Lajmet

Mungesa e ujit të pijshëm në Vushtrri, Idrizi e Kurti fajësojnë keqpërdoruesit

U tha se janë dërguar lëndë edhe në Prokurori.

Publikuar

2 vjet më parë

më

Mungesa e ujit të pijshëm në komunën e Vushtrrisë ka qenë temë diskutimi ndërmjet kryetarit të kësaj komune, Ferit Idrizi, dhe kryeshefit ekzekutiv të Kompanisë Rajonale Ujësjellësi “Mitrovica”, Bashkim Kurti.

Idrizi e Kurti fajin kryesor ia lanë keqpërdoruesve të shumtë të ujit, për të cilët u tha se janë dërguar lëndë edhe në Prokurori.

Kryetari i Vushtrrisë, Ferit Idrizi tha se komuna e Vushtrrisë është e gatshme që të ndihmojë në zgjidhjen e këtij problemi duke angazhuar inspektorë.

“Si kryetar komune jam i gatshëm të marrë çdo përgjegjësi që është e komunës për ta ndihmuar KRU “Mitrovica”, e cila është përgjegjëse për furnizim me ujë te qytetarët e Vushtrrisë por me një bisedë me kryeshefin një ndër arsyet janë edhe keqpërdoruesit”, tha Idrizi.

“I bëj thirrje kompanisë që t’i identifikojë keqpërdoruesit dhe t’i ndëshkojë. Ne gjatë këtyre dy muajve do t’i angazhojmë inspektorët tanë në asistencë dhe në kontroll të ekonomive familjare që keqpërdoruesit nuk do të falen nga askush”, tha Idrizi.

Duke mos pasur zgjidhje për këtë mungesë të ujit, kryeshefi i KRU “Mitrovica”, Bashkim Kurti fajësoi keqpërdoruesit, ndonëse tha se po punojnë me kapacitete maksimale.

“Si kompani jemi duke e bërë maksimumin për furnizim 24 orë për gjithë qytetarët e Vushtrrisë. Megjithatë duke perdorur 100 për qind të kapaciteteve për t’i furnizuar gjithë qytetarët e Vushtrrisë por keqpërdoruesit janë të skajshme dhe normalisht që na shkaktojne telashe per furnizim me ujë. Pra mungesa e ujit është keqpërdorimi i cili po bëhet nga disa qytetarë të papërgjegjshëm”, tha Kurti.

“Si pasojë e keqpërdoruesve në regjionin tonë, mbi 80 raste janë dërguar për keqpërdorim të ujit”, tha tutje ai.

Etiketa
Vazhdo të lexosh

Lajmet

​Piramida e Tiranës nderohet me çmim nga “WAN Awards EMEA”

Publikuar

24 orë më parë

më

15 Qershor, 2024

nga

Piramida e Tiranës ka marrë një tjetër çmim nga juria e “WAN Awards EMEA”, vlerësuese e projekteve arkitekturore më novatore nga e gjithë bota.

Kryeministri Edi Rama bëri sot të ditur se juria e “WAN Awards EMEA”, e cilëson Piramidën e Tiranës si një “projekt të guximshëm”, të hapur për publikun, dhe e rrethuar nga një ansambël kutish shumëngjyrëshe, të shpërndara brenda dhe përreth ndërtesës origjinale.

Juria e “WAN Awards EMEA” vlerëson se transformimi i Piramidës tregon se si një ndërtesë mund të përshtatet për një “erë të re”, duke ruajtur historinë e saj komplekse.

“Në vend që struktura të shembej më kot, guaska e saj e fortë prej betoni është përshtatur sipas parimeve të “ekonomisë qarkulluese”. Fletë të mëdha xhami me nivele zëvendësojnë xhamat midis trarëve të betonit të Piramidës, duke mbrojtur brendinë nga shiu, ndërsa njëkohësisht e mbajnë atë të hapur ndaj elementëve të natyrës”, vlerëson juria.

Arkitektja e njohur Eva Jiricna, kryetare e jurisë së “WAN Awards EMEA” vlerësoi projektuesit për këtë zgjidhje kaq të mirë, “për t’i treguar publikut se pak humor mund të shërojë edhe plagët më të thella”./ATSH/

Vazhdo të lexosh

Lajmet

Aksionarët e Tesla-s padisin Elon Musk për devijimin e burimeve në kompaninë e tij të AI

Publikuar

1 ditë më parë

më

15 Qershor, 2024

nga

Aksionarët e Tesla kanë ngritur një padi kundër CEO-s, Elon Musk dhe bordit të kompanisë për zhvendosjen e burimeve dhe talentit nga prodhuesi i makinave elektrike dhe përdorimin e tyre në vend të kësaj për kompaninë e inteligjencës artificiale (AI) të Musk, xAI.

Disa aksionarë pohuan se Musk u përpoq për vite me radhë ta poziciononte Tesla-n si një kompani robotike dhe AI-në ​​dhe jo si një prodhues automjetesh.

Sipas padisë e cila u ngrit në shtetin amerikan të Delaware, Musk “devijoi talentin dhe burimet e pakta nga Tesla në xAI dhe mblodhi miliarda dollarë për xAI ndërsa pretendonte aksesin e xAI në të dhënat e lidhura me AI të Tesla”.

Padia, e raportuar fillimisht nga TechCrunch dhe Business Insider, vjen menjëherë pasi Musk hoqi dorë nga padia e tij kundër OpenAI, kompania e cila qëndron pas ChatGPT, te e cila ai ishte një investitor origjinal./UBTNews/

Vazhdo të lexosh

Lajmet

Gjermania kap sasi rekorde të kokainës

Publikuar

2 ditë më parë

më

14 Qershor, 2024

nga

Autoritetet gjermane njoftuan sot për sekuestrimin e rreth 35 ton kokaine, në atë që besohet të jetë kapja më e madhe në llojin e tij.

Droga u zbulua për herë të parë në portin e Hamburgut vitin e kaluar, por autoritetet nuk kanë dhënë asnjë informacion prej muajsh për shkak të hetimeve në vazhdim, sipas mediave gjermane.

Sipas Ministrisë së Drejtësisë të North Rhine-Westphalia, vlera e vlerësuar në rrugë e 35 tonëve kokainë ishte disa miliardë euro.

Gjatë bastisjeve të policisë, të paktën shtatë të dyshuar u arrestuan në disa shtete federale, duke përfshirë Hamburgun, Berlinin, Bavarinë dhe Saksoninë e Ulët.

Tri portet më të mëdha në Evropë – Roterdami, Antverpen dhe Hamburgu – përdoren shpesh nga kartelet për kontrabandë të drogës nga Amerika e Jugut.

Në vitin 2021, zyrtarët doganorë në Hamburg sekuestruan 16 ton kokainë, me një vlerë rruge prej afro 3.5 miliardë euro. Ishte kapja më e madhe e vetme e kokainës deri më tani në Gjermani. /AA

Vazhdo të lexosh

Lajmet

Komandanti i Gardës Kombëtare të Iowa-s po qëndron në Kosovë me ftesë të komandantit të FSK-së

Publikuar

2 ditë më parë

më

14 Qershor, 2024

nga

Me ftesë të veçantë të komandantit të Forcës së Sigurisë së Kosovës, gjenerallejtënant Bashkim Jashari, në Kosovë po qëndron komandanti i Gardës Kombëtare të Iowa-s, gjeneral major Stephen Osborn.

Ai është i shoqëruar nga rreshter majori komandues i Gardës Kombëtare të Iowa-s, Matthew Strasser dhe delegacioni përcjellës, të cilët janë mysafirë të KOMFSK-së në kuadër të aktiviteteve të 25-vjetorit të çlirimit të Kosovës.

Gjatë vizitës, Jashari priti në takim Osbornin ku e falënderoi për vizitën e delegacionit të tij dhe për bashkëpunimin e shkëlqyeshëm bilateral në mes të Forcës së Sigurisë së Kosovës dhe Gardës Kombëtare të Iowa-s.

Tutje, gjeneralët u pajtuan për zbatimin e planit të përbashkët të bashkëpunimit 2025-2026 mes GK Iowa dhe FSK-së.

Vazhdo të lexosh

Të kërkuara