Kulturë

Moda franceze

Published

5 years ago

April 19, 2021

Betim Gashi

10 sekrete të thjeshta nga vajzat më chic të botës!

Moda francezeve lakmohet në gjithë botën dhe ndonëse mund të jetë chic, misterioze dhe e bukur, nuk është e paarritshme. Ekspertët e modës së Who What Wear nga studimet që kanë bërë ndër vite të trendeve të modës në përgjithësi, por edhe të vendeve si Franca, sugjerojnë këto 10 këshilla për t’u dukur gjithnjë mirë:

#1 – Frymëzohuni nga stili i mamasë suaj – Gërmoni në dollapin e rroba të saj (të vjetra, vintage).

#2 – Kur të mundeni, zbuloni gjithnjë këmbët!

#3 – Vishni vetëm taka me të cilat mund të ecni pa problem.

#4 – Vajzat franceze do sugjeronin veshjet e qepura enkas për ju, ose të paktën ato që duken si të tilla.

#5 – Theksoni belin sa herë të mundeni, por jo duke e bërë veshjen dhe trupin tuaj të duken qesharake.

#6 – Mos ngurroni kurrë të vishni diçka flirtuese.

#7 – Investoni gjithnjë tek veshjet e jashtme: Pallto, xhaketë etj.

#8 – Nëse keni menduar të përdorni shumë aksesorë, balancojeni me një veshje të thjeshtë.

#9 – Vishini “rrobat e pushimeve” (të stinës së verës, plazhit) kur dhe si të doni.

#10 – Mos u sforconi për asgjë. Përpiquni të mos duket sikur “po përpiqeni” shumë – qoftë për një pozë gjatë një fotoje, një veshje, kapje flokësh etj.

Lajmet

Mbrëmje muzikore polake në Prishtinë

Published

2 hours ago

May 6, 2026

UBT News

Në shënim të Ditës së Kushtetutës së Polonisë, më 3 maj, dhe në bashkëpunim me Konsullatën e Përgjithshme të Republikës së Kosovës në Varshavë, Filharmonia e Kosovës solli për publikun e Prishtinës Kuartetin Harkor të Filharmonisë së Krakovës.

Mbrëmja u hap nga drejtori i Filharmonisë së Kosovës, Dardan Selimaj, i cili për fjalët përshëndetëse ftoi Mateusz Prendotën, drejtor i Filharmonisë së Krakovës, dhe Drilon S. Gashin, ambasador i Republikës së Kosovës në Varshavë. Në fjalimet e tyre u theksua rëndësia e bashkëpunimit ndërmjet institucioneve kulturore dhe roli i shkëmbimeve artistike në forcimin e miqësisë mes Kosovës dhe Polonisë.

Në një atmosferë të veçantë, muzikantët Joanna Konarzewska, Zuzanna Frankiewicz, Jan Czyżewski dhe Martyna Sołtys interpretuan dy vepra të rëndësishme të repertorit polak për kuartet harkor: “Kuarteti Harkor Nr. 2, Op. 42” nga Władysław Żeleński dhe “Kuarteti Harkor Nr. 3” nga Grażyna Bacewicz.

Mbrëmja konfirmoi edhe një herë rolin e artit dhe kulturës si ura të fuqishme të bashkëpunimit ndërkombëtar, si dhe dëshmoi përkushtimin për thellimin e pranisë kulturore polake në Kosovë.

Lajmet

Vizita kulturore në El Salvador nis me institucione kyçe

Published

2 hours ago

May 6, 2026

UBT News

Në ditën e parë të qëndrimit në El Salvador, Ministria e Kulturës e këtij vendi organizoi një program vizitash në disa nga institucionet më të rëndësishme kulturore për ekipin nga Kosova.

Vizita nisi në Bibliotekën Kombëtare, ku u prezantuan hapësirat moderne, përfshirë laboratorë të avancuar për printim 3D, robotikë dhe teknologji të tjera në shërbim të publikut dhe edukimit.

Më pas, u zhvillua një vizitë në Pallatin Kombëtar, ku u ofrua një pasqyrë mbi historinë dhe trashëgiminë institucionale të vendit.

Programi vijoi në Teatro Nacional de El Salvador, ku Baleti Kombëtar i Kosovës do të performojë më 8, 9 dhe 10 maj në gala mbrëmje të përbashkëta me Baletin Kombëtar të El Salvadorit.

Në përfundim, u shpreh mirënjohje për Ministrinë e Kulturës së El Salvadorit për mikpritjen, organizimin dhe përkushtimin në prezantimin e këtyre vlerave kulturore.

Lajmet

Gala e përbashkët Kosovë – El Salvador në skenën ndërkombëtare

Published

2 hours ago

May 6, 2026

UBT News

Baleti Kombëtar i Kosovës, në bashkëpunim me Baletin Kombëtar të El Salvadorit, do të prezantojë tri mbrëmje gala të përbashkëta më 8, 9 dhe 10 maj në Teatro Nacional de El Salvador, në San Salvador.

Gjatë këtyre netëve artistike, Baleti Kombëtar i Kosovës do të interpretojë veprën “Carmina Burana”, me koreografi të Toni Candeloros, ndërsa Baleti Kombëtar i El Salvadorit do të sjellë “The Invisible Trace”, me koreografi nga Pepe Hevia.

Kjo ngjarje realizohet me mbështetjen e Ministrisë së Kulturës dhe Turizmit të Kosovës, Ambasadës së Kosovës në Panama, ambasadores Heroina Telaku, si dhe Ministrisë së Kulturës së El Salvadorit dhe Baletit Kombëtar të këtij shteti.

Ky bashkëpunim shënon një moment të rëndësishëm në skenën ndërkombëtare artistike, duke forcuar lidhjet kulturore mes dy vendeve dhe duke afirmuar praninë e Baletit Kombëtar të Kosovës në arenën globale.