritur të harmonizojë kërkesat e tregut të punës me programet akademike, duke krijuar kushte që studentët të kenë qasje në teknologjitë më të reja, sikurse universitetet dhe industritë më të zhvilluara të botës.

“Studenti ynë ka mundësi të mësojë e të punojë me teknologjitë më të fundit, njësoj sikur studentët e universiteteve elitare në botë. Ne kemi krijuar edhe industri të brendshme, kompani ku studentët përjetojnë të gjithë ciklin organizativ të teknologjive dhe të kompanive moderne, në mënyrë që kur të dalin në treg të jenë të gatshëm menjëherë”, u shpreh Rektori.

Ai veçoi si shembull programet e arkitekturës dhe urbanizmit, ku studentët përgatiten me koncepte moderne të projektimit, por edhe fushën e “smart cities”, ku UBT është shembull ndërkombëtar për ndërtimin e qyteteve të mençura.

“Smart cities janë e ardhmja e qyteteve dhe e organizimit modern. Ne kemi treguar se edhe nga Kosova mund të ndërtohen modele të tilla të suksesshme. Nuk ka teknologji që e gjen në Amerikë, Gjermani apo Japoni, e që nuk mund ta hasësh edhe në UBT”, theksoi Hajrizi.

Duke folur për rolin e UBT-së në rajon, Rektori nënvizoi se institucioni ka qenë gjithmonë pararojë me programe unike dhe inovative, duke filluar që nga viti 2001 me menaxhimin inxhinierik, mekatronikën dhe më pas me teknologjitë e reja.

“Besoj se për Ballkanin gjithmonë kemi qenë një lloj lidershipi. Ne kemi qenë të parët që kemi hapur programe moderne, kemi krijuar qendra kërkimore dhe jemi pozicionuar ndërkombëtarisht, nga Londra, Vjena, deri në Finlandë. Ky është tregues se UBT është institucion proaktiv dhe inovativ në nivel global”, theksoi ai.

Në fund, Rektori Hajrizi potencoi se studentët e UBT-së nuk duhet të kenë kompleks inferioriteti, sepse tashmë kanë dëshmuar se janë të barabartë, madje shpesh më të mirë se bashkëmoshatarët e tyre në universitete ndërkombëtare.

“Shumë prej tyre sot punojnë në Zvicër, Gjermani, Amerikë, e më gjerë, duke kontribuar në zhvillime globale. Ky është konfirmim se UBT po udhëheq në Ballkan, duke prodhuar dije e kuadro të nivelit botëror”, përfundoi Rektori Hajrizi.

Continue Reading

Vendi

Në UBT Ferizaj u organizua sesioni informues për bursën prestigjioze Chevening Scholarship

Published

on

UBT Ferizaj ishte mikpritës i një sesioni të veçantë informues për bursën prestigjioze Chevening Scholarship, me pjesëmarrjen e përfaqësuesve të Ambasadës Britanike në Kosovë, në bashkëpunim me Chevening Alumni Foundation in Kosovo.

Gjatë këtij aktiviteti, studentët e UBT-së në Ferizaj u njohën me procesin e aplikimit, kriteret e përzgjedhjes dhe afatet e rëndësishme, si dhe morën këshilla praktike për një aplikim të suksesshëm.

Ky aktivitet synoi të nxisë interesimin e studentëve për të aplikuar në bursën Chevening dhe të ofronte njohuri të thelluara mbi mundësitë që kjo bursë ofron pas përfundimit të studimeve, si zhvillimi i aftësive profesionale dhe krijimi i perspektivave të reja karrierike.

Continue Reading

Lajmet

Kosova e Turqia vazhdojnë bashkëpunimin në fushën e mbrojtjes

Published

on

By

Komandanti i Forcës së Sigurisë së Kosovës, gjenerallejtënant Bashkim Jashari, ka pritur sot në takim shefin e Mbrojtjes së Turqisë, gjeneral Selçuk Bayraktaroğlu, me të cilin ka biseduar për zgjerimin e bashkëpunimit në fushat e trajnimeve, edukimit dhe mbështetjes në ngritjen e kapaciteteve ushtarake të FSK-së.

Jashari me këtë rast falënderoi Bayraktaroğlu për mbështetjen e vazhdueshme që Turqia i ka dhënë FSK-së në ngritjen e kapaciteteve profesionale, raporton KosovaPress.

Ndërsa, shefi i Mbrojtjes së Turqisë ri-konfirmoi përkushtimin e vendit të tij për të vazhduar dhe thelluar bashkëpunimin me FSK-në, duke vlerësuar lart zhvillimin dhe profesionalizmin e ushtrisë së Kosovës.

Të dy gjeneralët u pajtuan për vazhdimin e zgjerimit të mëtutjeshëm të bashkëpunimit bilateral në fushën e mbrojtjes, thuhet në njoftimin e FSK-së./D.B/KP

Continue Reading

Lajmet

UBT dhe AMIK nisin projektin “Inkuadrimi i Vajzave në Ndërmarrësi” me trajnimin e parë

Published

on

Në ambientet e Parkut Shkencor, Inovativ dhe Teknologjik të UBT-së u zhvillua hapja e projektit “Inkuadrimi i Vajzave në Ndërmarrësi”, një iniciativë e organizuar nga UBT në bashkëpunim me AMIK – Asociacioni i Institucioneve Mikrofinanciare të Kosovës.

Ky aktivitet ka për qëllim fuqizimin e vajzave dhe grave të reja përmes ofrimit të njohurive praktike, mentorimit dhe krijimit të mundësive të reja për angazhim në botën e ndërmarrësisë. Pjesëmarrëset do të pajisen me shkathtësi të rëndësishme për të ndërmarrë iniciativa profesionale dhe për të kontribuar në zhvillimin ekonomik dhe social të vendit, duke rritur mundësitë e tyre për punësim, krijim të bizneseve të vogla dhe inovacion.

Në hapje të aktivitetit, u theksua rëndësia e partneritetit mes institucioneve akademike dhe sektorit financiar për mbështetjen e gjeneratës së re të sipërmarrësve.

Rektori i UBT-së, Prof. Dr. Edmond Hajrizi, vuri në pah se projektet e tilla janë të nevojshme për të krijuar një platformë të qëndrueshme për ndërmarrësi dhe zhvillim ekonomik në nivel vendi, dhe se bashkëpunimi me sektorin financiar dhe organizatat që mbështesin inovacionin është kyç për suksesin e vajzave të reja.

Zëvendësguvernatorja e Bankës Qendrore të Kosovës, Nesrin Shileku-Shala, i inkurajoi pjesëmarrëset duke theksuar rëndësinë e edukimit financiar, planifikimit dhe guximit për të ndërmarrë iniciativa të reja, duke u bërë modele suksesi për komunitetet e tyre.

Drejtori i Bordit të AMIK, Adrian Alo, theksoi se fuqizimi i vajzave përmes projekteve të ndërmarrësisë kontribuon në stabilitetin ekonomik dhe përfshirjen sociale, duke nxitur edhe zhvillimin e sektorit mikrofinanciar dhe inovacionin në vend.

Përfaqësuesi i AMIK, Prof. Shpresim Vranovci, nënvizoi rëndësinë e mentorimit dhe krijimit të rrjetit të kontakteve për pjesëmarrëset, si një element kyç për arritjen e suksesit profesional dhe zhvillimin e projekteve të reja sipërmarrëse.

Ndërsa, Drejtori i Departamentit për Edukim dhe Zhvillim Profesional në UBT, Prof. Dr. Besnik Skenderi, theksoi se institucioni mbetet i përkushtuar të ofrojë platforma praktike për zhvillimin e studentëve dhe të rinjve, duke i lidhur ata me sektorët strategjikë të ekonomisë dhe aktorë që kontribuojnë drejtpërdrejt në krijimin e mundësive të reja për punësim, ndërmarrësi dhe inovacion.

Ky projekt shënon një hap të rëndësishëm drejt përfshirjes së vajzave dhe grave në ekonominë inovative dhe ndërmarrëse të vendit, duke nxitur një kulturë të barazisë, sipërmarrësisë dhe zhvillimit të qëndrueshëm ekonomik dhe social.

Continue Reading

Të kërkuara