Lifestyle

Mitet rreth sëmundjes së artritit – Faktet interesante që duhet të dini

Published

on

Artriti është një problem shëndetsor që shkakton dhimbje dhe inflamacion në kyçe, i cili prek zakonisht të moshuarit.

Ekzistojnë dy lloje kryesore të artritit, që janë osteoartriti dhe artriti reumatoid.

Osteoartriti është forma më e zakonshme e artritit dhe ndodh kur kërci që qëndron midis kockave shkatërrohet.

Artriti reumatoid ndodh kur sistemi imunitar sulmon gabimisht indet e shëndetshme të trupit. Ai shkakton dëmtime të kyçeve por gjithashtu mund të prekë muskujt, indin lidhor, tendinat dhe indet fibroze.

Sipas burimeve të AgroWeb.org, artiti reumatoid është më pak i zakonshëm dhe ka tendencë të shfaqet më herët në jetë sesa osteoartriti.

AgroWeb.org në këtë artikull do të trajtojë disa prej ideve të gabuara që ekzistojnë artritin.

Vetëm të moshuarit preken nga artriti

Edhe pse artriti është më i zakonshëm tek të moshuarit, ai mund të prekë njerëz të çdo moshe.

Sipas disa studimeve ku AgroWeb.org mbështetet, zbuloi se mjekët kanë diagnostikuar artritin në 49.7% e të rriturve të moshës 65 vjeç e sipër.

Dhe tek 30.3% e të rriturve të moshës 45-64. Po ashtu 7.3% e njerëzve të moshës 18-44 kishin një diagnozë të artritit.

Nyjet ju dhembin nga artriti

Jo të gjitha dhimbjet e kyçeve shkaktohen nga artriti.

Ka shumë shkaktarë të dhimbjes të nyjeve, duke përfshirë tendinitin, borsitin dhe dëmtimet.

Personat me artrit nuk duhet të ushtrojnë

Ushtrimet mund të ndihmojë në ruajtjen e gamës së lëvizjes dhe forcës në nyje.

Personat me artrit që ushtrojnë rregullisht kanë më pak dhimbje, më shumë energji, përmirësim të gjumit dhe funksion më të mirë të përditshëm.

Megjithatë këshillohet që të flisni me mjekun para se të filloni ndonjë regjim ushtrimesh.

Perime të caktuara përkeqësojnë artritin

Disa perime si domatet, patëllxhani, patatet dhe specat, besohet se ndikojnë në shfaqjen e simptomave të artritit.

Por nuk ka asnjë provë që këto perime përkeqësojnë simptomat e artritit.

Sidoqoftë, ekspertët rekomandojnë disa ushqime anti-inflamatore.  Ato janë : vaji i peshkut që është i pasur me omega-3, frutat dhe perimet shumëngjyrëshe të pasura me antioksidantë, arrat edhe farat.

Nxehtësia është më e mirë se akulli për nyjet e lënduara

Në fakt, akulli ashtu si edhe nxehtësia mund të qetësojnë nyjet e lënduara.

Nxehtësia mund të ndihmojë në zvogëlimin e dhimbjes dhe ngurtësisë në nyje dhe muskuj. Ndërsa akulli mund të ndihmojë në uljen e inflamacionit dhe ënjtjes së kyçeve.

Ekspertët shpjegojnë  njerëzit duhet të përdorin nxehtësinë para ushtrimeve, kur një artikulacion është i ngurtë dhe kur përjetojnë dhimbje.

Ftohja gjithashtu mund të lehtësojë dhimbjen, dhe mund të jetë e dobishme veçanërisht nëse keni ënjtje pas aktivitetit.

Artriti nuk është i parandalueshëm

Edhe pse artriti nuk mund të parandalohet, njerëzit mund të eleminojnë ose minimizojnë disa faktorë për të ngadalësuar përparimin e tij.

Për shembull, njerëzit me peshë të tepërt trupore kanë një rrezik në rritje të zhvillimit të osteoartritit të gjurit.

Pirja e duhanit shoqërohet gjithashtu me një rrezik në rritje të zhvillimit të artritit reumatoid.

Gjithashtu, mbrojtja e nyjeve gjatë ndonjë aktiviteti fizik mund të ndihmojë në uljen e rrezikut të zhvillimit të artritit.

Ndërkohë që shkencëtarët vazhdojnë të zbulojnë më tepër rreth artritit, trajtime më të mira do të lindin./AgroWeb.org

Lifestyle

Ja filmat që ju duhen! Shtatori është muaji ku rikthehet atmosfera e kinemasë

Published

on

Shtatori është një muaj ku rikthehet atmosfera e kinemasë pas pushimeve verore. Me fillimin e sezonit të ri, në kinema dhe platformat online dalin disa prej premierave më të pritura të vitit.

Ky muaj shpesh sjell filma të zhanreve të ndryshme – nga dramat e fuqishme që synojnë çmimet prestigjioze, deri tek filmat aksion dhe aventurë që mbajnë publikun të lidhur pas ekranit.

Çfarë pritet?

Filmat artistikë dhe dramatikë: Muaji shpesh karakterizohet nga projeksione që hapin sezonin e festivaleve ndërkombëtare, ku shfaqen histori të thella dhe interpretime mbresëlënëse.

Aksion dhe thriller: Për ata që kërkojnë emocione, shtatori sjell produksione me adrenalinë, rikthime të sagave të njohura ose histori të reja plot mister.

Animacionet dhe filmat familjarë: Një zgjedhje e përsosur për fëmijët që kthehen në shkollë, duke ofruar argëtim dhe mesazhe pozitive.

Filmat horror: Me afrimin e vjeshtës, ka vend për projekte të frikshme që krijojnë atmosferën e errët dhe të pasigurt tipike për sezonin.

Pse të ndiqen filmat në shtator?

Ky muaj është një pikënisje e re për industrinë e filmit. Publiku pret surpriza të mëdha, rikthimin e aktorëve të njohur në role të paharrueshme, si edhe produksione të freskëta që shpesh bëhen hit.

Përgatiti: A.Z. /UBT News/

Continue Reading

Lifestyle

Cilat Janë llojet më të mira të Aloe Verës, bimës së mrekullueshme?

Published

on

Aloe njihet si bima e përjetësisë dhe simbol i parajsës. Vlerat e saj janë të mrekullueshme, këtë bimë mund ta kultivoni edhe në shtëpinë tuaj dhe ta keni gati për urgjenca si gërvishtje, çarje apo djegie.

A e dini se nga kjo bimë mund të përfitoni shumë edhe nëse e pini?

Aloe Vera përmban mbi 200 përbërës biologjikisht aktivë si polisakaride, vitamina, enzima, amino acide dhe minerale që promovojnë përthithjen sa më të mirë të ushqyesve për të cilat trupi ka aq shumë nevojë.

Llojet më të mira të bimës së Aloe Verës

Në botë, gjenden mbi 400 varietete të bimës së saj, por jo të gjitha janë të mira dhe të vlefshme për konsum nga njerëzit.

Shumica e këtyre varieteteve shërbejnë për dekorim, dhe vetëm pak prej tyre kanë efektet çudibërëse për mirëqenien e njeriut. Sipas një publikimi të Medical Plants of the World, varietetet më të mira të Aloe Verës janë:

Aloe Barbadensis, të cilën mund ta gjeni edhe me emrin Aloe Sabila

Aloe Arborescens

Aloe Saponaria, që mund të gjendet edhe me emërtimin Aloe Maculata

Aloe Ferox

Të dhënat e publikuara nga “The Journal of Environmental Science and Health”, tregojnë se Aloe Vera ka vlera të fuqishme në betejën kundër baktereve, virozave dhe mykut. Këto veti e bëjnë të dobishme në pastrimin e organizmit nga toksinat, në fuqizimin e sistemit imunitar. Nëse konsumoni ose përdorni Aloe Vera, do të përmirësoni disponibilitetin e vitaminës B12 në organizëm.

Kjo do të thotë se trupi do ta përthithë dhe përdorë më mirë këtë vitaminë të nevojshme.

Ajo përmban vitaminat A, C, E, acid folik, si edhe vitaminat B1, B2, B3 dhe B6. Kjo bimë e mrekullueshme përmban 20 nga 22 amino acidet esencialë për të cilat ka nevojë organizmi i njeriut, por edhe acid salicilik që lufton inflamacionin dhe bakteret.

Përveç rolit të pastrimit të organizmit, Aloe Vera përqendrohet tek largimi i toksinave nga stomaku, veshkat, shpretka, tëmthi dhe mëlçia.

Ndihmon me tretjen, ulçerën dhe inflamacionin në stomak, forcon sistemin tretës dhe ofron alternativë të shëndetshme për ata që vuajnë nga artriti. Mënyra më e rekomandueshme është të pini lëngun e bimës, të cilën mund ta rrisni vetë në shtëpi.

Kombinoni xhelin në lëngjet e preferuara të frutave dhe perimeve ose pijeni veçmas. Përdorni xhel të pastër që nxirret nga pjesa e brendshme e gjetheve të bimës. Shija mund të jetë pak e athët dhe e hidhur, përzieni me pak mjaltë dhe të përfitoni vlera të shumëfishta.

Continue Reading

Lifestyle

Si ta kaloni një të premte ndryshe dhe plot energji?

Published

on

E premtja është dita që na kujton se java e gjatë e punës po mbyllet dhe po afrohet fundjava. Por shpesh, e kalojmë duke pritur vetëm pushimin, pa e shfrytëzuar si duhet. Ja disa ide se si ta ktheni të premten në një ditë të veçantë:

Mbylle javën me diçka pozitive

Bëj një listë me gjërat që ke arritur gjatë javës e shpërbleje veten. Mund të jetë kafe speciale, një ëmbëlsirë e preferuar apo një shëtitje e qetë.

Kalon kohë me njerëzit e duhur

Organizo një darkë të thjeshtë me miqtë, dil për një koktej ose thjesht kalo pak orë cilësore me familjen. E premtja është perfekte për lidhje sociale dhe energji të mirë.

Jepi vetes pak luks

Një trajtim bukurie, një prerje flokësh, një maskë relaksuese në shtëpi apo një film i mirë – gjëra të vogla që të bëjnë të ndihesh i/e veçantë.

Shkëputu nga rutina

Në vend që të kalosh mbrëmjen në të njëjtin vend, provo diçka ndryshe: një koncert, ekspozitë, apo një shëtitje në një lagje tjetër të qytetit.

Përgatitu për fundjavën

Vendos plane të vogla për ditët në vijim, që të kesh diçka për të pritur me padurim. Kjo të jep motivim dhe energji pozitive.

Mos e shih të premten vetëm si fund të javës – shijoje si një fillim të vogël të diçkaje të bukur.

Përgatiti: A.Z. /UBT News/

Continue Reading

Lifestyle

A duhen larë foshnjat çdo ditë?

Published

on

Mund të tingëllojë e palogjikshme, por mosbërja e banjës është në fakt më e mirë për lëkurën e të voglit tuaj, kështu që nuk është e nevojshme ta lani fëmijën tuaj çdo ditë.

Akademia Amerikane e Dermatologjisë shpjegon se rekomandohet që fëmijët e moshës gjashtë deri në 11 vjeç të lahen një ose dy herë në javë, me kusht që të mos jenë të ndotur. Kjo do të ndihmojë lëkurën e foshnjës të mbrohet nga viruset dhe bakteret.

Në vend që ta lani fëmijën çdo ditë, lani me ujë të ngrohtë vetëm kur është e nevojshme. Mund t’i lani flokët me shampo një ose dy herë në javë. Akademia Amerikane e Dermatologjisë rekomandon që adoleshentët të lahen ose të bëjnë dush çdo ditë.

Para se ta fusni foshnjën në ujë, temperatura duhet të jetë rreth 37 gradë Celsius. Mos e teproni me ujë të nxehtë, pasi mund të mos jetë i përshtatshëm për foshnjën. Mbushni vaskën vetëm me rreth tre inç ujë – aq sa duhet për ta larë foshnjën dhe për ta lënë të luajë pak.

Mos e lini kurrë një fëmijë nën pesë vjeç pa mbikëqyrje në vaskë, as edhe për një sekondë.

Sigurohuni që temperatura e dhomës të jetë midis 22 dhe 24 gradë Celsius. Përgatitni një peshqir të madh ose rrobë për ta mbështjellë kur të keni mbaruar së lari. Mundohuni të gjeni një mënyrë për ta bërë larjen çdo natë më pak të lodhshme.

Mos e detyroni të lahet vetë duke pasur dy persona që e mbajnë. Mundohu të kuptosh çfarë do t’i përshtatej më mirë të voglit tënd, në mënyrë që ai të mund të shijojë larjen pa lot.

Continue Reading

Të kërkuara