Kronika e zezë

Modelja bie nga kati i 12-të, vajza e saj thotë se e dëgjoi të ulëriste, familjarët s’besojnë që u vetëvra

Published

3 years ago

on

Një modele ka gjetur vdekjen në mënyrë misterioze pas rënies nga apartamenti i saj në katin e 12-të, por familja e saj insiston se nuk mund të jetë një vetëvrasje.

33 vjeçarja Nayara Vit, ra drejt vdekjes në kryeqytetin kilen Santiago, më 7 korrik, ndërsa bashkëshorti i saj pretendon se ishte ulur në dhomën e ndenies kur ajo kishte dalë në ballkon dhe ishte lëshuar vetë poshtë.

Vajza e saj katër-vjeçare tha se kishte dëgjuar të ëmën të ulëriste para rënies, sipas mediave.

Sipas gazetarit Sergio Puga, kushëri i viktimës, bashkëshorti i Nayara, Rodrigo Del Valle Mijac, kishte thërritur avokatin e tij pak pas tragjedisë, e cila kishte ndodhur një ditë pas ditëlindjes së saj të 33-të.

Puga ka bërë thirrje për një hetim të plotë mbi vdekjen e modeles ndërsa e ëma e Nayaras, Eliane Vit, gjithashtu insiston se e bija nuk ka kryer vetërvasje.

Familja e Nayara nuk kanë udhëtuar ende drejt kryeqytetit kilen prej kufizimeve të udhëtimit të pandemisë por komunikojnë me anë të ambasadës vendase.

Modelja ishte me origjinë nga qyteti brazilian Cuiaba, dhe njihej për paraqitjet në programin televiziv kilen ‘Toc Show’ në TV+.

Nayara ishte e lindur nga një baba libanez dhe nënë spanjolle dhe jetonte prej 16 vjetësh në Santiago. Ajo lë pas bijën e saj katër vjeçare.

Related Topics:
Continue Reading

Kronika e zezë

​Arrestohen tre persona për fajde në Prizren

Published

2 months ago

on

October 2, 2024

By

Policia e Kosovës ka arrestuar sot tre persona në Prizren nën dyshimet se janë të përfshirë në veprat penale fajde dhe detyrim.

Në vendbanimet e personave të dyshuar janë sekuestruar dy automjete, para dhe dëshmi të rëndësishme, të cilat do të përdorën si dëshmi në procedura të mëtutjeshme.

Dyshohet se këta persona duke kanosur viktimën, në vazhdimësi kanë tentuar ta detyrojnë që të veprojë kundër pasurisë së tij.

Të dyshuarit pas intervistimit, me aktvendim të prokurorit ndalohen për 48 orë.

Continue Reading

Kronika e zezë

​Një qytetar në veri të Mitrovicës sulmohet, fyhet në gjuhën shqipe dhe serbe

Published

2 months ago

on

October 1, 2024

By

Policia e Kosovës ka njoftuar se në Mitrovicë të Veriut është raportuar një rast sulm dhe fyerje.

Sipas policisë, ankuesi ka njoftuar se derisa ishte duke ecur në trotuar me tre persona, dy motorë skuter me nga dy persona të cilët kanë qenë duke lëvizur në rrugë i kanë fyer në gjuhen shqipe dhe në gjuhen serbe dhe të njëjtit i kanë gjuajtur me një shportë plastike duke e goditur viktimën.

“Viktima nuk ka pësuar lëndime trupore, ndërsa të dyshuarit janë larguar në drejtim të urës lindore”, thuhet në njoftim.

Continue Reading

Kronika e zezë

Aksident i rëndë trafiku në Lipjan, lëndohet një këmbësor

Published

2 months ago

on

October 1, 2024

By

Një këmbësor ka pësuar lëndime të rënda dje si pasojë e një aksidenti në Lipjan. Deri tek aksidenti ka ardhur pasi një burrë duke e drejtuar një motoçikletë e ka goditur këmbësorin viktimën mashkull kosovar.

“Rr. Avdi Kelmendi, Lipjan 30.09.2024-15:20. Raportohet se i dyshuari mashkull kosovar derisa ishte duke drejtuar një motoçikletë e ka goditur këmbësorin viktimën mashkull kosovar. Si pasojë e aksidentit viktima ka pësuar lëndime të rënda trupore. I dyshuari është arrestuar dhe me vendim të prokurorit dërgohet në mbajtje”, thuhet në njoftim.

Continue Reading

Kronika e zezë

Shpërthim në Podujevë, policia po e heton rastin

Published

2 months ago

on

September 30, 2024

By

Policia e Kosovës ka njoftuar se një shpërthim ka ndodhur në Podujevë në orët e para të së dielës. Rasti është trajtuar si shkaktim i rrezikut të përgjithshëm dhe është duke u hetuar.

“Ankuesi mashkull kosovar ka raportuar se ka dëgjuar një shpërthim. Në vendin e ngjarjes ku dyshohet se ka ndodhur shpërthimi kanë dalë njësitet përkatëse policore, me ç’rast është njoftuar edhe njësia për deminim dhe hetuesia”, thuhet në raportin 24-orësh të Policisë.

Lidhur me rastin thuhet se është njoftuar edhe prokurori dhe hetimet janë duke vazhduar.

Continue Reading

Të kërkuara