Shëndet

Mos e kombinoni qumështin me këto produkte

Një nga produktet me të cilat qumështi nuk duhet kombinuar janë frutat.

Published

3 years ago

on

Roli i qumështit për shëndetin e njeriut është shumë i rëndësishëm. Ai ka përbërës ushqimorë, të cilët janë të domosdoshëm për zhvillimin sa më të mirë të eshtrave, lëkurës, për një tretje sa më të mirë si dhe për parandalimin e disa sëmundjeve.

Mirëpo qumështi është pak delikat në kuptim të kombinimit me ushqime të tjera, për shkak se ka tendencë të shkaktoj probleme me tretjen. Prania e disa baktereve në të, mund të shkaktoj prishje të ekuilibrit të mikrobiomës së stomakut si dhe fryrje të barkut.

Një nga produktet me të cilat qumështi nuk duhet kombinuar janë frutat. Disa nga arsyet përse qumështi nuk duhet të kombinohet me fruta janë:

Sipas mjekësisë së lashtë holistike, qumështi nuk duhet kombinuar me fruta acidikë apo të ëmbël, për shkak se ndikon negativisht tek tretja e frutave dhe nxit fermentimin e sheqerit në stomak.

Kur qumështi kombinohet me fruta acidikë, ai thartohet dhe shkakton aciditet akoma më të lartë në stomak.

I vetmi kombinim, i cili nuk ka pasoja negative për shëndetin është kombinimi i qumështit me avokado, rrush të thatë, fiq të thatë dhe hurma arabie.

Related Topics:
Continue Reading

Shëndet

A janë qetësuesit aq të pafajshëm sa mendojmë?

Published

10 minutes ago

on

October 16, 2025

By

Studimet e fundit kanë treguar se përdorimi i qetësuesve mund të rrisë ndjeshëm rrezikun për goditje në tru ose atak në zemër.

Hulumtimi, i realizuar nga Universiteti “Yang-Ming” në Taipei ka përfshirë 56 mijë të rritur që vuajnë nga hipertensioni dhe presioni i lartë i gjakut.

Gjatë studimit u analizua përdorimi i disa qetësuesve të zakonshëm si ibuprofeni, celecoxibi, mefenamic acidi, diklofenaku dhe naprokseni.

Shumica e pjesëmarrësve nuk ishin të vetëdijshëm se këto medikamente mund të përkeqësojnë gjendjen duke rritur presionin e gjakut.

“Rezultatet tona ofrojnë informacion të rëndësishëm për pacientët me hipertension,” deklaroi Dr. Chia Hsuin Chang, drejtuesi i studimit.

Ndërkohë, disa kardiologë kanë bërë thirrje për përdorim të kujdesshëm të këtyre barnave, pasi u vu re se personat që konsumonin ibuprofen kishin 31% më shumë rrezik për të pësuar arrest kardiak. /A.Z/UBT News/

 

Continue Reading

Shëndet

Dieta me bazë bimore: Mrekulli për shëndetin dhe parandalimin e diabetit

Published

19 hours ago

on

October 15, 2025

By

Dieta me bazë bimore mund të sjellë përfitime të mëdha për shëndetin tonë.

Studimet tregojnë se kufizimi i mishit të kuq dhe konsumimi i drithërave, frutave dhe perimeve mund të ulë nivelin e kolesterolit, të reduktojë rrezikun e sëmundjeve kardiovaskulare, të parandalojë diabetin e tipit 2 dhe madje të kontribuojë në zgjatjen e jetës.

Sipas një studimi të ri që analizoi 206 lloje ushqimesh për parandalimin e diabetit, këto përfitime shfaqen vetëm kur dieta me bazë bimore është e shëndetshme dhe kufizon ushqimet e përpunuara dhe ato të pasura me sheqer.

Një analizë 12-vjeçare mbi 113,000 pjesëmarrës nga studimi “Biobank” në Mbretërinë e Bashkuar i ndau njerëzit në katër kategori bazuar në konsumimin e frutave, perimeve dhe drithërave të freskëta.

Një grup konsumonte më shumë ushqime të përpunuara me bazë bimore të ulët, ëmbëlsira, drithëra të rafinuara dhe pije me sheqer, tjetri grup hante më shumë fruta, perime dhe drithëra të freskëta, duke pasur një dietë më të shëndetshme.

Njerëzit që ndiqnin dietën më të shëndetshme kishin indeks të ulët të masës trupore dhe nivele më të mira të sheqerit në gjak.

Përfitimet ishin të dukshme edhe tek individët me predispozicion gjenetik ndaj diabetit ose me faktorë të tjerë rreziku, si obeziteti.

Alysha Thompson, studente doktorature në Universitetin Queen’s, Belfast, tha: “Këto të dhëna janë veçanërisht të rëndësishme për ata me rrezik të lartë për diabet, pasi tregojnë se një dietë e shëndetshme me bazë bimore mund të ulë ndjeshëm rrezikun.”

Por si ndihmon dieta me bazë bimore në mbrojtjen kundër diabetit të tipit 2?

Prof. Aedín Cassidy, nga Instituti për Sigurinë Ushqimore Globale, tregoi për CNN se përfitimet lidhen me përmirësimin e metabolizmit të mëlçisë dhe veshkave: “Për herë të parë kemi treguar se dieta e shëndetshme me bazë bimore përmirëson funksionin e mëlçisë dhe veshkave, gjë që shpjegon zvogëlimin e rrezikut për diabetin e tipit 2.”

Sipas dietologes Duane Mellor nga Shkolla Mjekësore Aston në Birmingham, shëndeti i mëlçisë dhe reduktimi i inflamacionit lidhen drejtpërdrejt me dietën dhe mund të ndikojnë në zhvillimin e diabetit të tipit 2. /A.Z/UBT News/

Continue Reading

Shëndet

Nga ADN-ja te parandalimi! Si ndërhyn shkenca në sëmundjet trashëgimore?

Published

21 hours ago

on

October 15, 2025

By

Sipas revistës shkencore Nature, shkencëtarët kanë përdorur për herë të parë teknikën e korrigjimit të gjeneve për të parandaluar një sëmundje të trashëguar të zemrës në fazën më të hershme të zhvillimit të embrionit të njeriut.

Ky studim shënon një hap të rëndësishëm drejt trajtimit të sëmundjeve gjenetike dhe mund të ndihmojë në zvogëlimin e rasteve të tilla te fëmijët e krijuar përmes procedurës së Fertilizimit In Vitro (IVF).

Teknika u përdor për të korrigjuar një mutacion gjenetik që shkakton kardiomiopatinë hipertrofike (HCM) – një sëmundje që shpesh çon në vdekje të papritur, sidomos te atletët e rinj.

HCM ndikon rreth një në 500 persona dhe individët që mbartin një kopje të dëmtuar të gjenit kanë 50% mundësi që ta transmetojnë këtë mutacion te pasardhësit e tyre.

Studimi ishte rezultat i një bashkëpunimi mes Institutit “Salk” në Kaliforni, Universitetit “Oregon Health and Science” dhe Institutit për Shkencat Bazë në Korenë e Jugut.

Shkencëtarët krijuan qeliza burimore nga një biopsi lëkure e një personi të prekur nga HCM, që u modifikuan duke përdorur teknologjinë CRISPR, metodë që lejon ndërhyrje të sakta në ADN njerëzore.

Përmes IVF-së, fertilizuan vezë të shëndetshme me spermatozoidet e një dhuruesi që mbante mutacionin HCM, dhe injektuan komponentët e nevojshëm gjenetikë për të korrigjuar defektin.

Embrionet u lejuan të zhvillohen për disa ditë, por nuk ishin të destinuara për implantim, ky përparim hap rrugën drejt trajtimit të mijëra sëmundjeve të shkaktuara nga mutacione në një gjen të vetëm.

Megjithatë, studiuesit theksojnë se nevojitet kujdes i madh për të shmangur rreziqet e futjes së mutacioneve të padëshiruara, sidomos në qelizat që më vonë mund të bëhen spermë apo vezë.

“Studimi është zhvilluar në përputhje të plotë me udhëzimet etike për redaktimin e gjenomit të njeriut, të përcaktuara nga Akademitë Kombëtare të Shkencave, Inxhinierisë dhe Mjekësisë,” u shpreh profesori Juan Carlos Izpisua Belmonte nga Instituti “Salk”. /A.Z/UBT News/

Continue Reading

Shëndet

OBSH paralajmëron përhapje shqetësuese të infeksioneve rezistente ndaj antibiotikëve

Published

2 days ago

on

October 14, 2025

By

Spitalet në mbarë botën po përballen me një rritje shqetësuese të infeksioneve bakteriale që janë rezistente ndaj antibiotikëve, duke rrezikuar një krizë të madhe shëndetësore në vitet e ardhshme, raporton The Guardian.

Sipas raportit të fundit të OBSH-së për 2023, një në gjashtë infeksione bakteriale është rezistente ndaj trajtimit me antibiotikë.

Nga 2018 deri 2023, mbi 40% e antibiotikëve kanë humbur efektivitetin në trajtimin e infeksioneve të zakonshme si ato të gjakut, traktit urinar dhe sëmundjet seksualisht të transmetueshme.

Situata është më kritike në vendet me të ardhura të ulëta dhe të mesme, ku sistemi shëndetësor është më i dobët. Në Azinë Juglindore dhe Lindjen e Mesme, një në tri infeksione bakteriale është rezistente ndaj antibiotikëve, ndërsa në Afrikë kjo shifër është një në pesë.

Rezistenca antibakteriale  ndodh kur bakteret përshtaten e nuk ndikohen më nga barnat. Vetëm më 2021, 4.7 milionë vdekje ishin të lidhura me këtë fenomen.

Problemi më i madh është me bakteret Gram-negative, si Escherichia coli dhe Klebsiella pneumoniae, që janë rezistente ndaj antibiotikëve të gjeneratës së tretë dhe edhe të linjës së dytë si karbapenemët.

Rritja e rezistencës po tejkalon zhvillimin e antibiotikëve të rinj, dhe numri i vdekjeve nga infeksionet rezistente pritet të rritet me 70% deri në vitin 2050.

Për të shmangur krizën, nevojiten veprime të koordinuara globale: diagnostikë më e mirë, qasje e drejtë në antibiotikë, përmirësim i higjienës dhe investim në kërkime për trajtime të reja.

Profesori Sanjib Bhakta nga UCL thekson se lufta kundër AMR kërkon bashkëpunim ndërdisiplinor dhe investime të reja në kërkim dhe infrastrukturë shëndetësore. /A.Z/UBT News/

 

Continue Reading

Të kërkuara