Lajmet

‘Mos vdis me ata që vdesin’, kërkesa e Sandra Mutto për këdo që vajton vdekjen e një personi të dashur

“Bëju atyre nderin e duhur, duke e jetuar jetën ashtu siç ata do të dëshironin”.

Published

5 years ago

January 7, 2022

Betim Gashi

“E dije se kur qan për personat që kanë ndërruar jetë, në fakt qan për veten dhe jo për ta? Qan sepse “i ke humbur”, sepse nuk i ke më pranë. Mendon se gjithçka përfundon me vdekjen dhe mendon se ata nuk do të ekzistojnë më. Por nëse ata janë larguar, ku janë tashmë? Nëse janë larguar, apo ndodhen diku larg, ai vend me siguri duhet të jetë më i mirë, apo jo? Atëherë pse qan për largimin e tyre?

Kur e pranon më në fund se ata “nuk janë më”, dhe se ndodhen diku larg, në një vend më të mirë ku nuk ekzistojnë sëmundjet apo vuajtjet, atëherë ndalon së qari dhe i mban në kujtimet e tua përgjatë gjithë jetës me çdo moment të bukur që ke kaluar me ta.

Mos vdis me ata që vdesin. Nëse i ke dashur vërtet, vazhdo t’i duash me një forcë më të madhe, me një dashuri më të sinqertë. Është e vërtet, sa herë t’i kujtosh momentet e bukura me ta, do të qash sepse dhimbje të tilla nuk i zbeh dot as koha. E respektojmë dhimbjen tënde dhe mënyrën se si e shpreh. E dimë se ndihesh më e lehtësuar, teksa qan për ta.

Por sot të kërkojmë me lutje të mos vdesësh me ata që vdesin. Mendohu vetëm që je duke menduar vetëm njërën anë të monedhës (vdekjen), por nuk po mendon për anën tjetër, se ata janë në një vend të bukur plot dritë dhe pa vuajtje. Po sikur të nisësh ta shohësh vdekjen si një lindje të dytë? Si një lindje të dytë që do ta kalojmë të gjithë? Gjithçka do të duket më e lehtë.

Mos vdis me ata që vdesin. Bëju atyre nderin e duhur, duke e jetuar jetën ashtu siç ata do të dëshironin”, nga Sandra Mutto./KultPlus.com

Lajmet

Tërmet në Greqi, lëkundjet u ndjenë edhe në Maqedoninë e Veriut

Published

10 minutes ago

September 25, 2026

UBTNews

Një tërmet me intensitet prej III gradësh sipas Shkallës Evropiane të Makroseizmikës është ndier mbrëmë rreth orës 22:18 në Manastir, Resnjë dhe zonat përreth.

Sipas Observatorit Sizmologjik në Shkup, epiqendra e lëkundjeve ishte në Greqi, rreth 120 kilometra në jugperëndim të Shkupit.

Deri më tani nuk raportohet për dëme materiale apo të lënduar nga ky tërmet.

Lajmet

Asambleja e Përgjithshme e OKB-së, kryeministri Rama mban sot fjalimin

Published

26 minutes ago

September 25, 2026

UBTNews

Asambleja e Përgjithshme e OKB-së, kryeministri Rama mban sot fjalimin e tij në hapje të debatit

Kryeministri Edi Rama ndodhet në Shtetet e Bashkuara të Amerikës për të marrë pjesë në Asamblenë e Partishme të OKB.

Sot, në rreth 17:00, sipas orës lokale, ai pritet të mbajë fjalimin në Asamblenë e Përgjithshme të Kombeve të Bashkuara.

Rama pritet të flasë në hapje të debatit të Asamblesë së Përgjithshme. Gjatë qëndrimit në SHBA, kryeministri ka zhvilluar një takim me komunitetin shqiptar në Michigan.

Në axhendën e tij janë parashikuar gjithashtu takime me përfaqësues të politikës, ekonomisë dhe organizatave ndërkombtare.

Punimet e Asamblesë së Përgjithshme të OKB-së zhvillohen nga 22 deri më 28 shtator. Në këtë vizitë, kryeministri Rama shoqërohet nga bashkëshortja e tij, Linda Rama, si dhe nga delegacioni zyrtar.

Gjatë qëndrimit në SHBA një grup shqiptarët kanë protestuar në momentin që kalonte delegacioni shqiptar. Autoritetet amerikane qe garantonin sigurinë e kryeministrit dhe të pranishmeve te tjerë; kane ndaluar një prej protestuesve, i cili hodhi veze në drejtim të delegacionit.

Lajmet

Dy të arrestuar për fajde në Gjakovë

Published

54 minutes ago

September 25, 2026

UBT News

Në Gjakovë, më 24 shtator, janë arrestuar dy persona të dyshuar meshkuj kosovarë, nën dyshimin se i kishin dhënë para me kamatë-fajde një personi mashkull kosovar.

Gjatë kontrollit të shtëpive të të dyshuarve, janë gjetur dhe sekuestruar dëshmi që lidhen me rastin, si dhe disa fishekë.

Me vendim të prokurorit, të dyshuarit janë dërguar në mbajtje./A.K/

Lajmet

Sekuestrohen armë dhe municion në Gjilan, dy persona arrestohen

Published

1 hour ago

September 25, 2026

UBT News

Në rrugën “Lidhja e Prizrenit” në Gjilan, më 10 gusht, janë arrestuar dy persona të dyshuar për import, eksport, furnizim, transportim, prodhim, këmbim, ndërmjetësim ose shitje të paautorizuar të armëve apo mjeteve plasëse, ndërsa një person tjetër ndodhet në kërkim policor.

Gjatë kontrollit, janë gjetur dhe sekuestruar gjashtë pushkë gjuetie, gjashtë pistoleta, një armë e gjatë, një pushkë ajrore, 836 fishekë të kalibrave të ndryshëm, katër leje të armëve, para të gatshme dhe dy telefona mobilë.

Me vendim të prokurorit, dy të dyshuarit, pas intervistimit, janë liruar në procedurë të rregullt./A.K/