Lajmet

Mungesa e ilaçeve në Evropë, çfarë dihet deri më tani?

Ky fenomen nuk është i ri, por situata është përkeqësuar si pasojë e COVID-19 dhe luftës në Ukrainë.

Publikuar

2 vjet më parë

më

Farmacitë në Britani të Madhe dhe Francë po përballen me mungesë të një antibiotiku kyç, pasi mjekët paralajmëruan rikthimin e një virusi dimëror, siç është streptokoku i fytit.

Në Britani, Shoqata e Farmacive të Pavarura të Shumëfishta e konsideron shqetësuese mungesën e amoksicilinës në periudhën kur vendi po përballet me rritje të rasteve me ethe të kuqe dhe infeksione të rëndsa sikurse Strep A, që deri më tani shkaktoi vdekjen e nëntë fëmijëve.

Profesionistët shëndetësorë po paralajmërojnë mungesë të barnave edhe në shtete të tjera evropiane, sikurse Italia, si dhe në Kanada e Shtetet e Bashkuara të Amerikës.

Në Francë, qeveria ka pranuar se furnizimet ishin të ulëta si me amoksicilinë ashtu edhe me ilaçin e zakonshëm paracetamol, por që pacientët arritën të gjejnë atë që u përshkruhej.

Emma, nënë e dy fëmijëve e cila jeton në Lion, tha se ajo shkoi në gjashtë barnatore të ndryshme në fund të nëntorit para se të gjente amoksicilinë për të pastruar infeksionin e veshit të djalit të saj trevjeçar.

“E gjeta amoksicilinën në barnatoren e gjashtë dhe ishte paketa e fundit”, tha ajo për Euronews Next, teksa njoftoi se në barnatore i thanë që këtë ilaç edhe mund ta porosiste, por që nuk do të arrinte deri një javë më vonë.

Emma u përball në situatë të njëjtë edhe me mungesë të paracetamolit në formë të lëngshme, që zakonisht shitet pa recetë, për vajzën e saj tremuajshe që vuante nga bronkioliti.

“Ishte një përvojë vërtet stresuese. Kur fëmija juaj është i sëmurë, gjithçka që dëshironi të bëni është ta bëni atë të ndihet më mirë”, tha ajo.

Çfarë po shkakton mungesën e ilaçeve?

Ky fenomen nuk është i ri, por situata është përkeqësuar si pasojë e COVID-19 dhe luftës në Ukrainë.

“Situata ka qenë shumë e keqe ndër vite në të gjitha vendet dhe ka prekur të gjitha llojet e barnave”, tha Ilaria Passarani, Sekretare e Përgjithshme e Grupit Farmaceutik të Bashkimit Evropian (PGEU) që përfaqëson farmacistët e komunitetit.

“Për shtatë, tetë vitet e fundit, problemi veçse u rrit”, tha ajo për Euronews Next, duke shtuar se ka disa shkaqe që e sollën këtë situatë.

Arsyeja kryesore ka të bëjë me globalizimin e prodhimit të barnave. Kina dhe India vlerësohet të prodhojnë midis 60 për qind dhe 80 për qind të përbërësve farmaceutikë aktivë në botë. Ky përqendrim i tregut sjell edhe rreziqe.

Një prodhues gjithashtu mund të ndalojë prodhimin e një produkti kur ai nuk është më mjaft fitimprurës, duke i lënë blerësit me shumë pak alternativa.

Dhe çdo defekt në zinxhirët e furnizimit mund të shkaktojë lehtësisht ndërprerje. Në vitin 2019, një raport ekskluziv nga Vice zbuloi se 14 barna të shëndetit mendor ishin në mungesë pas Brexit.

Këto ditë, faktorë shtesë po kontribuojnë në pengesën. Që nga lufta në Ukrainë, industria farmaceutike – si shumë sektorë – është goditur nga inflacioni i lartë./UBTNews/

Etiketa
Vazhdo të lexosh

Lajmet

UNRWA ka fonde deri në fund të gushtit

Publikuar

14 orë më parë

më

25 Qershor, 2024

nga

Kreu i agjencisë së Kombeve të Bashkuara që mbështet refugjatët palestinezë tha të martën se ka siguruar fonde deri në fund të muajit gusht.

“Ne kemi të ardhura deri në fund të gushtit”, tha Philippe Lazzarini, kreu i UNRWA-së, i cila koordinon pothuajse të gjithë ndihmën në Gaza, porse është përballur me një krizë të ardhurash që nga muaji janar, kur shumë vende pezulluan fondet pasi Izraeli akuzoi diku 13 mijë punonjës të Gazës për përfshirje në sulmin e 7 tetorit nga Hamasi./UBTNews/

Vazhdo të lexosh

Lajmet

Policia apel mërgimtarëve: Respektoni rregullat e trafikut!

Publikuar

15 orë më parë

më

25 Qershor, 2024

nga

Policia e Kosovës u ka dëshiruar mirëseardhje të gjithë bashkatdhetarëve që do të kalojnë pushimet verore në Kosovë.

Bashkë me urimin e mirëseardhjes, Policia ka lëshuar edhe një apel për ta, duke u kërkuar që të respektojnë rregullat e trafikut për sigurinë e tyre dhe të familjeve.

Në apel, Policia ka bashkëngjitur edhe gjobat për secilën shkelje të rregullave të trafikut, siç parashikohen me Ligjin e ri të trafikut.

Vazhdo të lexosh

Lajmet

Konfirmohet nga Apeli, shtyhet ekzekutimi i Regullores për organizimin e brendshëm dhe Sistematizimin e Vendeve të Punës së SHSKUK-së

Publikuar

16 orë më parë

më

25 Qershor, 2024

nga

Konfirmohet nga Apeli, shtyhet ekzekutimi i Regullores për organizimin e  brendshëm dhe Sistematizimin e Vendeve të Punës së SHSKUK-së

Avokati Ardian Bajraktari, ka deklaruar se Gjykata e Apelit ka konfirmuar ligjshmërinë e vendimit të Gjykatës së Shkallës së parë, e cila e ka refuzuar si të pa bazuar ankesën e Shërbimit Spitalor dhe Klinik Universitar të Kosovës, lidhur me shtyrjen e ekzekutimit të Regullores për Organizimin e Brendshëm dhe Sistematizimin e Vendeve të Punës së SHSKUK-së.

Bajraktari ka shprehur bindjen se epilogu përfundimtar i këtij procesi gjyqësor do të jetë në favor të tyre.

“Sot pranova Aktvendimin e Gjykatës së Apelit, ku kjo e fundit e ka refuzuar si të pa bazuar ankesën e Shërbimit Spitalor dhe Klinik Universitar të Kosovës, lidhur me shtyrjen e ekzekutimit të Regullores me numer 1024 dates 08.04.2024 për Organizimin e Brendshëm dhe Sistematizimin e Vendeve të Punës së SHSKUK-së, si dhe e ka vërtetuar Aktvendimin e Gjykatës Themelore në Prishtinë  – Departmenti për Çështje Administrative A. nr. 1795/2024, të datës 13.5.2024. I bindur dhe shpresëplotë se i tillë do të jetë edhe epilogu përfundimtar i këtij procesi gjyqësor. Besimi në drejtësi rritet me vendime të drejta”, ka shkruar ai.

Vazhdo të lexosh

Lajmet

OBSH kërkon hapjen e pikëkalimit në Rafah për evakuime mjekësore

Publikuar

16 orë më parë

më

25 Qershor, 2024

nga

Mbyllja e pikëkalimit në Rafah mes Egjiptit dhe Gazës ka pamundësuar evakuimet mjekësore të së paku 2.000 pacientëve, tha një zyrtar i Organizatës Botërore të Shëndetësisë (OBSH), duke bërë thirrje që Rafahu dhe rrugë të tjera të rihapen.

Para mbylljes, “afër 50 pacientë kritikë janë larguar nga Gaza çdo ditë… Do të thotë, që nga 7 maji të paktën 2.000 persona nuk kanë mundur të largohen nga Gaza për të marrë trajtim mjekësor”, tha Rik Peeperkorn, përfaqësues i OBSH-së për Gazën dhe Bregun e pushtuar Perëndimor.

Pikëkalimi në Rafah ishte rruga kryesore për evakuime, por edhe për kalimin e ndihmës humanitare, në fillim të luftës mes Izraelit dhe Hamasit, grupit palestinez të shpallur organizatë terroriste nga Shtetet e Bashkuara dhe Bashkimi Evropian.

Megjithatë, ky pikëkalim u mbyll pasi Izraeli nisi një operacion në Rafah në maj.

Javën e kaluar, SHBA-ja, Egjipti dhe Katari zhvilluan bisedime me synim që të rihapet ky pikëkalim dhe të rriten dërgesat me ndihmë humanitare. Por Rafahu, ku Egjipti dëshiron që trupat izraelite të tërhiqen dhe të rivendoset prania palestineze, vazhdon të jetë i mbyllur.

Ndërkaq, ka lëvizje në pikëkalimin e afërt të Kerem Shalomit që kontrollohet nga Izraeli, por sipas Peeperkorn ky pikëkalim është i pasigurt.

Të paktën 10.000 persona kanë nevojë të evakuohen nga Gaza, tha Peeperkorn.

“Na duhen më shumë rrugë për evakuime emergjente mjekësore. Ne duam që Karem Shalom dhe rrugë të tjera të hapen po ashtu për evakuime mjekësore dhe pacientët të mund të dërgohen në spitale në Jerusalemin Lindor dhe Bregun Perëndimor”, tha ai.

Lufta në Gazë nisi pas sulmit të paprecedent të Hamasit në jug të Izraelit më 7 tetor, kur u vranë afër 1.200 persona dhe u rrëmbyen 250 të tjerë. Ndërkaq, si pasojë e ofensivës izraelite, në Gazë deri më tani janë vrarë më shumë se 37.000 persona./REL

Vazhdo të lexosh

Të kërkuara