Sport
Nata e Raphinhës: Barcelona thyen mallkimin ndaj Bayernit!
Barcelona ka thyer më në fund “mallkimin” ndaj Bayernit të Munihut, duke shënuar një fitore të thellë 4-1 në stadiumin Olimpik të Barcelonës. Kjo fitore erdhi pas katër vitesh, gjatë të cilave bavarezët e kishin turpëruar katalanasit me një triumf të thellë 8-2 dhe ishin imponuar në gjashtë takime radhazi në Champions League.
Raphinha ishte protagonisti kryesor i këtij triumfi, duke shënuar tre nga katër golat e ekipit të tij dhe duke e lënë gjurmën e tij në këtë ndeshje historike.
Ndeshja nisi me një intensitet të lartë. Pasi kaluan pak minuta nga fillimi, Raphinha shkëputet nga mbrojtësit dhe, pas një driblimi të suksesshëm ndaj Neuerit, dërgon topin në rrjetë, duke i dhënë Barcelonës avantazhin 1-0.
Bayerni reagoi shpejt si një skuadër e madhe. Harry Kane e dërgoi topin në rrjetë dy herë, por goli i parë u anulua për pozita jashtë loje nga VAR. Megjithatë, në minutën e 18-të, Kane shënoi me një goditje të shpejtë, duke barazuar rezultatin në 1-1.
Pjesa e parë vazhdoi me emocion, dhe në minutën e 36-të, një gabim nga Kim Min-Jae krijoi mundësi për Robert Lewandowski, i cili e shfrytëzoi me saktësi për të dërguar Barcelonën në avantazh 2-1.
Por spektakli nuk përfundoi këtu. Në kohën shtesë të pjesës së parë, Raphinha shënoi një gol të mrekullueshëm në një kundërsulm, duke dërguar një goditje të pakapshme për Neuer. Ky gol rriti rezultatin në 3-1 dhe i dha Barcelonës një avantazh të sigurt në pushim.
Pjesa e dytë vazhdoi me dominimin e Barcelonës, dhe Raphinha, me një performancë magjike, shënoi golin e tij të tretë, duke kontrolluar perfekt një top të gjatë nga Yamal dhe duke lëshuar një diagonale të pakapshme për portierin bavarez.
Me këtë fitore, Barcelona rikthehet në formë të plotë dhe shënon një hap të rëndësishëm në rrugën drejt sukseseve në Champions League. Bayerni përjeton humbjen e tij të dytë radhazi, pas disfatës me Aston Villan, duke lënë shpresat e tyre për një rikthim të shpejtë në rrugën e fitores.
Rezultati përfundimtar:
- Barcelona 4 – 1 Bayern Munich
Me këtë triumf, Barcelona ka bërë një hap të madh përpara në synimet e saj për të rikuperuar lavdinë e dikurshme në Europë. Raphinha, pa dyshim, është heroi i kësaj nate!/UBTNews/ 
Trajneri i Barcelonës, Hansi Flick, e ka cilësuar ndeshjen e kthimit gjysmëfinale të Kupës së Mbretit kundër Atletikos si një “finale para finales”. Në një intervistë të dhënë para sfidës, Flick theksoi se ndeshja do të jetë një mundësi e shkëlqyer për skuadrën e tij dhe se do të kenë të gjithë mundësinë të tregojnë veten.
Flick pranoi se skuadra e tij po përballet me një moment shumë të tensionuar, duke e cilësuar përballjen me Atletikon si një sfidë vendimtare për arritjen e finales së Kupës së Mbretit që do të zhvillohet në fund të prillit në Sevilje. Trajneri i Barcelonës theksoi se skuadra është duke luajtur mirë dhe se është krenar për punën e madhe të bërë nga lojtarët e tij deri tani.
Në lidhje me formacionin titullar, Flick nuk ka dhënë shumë detaje, por njoftoi se Rafinha dhe Kubarsi janë plotësisht të rikuperuar dhe të gatshëm për të nisur nga minuta e parë. Megjithatë, ai theksoi se Barcelona duhet të jetë shumë e kujdesshme përballë Atletikos, e cila, sipas tij, do të luftojë deri në minutën e fundit për të siguruar kalimin në finale.
“Ne duam më shumë, jo vetëm Superkupën e Spanjës, por edhe Kupën e Mbretit. Megjithatë, e dimë që sfida do të jetë shumë e vështirë, pasi Atletico do të jetë aty deri në fund,” tha Flick.
Mesfushori i Bayer Leverkusenit, Granit Xhaka, ka pasur një përplasje me tifozët e ekipit të tij pas eliminimit nga gjysmëfinalja e Kupës së Gjermanisë nga klubi i Bundesliga 3, Arminia Bielefeld.
Kalimi i Arminia Bielefeldit në finale ishte një befasi e madhe, ashtu siç ishte edhe eliminimi i Leverkusenit, që shihej si favorit absolut. Ekipi i Xhakës u mposht me rezultatin 2-1 në “Schuco Arena”, duke shkaktuar një tronditje te tifozët.
Ky eliminim ka shpërthyer zemërimin e tifozëve të Leverkusenit, të cilët kishin udhëtuar deri atje për të mbështetur ekipin e tyre dhe kërkuan llogari nga lojtarët pas humbjes. Xhaka, si një nga liderët e skuadrës, ka shkuar te tribuna e tifozëve për të kërkuar falje dhe për të diskutuar me ta.
Por, situata nuk ka kaluar pa tensione. Mesfushori është filmuar duke debatuar me tone të ashpra me disa tifozë, dhe momenti ka bërë xhiron e rrjeteve sociale. Kjo përplasje mes lojtarit dhe tifozëve ka shtuar edhe më shumë tensionin pas një humbjeje të papritur dhe të rëndë për Leverkusenin./UBTNews/
Antibiotiku më i fuqishëm natyror, mund ta bëni vetë
“Unë jam Bleta Rexha, më pëlqen të këndoj opera”, eseja e Bebe e shkruar kur ishte nëntë vjeçe bëhet virale në rrjet
Parashikimi i motit për sot
James Bond i “rikthehet origjinës” me një “yll shumë të ri”
Macron dënon kërcënimet me vdekje ndaj gjyqtares që e dënoi Le Penin
Kurti flet për gjobën e Themelores: Më dënojnë mua nganjëherë por mos u mërzitni ju
Pse disa njerëz preferojnë udhëtimet e gjata vetëm?
Rutte: Duhet të sigurohemi që situata në Kosovë të mbetet stabile
Kurti për formimin e qeverisë: Kemi filluar takimet zyrtare me komunitetet jo shumicë
-
Bota2 months agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months agoFluturimet e dëbimit kanë filluar, thotë Shtëpia e Bardhë
-
Bota2 months agoShtëpia e Bardhë: Armëpushimi në Liban do të zgjatet deri më 18 shkurt
-
Bota3 months agoTrump zbulon listën e zezë të Shtëpisë së Bardhë