Lajmet nga UBT

Mollza Vishi, studente e UBT-së, fillon punën praktike në televizionin “Liria”

Published

on

Mollza Vishi është studente e vitit të tretë në Fakultetin Media dhe Komunikim në UBT. Njohuritë e fituara përgjatë studimeve dhe puna e saj intensive, ende pa i përfunduar studimet i janë shpërblyer me zhvillimin e praktikës profesionale me mundësi punësimi në televizionin “Liria”, në Ferizaj.

“Studimet në UBT më kanë ndihmuar shumë të aftësohem në profesionin të cilin e kam ëndërruar gjithmonë. UBT ka qenë një urë lidhëse mes profesionit dhe aftësimit për t’i realizuar qëllimet e mia, e që kjo nuk do të ishte e mundur pa ndihmën dhe profesionalizmin e profesorëve që janë në UBT”, theksoi Mollza.

Ajo potencoi se gjatë tri viteve të studimit, përmes ligjëratave dhe punës praktike ka përfituar shumë njohuri dhe aftësi, të cilat po i ndihmojnë në tregun e punës për të arritur suksese të mëtutjeshme.

“Për mua UBT nuk është thjeshtë një institucion i arsimit të lartë, por është rruga për t’i realizuar synimet”, ka thënë studentja e vitit të tretë në Fakultetin Media dhe Komunikim, Mollza Vishi.

Fakulteti Media dhe Komunikim në UBT ka nxjerrë vazhdimisht kuadro profesionale në fushën e gazetarisë, produksionit dhe marketingut medial, si meritë e profesionistëve të fushës dhe programit unik që UBT e ka ofruar për studentët, në mënyrë që ata të aftësohen në tjetër nivel të gazetarisë, marketingut e produksionit.

Lajmet nga UBT

Nga Kosova në Pragë: Profesorët e UBT-së me publikim shkencor në revistë të indeksuar në Scopus

Published

on

By

Përkushtimi i UBT-së ndaj mësimdhënies cilësore dhe hulumtimeve shkencore vazhdon të dëshmohet përmes sukseseve të radhës akademike në arenën ndërkombëtare.

Profesorët e UBT-së, Dr. Sc. Elmi Kelmendi nga Fakulteti Juridik dhe Prof. Dr. Alfred Marleku nga Fakulteti i Shkencave Politike, kanë publikuar hulumtimin e tyre më të fundit në revistën prestigjioze shkencore Lawyers Quarterly, e cila botohet në Pragë nga Akademia e Shkencave e Republikës Çeke dhe është e indeksuar në Scopus, si dhe në një sërë bazash të tjera të njohura ndërkombëtare.

Punimi shkencor me titull “Confiscation of Assets Acquired by Criminal Offense: Comparative Analysis of the Legislation of Kosova and Albania” trajton një nga çështjet më të ndjeshme dhe aktuale në kontekstin juridik dhe institucional të Kosovës – sfidat në luftimin e kriminalitetit, me theks të veçantë në konfiskimin e pasurisë me prejardhje kriminale.

Studimi analizon në mënyrë të detajuar bazën ligjore të konfiskimit të pasurisë së fituar përmes veprave penale, duke ofruar një qasje krahasuese ndërmjet legjislacionit të Kosovë dhe Shqipëri, në përputhje me standardet dhe praktikat evropiane. Përmes një metodologjie të strukturuar dhe analizës kritike, punimi kontribuon në avancimin e debatit akademik dhe institucional mbi mekanizmat e konfiskimit si instrument kyç në luftën kundër kriminalitetit.

Profesorët Kelmendi dhe Marleku njihen për ekspertizën e tyre të thelluar në fushat përkatëse, si dhe për angazhimin e vazhdueshëm në projekte dhe iniciativa akademike në nivel kombëtar dhe ndërkombëtar, duke përfaqësuar denjësisht UBT-në në skenën shkencore globale.

 

 

Continue Reading

Vendi

Eksplorim i procesit prodhues: Studentët e Menaxhmentit, Biznesit dhe Ekonomisë në UBT vizitojnë kompaninë LoniGlass SHPK

Published

on

By

Studentët e vitit të dytë të Fakultetit të Menaxhmentit, Biznesit dhe Ekonomisë në UBT zhvilluan një vizitë studimore praktike në biznesin prodhues LoniGlass SHPK në Gremë – Ferizaj, me pronar Arben Rexhepi, në kuadër të lëndës Menaxhimi i Operacioneve.

Vizita u udhëhoq nga profesori i lëndës, Burim Berisha, dhe menaxherja e UBT-së në Ferizaj, Fatime Tahiri, me qëllim të lidhjes së njohurive teorike me praktikën reale në biznes.

Gjatë vizitës, studentët analizuan nga afër proceset operative, duke përfshirë:

  • Menaxhimin e operacioneve në tërësi,

  • Transformimin e inputeve në outpute,

  • Procesin e shndërrimit të xhamit në pasqyra dhe produkte dekorative.

Kjo vizitë ofroi studentëve një pasqyrë të drejtpërdrejtë mbi organizimin operacional, teknologjinë e përdorur dhe menaxhimin e proceseve prodhuese në praktikë, duke i ndihmuar ata të kuptojnë më mirë sfidat dhe mekanizmat e biznesit real.

Continue Reading

Vendi

Hulumtimi i profesorëve të UBT-së botohet në revistën e Akademisë së Shkencave të Republikës Çeke, të indeksuar në Scopus

Published

on

By

Profesorët e UBT-së, Prof. Dr. Avni H. Alidemaj nga Fakulteti i Shkencave Politike dhe Juridike dhe Prof. Dr. Alban Maliqi nga Studimet e Sigurisë, kanë publikuar hulumtimin e tyre në revistën prestigjioze shkencore Lawyers Quarterly, e cila botohet në Pragë të Çekisë nga Akademia e Shkencave e Republikës Çeke dhe është e indeksuar në Scopus si dhe në shumë baza të tjera të të dhënave ndërkombëtare.

Hulumtimi shkencor thekson sfidat e ndërtimit të paqes së qëndrueshme në vendet multietnike, duke argumentuar se garancitë e forta kushtetuese dhe ligjore janë thelbësore për sigurimin e stabilitetit afatgjatë dhe për parandalimin e tensioneve që mund të përshkallëzohen përtej kufijve shtetërorë. Rajoni i Ballkanit Perëndimor shërben si ilustrim i qartë se si tensionet etnike të pazgjidhura mund të çojnë në konflikte dhe në krijimin e pakënaqësive të thella ndërmjet komuniteteve.

Po ashtu, studimi analizon të arriturat e Kosovës në garantimin e të drejtave të pakicave përmes përmirësimit të kornizës ligjore dhe rritjes së përfshirjes së komuniteteve pakicë në proceset vendimmarrëse.

Profesorët Alidemaj dhe Maliqi, brenda një periudhe të shkurtër kohore, kanë publikuar një numër të konsiderueshëm punimesh shkencore në revista prestigjioze ndërkombëtare, duke kontribuar në mënyrë të drejtpërdrejtë në forcimin e kapaciteteve hulumtuese dhe në rritjen e reputacionit akademik të UBT-së.

Continue Reading

Lajmet

UBT organizon info sesion me kompanitë AVEDO dhe STROER-X

Published

on

By

UBT organizoi info sesion me përfaqësuesit e kompanive AVEDO dhe STROER-X, me qëllim të ofrimit të informacioneve të drejtpërdrejta mbi mundësitë e punësimit për studentët e UBT-së.

Studentët patën mundësinë të njihen me pozitat e hapura, përgjegjësitë e detajuara, kushtet e punës dhe mundësitë e zhvillimit profesional brenda këtyre kompanive.

Ky info sesion është pjesë e strategjisë së UBT-së për të forcuar bashkëpunimin me industrinë dhe për të ofruar studentëve jo vetëm njohuri akademike, por edhe mundësi të garantuara për punësim pas përfundimit të studimeve.

Në këtë mënyrë, studentët e UBT-së kanë një avantazh të rëndësishëm në tregun e punës, duke përfituar nga lidhjet e universitetit me kompani të njohura ndërkombëtare dhe praktikat profesionale që lidhen drejtpërdrejt me fushat e tyre të studimit.

Continue Reading

Të kërkuara