UBT ka hapur regjistrimet për programin Master në Shkenca Paramjekësore, i cili synon të përgatisë profesionistë të domosdoshëm për sektorin shëndetësor, të aftë për të kontribuar në diagnostikim, trajtim dhe parandalim të sëmundjeve, duke vepruar në vijën e parë të kujdesit për jetën.

Ky program është ndërtuar mbi një kurrikulë multidisiplinare, të harmonizuar me modelet më të mira evropiane dhe amerikane, që ndërthur mësimin teorik me përgatitjen praktike. Studentët përfitojnë trajnim të avancuar në fushat e kujdesit emergjent, laboratorëve mjekësorë dhe diagnostikës klinike, duke përdorur pajisje bashkëkohore mjekësore dhe laboratorike.

Përgatitje gjithëpërfshirëse dhe praktike

Gjatë studimeve, studentët do të aftësohen në pesë kategori kyçe të fushës së paramedikëve:

• Parandalimi i vdekjes së njerëzve
• Rritja e cilësisë së jetës
• Ndihma në rikuperimin nga sëmundjet apo dëmtimet
• Menaxhimi i pranimeve dhe ri-pranimeve urgjente
• Kujdesi për rastet kronike të ndjeshme (astma, diabeti, epilepsia etj.)

Programi përfshin gjithashtu përdorimin e tele-shëndetit dhe kujdesit tele-komunikues, duke u mundësuar studentëve të ofrojnë kujdes efikas dhe inovativ, sidomos për zonat e largëta apo për pacientët me nevoja të veçanta.

Misioni dhe vizioni

Misioni i Masterit në Shkenca Paramjekësore është të kontribuojë në arsimin e lartë përmes:

• Kurrikulave bashkëkohore, të bazuara në praktikat më të mira ndërkombëtare
• Hulumtimit shkencor në bashkëpunim me partnerë vendas e ndërkombëtarë

Programi synon të ofrojë një mjedis mësimor mbështetës, ku studentët zhvillojnë aftësitë klinike, kërkimore dhe menaxheriale që kërkohen në tregun e punës.

Përfshirje aktive në kërkim dhe shërbim

Studentët dhe stafi i programit marrin pjesë në:

• Projekte kërkimore kombëtare dhe ndërkombëtare
• Simpoziume dhe forume shkencore
• Konsulencë dhe asistencë teknike për institucione shëndetësore publike e private
• Hartimin e politikave shëndetësore në bashkëpunim me Ministrinë e Shëndetësisë

Aftësitë e të diplomuarve

Pas përfundimit të programit, të diplomuarit do të jenë të aftë:

• Të ofrojnë kujdes shëndetësor holistik në komunitetet urbane, rurale dhe industriale
• Të marrin vendime komplekse në situata emergjente dhe të udhëheqin ekipe paramjekësore
• Të zbatojnë standarde të larta ligjore, etike dhe profesionale në praktikë
• Të përdorin metoda kërkimore për të përmirësuar rezultatet shëndetësore
• Të integrojnë njohuritë ndërdisiplinore në menaxhimin e shërbimeve shëndetësore

Masteri në Shkenca Paramjekësore në UBT është më shumë sesa një diplomë – është një përgatitje për jetë, duke formuar profesionistë që jo vetëm reagojnë ndaj emergjencave, por punojnë për t’i parandaluar ato, duke i dhënë shoqërisë ekspertë të gatshëm për të mbrojtur dhe përmirësuar jetën.

APLIKO TANI ONLINE!

Historia familjare dhe diabeti janë faktorët më të fortë rreziku për sëmundjet kardiovaskulare. Kështu thekson kardiologu invaziv nga United Hospital, Edis Demiri në episodin e podcastit “Shëndeti në rend të parë” në Telegrafi, ku flet si për shkaqet kryesore ashtu edhe për një rast të pazakontë klinik që i shpëtoi jetën një pacienti.

“Faktori më i rëndësishëm është historia familjare për sëmundjet e zemrës”, thotë Demiri, duke shtuar se nëse prindërit ose vëllezërit/motrat kanë pësuar infarkt apo ndërhyrje kardiake në moshë të re, “edhe ai person është i rrezikuar”.

Sipas tij, “diabeti është pothuajse po aq i rëndësishëm sa historia familjare”, ndërsa më pas vijnë faktorë të tjerë si duhani, hipertensioni dhe yndyrnat e larta në gjak.

Mesazhi i mjekut është i qartë: kontrolloni rregullisht shëndetin e zemrës, veçanërisht nëse keni histori familjare apo diabet; ndaloni duhanin, mbani tensionin dhe lipidet nën kontroll dhe kërkoni ndihmë mjekësore urgjentisht në shenja si dhimbje gjoksi, djersitje të ftohta, marramendje ose vështirësi në frymëmarrje.

Për bisedën e plotë me këshilla praktike dhe sqarime të mëtejshme, ndiqni episodin e ri të podcastit “Shëndeti në rend të parë” në Telegrafi.

Sipas ekspertëve, rrushi përmban më shumë se 1 mijë e 600 përbërës natyralë, duke përfshirë antioksidantë të fuqishëm si polifenolet, flavonoidet, antocianidinat, katekinat, acidet fenolike dhe resveratroli.

Studiuesi i njohur i kancerit, John M. Pezzuto, shpjegon pse këto fruta të ëmbla janë një superushqim.

Pezzuto është dekan i Kolegjit të Farmacisë dhe Shkencave të Shëndetit në Universitetin Western New England.

Ai konsiderohet si një nga ekspertët kryesorë në këtë fushë, analiza e tij tregon se rrushi mund të bëjë shumë më tepër për trupin tonë sesa shumë veta e kishin kuptuar më parë.

Efektet në zemër, tru dhe lëkurë

Këto substanca nuk funksionojnë individualisht, por si një e tërë. Ndërveprimi i tyre është thelbësor. Është e provuar se rrushi mbështet sistemin kardiovaskular, relakson enët e gjakut dhe ndihmon në uljen e kolesterolit.

Kokrrat e rrushit kanë efekt në tru: përmirësojnë metabolizmin dhe performancën njohëse, lëkura gjithashtu përfiton, përmes mbrojtjes nga rrezatimi UV.

Rrushi është gjithashtu i mirë për florën e zorrëve: Ai nxit një mikrobiomë të shëndetshme dhe rrit diversitetin në zorrë.