Lajmet

Molliqaj: Kurti me qasje autonomiste

Published

on

Kryetari i Partisë Socialdemokrate Dardan Molliqaj në një intervistë për Ekonomia Online ka komentuar refuzimin e Kurtit për takimin e 11 majit me presidentin e Serbisë, Aleksandër Vuçiq, të cilën shtyrje e sheh si konsum të përkohshëm politik, përderisa tha se më e papranueshme është takimi me përfaqësuesit serb, por jo darka.

“Nuk ka refuzim sepse ka darkë e që është edhe më keq se takimi, për mu është e pranueshme që kryeministri të ketë dialog të takojë përfaqësues të shtetit serb, por është hala më e papranueshme që të kemi darkën, pra problemet mund ti diskutojmë por darkat janë të papranueshme dhe kjo po duket më shumë sesa përfaqësim të interesave të Kosovës, ç’tensionim i mundshëm i relacionit mes Kurti dhe  Vuqiçit, e para ka darkë ka takim e dyta ajo shtyrje ishte më shumë e gjestit simbolik sepse siç e dini në fillim të qershorit dialogu po vazhdon kështu që këto janë tentime sa për konsum të përkohshëm politik”.

Molliqaj dikur ish bashkëpartiak i Kurtit thotë se i shkon për fytyre ndryshimi i bindjeve ideologjike të tij, që siç thotë ai ka shpërpushje më ato se çfarë kryeministri Kurti kishte deklaruar në fushatë, ndër to edhe tema e dialogut që në atë kohë për Kurtin ishte prioritet i katërt e sipas Molliqaj të gjitha këto kanë qenë mashtrime të fushatës.

“I shkon përshtati dhe mendësisë së tij me institucionet dhe shtetin, ku ai mendon se figura e tij është më shumë se çdo gjë tjetër dhe sigurisht se është në shpërputhje me atë që kishte deklaruar në fushatë me prioritetet e tij pra në vend se të kishim drejtësi dhe zhvillim ekonomik e të kishim luftim të pandemisë kemi atë që e quante herë prioriteti i katërt herë i gjashtë tani u bë prioritet i vogël e që është dialogu, kështu që për ne nuk është asgjë befasi dhe asgjë që nuk e kemi pritur por kjo është ajo me të cilin ne do të ballafaqohemi dhe do të shihemi çdo ditë se një pjesë e tyre që ka thënë kanë qenë mashtrime të fushatës”.

E kreu i PSD-së, qasjen e Kurtit po quan autonomiste, derisa ka shtuar se kjo po e qon vazhdimin e dialogut pa marrëveshje përfundimtare dhe pa zgjidhje të problemit përfundimtarë  me Serbinë.

Gjatë fushatës VV-ja kishte thënë se reciprociteti ndaj Serbisë do të jetë çështje javësh, e këtë Molliqaj e ka quajtur mashtrim.

“Kurti ka një zhvendosje të paktën dy fish, njëra ka të bëjë me ekonominë ku nga një qasje me barezitare dhe një ekonomie më majtas ka kaluar në një kapërcim më të madh dhe tani është në një ekonomi centriste ku kuptohet që ta shmang vetëm çështjen e korrupsionit dhe tani nuk ka as taksë progresive dhe tani nuk ka asnjë mekanizëm që lufton pa barazinë, zhvendosja e dytë ka të bëjë me raportin e shtetit ai tani ka këtë qasje që ne në PSD e quajmë autonomiste pra prej qasjes së shkëputjes përfundimtare nga Serbia tani është një qasje ku Kosova duhet të jetë autonome karshi Serbisë dhe kujtdo tjetër, dhe kjo po e qon në vazhdimin e dialogut pa marrëveshje përfundimtare dhe pa zgjidhje të problemit përfundimtar me Serbinë”.

Ai tutje tha se dialogu po na çon drejt formimit të Asociacionit ose të një autonomie të trefishtë në Kosovë.

“…tani është e qartë që s’do të ketë reciprocitet dhe ajo ka qenë mashtrim, qysh kur është rrëzu Kurti 1 që nuk është arsye reciprociteti që Kurti e donë ndaj Serbisë, po ka qenë gara me ish presidentin Thaçi se kush do të jetë i pari në dialog. Dy rrugë ka dialogu përpara njëra është drejtë një asociacioni ose një autonomie të trefishtë në Kosovë, asociacion për jugun, autonomi për veriun dhe autonomi për kishat dhe manastiret ortodokse në Kosovë ose një status qoue e vazhduar e cila mund të krijon spektakle të reja të Kurtit ku prapë Kosova do të jetë shteti që do të humb për shkak se siç e dimë Kosova tash ka stagnuar në të gjitha marrëdhëniet ndërkombëtare përkundrazi ka rënie të numrit të njohjeve dhe ka pengesa të pa tejkalueshme në anëtarësimin e organizatave ndërkombëtarë, pra të dy rrugët janë të gabuara por janë rrugë të atyre qasjeve që ne e quajmë autonomiste që Kurti tash ka zgjedhur për Kosovën”.

Në Komisionin për Ekonomi deputetët e VV-së kanë votuar që të mbulojnë shpenzimet e rrymës në veriun e banuar me kryesisht serb, e Molliqaj po e sheh të padrejtë , te panevojshme e me tendenca kriminale.

Ai tha se skandaloze ka qenë edhe deklarata e Mimoza Kusarit e cila tha se më mirë është të ndahen mjete për serbët në veri se sa të na kthen policët në arkivol duke ju referuar rastit të Enver Zymberajt.

Molliqaj tha se me këtë VV tregon që Kosova është më mirë me ndjetë nën Serbi dhe se çlirimi i vendit mund të kishte ndodhur edhe pa luftën e UÇK-së dhe se kush do që ka vend ka vdekur badihava

“Janë dy probleme të mëdha që kanë ndodhur atë ditë e para që është vazhduar avazi i qeverive të tjera. Me ju pagu rryma atyre është krejtësisht e padrejtë e pa nevojshme dhe me tendenca kriminale, dhe ju e keni parë se si i ka reduktuar shtesat për shumë kategori në Kosovë ndërsa po jep 11 milionë andej por ajo që ka kaluar shumë lehtë është deklarata skandaloze e cila nuk është ndëshkuar fare e Mimoza Kusarit që e bëri që më mirë të japim pare sepse të na vdesin policët dhe të na kthehen në arkivole, pra këta tregojnë se Kosova më mirë kishte me qenë me ndjetë nën Serbi kjo është qasja autonomiste ku këta besojnë që në fund Kosova ishte çliruar edhe pa luftë dhe kushdo që ka vdekur ka vdek badihava dhe kështu këta shkojnë edhe në dialog ku në njërën anë sulmohet UÇK-ja dhe në anën tjetër folët për viktima se këto po donë të thonë se Kosova nuk ka qenë e pushtuar nga Serbia por është keq menaxhuar nga Millosheviqi dhe si pasojë e keqmenaxhimit kriminal, ne jemi dashtë me u shkëputë dhe jo se kemi të drejtë”.

Continue Reading

Vendi

Dështon mbledhja e Kryesisë së Kuvendit për mungesë kuorumi, shtyhet shqyrtimi i Projektligjit për Gjykatën Speciale

Published

on

Mbledhja e Kryesisë së Kuvendit të Kosovës ka dështuar të mbahet të martën për shkak të mungesës së kuorumit.

Këtë e bëri të ditur nënkryetari i Kuvendit, Ardian Gola, i cili para gazetarëve foli edhe për Projektligjin për Gjykatën Speciale. Ai tha se vazhdimi i seancës së ndërprerë, ku ishte paraparë shqyrtimi i këtij projektligji, kërkon koordinim dhe dakordim mes partive politike.

“Është çështje komplet jashtë rendit të ditës së Kryesisë. Arsyeja që është ndërprerë seanca ka të bëjë me mungesë të kuorumit dhe realisht kryetarja Haxhiu ka autorizuar që, në koordinim me shefat e grupeve parlamentare, të caktohet një datë kur do të vazhdojë ajo seancë. Mbetet çështje e dakordimit politik, të menaxhuar dhe drejtuar nga kryetarja e Kuvendit”, theksoi Gola.

Ai u pyet edhe për dënimin e ish-presidentit Hashim Thaçi nga Dhomat e Specializuara në Hagë.

Gola shprehu keqardhje për procesin gjyqësor që po zhvillohet në këtë institucion, ndërsa bëri të ditur se vendimi i fundit do të trajtohet edhe në kuadër të grupit punues për strategjinë lidhur me ish-krerët e UÇK-së, të udhëhequr nga zëvendëskryeministri Glauk Konjufca.

“Shprehim keqardhjen tonë për gjithë procesin që po zhvillohet në Dhomat e Specializuara. Ne e kemi themeluar një grup punues, në krye të të cilit është zëvendëskryeministri Glauk Konjufca, dhe shpresojmë që edhe ky vendim të jetë si pjesë shtesë e këtij grupi punues”, tha ai./A.K/

Continue Reading

lajme

Gjykata e Lartë në Beograd cakton paraburgimin dhe lëshon urdhërarrest për Milan Radoiçiqin

Published

on

By

Gjykata e Lartë në Beograd ka marrë vendim për caktimin e masës së paraburgimit dhe lëshimin e urdhërarrestit ndaj ish-nënkryetarit të Listës Serbe, Milan Radoiçiq, pasi ky i fundit nuk është paraqitur në stacionin policor, konfirmim ky i dhënë për median serbe Insajder nga vetë Gjykata e Lartë në Beograd.

Sipas Gjykatës, vendimi për paraburgim dhe fletarrest është marrë për shkak se Radoiçiq i cili ndodhet nën hetime për pjesëmarrje në sulmin e armatosur në fshatin Banjskë nuk është lajmëruar në stacionin policor më 15 nëntor. Paraqitja periodike në polici ishte një nga masat e sigurisë të caktuara nga gjykata si garanci se ai do të ishte i disponueshëm gjatë kohëzgjatjes së hetimeve. Sipas po të njëjtave burime gjyqësore, paraburgimi u caktua për shkak të rrethanave që tregojnë se i pandehuri po fshihet ose është arratisur. Informacionin fillimor se për Radoiçiq është lëshuar urdhërarrest e kishte publikuar portali BIRN.

Milan Radoiçiq po hetohet në Serbi në kuadër të lëndës “Banjska”, e cila u iniciua pas konfliktit të armatosur në fshatin Banjskë të Kosovës më 24 shtator 2023, ku mbetën të vrarë katër persona, rreshteri i Policisë së Kosovës,  Afrim Bunjaku i cili ishte në detyrë dhe tre anëtarë të grupit të armatosur.

Radoiçiq kishte pranuar përmes avokatit të tij, Goran Petronijević, se kishte qenë përgjegjës logjistike për organizimin e grupit terrorist.

Ndonëse Prokuroria e Lartë në Beograd kishte kërkuar paraburgim pas nisjes së procedurës penale për vepra të tilla si armëmbajtje pa leje dhe vepra kundër sigurisë përgjithëshme, gjykata e kishte lënë të mbrohet në liri, me kusht që të dorëzonte pasaportën, të mos udhëtonte në Kosovë dhe të paraqitej në polici çdo dy javë. Që atëherë, prokuroria nuk kishte dhënë asnjë informacion për ndonjë përparim tjetër në këtë hetim.

Paralelisht me këto zhvillime në Serbi, në Kosovë është duke u zhvilluar një proces gjyqësor kundër 45 personave, ku rasti në Banjskë është cilësuar si terrorizëm dhe sulm ndaj rendit kushtetues, proces në të cilin dy persona tashmë janë dënuar me burgim të përjetshëm dhe një tjetër me 30 vjet burgim.

Në kohën kur ndodhi sulmi terrorist në Banjskë, Milan Radoiçiq ushtronte funksionin e nënkryetarit të Listës Serbe, subjekti kryesor i serbëve të Kosovës me lidhje të ngushta me Partinë Përparimtare Serbe (SNS) në pushtet, ndërsa më parë ishte shfaqur shpesh në tubime politike dhe në shoqërinë e zyrtarëve më të lartë shtetërorë të Serbisë. /E.A/

 

Continue Reading

Vendi

Marko Hatlak kërkon falje për interpretimin e këngës “Oj Kosovo, Kosovo” në Bruksel

Published

on

Muzikanti dhe fizarmonicisti slloven, Marko Hatlak, ka kërkuar falje për përzgjedhjen dhe interpretimin e këngës “Oj Kosovo, Kosovo” gjatë ceremonisë hapëse të Forumit të Zgjerimit të Bashkimit Evropian 2026 në Bruksel.

Kënga, e cila përmban pretendime nacionaliste serbe ndaj Kosovës, kishte nxitur reagime të shumta pas interpretimit të saj në këtë aktivitet.

Hatlak, i cili ishte përgjegjës për përgatitjen e programit muzikor në emër të Komisionit Evropian, ka thënë se përzgjedhja ishte e paqëllimshme dhe se nuk ishte në dijeni të kontekstit historik e politik të këngës.

Në një reagim publik, ai ka shpjeguar se ishte ngarkuar të përzgjidhte dhjetë këngë, nga një për secilin vend pjesëmarrës në forum, dhe t’ia dorëzonte ato organizatorëve për miratim.

Sipas tij, gjatë kërkimit në Google për një këngë tradicionale nga Kosova, kishte hasur në “Oj Kosovo, Kosovo”, e cila ishte përshkruar si këngë patriotike.

“Unë e përzgjodha atë nga këndvështrimi i një muzikanti, pra duke u bazuar në harmoninë, ritmin dhe tingullin e saj”, ka shpjeguar Hatlak.

Ai ka thënë se kishte vetëm një javë kohë për përgatitjen dhe interpretimin e programit dhe se, për shkak të afatit të shkurtër, nuk kishte arritur të hulumtonte prejardhjen dhe domethënien e këngës. Sipas tij, as organizatorët nuk e kishin vënë në pah natyrën problematike të përzgjedhjes gjatë shqyrtimit të programit.

“U kërkoj sinqerisht falje të gjithë atyre që janë prekur nga kjo ngjarje”, ka deklaruar muzikanti.

Hatlak ka bërë të ditur se kërkimfaljen ua ka dërguar drejtpërdrejt edhe ambasadorit të Kosovës në Slloveni, Valdet Sadiku, ambasadorit të Kosovës në Belgjikë, Agron Bajrami, kryenegociatorit për Integrimin Evropian, Jeton Zulfaj, si dhe komisioneres evropiane për Zgjerim, Marta Kos.

Ai ka theksuar se nuk kishte pasur qëllim të ofendonte askënd dhe se nuk do ta kishte interpretuar këngën po ta kishte ditur kontekstin e saj.

“Po ta kisha ditur kontekstin dhe domethënien e saj, sigurisht që nuk do ta kisha interpretuar. Gjatë gjithë karrierës sime, jam përpjekur që përmes muzikës t’u sjell njerëzve vetëm gëzim dhe paqe të brendshme. Nuk ka qenë kurrë qëllimi im të fyej askënd”, ka shkruar ai.

Në fund, Hatlak ka shprehur keqardhje për situatën e krijuar, duke shpresuar që kërkimfalja e tij të pranohet./A.K/

Continue Reading

Lajmet

Studimi i profesorëve të UBT-së publikohet në revistën ndërkombëtare “Pharmacoepidemiology”

Published

on

By

Punimi shkencor i profesorëve të Shkencave Mjekësore në UBT, Prof. Dr. Fitim Alidema dhe Prof. Dr. Zejdush Tahiri, në bashkëautorësi me Mr. Ph. Flakron Alidema, është publikuar në revistën prestigjioze ndërkombëtare Pharmacoepidemiology.

Ky studim vëzhgues retrospektiv ka analizuar të dhënat e 4.668 pacientëve të trajtuar me aspirinë 100 mg në kujdesin parësor shëndetësor. Gjetjet kryesore të hulumtimit tregojnë se përdorimi potencialisht i papërshtatshëm i aspirinës është dukshëm më i lartë në parandalimin parësor kardiovaskular (52,3%) krahasuar me atë dytësor (1,8%).

Kontributi i veçantë i këtij punimi të profesorëve të UBT-së qëndron në vlerësimin e përbashkët të indikacionit mjekësor, profilit të rrezikut për gjakderdhje dhe barnave shoqëruese, në raport me ndërprerjen e dokumentuar të terapisë. Sipas analizës, historia e gjakderdhjes gastrointestinale rezultoi të jetë faktori kryesor i lidhur me ndërprerjen e trajtimit me aspirinë, duke nxjerrë në pah nevojën për rivlerësim individual të raportit përfitim–rrezik te secili pacient.

Revista Pharmacoepidemiology, e botuar nga MDPI, renditet në kuartilin Q2 sipas SCImago 2025 në kategorinë e farmakologjisë dhe toksikologjisë, indeksohet në platformat e njohura Scopus dhe Web of Science (ESCI), dhe ka faktor ndikimi 1,6 sipas Clarivate.

Continue Reading

Të kërkuara