Lajmet

NASA do të publikojë raportin e shumëpritur mbi UFO-t

Tema ka magjepsur prej kohësh publikun, por u shmang nga shkenca kryesore.

Published

on

Agjencia hapësinore amerikane njoftoi vitin e kaluar se po shqyrtonte provat në lidhje me fenomenet anormale të paidentifikuara, ose UAP-të, të cilat kanë zëvendësuar termin “UFO” në gjuhën zyrtare.

Tema ka magjepsur prej kohësh publikun, por u shmang nga shkenca kryesore.

Një ekip i pavarur prej 16 studiuesish ndau vëzhgimet e tyre paraprake në maj, duke gjetur se të dhënat ekzistuese dhe raportet e dëshmitarëve okularë janë të pamjaftueshme për të nxjerrë përfundime të qëndrueshme, ndërsa bëri thirrje për mbledhje më sistematike të të dhënave me cilësi të lartë.

Ka pasur më shumë se 800 “ngjarje” të mbledhura gjatë 27 viteve, nga të cilat dy deri në pesë përqind mendohet të jenë ndoshta anormale, thanë autorët e raportit gjatë takimit të majit.

Qeveria e SHBA-së ka filluar ta marrë më seriozisht çështjen e UAP-ve vitet e fundit, pjesërisht për shkak të shqetësimeve se ato lidhen me mbikëqyrjen e huaj.

Puna e NASA-s, e cila mbështetet në materiale të paklasifikuara, është e ndarë nga një hetim i Pentagonit, megjithëse të dy po koordinojnë çështjet se si të aplikojnë mjetet dhe metodat shkencore.

Në korrik, një ish-oficer i inteligjencës amerikane bëri tituj kur i tha një komiteti të Kongresit se ai “absolutisht” beson se qeveria ka në zotërim fenomene anormale të paidentifikuara — si dhe mbetje të operatorëve të tyre të huaj.

Lajmet

Kurti telefonon Zhegrovën pas transferimit: Ne të gjithë jemi krenarë me të

Published

on

Kryeministri në detyrë i Republikës së Kosovës, Albin Kurti e ka uruar futbollistin Edon Zhegrova për transferimin e tij të madh në gjigantin italian, Juventus.

Përmes një postimi në llogarinë e tij zyrtare në Instagram, Kurti njoftoi se ka biseduar me videolidhje me yllin kosovar, Edon Zhegrova.

“Nuk ka lajm më të rëndësishëm këtë javë sesa lajmi për transferimin e Edon Zhegrovës në Juventus. Lojtari më i ri i “Zonjës së Vjetër”, që ëndrrën e tij e bëri realitet, tash është ëndrra e shumë të rinjve që e duan futbollin siç e do Edoni. Ai është shumë krenar që po e përfaqëson vendin e popullin tonë në futbollin ndërkombëtar, e ne të gjithë jemi krenarë me të. Me Hajrën sot e uruam dhe përgëzuam për këtë arritje të tij të jashtëzakonshme dhe i uruam gjithë shëndet, fat e shumë suksese!”, shkroi Kurti.

/S.K/EO/

Continue Reading

Lajmet

KQZ miraton procedurën për votimin jashtë Kosovës

Published

on

By

Komisioni Qendror i Zgjedhjeve ka miratuar procedurën për votim jashtë Kosovës, sipas së cilës, zarfi me fletëvotime duhet të pranohet nga personi i regjistruar.

Në mbledhjen e 54-të të KQZ-së, u tha se qëllimi i këtij dokumenti është të përshkruajë të gjitha veprimet për përgatitjen e materialve për votimin jashtë Kosovës.

Procedura parasheh që pakoja me fletëvotime që KQZ ua dërgon përmes postës votuesve jashtë vendit mund të pranohet vetëm nga vetë personi i regjistruar.

Zyrtari i postës duhet të sigurohet që të kontrollojë përmes dokumentit identifikues personin për të cilin është i dedikuar zarfime fletëvotime”, thuhet në këtë procedurë të KQZ-së.

Zarfi i cili do t’i dërgohet votuesit, përmban: fletëvotimet; zarfin e fshehtësisë; udhëzuesin me informacione se si plotësohen fletëvotimet dhe si realizohet votimi përmes postës; zarfin kthyes dhe shiritin mbyllës.

Në votimin jashtë Kosovës për votim me postë në Zgjedhjet Lokale, detyrë e votuesit është që pakon me fletëvotime ta dërgojë në ndonjërën nga kutitë postare të KQZ-së që hapen në shtete të ndryshme.

Sipas KQZ-së, adresat e kutive postare do të publikohen nga KQZ para fillimit të periudhës së votimit me postë.

Në këtë mbledhje, KQZ mori vendim edhe për decertifikimin e 9 kandidatëve nga subjekte të ndryshme politike, si: Prishina në dorën tënde (1); Partia Demokratike e Kosovës (1); Lëvizja për Bashkimin e Shqiptarëve (1); Partia Liberale Egjitpiane (2) dhe Alternativa (4). Këta kandidatë, ishin certifikuar më herët nga KQZ për pjesëmarrje në Zgjedhjet Lokale, të cilat do të mbahen më 12 tetor 2025./D.B/KP

Continue Reading

Lajmet

Basha dhe Haxhiu vizitojnë Kompleksin Memorial në Prekaz

Published

on

By

Kryetari i Kuvendit, Dimal Basha, së bashku me nënkryetaren Albulena Haxhiu, kanë vizituar Kompleksin Memorial në Prekaz. Kjo vizitë vjen pas një periudhe polemikash për shkak të një shkrimi nga Basha ku flitej për Ushtrinë Çlirimtare të Kosovës (UÇK).

Ditë më parë, ai kishte kërkuar falje për përmbajtjen e tij./D.B/EO

Continue Reading

Kulturë

​Ambasada e Shqipërisë hap librin e ngushëllimeve për regjisorin Anagnosti

Published

on

By

Ambasada e Republikës së Shqipërisë në Kosovë ka nderuar regjisorin e shquar shqiptar Dhimitër Anagnosti pas ndarjes së tij nga jeta më 1 shtator, duke hapur librin e ngushëllimeve në nderim të tij.

Në fjalën e tij, ambasadori i Shqipërisë në Kosovë, Petrit Malaj, u shpreh se ndarja nga jeta e Anagnostit është një humbje e madhe për kulturën dhe shoqërinë shqiptare.

Shoqëria shqiptare, kineastët, aktorët, populli shqiptar ka humbur një prej korifejve, një prej atyre që e qëndisnin filmin shqiptar. E njoh si një metodist i mirëfilltë, si një regjisor shkolle plot për artin kinematografik. Parapëlqeja tek ai atë momentin e punës së jashtëzakonshme që ai e bënte me aktorët, por mbi të gjitha, kemi humbur personin i cili sillte në ekran karakterin e plotë të shqiptarëve. Me filmat e tij, ai e zbërthente jetën shqiptare në tërë koloridin e vet dhe ka arritur ta përcjellë shkëlqyer këtë te publiku, filmi i tij ka ushtuar fort”, tha Malaj.

Dhimitër Anagnosti mbetet një ndër figurat më të rëndësishme të kinematografisë shqiptare, i vlerësuar për veprat që pasqyruan jetën, karakterin dhe shpirtin e shqiptarëve në ekranin e madh./D.B/KP

Continue Reading

Të kërkuara