Sport

“Misioni juaj ka përfunduar” – Drogba me postim thumbues ndaj Arsenalit

Published

on

Një nga rivalitetet më të ashpra në futbollin anglez është ai midis skuadrave londineze Chelsea dhe Arsenal dhe nëse dikush e di një ose dy gjëra rreth armiqësisë midis skuadrave, është ish-sulmuesi i Blues dhe legjenda e klubit, Didier Drogba.

Pavarësisht se janë rivalë të mëdhenj, The Blues dhe The Gunners kanë transferuar disa lojtarë gjatë historisë së tyre – së fundmi, disa nga këta emra kanë përfshirë dyshen mbrojtëse David Luiz dhe Ashley Cole, portierin Petr Cech, mesfushorin Cesc Fabregas, sulmuesin Olivier Giroud dhe anësorin Willian.

Me siguri shumica dërrmuese e atyre lojtarëve të transferuar ose kanë vazhduar të shijojnë ose të dështojnë t’i shfaqin cilësitë e tyre.

Didier Drogba shënoi 164 gola në 381 ndeshje për Chelsean dhe skuadra më e pëlqyer e tij për të realizuar qëllimin e tij në fushë ishte pikërisht Arsenali.

Pas largimit të Willianit, i cili është kthyer në vendlindjen e tij Brazil, pas një aventure të shkurtër në Emirates, me Drogban që tani përmes rrjeteve sociale ka thumbuar Topçinjtë.

Sulmuesi në pension, emri i të cilit ende këndohet me zë të lartë në Stamford Bridge, ndau një imazh të Willianit me trofe: “Faleminderit agjent Willian, misioni juaj ka mbaruar, si ashtu edhe i David Luiz dhe Petr Cech”.

Natyrisht se ky postim nuk iu ka pëlqyer tifozëve të Arsenalit, duke ditur se Chelsea tashmë ka arritur një përparësi të dukshme në fitimin e trofeve.

Continue Reading

Sport

Zyrtare: Ferizaj përforcohet në qendër të mbrojtjes, prezantojnë Ardit Iljazin

Published

on

Ferizaj ka filluar me përforcime për sezonin e ri në Albi Mall Superligën e Kosovës në futboll.

‘Ujqit’ janë përforcuar në qendër të mbrojtjes, ku kanë nënshkruar me qendërmbrojtësin Ardit Iljazi.

24-vjeçari i bashkohet Ferizajt pasi më parë ka luajtur edhe për Gostivarin, Shkupin, Erzenin, Teutën dhe Voska Sport.

Njoftimi i plotë nga FC Ferizaj:

Zyrtare: Ardit Iljazi bashkohet me FC Ferizajn

FC Ferizaj ka kënaqësinë të prezantojë përforcimin më të ri në repartin defensiv Ardit Iljazin, i cili do të jetë pjesë e skuadrës bardhekaltër për sezonin e ri.

Arditi luan në pozitat qendër mbrojtës dhe mbrojtës i djathtë, ndërsa gjatë karrierës së tij ka qenë pjesë e disa klubeve të njohura si Erzeni, Shkupi dhe Voska, duke grumbulluar përvojë të vlefshme në futbollin rajonal.

Ardit Iljazi: “Është kënaqësi për mua t’i bashkohem FC Ferizajt. Jam i motivuar dhe i gatshëm të jap maksimumin për klubin dhe për tifozët.”

Mirë se erdhe Ardit, dhe shumë suksese me fanellën bardhekaltër!

Continue Reading

Sport

FSHF: Vijon procesi i shpërndarjes së biletave përmes shortit elektronik për ndeshjen Shqipëri – Serbi

Published

on

By

Federata e Futbollit njoftoi sot se vijon procesi i shpërndarjes së biletave përmes shortit elektronik për ndeshjen Shqipëri – Serbi.

FSHF thekson se, të gjithë personat që janë shpallur fitues dhe kanë fituar të drejtën për të blerë bileta duhet të veprojnë sa më shpejt, pasi linku i dërguar është i vlefshëm vetëm për 24 orë nga momenti i marrjes.

Pas këtij afati, linku bëhet i pavlefshëm dhe biletat nuk mund të blihen.

Për këtë arsye, FSHF u bën thirrje të gjithë fituesve të përfundojnë procesin e blerjes brenda afatit, duke kryer pagesën përkatëse.

Ndeshja Shqipëri – Serbi, e vlefshme për kualifikueset e Kupës së Botës 2026, do të zhvillohet të shtunën, më 7 qershor, në orën 20:45, në stadiumin “Arena Kombëtare”. /atsh

Continue Reading

Sport

Ardian Ismajli mund t’i bashkohet Rashicës te Besiktasi?

Published

on

Mbrojtësi i Kombëtares së Shqipërisë, Ardian Ismajli do të largohet nga Empoli pas ndeshjeve ndërkombëtare.

28-vjeçari mbetet pa kontratë në fund të këtij muaji dhe tashmë ka filluar kërkimin e një klubi të ri.

Mediat e huaja raportojnë se lojtari “kuqezi” mund të transferohet në Superligën e Turqisë.

Besiktasi ku luan Ernest Muçi dhe Milot Rashica për momentin po i prinë garës për mbrojtësin shqiptar.

Ismajli është në grumbullim te Shqipëria për dy ndeshjet e muajit qershor, ndaj Serbisë dhe Letonisë.

 

 

Continue Reading

Sport

Zyrtare: Inzaghi firmosi me Al-Hilalin

Published

on

Tashmë është zyrtare. Trajneri i njohur italian, Simone Inzaghi ka firmosur me skuadrën arabe Al Hilal. Trajneri i deritashëm i Interit firmosi të mërkurën mbrëma për dy vjet e gjysmë.

Të hyrat vjetore për Inzaghin do të jenë 26 milionë euro neto.

Inzaghi ka firmosur në Paris, pasi i dha fund bashkëpunimit me Interin. Ai e udhëhoqi Interin deri në finale të Ligës së Kampionëve.

Inzaghi është prej trajnerëve më të vlerësuar në futboll.

 

Continue Reading

Të kërkuara