Lajmet

Musliu: Kurti ta ruajë sovranitetin e miqësitë e krijuara nga PDK, ka sjellje arrogante e fëmijërore

Deputetja Musliu theksoi se duhet marrë parasysh këshillat e Shteteve të Bashkuara të Amerikës.

Published

on

Deputetja e Partisë Demokratike të Kosovës (PDK), Ganimete Musliu ka folur për situatën në veri të vendit, duke kërkuar që kryeministri Albin Kurti të lërë egon e tij të sëmurë dhe të sillet si një lider i shtetit. Ajo tha se sjelljet e Kurtit e Qeverisë me ministra e deputetë është arrogante dhe fëmijërore.

Deputetja Musliu theksoi se duhet marrë parasysh këshillat e Shteteve të Bashkuara të Amerikës, sepse Kosova nuk mund të lëviz para pa ShBA dhe BE. Sipasa saj, i mbetet kësaj Qeverie ta ruajë sovranitetin dhe miqësitë që e ka shtrirë PDK gjatë kohës kur ishte në qeverisje.

“Sa i përket gjendjes së sigurisë në veri të Kosovës duhet të jemi të matur në deklarata tona. Nuk dua të japë përgjigje hipotetike në raport me sigurinë e vendit tim. Albin Kurti duhet ta lërë me një anë fjalorin e tij populist. Duhet ta lërë me një anë egon e tij të sëmurë dhe të sillet si një lider i shtetit. Sjelljet e Albin Kurtit dhe Qeverisë me ministra e deputet janë sjellje arrogante dhe fëmijërore. Këshillat e miqve tanë qoftë nga ShBA duhet t’i marrim parasysh sepse ne nuk mund te lëvizim para pa ShBA dhe BE. Çdo vendim që merret në kundërshtim me ShBA është i dëmshëm për Kosovën dhe vetë Kurti. Ne si opozitë i kemi ofruar mbështetjen tonë Albin Kurtit, por asnjëherë nuk është pranuar sepse edhe kur t’i ndihmosh të refuzojnë. Asnjëherë nuk kemi dalë kundër sovranitetit të vendit tonë. PDK është dëshmuar për shtrirje të sovranitetit dhe i mbetet kësaj Qeverie ta ruajë sovranitetin që e ka shtrirë PDK gjatë kohës kur ishte në qeverisje”, tha Musliu.

Lajmet

Publikohet libri i profesorit Safet Zejnullahu, “Media dhe shtetndërtimi – Qendra për Informim e Kosovës”

Published

on

By

Profesori i Fakultetit për Media dhe Komunikim në UBT, dr. Safet Zejnullahu ka publikuar librin e tij ta radhës, “Media dhe shtetndërtimi – Qendra për Informim e Kosovës”.

Libri trajton kontributin e gazetarëve shqiptarë në mundjen e territ informativ të imponuar nga Serbia në vitet nëntëdhjetë, pas mbylljes me dhunë të mediave në gjuhën shqipe.

Një kohë kur ata ia dolën të njoftojnë botën për çfarë po ndodhte në Kosovë, njëkohësisht afirmuan aktivitetet politike dhe ushtarake – në rrugën drejt arritjes së synimit për pavarësinë e vendit.

“Ky libër është shkruar për të dëshmuar një betejë të madhe të fituar nga gazetarët shqiptarë të Kosovës, kundër territ informativ të imponuar. Për të vulosur një dëshmi – se gazetarët shqiptarë e kryen me sukses pjesën e tyre të detyrës në fazën e luftës për liri dhe në shtetndërtimin e Kosovës.

Ata ia dolën – pavarësisht çmimit të lartë të paguar në këtë betejë!”, shkruan autori në parathënie të librit.

Libri thekson punën e korrespondentëve të mediave të huaja, gazetarëve të huaj dhe mediave perëndimore përgjithësisht, të cilët, me punën e tyre, duke rrezikuar shpesh edhe jetën, u vunë në anën e së drejtës, në anën e shqiptarëve të Kosovës.  Raportuan për dhunën sistematike kundër shqiptarëve, për tmerret e luftës dhe vështirësitë e pasluftës.

Hapësirën më të madhe të librit e zë prezantimi i punës së Qendrës për Informim të Kosovës (QIK), agjenci e lajmeve e krijuar në vitin 1989, e cila publikoi lajme në katër gjuhë: shqip, anglisht, gjermanisht e frëngjisht.

Kjo agjenci, përveç publikimeve ditore të lajmeve, publikoi edhe librat e parë që trajtojnë drejt çështje historike e demografike për Kosovën, nga autorët më të spikatur shqiptarë.

Publikoi revistën “Ora”, në faqet e së cilës mendimet e tyre i shprehnin figurat më të rëndësishme politike të kohës.

Gjithashtu, QIK-u botoi gazetën e parë të mbrëmjes në gjuhën shqipe, për disa muaj, në kohën më të rëndë të viteve 98/99.

“Shpresoj se ia kam dalë që me këtë libër të dokumentoj një kohë, sa të rëndë aq edhe të lavdishme të medias në Kosovë. Gazetarët janë kontributdhënës të mëdhenj të shtetndërtimit të Kosovës. Ata dhanë edhe dëshmorët dhe heronjtë e tyre. Dhe dolën faqebardhë me punën e tyre në një kohë shumë të rëndë. Ky libër e dëshmon këtë”, thotë autori Safet Zejnullahu.

Continue Reading

Vendi

Zyrtari i OKB-së në Kosovë, takon Kurtin e Konjufcën

Published

on

By

Nënsekretari i Përgjithshëm i Kombeve të Bashkuara për Operacionet e Paqes, Jean-Pierre Lacroix, i shoqëruar nga Përfaqësuesi i Posaçëm i Sekretarit të Përgjithshëm, Peter Due, ka zhvilluar takime zyrtare në Prishtinë me Kryeministrit në detyrë, Albin Kurti, dhe ushtruesin e detyrës së Ministrit të Punëve të Jashtme dhe Diasporës, Glauk Konjufca.

Gjatë kësaj vizite dy ditore, e cila është e dyta e Lacroix në Kosovë brenda tre vjetësh, zyrtari i OKB-së ka takuar gjithashtu edhe përfaqësues të komunitetit diplomatik dhe të organizatave ndërkombëtare. Përmes një njoftimi për media nga UNMIK-u, bëhet e ditur se në takime u diskutua për mbarëvajtjen e proceseve dhe për rëndësinë e bashkëpunimit institucional.

“Diskutimet njohën përpjekjet e vazhdueshme të Kosovës dhe progresin e arritur, duke nënvizuar rëndësinë e dialogut dhe bashkëpunimit të vazhdueshëm”, thuhet në njoftimin e zyrtar të UNMIK-ut.

Në kuadër të këtyre takimeve, Lacroix ka rikonfirmuar mbështetjen e plotë për procesin e dialogut të lehtësuar nga Bashkimi Evropian.

Gjithashtu, sipas njoftimit, nënsekretari Lacroix “theksoi përkushtimin e vazhdueshëm të UNMIK-ut për forcimin e sundimit të ligjit, promovimin e të drejtave të njeriut dhe mbështetjen e ndërtimit të besimit midis komuniteteve”.

/E.A/

Continue Reading

Lajmet

Përrenjas: Arrestohet 69-vjeçari, dyshohet se i vuri flakën bashkëshortes

Published

on

By

Policia në Shqipëri ka arrestuar një 69-vjeçar në fshatin Karakavec të Përrenjasit, nën dyshimin se ka lyer me lëndë djegëse dhe i ka vënë flakën bashkëshortes së tij pas një konflikti në familje.

Sipas njoftimit zyrtar të autoriteteve, i dyshuari Gani Danga ka lyer me benzinë gruan e tij 67-vjeçare. Viktima është transportuar fillimisht në spitalin rajonal të Elbasanit për ndihmën e parë mjekësore dhe më pas është dërguar në repartin e djegieve në Tiranë. Burimet spitalore kanë bërë të ditur se ajo aktualisht ndodhet jashtë rrezikut për jetën.

Nga të dhënat e para të hetimit rezulton se dhuna në këtë familje kishte qenë e përsëritur, teksa viktima ishte e pajisur me urdhër mbrojtjeje përgjatë tre muajve të fundit.

Policia ka kryer arrestimin e të dyshuarit menjëherë pas ngjarjes, ndërsa materialet procedurale i janë përcjellë Prokurorisë për veprime të mëtejshme ligjore. /Euronews/ /E.A/

Continue Reading

Lajmet

Obsesioni ndaj Jungkook: Gruaja i ra ziles 133 herë, përfundon në gjykatë

Published

on

Një grua nga Brazili është dënuar me një vit burgim me kusht për dy vjet, pasi përndoqi vazhdimisht yllin e grupit BTS, Jungkook, pavarësisht paralajmërimeve të autoriteteve për të qëndruar larg shtëpisë së tij në Seul.

Sipas vendimit të Gjykatës së Qarkut në Seul, gruaja, identiteti i së cilës nuk është bërë publik, kishte filluar ta përndiqte këngëtarin në dhjetor të vitit të kaluar. Ajo kishte lënë letra dhe fotografi pranë banesës së tij, duke pretenduar se vepronte “nga dashuria” për artistin 28-vjeçar.

Gjykata bëri të ditur se gruaja kishte vizituar shtëpinë e Jungkook gjithsej 22 herë. Në një prej rasteve, ajo kishte rënë ziles së shtëpisë 133 herë, veprim që u cilësua nga gjykatësi si një nivel ekstrem obsesioni.

Ajo u arrestua më 13 dhjetor pasi kishte ndjekur një punonjës të shpërndarjes së ushqimit për të hyrë në pronë përmes një porte anësore. Edhe pse ishte liruar me paralajmërim që të mos i afrohej më banesës, ajo vazhdoi vizitat, duke detyruar policinë të lëshonte një urdhër emergjent që ia ndalonte afrimin brenda 100 metrave nga prona.

Përveç dënimit me kusht, gruaja pritet të dëbohet nga Koreja e Jugut, nëse nuk arrin të apelojë me sukses vendimin.

Ndërkohë, ky nuk është rasti i parë i tillë. Në qershor të vitit të kaluar, një grua kineze në të 30-at u arrestua në Seul teksa tentonte të hynte në shtëpinë e Jungkook vetëm disa orë pasi ai kishte përfunduar shërbimin ushtarak. /BBC/A.K/

Continue Reading

Të kërkuara