Çështja e një vazhdimi të mundshëm të serialit të Netflix “Adolescence” është gjithnjë e më me interes për fansat. Një nga yjet e dramës së Netflix i është përgjigjur pyetjeve në lidhje me një vazhdim të mundshëm.

Nëse nuk e keni parë ende “Adolescence” është serial intrigues me katër pjesë rreth një djali të ri, Jamie. i cili arrestohet me armë nga policia, duke menduar se është i dyshuari kryesor në vrasjen e një prej shokëve të shkollës.

Në katër episode, drama ndjek arrestimin e tij, hetimin e policisë, takimin e Jamie me një psikolog dhe ndikimin që arrestimi i djalit të tyre për vrasje pati tek babai i tij Eddie (Stephen Graham) dhe nëna Manda (Christine Tremarco).

Megjithatë, a do të ketë një sezon të dytë?

Drama ka marrë vlerësime të shumta dhe natyrshëm, disa shikues po pyesin për një vazhdim të mundshëm.

Aktorja Christine Tremarco u shfaq në emisionin ‘Lorraine’ dhe ndau mendimet e saj për këtë temë.

Prezantuesi e pyeti nëse kishte një mundësi për një vazhdim, duke thënë se “do të pëlqente të dinte se çfarë do të ndodhte më pas”, por kushdo që shpreson për një vazhdimësi të historisë së Jamie mund të zhgënjehet nga përgjigja e Tremarco.

“Disa njerëz më kanë thënë këtë, por ndoshta kjo është një gjë e mirë sepse të bën të mendosh se çfarë mund të ndodhë pas kësaj. Por unë mendoj se ky është një akt, mendoj se përfundon në episodin e katërt”, tha aktorja.

Kushdo që e ka parë Adoleshencën e di që seriali është i fokusuar në historinë që dëshiron të tregojë. Nuk hyjmë në jetën e personazheve kryesore jashtë serialit dhe nëse historia nuk ka më nevojë për ta, thjesht nuk i shohim më.

Një nga shkrimtarët dhe krijuesit e serialit, Jack Thorne, shpjegoi se nuk e zbulojmë saktësisht çfarë ndodh me Jamie-n, se natyra e xhirimeve të njëfishta e bën të pamundur “prerjen” në diçka tjetër. Ai beson se kjo “inkurajon audiencën të përfshihet më shumë sepse ata e dinë se nuk do ta kuptojnë të gjithë historinë”.

Një fund tronditës

E fundit që shohim Jamie është biseda rrëqethëse me një psikologe, ndërsa për herë të fundit e dëgjojmë duke telefonuar familjen e duke u thënë atyre se do ta ndryshojë mbrojtjen e tij në një pranim fajësie. Shikuesve iu dhanë prova mjaft bindëse se ai ishte vrasësi në episodin e parë, dhe “Adolescence” nuk ofroi përmbajtje tipike që fansat e dramave kriminale shpesh presin.

Nuk kishte pista të rreme, vrasës të fshehtë ose zbulime të papritura, seriali ishte i hapur për historinë që donte të tregonte. Nëse do kishte vazhdim, ndoshta do shihnim dënimin e Jamie pasi u deklarua fajtor, ose “Adolescence” duhej të fillonte një histori të re me kastë të re.

Stephen Graham, bashkë-krijuesi i serialit të shumëpërfolur Adolescence, u ka bërë thirrje prindërve që të bisedojnë me fëmijët e tyre.

Graham i cili po ashtu luan në serialin katër-episodësh, portretizoi rolin e babait të personazhit Jamie Miller, 13-vjeçari i cili akuzohet për vrasjen e një shoqeje në shkollë.

I pyetur si erdhi te ideja e realizimit, pohoi se ishte prekur nga dy raste që kishin ndodhur në të vërtetë në Britani e donte të dinte arsyet pse.

Pas hulumtimeve të shumta dhe faktorëve të shumtë që ndikojnë tek të rinjtë në ditët e sotme, ata arritën të trajtonin një tematikë të ndjeshme.

“Jack bëri shumë hulumtime, dhe në atë moment, asistentja e tij e zbuloi kulturën incel dhe manosferën, sepse unë nuk kisha informacione për këtë. Gruaja ime më tha më pas ajo se ajo që ndjen që programi ynë ka arritur është që prindërit të hapin derën e dhomës së fëmijëve të tyre dhe të flasin me ta”, tha Graham për CNN.

“E dini edhe vetë, kur shkoni në restorant, bisedoni me njëri-tjetrin, pyesni se çfarë po ndodh me ta, kjo është mënyra ta kuptojmë se çfarë po ndodh. Adoleshenca është moshë e vështirë”, pohoi mes tjerash.

Edicioni i radhës i emisionit “n’Ritëm” me Albina Zeneli mirëpriti dramaturgun Hynor Vitija.

I ftuar për një bisedë të këndshme në Campus Radio ai foli rreth karrierës së tij dhe kontaktit të parë me dramën.

Hynori është aktualisht i angazhuar në një serial vendor.

Vitija nuk heziton të përmend edhe vlerësimin që shqiptarët i bëjnë këtij profesioni e madje me krenari foli për çmimin që e pranoi në fund të vitit 2024 ku me dramën ‘Zelus’ mori vendin e tretë në konkursin e dramës origjinale shqiptare.

Përndryshe, me n’Ritëm takohemi çdo ditë pune me fillim nga ora 13:00 deri në ora 15:00 në Campus Radio, 100.7FM. /UBT News/

Të gjitha prodhimet filmike, si ato zyrtare të prodhuara nga Kinostudio “Shqipëria e re” dhe Televizioni Shqiptar, ashtu edhe prodhimet e shkollave të filmit dhe filmat e prodhuar nga nisma të lirë të kineastëve, tashmë janë të përfshira në “Enciklopedinë e filmit shqiptar 1904-2022”, me autore Irini Asqeri.

Ky projekt monumental u promovua në mjediset e Akademisë së Shkencave të Shqipërisë, duke sjellë një përmbledhje të pasur të historisë filmike shqiptare. Enciklopedia, e cila përfaqëson një punë të palodhur hulumtuese, është rezultat i më shumë se 10 viteve kërkimesh dhe sistemimi të dokumenteve dhe të dhënave arkivore. Kjo punë e rëndësishme është realizuar kryesisht në Arkivin Qendror Shtetëror të Filmit, ku Irini Asqeri ka punuar edhe si arkiviste.

E botuar nga shtëpia botuese “Jozef”, enciklopedia ofron një pasqyrë të hollësishme dhe të saktë mbi të gjitha prodhimet filmike të periudhës 1904-2022. Përveç listës të prodhimeve filmike, Irini Asqeri ka përfshirë gjithashtu një kapitull të gjerë mbi fillimet e kinematografisë shqiptare, duke ofruar një pamje të historisë së Shqipërisë të paraqitur për herë të parë përmes syrin e kamerës.

Ky botim është një kontribut i rëndësishëm për arkivimin dhe dokumentimin e trashëgimisë filmike të vendit dhe një mundësi e shkëlqyer për studiuesit dhe pasionantët e kinematografisë shqiptare./UBTNews/