

Lajmet
Murati tregon ndryshimet për skemat pensionale dhe sociale, kritikohet nga opozita për reformat
Murati tha se janë duke punuar me Bankën Botërore në njësinë e pilotimit dhe në ligjin për skemën sociale.
Published
2 years agoon
By
Betim GashiMinistri i Financave, Punës dhe Transfereve, Hekuran Murati, ka raportuar në Komisionin Parlamentar për Shëndetësi, strategjinë për skemat sociale dhe pensionale si dhe planet për këtë fushë. Por kritika për këtë dhanë partitë opozitare. Murati tha se janë duke punuar me Bankën Botërore në njësinë e pilotimit dhe në ligjin për skemën sociale, e që sipas tij është drejt përfundimit.
Sa i përket skemave pensionale, Murati tha se Ministria synon që këtë vit të adresojë çështjen e skemave pensionale të moshës, që ka të bëjë me pensionet bazike dhe të kontributeve.
“Në Kuvend është ratifikuar marrëveshja me Bankën Botërore dhe në këtë aspekt ne kemi filluar punën. Megjithëse, një vit e gjysmë vonesë nga nënshkrimi, jemi falënderues për mbështetjen e asaj marrëveshjeje. Tani kur jemi në këtë fazë, është bërë njësia implementuese e projektit dhe është duke u punuar, pra është përzgjedhur koordinatori dhe stafi tjetër esencial dhe jemi duke punuar në bashkëpunim me Bankën Botërore për pilotimin.”, tha Murati.
Me këtë rast, Murati tha se përmes ligjit në të cilin janë duke punuar, do të hiqen kriteret diskriminuese që kanë qenë deri tani.
“Ligji është drejt finalizimit për skemat apo mbështetjen sociale, dhe do ta kemi shumë shpejt para jush. Ligji parasheh heqjen e kritereve diskriminuese siç kanë qenë në kategori, ose me ligjin ekzistues janë dy kategori. Njëra është që vetëm familjet që kanë fëmijë nën moshën pesëvjeçare mund të përfitojnë, është si kriter diskriminues. Kurse kriteri tjetër është se nëse nuk plotësojnë kriterin e një fëmijë nën moshën pesëvjeçare i bie që askush nga familjet mos të jetë i aftë për punë”, tha ai.
Kritika për punën e bërë deri tani në skemat sociale dhe pensionale pati deputeti i PDK-së, Bekim Haxhiu.
”Keni premtuar ristrukturimin e skemave social dhe pensionale për të ulur varfërinë, por ky projektligj për skemat sociale dhe pensionale prej vitit 2021 vazhdon të bartet në çdo program legjislativ të qeverisë. Me ligjin për pagën minimale keni diskriminuar, veteranet, pensionistët e Trepçës, paraplegjikët, të verbëritë dhe tetraplegjikët, si do ta evitoni këtë pabarazi dhe diskriminim ndaj këtyre kategorive, a mund këto kategori të udhëheqjeve familjen me 170 euro, pasi me këtë shumë nuk ju dalin të blejnë barna për vete”, theksoi ai.
Mostrajtim adekuat të skemave pensionale tha se ka pasur edhe deputeti i LDK-së, Armend Zemaj.
”E keni shndërruarr këtë në një sektor të shpërndarjes së parasë publike, njëfarë lëmoshe për gjithë këto kategori. Nga paaftësia për të shpenzuar buxhetin në projekte kapitale, ju i falet nga 100 euro për disa kategori, pa selektim të qytetarëve në nevojë”, shtoi ai.
Ndërsa, deputeti i AAK-së, Shemsedin Dreshaj kërkoi bashkërendim të veprimeve sa i përket skemave sociale
”Sa pensionistë kanë fituar me reformën që e keni bërë në skemat pensionale?. Unë kam informata se plotë prej tyre kanë mbetur jashtë për arsye të ndryshme. Janë në pyetje disa udhëzime administrative që keni premtuar se do të ndërrohen por nuk është bërë.”, shtoi ai.
Ministri Murati duke ju përgjigjur kritikave të opozitës, tha se një pjesë e madhe e premtimeve janë duke i realizuar, por që sipas tij të gjitha nuk mund të realizohen në vitin e parë.
Reformë të skemave sociale kërkuan edhe deputetë të mazhorancës.
Aktualitet
UBT hap thirrjen për dorëzimin e abstrakteve për Konferencën Ndërkombëtare mbi Shëndetin Mendor dhe Mirëqenien (PSY 2025)
Published
11 hours agoon
September 24, 2025By
Driton Iseni
UBT ka shpallur hapjen zyrtare të thirrjes për dorëzimin e abstrakteve për Konferencën Ndërkombëtare mbi Shëndetin Mendor dhe Mirëqenien (PSY 2025), e cila do të zhvillohet në kuadër të aktiviteteve të edicionit të 14-të të Konferencës Ndërkombëtare të UBT-së.
Kjo konferencë synon të bashkojë profesionistë, studiues, praktikues dhe studentë të psikologjisë, vendorë dhe ndërkombëtarë, për të ndarë përvoja, njohuri dhe ekspertizë mbi faktorët që ndikojnë në përmirësimin e shëndetit mendor, duke kontribuar si në komunitetin akademik ashtu edhe në praktikën profesionale.
Konferenca Ndërkombëtare mbi Shëndetin Mendor dhe Mirëqenien do të mbahet më 23, 24 dhe 25 tetor 2025, ndërsa tema kryesore e këtij viti është: “Shëndeti Mendor dhe Mirëqenia”. Ajo ka për qëllim të bashkojë studiues, edukatorë dhe profesionistë nga fusha të ndryshme, për të eksploruar dhe shkëmbyer ide mbi lidhjen mes shëndetit mendor dhe proceseve të rezistencës që mbështesin qëndrueshmërinë, inovacionin dhe mirëqenien mendore.
UBT mirëpret abstrakte që lidhen (por jo vetëm) me fushat e mëposhtme:
- Aftësitë e rezistencës në komunitetet e margjinalizuara
- Avancimet në kërkimin mbi sjelljen
- Shëndeti mendor dixhital dhe epoka dixhitale
- Baza biologjike e sjelljes njerëzore
- Shëndeti mendor dhe pabarazia
- Strategjitë e përballimit të stresit
- Ndërgjegjësimi për shëndetin mendor
Konferenca do të mbahet në format hibrid, duke u lejuar pjesëmarrësve të marrin pjesë fizikisht në Kampusin e UBT-së ose online, duke ofruar fleksibilitet për kontribuesit vendorë dhe ndërkombëtarë. Pjesëmarrës në këtë ngjarje do të jenë hulumtues shkencorë nga SHBA-ja, Republika Çeke, Turqia, Shqipëria dhe Maqedonia e Veriut.
Datat e rëndësishme:
- Dorëzimi i abstrakteve: 10 tetor 2025
- Njoftimi për pranimin e abstrakteve: 17 tetor 2025
- Dorëzimi i punimeve: 14 nëntor 2025
- Procesi i rishikimit: 17 tetor 2025
- Regjistrimi i hershëm: 17 tetor 2025
- Regjistrimi i vonë: 20 tetor 2025
- Datat e konferencës: 23–25 tetor 2025
Koordinatorët e konferencës:
Dr. Fatbardh Qehaja Osmani & Dr. Elona Krasniqi
Lajmet
Shqipëria pa Marash Kumbullën në ndeshjen me Serbinë
Published
12 hours agoon
September 24, 2025By
UBT News
Marash Kumbulla do të qëndrojë rreth një muaj jashtë fushës sipas raportimeve të fundit nga Spanja, e që tregojnë se mbrojtësi do të jetë sërish i gatshëm për Majorkën pas pushimit të kombëtareve.
25-vjeçari pësoi një dëmtim muskulor në sfidën e fundit të 21 shtatorit, që Majorka luajti përballë Atletiko Madrid.
Kumbulla la fushën e lojës në minutën e 36-të dhe vendin e tij e mori Pablo Torre.
Ndeshjet e radhës që Majorka do të luajë pa Kumbullën do të jenë me Real Sociedad, Alavesh dhe Atletik Bilbaon. Nëse gjithçka shkon sipas planit, rikthimi do të jetë ndaj Seviljes, më 18 tetor.
Kumbulla do të qëndrojë kështu jashtë listës së Silvinjos edhe për sfidat e tetorit.
Kombëtarja do të sfidojë Serbinë në transfertë për kualifikueset e Botërorit 2026 dhe më pas Jordaninë në miqësore./S.K/EO/
Lajmet
Trajneri personal i Zhegrovës jep detaje rreth rikthimit të tij në fushë
Published
13 hours agoon
September 24, 2025By
UBT News
Edon Zhegrova është rikthyer pas një mungese nëntëmujore, duke kaluar një proces të gjatë transformimi fizik dhe mendor për t’u rikthyer në formë.
Ardian Sallahu, trajner atletik që ka tre vite pranë tij, ka qenë figura kyçe në këtë rrugëtim.
Ai hartoi planin e rikuperimit, duke filluar nga një dietë e personalizuar dhe stërvitjet e dedikuara në fushë e palestër.
“E ndihmova të përballonte stuhinë dhe të kthehej më i fortë. Ai është ndryshe nga më parë, i transformuar,” u shpreh Sallahu.
Së bashku me Benet Tolaj, Sallahu u kujdes jo vetëm për aspektin fizik, por edhe për atë psikologjik, duke e motivuar dhe duke nxitur energji pozitive.
“Ne nuk kërkojmë vetëm rezultate, por edhe zhvillim personal e profesional. Durimi, disiplinimi dhe pasioni janë çelësi i suksesit afatgjatë,” theksoi trajneri personal.
Sa i përket gjendjes aktuale, Sallahu dha sinjale optimiste për debutimin e Zhegrovës me Juventusin.
“Edoni është plotësisht i aftë të luajë 90 minuta pa asnjë problem”, shtoi ai./S.K/KP/TuttoSport/
Lajmet
Nisen të gjithë zarfet me fletëvotime për votim jashtë Kosovës
Published
13 hours agoon
September 24, 2025By
UBTnews
Për herë të parë Komisioni Qendror i Zgjedhjeve i ka dhënë vetës detyrë që votuesve të regjistruar jashtë Kosovës t’ua dërgojë përmes postës pakot me fletëvotime për të votuar në Zgjedhjet Lokale.
Ky shërbim pritet të realizohet për 43 mijë e 933 shtetasit e Kosovë, të cilët aplikuan dhe u regjistruan për të votuar përmes postës në Zgjedhjet për Kryetarë të Komunave dhe për Kuvende Komunale.
Në mbledhjen e mbajtur sot nga KQZ, u prezantua raporti për dërgimin e pakove me fletëvotime për votuesit e regjistruar jashtë Kosovës, për votim me postë për Zgjedhjet Lokale. Sipas raportit, KQZ ka nisur përmes postës rreth 44,000 pako me fletëvotime për votuesit e regjistruar në disa shtete dhe shërbimet postare po i përcjellin te votuesit e regjistruar në adresat e dhëna prej tyre gjatë procesit të regjistrimit.
Nga ky numër i përgjithshëm, rreth 41,879 pako janë dorëzuar në bashkëpunim me Postën e Kosovës dhe 2,050 të tjera përmes postës së shpejtë. Zarfi i cili i dërgohet votuesit, përmban: fletëvotimet; zarfin e fshehtësisë; udhëzuesin me informacione se si plotësohen fletëvotimet dhe si realizohet votimi përmes postës; zarfin kthyes dhe shiritin mbyllës.
Në votimin jashtë Kosovës për votim me postë në Zgjedhjet Lokale, detyrë e votuesit është që pakon me fletëvotime ta dërgojë në ndonjërën nga kutitë postare të KQZ-së. Në shumicën e këtyre zarfeve, KQZ ka shënuar paraprakisht adresën e kutisë postare në shtetin përkatës të votuesit të regjistruar. Në rastet kur adresa nuk është shënuar nga KQZ, votuesi duhet ta shënojë njërën nga adresat e kutive postare të KQZ.
Besnik Buzhala, Drejtor i Zyrës për Regjistrim, Certifikim dhe Kontrollin Financiar të Subjekteve Politike tha se të gjitha zarfet me fletëvotime tashmë gjinden jashtë territorit të Kosovës.
“Raporti shpjegon gjithë procesin që është realizuar me qëllim të dërgimit të pakove me fletëvotime i cili ka filluar me datën 15 shtator dhe ka përfunduar në vikendin e kaluar. Gjithashtu në këtë raport janë paraqitur edhe të dhënat e përgjithshme lidhur me numrin e zarfeve që ka pranuar Posta e Kosovës nga sekretariati i KQZ-së, ku tashmë të gjithë zarfet me fletëvotime gjinden jashtë territorit të Kosovës, një pjesë dërrmuese e tyre kanë arritur në shtetet e caktuara… Po ashtu janë dorëzuar 2050 zarfe të kompletuara të cilat do të dërgohen me postën e shpejtë në shtetet si Australi, Kanadë, Islandë, Indonezi, Irlandë, Izrael e të tjera. Do të thotë shtetet që bëjnë pjesë jashtë kontinentit të Evropës.”
Po ashtu, në këtë mbledhje, KQZ mori vendim për akreditimin e 18,041 vëzhguesve të 51 subjekteve politike të certifikuara për pjesëmarrje në Zgjedhjet Lokale 2025.
Periudha e votimit përmes postës, e cila ka filluar më 17 shtator dhe do të përfundojë më 11 tetor 2025, vlenë vetëm për 43,933 shtetasit që janë regjistruar suksesshëm si votues jashtë Kosovës./D.B/KP

Pretendentët e hershëm për Oscar 2025! Kritika parashikon një edicion të jashtëzakonshëm

Lopez dhe Affleck e rikthejnë në shitje rezidencën luksoze në Beverly Hills

Një nga kompjuterët më të rrallë në histori, Apple-1 shitet për 475 mijë dollarë

Vaksina kundër gripit sezonal, si të përgatiteni dhe kujdeseni pas saj?

90 vite elegancë, Sophia Loren ndan sekretin e saj

UBT hap thirrjen për dorëzimin e abstrakteve për Konferencën Ndërkombëtare mbi Shëndetin Mendor dhe Mirëqenien (PSY 2025)

Spotify surprizon përdoruesit me një risi të madhe

Shqipëria pa Marash Kumbullën në ndeshjen me Serbinë

Kujdes! Këto janë ëmbëlsirat që dëmtojnë dhëmbët
Të kërkuara
-
Aktualitet1 month ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Lajmet nga UBT3 months ago
UBT shpall konkurs për pranimin e studentëve të rinj për vitin akademik 2025/26