Sport

Mourinho: Në skuadër kam një lojtar jo profesionit, i thash të largohet menjëherë

Portugezi ishte tejet i tensionuar pasi pa skuadrën e tij të humbiste pikë kundër Sassuolos.

Published

2 years ago

November 10, 2022

UBT news

Trajneri i Romës, Jose Mourinho thotë se i ka thënë një prej lojtarëve të tij që të largohet nga klubi pas barazimit të së mërkurës me Sassuolon.

Portugezi ishte tejet i tensionuar pasi pa skuadrën e tij të humbiste pikë kundër Sassuolos të mërkurën në Serie A.

Tammy Abraham shënoi golin e tij të parë në ligë që nga shtatori për të kaluar mysafirët në avantazh pas 80 minutash, por Sassuolo u kundërpërgjigj pesë minuta më vonë për të rrëmbyer një pikë.

“Ishte një skuadër që donte të fitonte kundër një kundërshtari të fortë, më vjen keq që përpjekjet e skuadrës u tradhtuan nga qëndrimi i një lojtari joprofesionist”, tha ai për “DAZN”.

“Një qëndrim joprofesional që nuk është i drejtë me shokët e tij, kjo është ajo që më zhgënjen. Një pikë në udhëtim nuk është rezultat negativ dhe jam i kënaqur me qëndrimin e përgjithshëm të skuadrës sime”, vazhdoi Mourinho.

Megjithatë, “Special One” nuk pranoi të zbulojë identitetin e lojtarit,“Nuk do t’ju them. Kisha 16 lojtarë në fushë sonte dhe më pëlqeu qëndrimi i 15 prej tyre. Në janar, ai duhet të gjejë një klub tjetër”.

Nuk është plotësisht e qartë se kujt i drejtohej Mourinho me komentet e tij, por ai i bëri të qarta idetë e tij përpara afatit kalimtar të janarit. Mourinho ka përjetuar një javë zhgënjyese pasi pa skuadrën e tij të mposhtur nga Lazio të dielën dhe më pas humbi pikë përsëri në Sassuolo.

Skuadra e Mourinhos luan ndeshjen e fundit në Serie A para Kupës së Botës të dielën në Torino.

Lajmet

Superliga e Kosovës: Ballkani barazon 1-1 me Feronikelin

Published

2 days ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

2 days ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

2 days ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

2 days ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.