Futurizëm

Nasa me dy misione në planetin Venera

Publikuar

Nasa ka njoftuar se po dërgon dy misione të reja në planetin Venera (Aferdita) në mënyrë që të studiojë atmosferën e planetit dhe tiparet gjeologjike.

Misionet, të cilave iu janë dhënë 500 milionë dollare në financim, do të fillojnë në mes të viteve 2028 dhe 2030.

Administratori i Nasa-s, Bill Nelson tha se misionet do të ofronin “shansin për të studiuar një planet në të cilin nuk kemi qenë në më shumë se 30 vjet”. Sonda e fundit amerikane e cila kishte vizituar planetin ishte orbita Magellan në vitin 1990. Sidoqoftë, anije të tjera kozmike – nga Evropa dhe Japonia – kanë përshkuar planetin që nga ajo kohë.

Misionet u zgjodhën pas një procesi të vlerësimit dhe bazuar në vlerën e tyre të mundshme shkencore dhe realizueshmërinë e planeve të tyre të zhvillimit.

“Qëllimi i këtyre dy misioneve është të kuptojnë se si Aferdita u bë një botë e ngjashme me ferrin, e aftë të shkrijë plumbin në sipërfaqe”, tha Nelson. Afërdita është planeti i dytë nga dielli dhe planeti më i nxehtë në sistemin diellor me një temperaturë prej 500C – mjaft e lartë për të shkrirë plumbin.

Misioni Davinci + do të masë atmosferën e planetit për ta kuptuar se si u formua dhe evoluua. Me këtë mision gjithashtu synohet të kuptohet nëse Aferdita ka pasur ndonjëherë ndonjë oqean.

Davinci + pritet të rikthejë imazhet e para me rezolucion të lartë të tipareve gjeologjike “tesserae” të planetit. Shkencëtarët besojnë se këto karakteristika mund të krahasohen me kontinentet në Tokë dhe mund të sugjerojnë që Aferdita ka tektonikë të pllakave.

Misioni i dytë, Veritas (Venus Emissivity, Radio Science, InSAR, Topography dhe Spectroscopy), do të hartojë sipërfaqen e planetit për të kuptuar historinë e tij gjeologjike dhe për të hetuar se si u zhvillua kaq ndryshe nga Toka.

Do të përdorë një formë radari për të përshkruar lartësitë sipërfaqësore dhe për të zbuluar nëse vullkanet dhe tërmetet po ndodhin akoma.

“Eshtë befasuese se sa pak dimë për Aferditën, por rezultatet e kombinuara të këtyre misioneve do të na tregojnë për planetin nga retë në qiell përmes vullkaneve në sipërfaqen e tij deri në thelbin e tij”, tha Tom Wagner nga Divizioni i Shkencave Planetare të Nasa.”Do të jetë sikur të kemi rizbuluar planetin”, shtoi ai.

Një pamje ndryshe e planetit Venera (Afërdita)

Analizë nga Paul Rincon

Gjatë dekadave të fundit, planeti Mars ka dominuar buxhetin e Nasa-s për misionet planetare.

Në ndërkohë, studiuesit e planetit Afërditë konsiderojnë se ky planet nuk është prioritet për Nasa-n. Por kjo ka ndryshuar. Ide të reja, interpretime dhe njerëz të rinj kanë transformuar pikëpamjen për fqinjin më të afërt të Tokës.

Ka kohë që mendohej se kishte qenë një planet “i vdekur” nga disa, ka shumë që tani mendojnë se Aferdita mund të jetë aktive gjeologjikisht, mbase me vullkanizëm periodik.

Mund të ketë strehuar oqeane për një miliard vjet të historisë së tij dhe madje ka një rajon të atmosferës së trashë të planetit ku jeta mikrobike mund të mbijetojë, duke lundruar mes reve. Shkencëtarët të cilët i kanë kushtuar karrierën e tyre për të studiuar këtë botë të ngrohjes janë të gëzuar që planeti më në fund të kthehet në radarin e Nasa-s./UBTNews

(Drini Ismajli, student i Shkencave Politike në UBT)

Futurizëm

American Airlines pranon të blejë 20 avionë supersonikë

Kompania nuk pranoi të ndajë detaje rreth marrëveshjes financiare e cila u bë e ditur të martën.

Publikuar

nga

American Airlines ka pranuar të blejë 20 avionë supersonikë, me të cilët udhëtimet do të realizohen dyfish më shpejt sesa me avionët aktual komercialë.

Megjithatë kompania nuk pranoi të ndajë detaje rreth marrëveshjes financiare e cila u bë e ditur të martën.

Gjithçka varet, megjithatë, nëse kompania e planifikuar për të ndërtuar avionët, Boom Supersonic, mund t’i përmbushë premtimet e saj. Ekspertët kanë dyshime mbi atë se a mund të kthehen avionët supersonikë.

Boom po prodhon një avion të quajtur Overture që kompania thotë se do të jetë në gjendje të transportojë 65 deri në 80 pasagjerë me gati dyfishin e shpejtësisë së zërit. Por avioni është në fazat e hershme të prodhimit./UBTNews/

Vazhdo të lexosh

Futurizëm

Musk: Njerëzit do të jenë në gjendje të blejnë një robot si dhuratë në më pak se një dekadë

Ai komentet e tij i bëri tek revista kineze, China Cyberspace.

Publikuar

nga

Elon Musk prezantoi energjinë e qëndrueshme, implantet e trurit dhe eksplorimin e hapësirës në një artikull të botuar në një revistë kineze të drejtuar nga agjencia e mbikëqyrjes së internetit dhe censurës së vendit, sipas një përkthimi nga Yang Liu, një reporter për agjencinë shtetërore të shtypit kinez, Xinhua.

E formuar në vitin 2013, Administrata e Hapësirës Kibernetike të Kinës (CAC) është përgjegjëse për krijimin dhe zbatimin e politikave që lidhen me përmbajtjen në internet, të dhënat e përdoruesit dhe sigurinë dixhitale. CAC më vonë krijoi një revistë që, sipas studiueses së lartë të Projektit Media në Kinë, Stella Chen, zakonisht përfshin njoftime rregullatore dhe kërkime mbi politikën e internetit. Revista fillimisht u quajt New Media para se të riemërohej si China Cyberspace në fillim të këtij viti.

Numri i korrikut i China Cyberspace përmban artikuj nga Musk dhe themeluesi i Ant Group, Eric Jing Xiandong, kompania që drejton shërbimin kinez të pagesave Alipay.

Musk thotë se ai u ftua nga revista për të ndarë “mendimet e tij mbi vizionin e teknologjisë dhe njerëzimit” dhe më pas vazhdon të përshkruajë dhe promovojë teknologjinë e përdorur nga kompanitë që zotëron – Tesla, SpaceX dhe Neuralink – që ai beson se mund “ndihmojë për të arritur një të ardhme më të mirë për njerëzimin”.

Ai thekson gjithashtu disa nga qëllimet e tij më të larta si shembuj të llojit të teknologjisë që kompanitë e tij mund të krijojnë, të tilla si një “qytet i vetëqëndrueshëm në Mars”.

Musk përmend gjithashtu humanoidin Tesla Bot që ende nuk është parë dhe sugjeron që njerëzit potencialisht mund të jenë në gjendje të blejnë një robot si dhuratë në “më pak se një dekadë”.

Në një postim në Twitter, Liu e quan artikullin një “lëvizje të zgjuar” në emër të Musk, pasi i lejon atij “të shfrytëzojë mundësinë për të shfaqur aftësitë teknologjike të kompanive të tij tek zyrtarët kinezë dhe publiku”.

Paraqitja e Musk në një botim të drejtuar nga CAC bie ndesh me avokimin e tij të hapur për fjalën e lirë, pikërisht konceptin që frymëzoi vendimin e tij për të blerë Twitter. Gjatë viteve, CAC ka zbatuar një sërë politikash të dizajnuara për të censuruar dhe kufizuar fjalimin në internet. Ligji për sigurinë kibernetike të CAC, për shembull, kërkon që platformat sociale të heqin përmbajtjen që përmban “informacion të ndaluar”, ose përndryshe të përballen me ndëshkim nga CAC./UBTNews/

Vazhdo të lexosh

Futurizëm

Franca do të testojë taksitë fluturuese, synon t’i përdorë për Lojërat Olimpike 2024

Taksitë fluturuese do të testohen në një qendër në Pontoise.

Publikuar

nga

Franca është e vendosur të fillojë testimin e taksive elektrike ajrore në muajt në vijim, me synimin për t’i përdorur ata në kohë për Lojërat Olimpike Verore 2024, tha aeroporti i Parisit në një deklaratë.

Taksitë fluturuese do të testohen në një qendër në Pontoise.

Një numër kompanish janë duke punuar në këtë lloj të avionëve elektrikë – të njohur si eVTOL. Në një raport të majit, Morgan Stanley vlerësoi se ky model mund të rritet për t’u bërë një treg global prej 9 trilion dollarësh. Ndërsa raporti nga ReportLinker, vlerëson se tregu aktualisht vlen rreth 8.5 miliardë dollarë dhe ka të ngjarë të rritet në 30.8 miliardë dollarë deri në vitin 2030.

Aeroport de Paris tha në një deklaratë se sfidat kryesore për zhvillimin e kësaj teknologjie janë pranueshmëria, siguria dhe kualifikimi i përdorimeve./UBTNews/

© Getty Images

Vazhdo të lexosh

Futurizëm

Ka mjaftueshëm oksigjen në Hënë për tetë miliardë njerëz, sipas shkencëtarëve

Llogaritjet shkencore bazohen në faktin se njeriu ka nevojë për 800 gram oksigjen në ditë për të mbijetuar.

Publikuar

nga

Atmosfera në Hënë nuk përmban oksigjen të mjaftueshëm për jetën e njeriut, por nën shtresën e saj shkëmbore ka oksigjen të mjaftueshëm për të lejuar jetën e tetë miliardë njerëzve.

Shkencëtarët e shquar, të udhëhequr nga John Grant, pohojnë se Hëna përmban shumë minerale që janë të lidhura ngushtë me oksigjenin dhe se nën shtresën sipërfaqësore të shkëmbit të quajtur regolit mund të ketë oksigjen të mjaftueshëm për tetë miliardë njerëz për të mbijetuar mbi 100.000 vjet.

Llogaritjet shkencore bazohen në faktin se njeriu ka nevojë për 800 gram oksigjen në ditë për të mbijetuar, dhe regoliti është rreth 10 metra i thellë. Regoliti hënor përbëhet nga 45 për qind oksigjen, i cili është i lidhur fort me minerale si silikoni, alumini dhe oksidet e hekurit dhe magnezit.

Në mënyrë që oksigjeni të jetë i disponueshëm, kërkohet një proces nxjerrjeje që është i thjeshtë. Ky sistem konsumon shumë energji dhe për të qenë i qëndrueshëm, duhet të ketë mbështetjen e energjisë diellore ose burimeve të tjera të energjisë në dispozicion në Hënë.

Agjencia Australiane e Hapësirës dhe agjencia amerikane e hapësirës NASA nënshkruan një marrëveshje në tetor për të dërguar një rover në Hënë me qëllim të mbledhjes së gurëve të hënës dhe përpjekjes për nxjerrjen e oksigjenit prej tij.

Shkencëtari foli edhe për zhvillimin e një reaktori eksperimental me një kompani belge për të përmirësuar procesin e krijimit të oksigjenit me anë të elektrolizës. Teknologjia e re mund të dërgohet në Hënë deri në vitin 2025 si pjesë e misionit të bazuar në burime të Agjencisë Evropiane të Hapësirës.

Vazhdo të lexosh

Të kërkuara