Lajmet

Naser Sahiti – rektor i ri i UP

Published

6 years ago

on

Marjan Dema për 4 vjet ka drejtuar Universitetin e Prishtinës. Por tani, Universiteti i Prishtinës “Hasan Prishtina” do të udhëhiqet nga dikush tjetër.

Naser Sahiti është rektori i ri i këtij universiteti.

Në mesin e tre kandidatëve, Sahiti sot është zgjedhur rektor i Universitetit të Prishtinës “Hasan Prishtina”.

Sahiti pas zgjedhjes si rektor, ka treguar për prioritetet e tij përgjatë mandatit katër vjeçar. Ai para gazetarëve u zotua se nuk do të lejojë që të ketë ndikime politike në Universitetin e Prishtinës.

Por kush është Naser Sahiti?

Ai është profesor i rregullt i Fakultetit të Inxhinierisë Mekanike dhe ligjëron në Departamentin e Termoenergjetikës dhe Energjisë së Ripërtrishme.

Sahiti ka qenë prorektor për mësimdhënie dhe çështje të studentëve. Mirëpo kishte dhënë dorëheqje dy vite më parë(2018), pasi kishte pasur mospajtime me ish-rektorin Marjan Dema.

Kurse, për një vit, gjatë periudhës 2013 deri në 2014 ka qenë prorektor për Buxhet dhe Financa në Universitetin e Prishtinës si dhe ushtrues i detyrës i rektorit të UP-së, pasi kishte dhënë dorëheqje, Ibrahim Gashi nga posti i rektorit.

Related Topics:
Continue Reading

Lajmet

Shtetasi i Serbisë kaloi ilegalisht kufirin në Kamenicë, shoqërohet në polici

Published

8 minutes ago

on

August 13, 2026

By

Një shtetas i Serbisë është shoqëruar në stacionin policor në Kamenicë, pasi dyshohet se me një veturë me targa të Serbisë ka kaluar ilegalisht kufirin.

Sipas Policisë së Kosovës, rasti ka ndodhur më 12 gusht, rreth orës 18:55, në fshatin Novosellë.

I dyshuari ishte së bashku me dy pasagjerë kur është ndaluar nga autoritetet.

Me vendim të gjykatës, të dyshuarit i janë sekuestruar dokumentet, ndërsa më pas është liruar./A.K/

Continue Reading

Lajmet

Nën ndikim të alkoolit sulmoi policët në Malishevë, dy zyrtarë pësojnë lëndime

Published

10 minutes ago

on

August 13, 2026

By

Një person është arrestuar në Malishevë pasi dyshohet se, nën ndikimin e alkoolit, ka sulmuar zyrtarët policorë gjatë kryerjes së detyrës.

Sipas raportit të Policisë së Kosovës, rasti ka ndodhur më 12 gusht, rreth orës 00:20.

Si pasojë e sulmit, dy zyrtarë policorë kanë pësuar lëndime të lehta trupore.

I dyshuari është arrestuar dhe, pas intervistimit, me vendim të prokurorit është dërguar në mbajtje./A.K/

Continue Reading

Lajmet

Arrestohen dy persona në Ferizaj, sekuestrohen mbi 10 gramë marihuanë dhe mbi 1 mijë euro

Published

12 minutes ago

on

August 13, 2026

By

Dy persona janë arrestuar në Ferizaj nën dyshimin për posedim dhe shitblerje të substancave narkotike.

Sipas raportit të Policisë së Kosovës, rasti ka ndodhur të mërkurën, më 12 gusht, rreth orës 21:10, në rrugën “Emin Duraku”.

Njëri nga të dyshuarit dyshohet se ishte në cilësinë e shitësit, ndërsa tjetri si blerës i substancave narkotike.

Gjatë kontrollit të banesës së njërit prej të dyshuarve, policia ka sekuestruar 10.33 gramë substancë narkotike të llojit marihuanë, 1,215 euro para të gatshme, një telefon mobil dhe një kavanoz me mbetje të substancave narkotike.

Me vendim të prokurorit, njëri nga të dyshuarit është dërguar në mbajtje, ndërsa personi tjetër është liruar dhe rasti do të vazhdojë në procedurë të rregullt./A.K/

Continue Reading

Lajmet

Përleshje me mjete të forta në Gjilan, dy persona dërgohen në mbajtje

Published

15 minutes ago

on

August 13, 2026

By

Dy persona janë arrestuar në Gjilan pas një përleshjeje fizike, e cila dyshohet se ndodhi pas një mosmarrëveshjeje mes tyre.

Sipas Policisë, gjatë përleshjes janë përdorur edhe mjete të forta pune. Pas incidentit, njësitet policore kanë kontrolluar shtëpitë dhe objektet përcjellëse të dy të dyshuarve, ndërsa nuk është raportuar nëse është gjetur apo konfiskuar ndonjë send i dyshimtë.

Me vendim të prokurorit, të dy të dyshuarit janë dërguar në mbajtje./A.K/

Continue Reading

Të kërkuara