Kandidatët e mundshëm për të zëvendësuar Joe Biden si kandidaturën presidenciale demokrate janë angazhuar më shumë pas një nate në të cilën ka pasur thirrje që presidenti të tërhiqej nga zgjedhjet e vitit 2024 pas një paraqitjeje zhgënjyese në debatin e parë televiziv të fushatës.

Senatorja demokrate Claire McCaskill tha në MSNBC se ajo nuk ishte e sigurt “nëse mund të bëhen gjëra për ta rregulluar këtë” pasi Biden u duk se ishte goditur nga Donald Trump, i cili, pavarësisht nga pretendimet e shumta të rreme, megjithatë dukej se ishte më koherent nga kandidatët e perspektivës së të moshuarve.

Zëri i Biden-it nganjëherë dukej i vrullshëm dhe herë-herë ai nuk kishte kuptim, duke thënë “Më në fund e mundëm Medicare” në një moment. Trump u përgjigjej rregullisht pyetjeve të drejtpërdrejta – në lidhje me ekonominë, abortin ose krizën e opioideve – me jo sekuitura, por pas debatit ishin komentuesit demokratë ata që dukeshin më të shqetësuar për ndikimin e mundshëm te votuesit.

Maria Shriver, ish-zonja e parë e Kalifornisë, tha se ajo e do Biden, por se mbrëmja ishte “zemërthyese në shumë mënyra” dhe se kishte “panik në partinë Demokratike”. David Plouffe, një strateg demokrat dhe ish-zyrtar i fushatës së Obamës, e quajti debatin “një lloj momenti Defcon 1”.

Nuk ka asnjë proces të lehtë për të zëvendësuar Joe Biden në këtë fazë të vonë të procesit, me atë që ka triumfuar kryesisht pa kundërshtarë gjatë zgjedhjeve paraprake dhe gjithçka është gati të konfirmohet si i nominuar në Konventën Kombëtare Demokratike në Çikago në muajin gusht.

I vetmi ndryshim i rëndësishëm do të ishte nëse ai do të tërhiqej vullnetarisht, apo edhe të largohej nga presidenca.

Emrat e mundshëm alternativë që po përmenden përfshijnë zëvendës presidenten Kamala Harris dhe guvernatorin e Kalifornisë, Gavin Newsom. Guvernatori i Miçiganit, Gretchen Whitmer, guvernatori i Illinois, J B Pritzker dhe senatori veteran i Ohajos, Sherrod Brown, gjithashtu janë diskutuar.

Por të paktën natën e debatit, Harris dhe Newsom dukeshin të patundshrëm pas presidentit që ishte në situatë të vështirë. Harris pranoi se Biden bëri “një fillim të ngadaltë”, duke thënë “Kjo është e qartë për të gjithë. Nuk do ta debatoj këtë pikë.”

Megjithatë, ajo vazhdoi duke thënë për CNN se “njerëzit mund të debatojnë për pikat e stilit, por në fund të fundit këto zgjedhje dhe kush është presidenti i SHBA-së duhet të ketë të bëjë me thelbin dhe kontrasti është i qartë. Donald Trump gënjeu vazhdimisht, ashtu siç dëshiron të bëjë. Ai nuk mund të mohonte atë që ndodhi më 6 janar. Ai nuk dha një përgjigje të qartë nëse do t’i qëndronte rezultateve të zgjedhjeve.

Newsom tha se bisedat për ndryshimin e kandidatit ishin “spekulime të pakuptimta”, duke shtuar “Unë kurrë nuk do t’i kthej shpinën Presidentit Biden. Asnjëherë mos ia ktheni shpinën Presidentit Biden, nuk njoh një demokrat në partinë time që do ta bënte këtë.” /The Guardian/

Zëvendësministri i Administratës Publike, Bardhyl Dobra ka thënë se vendimi për ndalimin e përdorimit të aplikacionit TikTok vjen si masë parandaluese pasi edhe vendet evropiane kanë ndërmarrë hapa të tilla.

Dobra këtë e tha në konferencë për media pas mbledhjes së qeverisë të premten.

“Masa vjen si parandalim. Janë të gjitha shtetet evropiane dhe aleate të tjera që kanë ndërmarrë hapa të tillë…Jemi duke kujdesur që të kemi masa parandaluese dhe mos të vijmë në ndonjë situatë kur kemi sulme dhe të merremi me pasojat. E thash se në pajisje personale lejohet të përdoret TikToku, por jo në sistem shtetëror”, tha ai.

Ai e konsideroi të rëndësishme edhe Strategjinë shtetërore kundër drogave 2024-2028.

“Ky dokument përcakton nevojën për rritjen e aktiviteteve parandaluese të drogave, sidomos në mosha të hershme pastaj trajtimin adekuat të personave që përdorin drogë”, tha ai.

Zëvendësministri i Infrastrukturës, Jeton Raka tha se përmes Udhëzimit Administrativ për tarifat për produktet, shërbimet kadastrale gjeodezike dhe regjistrimit të pronave do të bëhet unifikim i tarifave për të gjitha shërbimet.

“Unifikim i tarifave për të gjitha shërbimet. Tarifat e produkteve për shërbimet e parapara me këtë udhëzim administrativ reflektojnë koston dhe kohën e tyre si shërbime kadastrale dhe të gjitha produktet do të ofrohen në formën digjitale”, tha ai.

Qeveria e Kosovës ka marrë vendim për ta ndaluar TikTokun në institucionet publike. Sipas ekzekutivit ndalimi i përdorimit të këtij aplikacioni bëhet me qëllim të qëllim të eliminimit të rreziqeve kibernetike. Të gjitha institucionet obligohen që të vendosin kufizimet e nevojshme teknike për ndalimin e TikTokut.

Qeveria e Kosovës ka marrë vendim për ta ndaluar TikTokun në institucionet publike. Sipas ekzekutivit ndalimi i përdorimit të këtij aplikacioni bëhet me qëllim të qëllim të eliminimit të rreziqeve kibernetike.

Zëvendësministri i Brendshëm, Bardhyl Dobra, në mbledhjen e sotme të qeverisë tha se të gjitha institucionet obligohen që të vendosin kufizimet e nevojshme teknike për ndalimin e TikTokut.

“Me qëllim të rritjes së sigurisë kibernetike, Ministria e Punëve të Brendshme i rekomandon qeverisë që të ndalojë instalimin dhe përdorimin e funksionimin e aplikacionit të rrjetit social Tik Tok dhe të gjitha shërbimeve të tij në të gjitha rrjetet shtetërore të komunikimit elektronik dhe pajisjet zyrtare të teknologjisë së informacionit dhe komunikimit që janë në pronësi dhe menaxhim të institucioneve publike”, tha ai.

Qeveria miratoi edhe Strategjinë e punësimit në Kosovë 2024-2028. Ministri Murati tha se synimi është rritja e punësimit në fokus të veçantë te gratë, të rinjtë dhe grupet të tjera të cenueshme.

“Strategjia e punësimit për periudhën 2024-2028 është multisektoriale dhe ka për qëllim kryesor rritjen e punësimit dhe sigurimin e një tregu të punës të drejtë dhe gjithëpërfshirës. Synimet strategjike dhe veprimet e përcaktuara në planin e veprimit paraqesin përpjekjet tona për të rritur mundësitë e punësimit në fokus të veçantë në gratë, të rinjtë dhe grupet e tjera të cenueshme”, tha ai.

Krahas kësaj, ekzekutivi miratoi edhe Strategjinë shtetërore kundër drogave 2024-2028.

Ndërkaq drita e gjelbër iu dha edhe Udhëzimit Administrativ për tarifat për produktet, shërbimet kadastrale gjeodezike dhe regjistrimit të pronave.

Kryetari i komunës së Deçanit, Bashkim Ramosaj ka nënshkruar një marrëveshje bashkëpunimi me Ministrinë e Infrastrukturës, të cilët do të financojnë këtë komunë për vazhdimin e projekteve në vlerë të 300 mijë euro.

Kështu ka thënë gjatë seancës së Kuvnedit Komunal, drejtoresha për buxhet dhe financa, Dafina Cacaj. Sipas saj, kompania është e gatshme për të përfunduar rrugët në shumicën e fshatrave dhe katër urat.

“Rrugët janë duke u përfunduar, besoj që deri në fund të vitit. Dje, kryetari ka nënshkruar një marrëveshje bashkëpunimi me Ministrinë e Infrastrukturës për vazhdimin e projekteve për llotin tre në vlerë të 300 mijë euro, ata do ta financojnë komunën këtë vit, kompania është e gatshme që me punu, deri në atë vlerë me i përfundua ndoshta shumicën e fshatrave dhe janë katër urat që të dërgojnë për oshkodran dhe parku i qytetit që vetëm janë duke vazhduar dhe besoj që kompania është e gatshme me e përfunduar projektin dhe t’i siguroj mjetet”, ka thënë ajo.

Ndërsa te kategoria e buxhetit për sivjet, Cacaj ka shtuar se planifikimi i hershëm i buxhetit është sjellë në komunë në vija të trasha.

Cacaj ka theksuar se buxheti është rritur gjysmë milioni më shumë, e cila nuk është ndonjë rritje e madhe dhe do të jetë problem të mbulohen minusi i pagave që është planifikuar në planin e buxhetit për këtë vit. Ajo shpreson se si komunë do të mund t’ia dalin edhe këtë vit.

“Grantin e përgjithshëm e kemi 6 milionë e 723 mijë, grandin për arsim rreth 4 milionë, për shëndetësi rreth 1 milion dhe shërbimet rezidenciale i kanë 200 mijë. Për dallim nga viti 2024, nuk kemi ndonjë rritje shumë të madhe, gjysmë milioni, që është pak telashe me i mbulu edhe minusin e pagave që e kemi pasur në planifikim të buxhetit për këtë vit, që fillimisht na ka ardhur në qarkoren e dytë koeficienti 105, ndërsa gjatë planifikimit është dashtë që ta bëjmë me 110. Tash kur të fillojmë me e bë buxhetin, besoj që mundemi me ia dalë disi edhe sivjet”, ka shtuar ajo.

Seanca ka vazhduar duke miratuar pikat e rendit të ditës.