Lajmet

Moska do të riemërtojë sheshin jashtë ambasadës së Mbretërisë së Bashkuar për nder të separatistëve në Ukrainë

Mbi 100 mijë njerëz morën pjesë në një votim publik për të përcaktuar se ku do të ngrihet “Sheshi i Republikës Popullore Lugansk”.

Publikuar

Autoritetet ruse thanë të hënën se një shesh jashtë Ambasadës britanike në Moskë do të riemërtohet sipas separatistëve pro-Kremlinit në Ukrainë ndërkohë që tensionet janë ndezur për ofensivën e Kremlinit.

Autoritetet e Moskës thanë se mbi 100 mijë njerëz morën pjesë në një votim publik për të përcaktuar se ku do të ngrihet “Sheshi i Republikës Popullore Lugansk”.

Më shumë se 56 për qind e të anketuarve thanë se sheshi duhet të vendoset në zonën përgjatë argjinaturës Smolenskaya jashtë ambasadës britanike, tha bashkia e qytetit./UBTNews/

Lajmet

MPJD gjobitet për mostransparencë me 13 mijë euro

Kjo pasi e njëjta s’ka qenë transparente sa i përket njoftimit për shpenzimin e parasë publike.

Publikuar

nga

Institucionet publike, janë të obliguara që t’i lejojnë palët e interesuara në Kosovë, të kenë qasje në dokumentet zyrtare. Për t’u afirmuar kjo e drejtë kushtetuese, Agjencia për Informim dhe Privatësi, nga data 26 shtator deri më 30 shtator do e shënojë Javën e Informimit, me moton “Tash edhe më lehtë”.

Komisionerja e kësaj Agjencie, Krenare Sogojeva-Dermaku, në Sytë 7 në Klan Kosova, tha se këtë të hënë do kenë konferencë me Kryetarët e Komunave, të martën me Gjyqtarët dhe Prokurorët, të mërkurën me gazetarë dhe shoqëri civile, ndërsa të enjten me Sekretar të Ministrive dhe të premten me Kryetarët e Bordeve dhe Kryeshefat e Ndërmarrjeve Publike.

Sogojeva-Dermaku, në Sytë 7, tregoi se si agjenci janë të angazhuar që të rrisin transparencën e Institucioneve në Kosovë. E njëjta, madje bëri me dije se parashtrojnë edhe gjoba, kur institucionet nuk janë transparentë sa i përket kërkesave të qytetarëve, gazetarëve apo palëve të tjera.

Udhëheqësja e Agjencisë për Informim dhe Privatësi, tha se kanë vendosur gjobë prej 13 mijë euro ndaj Ministrisë së Punëve të Jashtme, pasi e njëjta s’ka qenë transparente sa i përket njoftimit për shpenzimin e parasë publike./klankosova.tv

Vazhdo të lexosh

Lajmet

Haradinaj – Kurtit: Ndale grevën ose jep dorëheqje

Nuk ka një rast tjetër në kohë paqeje që shkollat mbeten të mbyllura një muaj, tha Haradinaj.

Publikuar

nga

Kryetari i AAK-së, Ramush Haradinaj ka kërkuar nga kryeministri i Kosovës, Albin Kurti të bëjë zgjidhje ne lidhje me grevën në arsim, në të kundërtën të jap dorëheqje.

Ndër tjerash, Haradinaj përmes një postimi në Facebook ka thënë se nuk ekziston asnjë rast tjetër në botë që shkollat të jenë të mbyllura në kohë paqeje për një muaj.

Nuk ka një rast tjetër në kohë paqeje që shkollat mbeten të mbyllura një muaj. Kryeministri ose duhet të gjejë zgjidhje, menjëherë, ose duhet ta pranojë se është i paaftë dhe të lëshojë rrugë”, ka shkruar ai në Facebook.

Reagim i plotë i Haradinajt:

Ndale grevën ose jep dorëheqje Albin Kurti! Nuk ka një rast tjetër në kohë paqeje që shkollat mbeten të mbyllura një muaj. Kryeministri ose duhet të gjejë zgjidhje, menjëherë, ose duhet ta pranojë se është i paaftë dhe të lëshojë rrugë! Debati që ai e ka hapur me sindikatat, është tallje me një popull dhe shprehje e paaftësisë së tij. Sindikatat mund të jenë aty për t’ia nxirë jetën atij e çdo kryeministri tjetër dhe mund të jenë kundër tij e me dreqin e me të birin, por ai që duhet të gjejë zgjidhje është kryeministri e askush tjetër! Kush je ti që i ke dhënë të drejtë vetes që t’i lësh në rrugë 300 e sa mijë fëmijë!? A e di që e ke bllokuar krejt shtetin me kryeneqësinë tënde! Shkarkoje që sonte ministren e arsimit dhe merr vendim për hapjen e shkollave. Mos shko më larg sepse edhe ashtu ke kapërcyer çdo kufi!Boll ma!

Vazhdo të lexosh

Lajmet

Liderja e ekstremit të djathtë drejt fitores në zgjedhjet italiane

Meloni pritet të formojë Qeverinë më djathtiste të Italisë që nga Lufta e Dytë Botërore.

Publikuar

nga

Liderja e ekstremit të djathtë, Giorgia Meloni, ka shpallur fitoren në zgjedhjet në Itali dhe pritet të bëhet kryeministrja e parë grua e këtij shteti.

Meloni pritet të formojë Qeverinë më djathtiste të Italisë që nga Lufta e Dytë Botërore. Dhe kjo pritet të ngrehë alarmin në pjesën më të madhe të Evropës, pasi Italia është ekonomia e tretë më e madhe në Bashkimin Evropian.

Megjithatë, pas votimeve, Meloni tha se partia e saj, Vëllezërit e Italisë, do të “qeverisë për të gjithë” dhe nuk do të tradhtojë besimin e popullit.

“Italianët kanë dërguar mesazh të qartë në favor të një qeverie të krahut të djathtë të udhëhequr nga Vëllezërit e Italisë”, tha ajo për gazetarët në Romë, duke mbajtur një pano ku shkruante: “Faleminderit Itali”.

Sipas rezultateve preliminare, Meloni pritet të fitojë deri në 26 për qind të votave, duke lënë pas rivalin më të afërt Enrico Letta, nga qendra e majtë.

Aleanca e ekstremit të djathtë e Melonit – që përfshin edhe partinë djathtiste Liga e Matteo Salvini dhe partinë e qendrës së djathtë Forca Italia të ish-kryeministrit Silvio Berlusconi – duket se do të ketë kontrollin edhe të Senatit dhe të Dhomës së Deputetëve, me rreth 44 për qind të votave të fituara në zgjedhjet parlamentare të së dielës.

Megjithatë, rezultati i partisë së saj tregon se aleatët e saj kanë performuar dobët në zgjedhje, me partinë e Salvinit që ka fituar 9 për qind, ndërkaq partia e Berlusconit ka rënë nën këtë shifër.

Vendimi se kush do të bëhet lideri i ri i Italisë është në duart e presidentit italian, Sergio Mattarella, dhe ky proces do të marrë kohë.

Edhe pse Giorgia Meloni ka punuar që të zbusë imazhin e saj, duke theksuar mbështetjen për Ukrainën dhe duke ulur retorikën kundër BE-së, ajo drejton një parti që buron nga një lëvizje e pasluftës që u ngrit nga fashistët e diktatorit Benito Musolini.

Në fillim të këtij viti, gjatë një fjalimi ajo shpalosi prioritetet e partisë së saj.

“Po për familje natyrale, jo për lobin e LGBT-së, po për identitetin seksual, jo për ideologjinë gjinore…. jo dhunës islamike, po për sigurimin e kufijve, jo për migrimin masive… jo për financat e mëdha ndërkombëtare…. jo për burokratët e Brukselit”, deklaroi ajo.

Ndërkaq, aleanca e qendrës së majtë, sipas rezultateve preliminare ka fituar 26 për qind të votave dhe Debora Serracchiani nga Partia Demokratike, pas zgjedhjeve tha se kjo ishte “një mbrëmje e trishtë” për Italinë. E djathta “ka shumicën në Parlament, por jo në shtet”, tha ajo.

E majta dështoi të formonte një front të qëndrueshëm me partitë e tjera, pasi Qeveria e unitetit kombëtar, u rrëzua në korrik pas 18 muajsh qeverisje. Lëvizja Pesë Yjet nën drejtimin e Guiseppe Conte doli në vendin e tretë në zgjedhje dhe ai nuk ka bashkëpunim me Enrico Letta, pavarësisht se partitë e tyre kanë politika të përbashkëta sa i përket imigracionit dhe rritjes së pagës minimale.

Dalja në zgjedhjet e 25 shtatorit ishte 63.91 për qind apo nëntë pikë më e ulët sesa më 2018. Dalja ishte veçmas e ulët në rajonet jugore italiane, përfshirë në Sicili.

Italia është një ndër shtetet themeluese të Bashkimit Evropian dhe NATO-s, dhe retorika e Melonit bën që ajo të ketë mendime të ngjashme sa i përket bllokut evropian me liderin nacionalist të Hungarisë, Viktor Orban.

Aleatët e saj po ashtu kanë raporte të ngushta me Rusinë. Berlusconi javën e kaluar pretendoi se presidenti rus, Vladimir Putin, “u shty” që ta pushtonte Ukrainën, ndërkaq Salvini ka hedhur dyshime mbi sanksionet që Perëndimi ka vendosur ndaj Moskës.

Meloni po ashtu dëshiron që të rishikojë reformat italiane që shteti është pajtuar t’i bëjë, në këmbim që të marrë nga BE-ja pothuajse 200 miliardë euro grante dhe kredi për rimëkëmbjen pas pandemisë së koronavirusit. Ajo ka pretenduar se kriza energjetike ka ndryshuar situatën.

Sipas sondazheve të televizioneve italiane, aleanca e Melonit pritet të fitojë 227-257 ulëse në Dhomën e Deputetëve nga 400 sa ka ky institucion. Ndërkaq, në Senat parashihet që të fitojë deri në 131 nga 200 ulëse./REL

Vazhdo të lexosh

Lajmet

Alban Hyseni zgjidhet kryetar i LVV-së në Gjilan

Sipas njoftimit të qendrës, në krye të organizatës së Grave të LVV-së është zgjedhur Arijeta Rexhepi.

Publikuar

nga

Lëvizja Vetëvendosje në Gjilan ka zgjedhur Alban Hysenin në pozitën e kryetarit të qendrës.

Sipas njoftimit të qendrës, në krye të organizatës së Grave të LVV-së është zgjedhur Arijeta Rexhepi.

Ndërkaq, LVV-ja bëri të ditur se Genc Halimi do të drejtori organizatën e rinisë në Gjilan.

Njoftimi i plotë:

Lëvizjes VETËVENDOSJE! – Qendra në Gjilan ka përfunduar suksesshëm procesin e brendshëm zgjedhor, me ç’rast falenderon të gjithë anëtarët dhe aktivistët për angazhimin e tyre dhe pjesëmarrjen e tyre në zgjedhjet e brendshme të organizatës tonë.

Një proces demokratik, transparent dhe gjithpërfshirës, ashtu sikurëse e ka karakterizuar gjithnjë Lëvizjen VETËVENDOSJE!.

Njoftojmë të gjithë qytetarët e komunës tonë, anëtarët, aktivistët dhe simpatizantët e Lëvizjes VETËVENDOSJE! se përgjatë këtij procesi zgjedhor, përmes parimit një anëtar – një votë, janë zgjedhur pozicionet drejtuese të qendrës tonë, si në vijim:

Kryetar i qendrës është zgjedhur, Alban Hyseni.
Kryetare e GVV në qendër është zgjedhur, Arijeta Rexhepi.
Kryetar/e i/e RVV në qendër është zgjedhur, Genc Halimi.

Vazhdo të lexosh

Të kërkuara