Sport
Mourinho u tall sërish me tifozët e Juventusit
ose Mourinho i talli përsëri tifozët e Juventusit duke ua treguar atyre tre gishta, për t’ua sjellë atyre në mendje tripletën e fituar me Interin.
Si ish-trajner i Interit, Mourinho ka marrëdhënie të këqija me tifozët e Juventusit, të cilët, ashtu siç pritej, nuk i ofruan atij mirëseardhje të ngrohtë në Allianz Stadium të dielën në takimin Roma – Juventus, raporton Gazeta Express.
Interi është klubi i vetëm italian që e ka fituar tripletën, pra titullin në Serie A, Ligën e Kampionëve dhe Kupën e Italisë.
Ata e fyen vazhdimisht trajnerin e Romës, i cili iu përgjigj atyre vetëm një herë.
Mourinho protestoi kur gjyqtari Daniele Orsato dha tre minuta lojë shtesë dhe i çoi tre gishta në drejtim të tifozëve të Juventusit.
Trajneri portugez e kishte bërë të njëjtën gjë para tri viteve, kur ishte në krye të Manchester Unitedit dhe u përball me Juventusin në një ndeshje të Ligës së Kampionëve në Old Trafford.
Atë kohë, ai qëllimisht i çoi tre gishta gjatë ndeshjes, duke ua ngulur sytë tifozëve të Juves.
“Natyrisht, tifozët e Juventusit nuk më dashurojnë”, tha Mourinho pas ndeshjes.
“Çasti më i vështirë për ta ishte kur ne e fituam tripletën. Por lojtarët, stafi teknik dhe menaxhimenti ka respekt të plotë”, shtoi ai.
Mourinho e tregoi këtë respekt të dielën me Juventusin dhe Massimiliano Allegrin, por lidhja e tij e keqe me tifozët e Juves mbase do të vazhdojë përherë./Gazeta Express/
Trajneri i Barcelonës, Hansi Flick, e ka cilësuar ndeshjen e kthimit gjysmëfinale të Kupës së Mbretit kundër Atletikos si një “finale para finales”. Në një intervistë të dhënë para sfidës, Flick theksoi se ndeshja do të jetë një mundësi e shkëlqyer për skuadrën e tij dhe se do të kenë të gjithë mundësinë të tregojnë veten.
Flick pranoi se skuadra e tij po përballet me një moment shumë të tensionuar, duke e cilësuar përballjen me Atletikon si një sfidë vendimtare për arritjen e finales së Kupës së Mbretit që do të zhvillohet në fund të prillit në Sevilje. Trajneri i Barcelonës theksoi se skuadra është duke luajtur mirë dhe se është krenar për punën e madhe të bërë nga lojtarët e tij deri tani.
Në lidhje me formacionin titullar, Flick nuk ka dhënë shumë detaje, por njoftoi se Rafinha dhe Kubarsi janë plotësisht të rikuperuar dhe të gatshëm për të nisur nga minuta e parë. Megjithatë, ai theksoi se Barcelona duhet të jetë shumë e kujdesshme përballë Atletikos, e cila, sipas tij, do të luftojë deri në minutën e fundit për të siguruar kalimin në finale.
“Ne duam më shumë, jo vetëm Superkupën e Spanjës, por edhe Kupën e Mbretit. Megjithatë, e dimë që sfida do të jetë shumë e vështirë, pasi Atletico do të jetë aty deri në fund,” tha Flick.
Mesfushori i Bayer Leverkusenit, Granit Xhaka, ka pasur një përplasje me tifozët e ekipit të tij pas eliminimit nga gjysmëfinalja e Kupës së Gjermanisë nga klubi i Bundesliga 3, Arminia Bielefeld.
Kalimi i Arminia Bielefeldit në finale ishte një befasi e madhe, ashtu siç ishte edhe eliminimi i Leverkusenit, që shihej si favorit absolut. Ekipi i Xhakës u mposht me rezultatin 2-1 në “Schuco Arena”, duke shkaktuar një tronditje te tifozët.
Ky eliminim ka shpërthyer zemërimin e tifozëve të Leverkusenit, të cilët kishin udhëtuar deri atje për të mbështetur ekipin e tyre dhe kërkuan llogari nga lojtarët pas humbjes. Xhaka, si një nga liderët e skuadrës, ka shkuar te tribuna e tifozëve për të kërkuar falje dhe për të diskutuar me ta.
Por, situata nuk ka kaluar pa tensione. Mesfushori është filmuar duke debatuar me tone të ashpra me disa tifozë, dhe momenti ka bërë xhiron e rrjeteve sociale. Kjo përplasje mes lojtarit dhe tifozëve ka shtuar edhe më shumë tensionin pas një humbjeje të papritur dhe të rëndë për Leverkusenin./UBTNews/
James Bond i “rikthehet origjinës” me një “yll shumë të ri”
Macron dënon kërcënimet me vdekje ndaj gjyqtares që e dënoi Le Penin
Kurti flet për gjobën e Themelores: Më dënojnë mua nganjëherë por mos u mërzitni ju
Pse disa njerëz preferojnë udhëtimet e gjata vetëm?
Rutte: Duhet të sigurohemi që situata në Kosovë të mbetet stabile
Kurti për formimin e qeverisë: Kemi filluar takimet zyrtare me komunitetet jo shumicë
Krasniqi: Nëse LVV-ja s’arrin ta bëjë qeverinë, PDK-ja e gatshme të marrë përgjegjësinë me Hamzën kryeministër
“Unë jam Bleta Rexha, më pëlqen të këndoj opera”, eseja e Bebe e shkruar kur ishte nëntë vjeçe bëhet virale në rrjet
BE gjobit prodhuesit e makinave me 458 milionë euro
-
Bota2 months agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months agoFluturimet e dëbimit kanë filluar, thotë Shtëpia e Bardhë
-
Bota2 months agoShtëpia e Bardhë: Armëpushimi në Liban do të zgjatet deri më 18 shkurt
-
Bota3 months agoTrump zbulon listën e zezë të Shtëpisë së Bardhë