Teknologji

NASA nis misionin për t’i ndryshuar drejtimin një asteroidi

Misioni ka për qëllim të shërbejë si test në të ardhmen.

Published

on

NASA ka lansuar Sonda DART – me madhësinë e një makine – i cili do të përplaset me një asteroid në mënyrë që t’i ndryshoj kahjen e tij, shkruan Al-Jazeera, përcjell UBT News.

NASA nisi një mision për të goditur qëllimisht këtë anije kozmike në një asteroid – test ky që njerëzimit mund të i nevojitet ndonjëherë për të ndaluar një shkëmb gjigant hapësinor që kërcënon jetën në Tokë.

Qëllimi është të ndryshohet pak trajektorja e asteroidit Dimorphos.

Ndikimi duhet të ndodhë në tremujorin e tretë të vitit 2022, kur sistemi binar i asteroideve është 11 milionë kilometra nga Toka, pothuajse pika më e afërt që ata arrijnë ndonjëherë.

“Ajo që ne po përpiqemi të mësojmë është se si të shmangim një kërcënim”, tha shkencëtari kryesor i NASA-s, Thomas Zuburchen për projektin i cili kushtoi 330 milionë dollarë e që është i pari i këtij lloji, transmeton UBT News.

Për të qenë të qartë, asteroidët në fjalë nuk përbëjnë asnjë kërcënim për planetin tani për tani. Por ato i përkasin një klase trupash të njohur si Objekte Pranë Tokës, të cilat afrohen brenda 48 milionë kilometrave.

Zyra e Koordinimit të Mbrojtjes Planetare të NASA-s është më e interesuar për ato më të mëdha se 140 metra në madhësi, të cilat kanë potencialin të shkatërrojë qytete ose rajone të tëra me energji shumë herë më të madhe se bomba bërthamore mesatare.

Janë të njohur 10,000 asteroidë afër Tokës me këtë madhësi ose më të madhe, por asnjëri nuk ka një shans të konsiderueshëm për të goditur Tokën në 100 vitet e ardhshme. Shkencëtarët vlerësojnë se asteroidët 140 metra godasin një herë në 20,000 vjet.

Asteroidët që janë 10 km (6 milje) ose më të gjerë – si ai që goditi 66 milionë vjet më parë dhe çoi në zhdukjen e shumicës së jetës në Tokë, duke përfshirë edhe dinosaurët – ndodhin çdo 100-200 milionë vjet./UBTNews/

Automobilizëm elektrikë

Lajm i mirë për pronarët e automjeteve elektrike

Published

on

Për herë të parë, ka më shumë se një milion karikues publik për vetura në Evropë.

Ky informacion u raportua së fundmi nga organizata e pavarur ICCT (Këshilli Ndërkombëtar për Transport të Pastër) në raportin e saj mbi lëvizshmërinë për tremujorin e parë të 2025.

Raporti i ICCT thekson se rritja e numrit të karikuesve të shpejtë DC është rritur veçanërisht në tremujorin e parë të 2025.

Krahasuar me të njëjtën periudhë të vitit të kaluar, rritja është 54%.

Tani ka më shumë se një milion stacione karikimi publik, të përbërë nga rreth 810,000 karikues AC (kryesisht 22 kW) dhe rreth 190,000 karikues të shpejtë DC.

Duke parë dendësinë e pikave të karikimit, të dhënat më të fundit tregojnë renditjen e mëposhtme: Norvegjia vazhdon të kryesojë me pothuajse 46 pikë karikimi për 1000 automjete elektrike. Kjo pasohet nga Islanda (35 pikë karikimi), Danimarka (30) dhe Suedia (22).

Është interesante se Gjermania është në fund të listës, me një mesatare prej vetëm 1.6 stacione karikimi publik për 1000 automjete elektrike. Italia dhe Spanja janë dukshëm prapa, me vetëm një stacion karikimi për 1000 automjete elektrike.

Continue Reading

Teknologji

WhatsApp po teston një opsion të thjeshtë Logout

Published

on

WhatsApp vazhdimisht punon në funksione të reja, të cilat shfaqen në versionet beta para se të bëhen të disponueshme për të gjithë përdoruesit. Një nga funksionet e reja është opsioni i ardhshëm Logout në cilësimet e llogarisë.

Logout ofron dy zgjedhje: njëra kryen daljen nga llogaria duke fshirë të dhënat e cilësimet, tjetra do të mbajë të dhënat dhe cilësimet. Opsioni i parë është i njëjti me çinstalimin e WhatsApp-it, do ta dalë përdoruesin dhe do të fshijë të gjitha të dhënat dhe cilësimet e aplikacionit, por përdoruesi nuk do të hiqet nga grupet.

Opsioni i dytë nuk fshin të dhënat, po e del përdoruesin pa ndikuar në bisedat, bisedat në grupe, të dhënat dhe cilësimet, kështu që gjithçka do ta presë përdoruesin kur ai të vendosë të kthehet në WhatsApp.

Prandaj është e mundur të rikthehen të gjitha shpejt, vetëm duke u kyçur përsëri me numrin e telefonit. Duket se kjo funksion është krijuar për ata që duan të marrin një pushim të shkurtër nga WhatsApp për arsye të ndryshme.

Opsioni Logout mban etiketën “internal”, që tregon se po testohet brenda ekipit të zhvillimit të WhatsApp-it. Hapi tjetër pritet të jetë një lëshim më i gjerë beta për të gjithë përdoruesit, dhe më pas një version stabil.

Continue Reading

Automobilizëm elektrikë

Gjigandi japonez nis të shes përsëri makina në Rusi

Published

on

Mazda ka rifilluar zyrtarisht dërgesat e automjeteve të saj në Rusi. Kthimi vjen pas largimit të Mazdës nga tregu rus në vitin 2022 pas pushtimit rus të Ukrainës.

Kompania japoneze i dorëzoi modelet e saj CX-5 dhe CX-50 përmes partnerëve lokalë, me disa automjete që janë tashmë të disponueshme në sallone ekspozitash dhe të tjera të ruajtura në një depo qendrore.

Deri në vitin 2022, marka japoneze prodhonte makinat e saj (Mazda6, CX-5 dhe CX-9) në Vladivostok, dhe tani produktet e tyre të reja do të vijnë nga fabrikat në Kinë. Do të ketë një garanci prej tre vitesh ose 100,000 kilometrash.

E gjithë historia u konfirmua nga zyra ruse e Mazda-s (Mazda Motor Rus LLC):

“Shitësit në koncesione kanë dy modele, Mazda CX-5 e Mazda CX-50. Disa nga makinat janë në sallonet e ekspozitës së shitësve. Ato mund të blhiihen menjëherë. Një pjesë e tyre është në magazinën qendrore”, tha shërbimi për shtyp.

Continue Reading

Teknologji

WhatsApp bëhet me aplikacion për iPad

Published

on

Ajo që përdoruesit e iPad kanë pritur prej kohësh më në fund është këtu. Është një aplikacion për WhatsApp, i cili më në fund është i disponueshëm për tabletin e Apple.

Profili zyrtar i WhatsApp në rrjetin social X aludoi për mbërritjen e një aplikacioni për iPad, ai u shfaq në App Store.

Aplikacioni lejon thirrje audio dhe video në grup me deri në 32 persona, ndarjen e ekranit dhe përdorimin e kamerave të përparme dhe të pasme.

Sistemi shumëdetyrësh iPadOS Stage Manager është gjithashtu i disponueshëm, si dhe funksionet Split View dhe Slide Over, kështu që përdoruesit mund të dërgojnë mesazhe ndërsa bëjnë gjëra të tjera në iPad.

Aplikacioni mbështet përdorimin e Magic Keyboard dhe Apple Pencil. WhatsApp thotë se gjithçka do sinkronizohet midis iPhone, iPad, Mac dhe pajisjeve tjera, ndërsa mesazhet, thirrjet e media mbrohen me enkriptim nga fillimi në fund.

Është e mundur të bllokohen bisedat, në mënyrë që bisedat të mbrohen dhe të mbeten private edhe kur përdoruesit e ndajnë iPad-in me njerëz të tjerë.

 

 

Continue Reading

Të kërkuara