Lajmet

Mirëpritet nga qytetarët vendimi i Kushtetueses për rrymën në veri, kërkojnë përgjegjësi ndaj vendimmarrësve

Disa prej tyre, kanë kërkuar përgjegjësi ndaj vendimmarrësve.

Published

on

Vendimi i Gjykatës Kushtetuese se pagesat e energjisë elektrike në veri ishin të kundërligjshme, po mirëpriten nga qytetarët. Disa të intervistuar thonë se obligimet duhet të paguhen nga shqiptarët e serbët. Disa prej tyre, kanë kërkuar përgjegjësi ndaj vendimmarrësve.

Lekë Preqi thotë se vendime të tilla janë të mirëseardhura veçse kërkon përgjegjësi  nga personat që e kanë marrë vendimin për t’u paguar serbëve rrymën.

“Gjykata Kushtetuese e Kosovës shumë gabime ka bërë deri tash po tash ka vepruar mirë ka qenë e padrejtë pagesa e qytetarit të Kosovës për serbët e pjesës veriore. Përgjegjësit duhet me dhënë përgjegjësi ata që kanë qenë kompetent për këtë punë ata duhet me dhënë përgjegjësi por përgjegjësia është një koncept relativisht si me thënë jo konkret. Përgjegjësi duhet me dhënë ata të cilët kanë qenë përgjegjës për këtë punë në funksione vendimmarrëse ata duhet me dhënë përgjegjësi, po ku me i gjet tash ata”, thotë Preqi.

Ndërsa Qamil Haliti ka kritika për mënyrën se si po komentohetn vendimet e Gjykatës Kushtetuese. Për krerët e shtetit, thotë se nuk e respektojnë aspak institucionin më të lartë në vend.

“Në Kosovën tonë gjithçka është e kundërligjshme merreni me mend asnjë ministër nuk i përmbahet Kushtetutës sonë duke filluar edhe nga kryeministri, kryetarja e mos të flasim për ministra. Gjithçka është shumë e arsyeshme sepse Kushtetutën e ka kthyer atë dhe ka thënë se është e kundërligjshme po e them sinqerisht se këtu është bërë një shtet i cili nuk respekton Kushtetutën për atë edhe të gjitha janë të kundërligjshme unë se di që ka diçka të ligjshme që bëjnë këta ministra tonë, apo kjo Qeveri shkurt po e them sinqerisht apo kjo kryetare. Të gjithë këta nga fillimi vetëm kundër e kanë shkelur Kushtetutën e Kosovës”, deklaroi ai.

“Përgjegjësia është shumë normale ai i cili e ka shkel Kushtetutën duhet të jap unë e shoh ajo ministrja e arsimit katër pesë herë e ka shkel Kushtetutën, kryetarja gjithashtu, kryeministri çdo ditë në çdo fjalë e veprim e bën shkelet Kushtetuta e Kosovës. Kështu që de-facto e de-jure për vetëm popullata e thjeshtë që e respekton Kushtetutën, këta në Qeveri në pushtet kush nuk e respekton. Kjo është si Kushtetutë e vjedhur me qenë, mirëpo këta se respektojnë sepse këtë e kanë sjell në kohën e njerëzve të luftës sidomos Hashim Thaçi e këtyre. Ata kanë qenë prijësit e formimit të shtetit edhe këta tash punojnë kundër shtetit e sidomos ky ministër është komunist nuk ka asgjë nga ky, ky din vetëm të lexojë libra komuniste dhe ka një ideologji komuniste. nuk pritet asgjë nga ky”, thotë Haliti.

E pagesën e deritanishme për qytetarët serb në katër komunat veriore, Sabri Kadriu i quan probleme të natyrës politike. Thotë se përfshirë shqiptarë e serb duhet t’i kryejnë obligimet.

“Këto janë të lidhur me probleme të natyrës politike që them se politika e cila nuk bazohet në shkencë dhe në dije ajo do të dështojë nuk është çështja e politikës vetëm në nivel të Kosovës por në të gjithë shteteve në Ballkan. Nëse jemi të barabartë edhe jem të barabartë duhet me qenë të barabartë atëherë rrymë duhet me pagu edhe serbi edhe shqiptari edhe kushdo që të jetë aq më parë kur është në territorin e Republikës së Kosovës. Mendoj se mirë është e kundërligjshme bëhet pyetja pse me pagu ky popull për dikë tjetër e cila po rebelohet çdo moment jo populli serbët por disa të cilët kanë disa ambicie të cilat nuk përputhen me rrjedhat shoqërore ekonomike aq më parë me këtë që na e quajmë mileniumi i tretë, jem në kohën e realizimit të asaj që e quajmë liri, pavarësi, barazi dhe drejtësi”, u shpreh Kadriu.

Vendim të drejtë e quan edhe Arif Krasniqi, ndonëse e quan të paarsyeshëm pagesën e deritanishme.

“Kam besim të madh në Gjykatën Kushtetuese dhe mendoj se është vendim me vend është gabim strategjik katastrofë me e bë pagesën qytetarëve të serbëve të Kosovës që jetojnë në Kosovë dhe duhet ta pranojnë Kosovën si shtet të tyre. Një lloj koordinimi, rregullimi nuk ka pas arsye të iu paguhet rryma ka qenë dasht sikur shqiptarëve që iu ndërprehet edhe atyre me iu ndërpre”, u shpreh Krasniqi.

Lajmet

​City ia kërkon yllin kryesor skuadrës së Atleticos

Published

on

Sipas raportimeve të fundit të mediave angleze, skuadra e Liverpoolit duke se ia ka vënë syrin sportistit Julian Alvarez.

Sulmuesi i Atlético Madridit shënoi dy gola në derbin e fundjavës së kaluar kundër Real Madridit.

Të Kuqtë e kanë monitoruar atë për njëfarë kohe, por Colchoneros nuk janë të gatshëm të bëjnë kompromise.

Po ashtu, çmimi i kërkuar nga spanjollët aktualisht është 100 milionë dollarë , një shifër që realisht duket se po i dekurajon kampionët anglezë./S.K/KP/

Continue Reading

Lajmet

Vetaksidentohet automjeti i KFOR-it në Malishevë

Published

on

By

Një automjet i KFOR-it është vetaksidentuar të hënën në dalje të fshatit Ostrozub të Malishevës.

Zëdhënësi i Policisë për rajonin e Gjakovës, Lumni Graishta, ka thënë për KOHËN se nga ky vetaksident nuk ka të lënduar.

Sipas Graishtës, të përfshirë kanë qenë ngasësi dhe një pasagjer.

Bëhet fjalë për vetaksident në dalje të fshatit Ostrozub drejtimi Malishevë-Rahovec, në automjet kanë qenë ngasësi dhe një pasagjer. Nuk ka të lënduar ndërkohë që vendin e ngjarjes po e procedojnë njësitet e trafikut rajonal të DRP Gjakovë”, ka thënë ai./D.B/EO

Continue Reading

Lajmet

Reagimi i Agim Ademit pasi Hajdari zgjodhi Kosovën para Zvicrës

Published

on

Albain Hajdari është futbollisti më i ri i Kombëtares së Kosovës në futboll i cili ka zgjedhur dardanët para Zvicrës, edhe pse për këtë të fundit kishte luajtur për të gjitha grupmoshat.

Presidenti i Federatës së Futbollit të Kosovës, Agim Ademi ka thënë se vendimi i lojtarit erdhi për shkak të lidhjes së tij të fuqishme me vendin tonë si dhe edhe për shkak të roli kyç të prindërve të tij.

“Albian Hajdari ka vendosur me zemër, ka vendosur për Kosovën, ka vendosur për shtetin e prejardhjes së tij. Unë i falënderoj prindërit e tij të cilët e kanë rritur në frymën e atdheut me dashur për Kosovën edhe pse ka lindur atje, edhe pse jetojnë atje, edhe pse ka qenë i Zvicrës, por sigurisht që Zvicra e kupton çfarë do të thotë lidhja e gjakut dhe prejardhja dhe shteti…Është një prurje e mirë e radhës dhe ne sigurisht që do të vazhdojmë pasi është fat për ne që kemi shumë futbollistë të tillë, kemi futbollistë kulminant tashmë të nivelit më të lartë. Është shumë mirë që është bashkë me Fisnik Asllanin he Leon Avdullahun ne Hoffenhaim. Uroj që të jenë të tre po ashtu siç janë duke luajtur në Hoffenhaim të jenë edhe në formacion të Kosovës”, theksoi Ademi.

Kjo është ardhja e dytë te Kosova pas Leon Avdullahit i cili vetëm pak javë më parë poashtu i tha po Kosovës duke u larguar nga helvetikët.

Por, përkundër këtyre zhvillimeve, Ademi thotë se nuk ka përplasje ndërmjet dy federatave.

“Absolutisht nuk ka përplasje as nuk jemi duke u përplasur, kjo është gjithçka mediale, ne jemi në raporte jashtëzakonisht të mira me Zvicrën. uroj suksese Zvicrës, sigurisht që Zvicra i zgjedhë më të mirët e mundshëm por edhe ne Kosova i zgjedhim më të mirët të mundshëm. Tani është radha jonë sepse kemi shumë futbollistë e shumë talentë nëpër gjithë Kosovën dhe do të vazhdojmë kështu”, shtoi Ademi.

Gjithashtu, Ademi shtoi se Hajdari nuk vjen për ta zëvendësuar kapitenin Amir Rrahmanin.

“Duhet ta kuptojmë që Albioni është një 21 vjeçar dhe sigurisht që e kemi për gjatë kohë në kombëtare. Do të jetë për dhjetë vite e më shumë që do të jetë një futbollist i cili mund ta kenë një karrierë dhjetë vjeçare në kombëtare. Por, gjithsesi është më mirë të themi se është në duet se sa si zëvendësim sepse nuk do të zëvendësohet Rrahmani tani”, tha në fund Ademi.

Në fund Ademi shtoi se FFK do të vazhdojë të hulumtojë dhe kërkojë futbollsitë të cilët mund ta ndihmojnë Kosovën drejt synimeve të mëdha./S.K/KP/FFK/

Continue Reading

Lajmet

Mali i Zi i dërgon notë verbale Ambasadës së Kosovës për të shtënat në kufi

Published

on

By

Ministria e Punëve të Jashtme e Malit të Zi i ka dërguar më 17 shtator notë verbale Ambasadës së Kosovës në Podgoricë, lidhur me të shtënat me armë zjarri që dyshohet se u erdhën nga pjesa e Kosovës në zonën pranë qendrës malazeze të skijimit, Hajlla-Shtedim, afër kufirin mes dy shteteve.

Nga organet kompetente të Republikës së Kosovës është kërkuar që t’i identifikojnë dhe t’i procedojnë autorët e këtyre incidenteve, si dhe të njoftojnë Malin e Zi për të gjitha masat dhe veprimet e ndërmarra”, thuhet në njoftimin e Ministrisë së Malit të Zi, për Radion Evropa e Lirë (REL).

Nga dikasteri i udhëhequr nga Ervin Ibrahimoviq vlerësojnë se bëhet fjalë për incidente të izoluara.

Të paktën në dy raste janë regjistruar dëmtime në infrastrukturën e qendrës së skijimit Hajlla-Shtedim në Mal të Zi, e cila ndodhet rreth një kilometër e gjysmë nga kufiri me Kosovën.

Në të dyja rastet, organet kompetente malazeze dyshojnë se të shtënat janë shkrepur nga territori i Kosovës.

Incidenti i parë ndodhi në korrik të vitit të kaluar, kur u vërejtën dëmtime në kabinën e qendrës së skijimit. Prokuroria e Rozhajës ka hapur lëndë për këtë rast.

Ndërsa, incidenti i dytë ndodhi më 24 gusht të këtij viti, kur pati të shtëna në drejtim të një objekti të qendrës së skijimit. Prokuroria pritet të hapë lëndë pas përfundimit të hetimeve të Policisë.

Notë verbale është dërguar pas incidenteve të përsëritura që janë regjistruar nga Policia në Rozhajë, njoftoi Ministria e Punëve të Jashtme e Malit të Zi, e cila shton se për incidentet u njoftua më 22 shtator edhe ambasadorja e Kosovës.

Besojmë se rastet e izoluara nuk e reflektojnë përkushtimin e qartë të dy shteteve tona për forcimin e bashkëpunimit rajonal dhe përmirësimin e mëtejmë të marrëdhënieve bilaterale”, thuhet në përgjigjen e Ministrisë për REL.

Po ashtu, theksohet se palës kosovare i është tërhequr veçanërisht vëmendja për rëndësinë e zbatimit të tri marrëveshjeve ndërmjet shtetesh – për kufirin shtetëror ndërmjet Malit të Zi dhe Kosovës, hapjen e pikës së përbashkët kufitare Kotlovi–Kuqishtë dhe rregullimin e regjimit të qarkullimit kufitar.

Fadil Gashi nga Policia e Kosovës për rajonin e Pejës i tha Radios Evropa e Lirë se nuk ka asnjë informacion për incidente të sigurisë në kufirin me Malin e Zi, duke theksuar se policia rajonale është më shumë e angazhuar “për ruajtjen e rendit dhe qetësisë publike”, e jo për incidente ndërkombëtare.

Radio Evropa e Lirë i është drejtuar edhe drejtorisë qendrore të Policisë së Kosovës me pyetjen nëse kanë ndonjë informacion lidhur me rastin dhe është në pritje të përgjigjes. Për të njëjtën çështje, përgjigje pritet edhe nga Qeveria e Kosovës.

Mali i Zi dhe Kosova në vitin 2015 e nënshkruan Marrëveshjen për demarkacionin. Mali i Zi e ratifikoi atë në të njëjtin vit, ndërsa Kuvendi i Kosovës tre vjet më vonë./D.B/KP

Continue Reading

Të kërkuara