Lajmet

Murati përplaset me opozitën: E patët sjellë qytetarin në gjendje ta shiste votën për 20€

Përplasje pozitë-opozitë.

Published

4 years ago

on

Ministri i Financave, Punës dhe Transfereve, Hekuran Murati, në seancën e sotme në Kuvend është përplasur me opozitën, duke thënë se në kohën e pushteteve të kaluara qytetarët e vendit detyroheshin të shisnin vota për 20 euro.

Ministri Murati ka thënë po ashtu se nuk e kupton se si opozita po shkon aq larg sa të dëshirojë që Kosova të zbrazet. Duke iu përgjigjur opozitës, Murati ka folur edhe për zgjerimin e rrugës Prishtinë – Mitrovicë dhe për mbështetjen e qeverisë për fëmijët, pensionistët dhe studentët.

“Mos pretendoni se ne kemi bllokuar atë rrugë, ne e kemi zhbllokuar. Diçka që ka qenë e bllokuar për 15 vjet po zhbllokohet tash. Ka pasur probleme me shpronësime, dallavere me kontrata. Ka pas edhe keq menaxhim e keq planifikim në projekte… Normalisht ka shumë punë për t’u bërë, ende nuk e kemi mbërri as gjysmën e mandatit. Dhe kemi arritur që të zgjidhim shumë probleme që na I keni lënë ju… Vetëm me krahasua, ka qenë një situatë në të kaluarën vota është blerë për 20 euro. Në atë gjendje e patët sjellë qytetarinë Kosovës ju. Kurse, tash 20 euro i marrin çdo muaj shtesa për fëmijët, e krejt çfarë është me bërë ka qenë aplikimi online. Kështu 330 mijë fëmijë marrin shtesa çdo muaj. Janë po ashtu edhe shtesat për lehona, për pensionistët studentët”, tha Murati.

Ndërsa për heqjen dorë nga shtetësia, ministri Murati tha se kjo ka të bëjë kryesisht me persona të cilët migrojnë në shtetin e Gjermanisë.

“E kuptoj se si opozitë mund të shkoni edhe aq larg sa që të dëshironi që të zbrazet Kosova, vetëm e vetëm që kjo ti faturohet kësaj qeverie. Mirëpo trendë tregojnë diçka tjetër. Pra, ju lus që sa herë të flisni me statistika të merrni statistikat për një periudhë më të gjatë kohore. Çështja e heqjes dorë nga shtetësia ka të bëjë kryesisht me persona të cilët migrojnë në shtetin gjerman, sepse nuk lejohet dy shtetësi…Me gjithë këto kriza jemi vendi që kemi dalë më së miri në rajon. Po, ka pasur edhe rritje të çmimeve dhe inflacion, mirëpo edhe aty jemi vendi që përjashto Shqipërinë, të gjitha shtetet tjera në rajon e kanë nivelin e inflacionit më të lartë. Si shtet, si Qeveri kemi marrë të gjitha masat e mundshme që kanë qenë në dorën e qeverisë… Si ekzekutiv kemi arritur që buxhetin e Kosovës ta çojmë në shifrën 3.2 miliardë euro”, theksoi Murati.

Ndërsa, deputetja e PDK-së, Ganimete Musliu i është drejtuar ministrit të Financave, Hekuran Murati se me fjalimin e tij dëshmoi se janë kot.

Deputetja Musliu u shpreh se “pallavrave të kësaj qeverie më nuk iu beson qytetari”.

“Ministër edhe njëherë sapo e dëshmove se ju jeni kot ju se keni idenë se si qeveriste ju të vetmen gjë që e keni bërë në parandalimin e ikjes së qytetarëve nga Kosova është që i keni penalizuar duke mos i pajisur me pasaporta. Thjesht, ju u keni ndal qytetarëve të Kosovës të drejtën bazike me u pajisur me pasaporta vetëm për ta ndal fluksin e ikjeve nga Kosova të njerëzve të trishtuar nga qeverisja juaj. Ju nuk dini me ruajtur asgjë, krejt çka dini me ruajtur në këtë vend është Martin Berishaj. Prandaj, jeni qu i madh e I vogël në këmbë me e ruajtur Martin Berishën sepse ai është thesar për juve”, tha ajo.

Deputetja Musliu nuk u ndal me kaq, ajo ka tentuar ta pengojë ministrin Murati, derisa ky i fundit fliste në foltoren e Kuvendit të Kosovës.

Related Topics:
Continue Reading

Lajmet

BE-ja pritet t’i japë Ukrainës 6.1 miliardë euro shtesë për mbrojtjen

Published

1 hour ago

on

September 11, 2026

By

Bashkimi Evropian pritet t’i ofrojë Ukrainës 6.1 miliardë euro ndihmë shtesë për blerjen e pajisjeve ushtarake, përfshirë sistemet amerikane të mbrojtjes ajrore “Patriot”.

Financimi është pjesë e paketës së huasë prej 90 miliardë eurosh të BE-së për Ukrainën, e cila përfshin 28.3 miliardë euro për ndihmë ushtarake dhe 16.7 miliardë euro për mbështetje buxhetore.

Për të mundësuar blerjen e sistemeve “Patriot”, të prodhuara në Shtetet e Bashkuara, BE-ja do të heqë kërkesën që pajisjet të jenë të prodhuara brenda Evropës. Përjashtimi do të vlejë edhe për disa dronë që përdorin komponentë kinezë.

Shuma prej 6.1 miliardë eurosh përbën këstin e fundit të fondit prej 28.3 miliardë eurosh të dedikuar për mbrojtjen. Deri më tani, Ukrainës i janë transferuar 8.35 miliardë euro për këtë qëllim.

Komisioneri Evropian për Mbrojtjen, Andrius Kubilius, tha se avantazhi ushtarak i Ukrainës varet nga sigurimi i shpejtë i pajisjeve kritike në sasitë dhe afatet e nevojshme.

Sipas tij, përshpejtimi i dërgesave përmes përdorimit të rezervave ekzistuese, rishikimit të prioriteteve të porosive dhe rritjes së kapaciteteve prodhuese është thelbësor.

Ndihma e re vjen në kohën kur Rusia ka intensifikuar sulmet ajrore ndaj Ukrainës, ndërsa aleatët po përpiqen të rrisin furnizimet me sisteme të mbrojtjes ajrore përpara dimrit./A.K/

Continue Reading

Lajmet

Bajrami: Puna e parë në Kuvend do të jetë kriminalizimi i shkeljes së Kushtetutës

Published

2 hours ago

on

September 11, 2026

By

Deputetja e Lidhjes Demokratike të Kosovës (LDK), Hykmete Bajrami, ka deklaruar se një nga veprimet e para të Kuvendit do të jetë jetësimi i nismës së Institutit të Kosovës për Drejtësi (IKD) për kriminalizimin e shkeljes së Kushtetutës.

Pas ndërprerjes së seancës konstituive, Bajrami ka shkruar në Facebook se “është urgjencë kombëtare të shpëtohet ky shtet”.

“Puna e parë në Kuvend do të jetë jetësimi i nismës së IKD-së për kriminalizimin e shkeljes së Kushtetutës, në mënyrë që ata që e shkelin Kushtetutën, njësoj si armiqtë e këtij shteti, të përfundojnë në burg, të japin llogari dhe të mbajnë përgjegjësi për veprimet e tyre”, ka shkruar ajo.

Bajrami ka kritikuar edhe kryetarin e Lëvizjes Vetëvendosje, Albin Kurti, të cilin e ka quajtur “mashtrues” dhe e ka akuzuar se po synon ta rrënojë shtetin.

“Ky vend nuk është ndërtuar që një mashtrues, i cili erdhi në pushtet me premtimin e bashkimit kombëtar, ta rrënojë shtetin për të cilin njerëzit kanë dhënë jetën, kanë dhënë gjymtyrët dhe mbajnë ende plagët në trup!”, ka deklaruar Bajrami./A.K/

Continue Reading

Lajmet

Kuvendi vazhdon në orën 14:00 seancën konstituive, në rend dite zgjedhja e nënkryetarëve

Published

2 hours ago

on

September 11, 2026

By

Kuvendi i Kosovës do të vazhdojë sot në orën 14:00 seancën konstituive, ndërsa në rend dite është pika për zgjedhjen e nënkryetarëve të Kuvendit.

Vazhdimi i seancës ishte ndërprerë të premten, pasi deputetët e Partisë Demokratike të Kosovës lëshuan sallën, pas dështimit të zgjedhjes së Vlora Çitakut për nënkryetare.

Deputetët e Lëvizjes Vetëvendosje abstenuan gjatë votimit për Çitakun, duke bërë që ajo të mos i merrte votat e nevojshme.

Kryetarja e Kuvendit, Albulena Haxhiu, i bëri thirrje PDK-së që të paraqiste një propozim tjetër, por partia nuk e bëri një gjë të tillë.

Pas ndërprerjes së seancës, kryetari i PDK-së, Bedri Hamza, deklaroi se deputetët e kësaj partie nuk do të marrin pjesë në seancat e Kuvendit dhe paralajmëroi se çështjen do ta dërgojnë në Gjykatën Kushtetuese.

Sot pritet të shihet nëse do të ketë një marrëveshje për përmbylljen e procesit të konstituimit të Kuvendit./A.K/

Continue Reading

Lajmet

Kuvendi dështon sërish të përmbyllë seancën konstituive, PDK lëshon sallën

Published

2 hours ago

on

September 11, 2026

By

Seanca konstituive e Kuvendit të Kosovës ka dështuar të përmbyllet edhe në vazhdimin e sotëm, pasi procesi mbeti te zgjedhja e nënkryetarëve të Kuvendit.

Në votimin e veçantë për nënkryetarët, Ardian Gola nga Lëvizja Vetëvendosje u zgjodh në këtë pozitë me 101 vota.

Ndërkaq, kandidatja e PDK-së, Vlora Çitaku, nuk arriti të marrë votat e nevojshme për nënkryetare. Deputetët e LVV-së abstenuan gjatë votimit për kandidaturën e saj.

Pas këtij votimi, deputetët e PDK-së lëshuan sallën e Kuvendit, ndërsa kryetarja Albulena Haxhiu ndërpreu punimet e seancës.

Haxhiu tha se për vazhdimin e radhës së seancës deputetët do të njoftohen me kohë. Me këtë, Kuvendi ende nuk ka arritur ta përmbyllë procesin e konstituimit.

Seanca e sotme vjen në kuadër të përpjekjeve për përmbylljen e seancës konstituive dhe funksionalizimin e plotë të Kuvendit të Kosovës./A.K/

Continue Reading

Të kërkuara