Lajmet

Miratohet nisma për njohjen e patentë-shoferëve me Hungarinë, sanksione të reja ndaj Rusisë e Bjellorusisë

Ndërsa Kurti theksoi se do themelohet spitali rajonal i Prishtinës.

Published

4 years ago

on

Qeveria e Kosovës ka miratuar nismën për njohjen reciproke të patentë shoferëve me Hungarinë. Në mbledhjen e sotme është formuar komisioni ekzekutiv për shëndetësi i cili do të kryesohet nga kryeministri Albin Kurti.

Ky i fundit para kabinetit qeveritar tha se do të bëhet zhvillimi i sektorit publik të shëndetësisë dhe do themelohet spitali rajonal i Prishtinës. Po ashtu, Qeveria e Kosovës ka vendosur edhe sanksione të reja ndaj Rusisë e Bjellorusisë, e cila është pako e gjashtë e sanksioneve të BE-së.

Duke iu rikthyer çështjes së patentë-shoferëve, ministri i Punëve të Brendshme, Xhelal Sveçla tha se projekt-marrëveshja me shtetin e Hungarisë është në frymën e interesave të përbashkëta në kuadër të bashkëpunimit ndërkombëtar.

“Vendimi forcon bashkëpunimin, në mënyrë që të lehtësojmë qarkullimin rrugor në territorin e të dyja palëve, duke synuar që me anë të kësaj marrëveshje të krijojmë procedura efektive për njohjen reciproke të patentë-shoferëve të vlefshëm të lëshuar nga autoritetet kompetente të të dyja palëve të kësaj marrëveshje. Kjo marrëveshje ka kaluar të gjitha hapat procedural të parashikuara me Ligjin për Marrëveshjet Ndërkombëtare dhe si e tillë nuk bie ndesh me ligjet dhe aktet tjera ligjore të Republikës së Kosovës”, ka njoftuar Sveçla.

Në mbledhjen e sotme të qeverisë, është miratuar edhe komisioni ekzekutiv për shëndetësi.

Kryeministri Albin Kurti ka njoftuar se do të jetë kryesues i këtij komisioni, ndërkaq anëtar do të jenë ministrat e Shëndetësisë, Financave, Arsimit dhe kryetarja e bordit të ShSKUK-së së bashku me ushtruesen e detyrës së drejtorit të ShSKUK-së.

“Si kryeministër i Republikës së Kosovës propozoj që të themelohet komisioni ekzekutiv për shëndetësi, për zbatimin e masave urgjente që do të sigurojnë funksionimin normal të sistemit shëndetësor me bazë në sistemin publik dhe do i hap rrugë reformës në shëndetësi. Ky komision ka këto përgjegjësi, pas një diskutimi preliminar që kemi zhvilluar së bashku me ministrin e Shëndetësisë, doktor Rifat Latifin: e para të bëjë analiza dhe definimin e ndarjes dhe bashkëpunimin publiko-privat në shëndetësi. E dyta, zhvillimin e sistemit informativ në shëndetësi, me theks në atë për sigurime shëndetësore. E treta, reformimin e ShSKUK-së përmes fuqizimit të QKUK-së dhe spitaleve rajonale. E katërta, zhvillimin e sektorit publik të shëndetësisë, në kuptim të ngritjes së kapaciteteve të shërbimit e kujdesit shëndetësor dhe ndërlidhjes me studimin e punëve universitare dhe shkencore. E pesta, themelimin e spitalit rajonal të Prishtinës dhe e gjashta, ndërveprimi me pesë odat e profesionistëve shëndetësor të mjekëve, infermierëve, stomatologëve, fizioterapeutëve dhe të farmacistëve”, ka thënë ai.

Kurti ka njoftuar se takimi i parë i këtij komisioni do të mbahet pasditen e sotme pas hyrjes në fuqi të këtij vendimi.

Gjatë së mërkurës, kabineti qeveritar ka miratuar edhe vendimin për vazhdimin e mbështetjes së kundërshtimit të agresionit të federatës ruse nga Ukrainës.

Zëvendëskryeministri Besnik Bislimi njoftoi se ky është vendim për zbatim të pakos së gjashtë të sanksioneve të BE-së.

“Pako e gjashtë e sanksioneve përfshin: ndalimin e importit të naftës së pa përpunuar dhe produkteve të naftës së rafinuar nga Rusia me përjashtime të kufizuara. Gjithashtu Bashkimi Evropian njoftojë sanksione kundër 65 individëve dhe subjekteve të tjera, ku përfshihen individë përgjegjës për krimet e kryera në Bucha dhe Mariupol. Po ashtu me këtë vendim ne kemi propozuar vendimin e të gjitha sanksioneve që pasuan pakon e gjashtë, duke përfshirë edhe vendimet për pakot aktuale”, ka theksuar ai.

Në mbledhjen e sotme të qeverisë është miratuar edhe projektligji për tubime publike. Ministri i Punëve të Brendshme, Xhelal Sveçla tha se me këtë synohet sigurimi ushtrimin e së drejtës kushtetuese për tubime publike si dhe të drejtës për të organizuar dhe marrë pjesë në ngjarje publike.

Related Topics:
Continue Reading

Vendi

Gjenden mbetje mortore në Brod të Shtërpcës

Published

4 hours ago

on

November 12, 2026

By

Mbetje mortore janë gjetur sot në fshatin Brod të Komunës së Shtërpcës, gjatë aktiviteteve të kërkimit për personat e zhdukur me dhunë.

Sipas njoftimit të Komisionit Qeveritar për Persona të Zhdukur, aktivitetet e kërkimit dhe gërmimet vlerësuese në këtë lokacion kishin nisur më 6 nëntor 2026, pas sigurimit të urdhrit përkatës gjyqësor.

Gjatë aktivitetit të parë nuk ishte arritur të lokalizohej varri i dyshuar, për shkak të ndryshimeve që kishte pësuar terreni ndër vite, duke vështirësuar përcaktimin e vendndodhjes së saktë.

Ndërkaq, gjatë vazhdimit të gërmimeve më 12 nëntor, janë gjetur mbetje mortore, të cilat do t’i nënshtrohen ekzaminimit mjekoligjor dhe procedurave të identifikimit përmes analizës së ADN-së.

Aktivitetet janë realizuar në koordinim ndërmjet Komisionit Qeveritar për Persona të Zhdukur, Institutit për Mjekësi Ligjore dhe Drejtorisë së Policisë për Hetimin e Krimeve të Luftës – Sektorit për Hetimin e Personave të Zhdukur, me përkrahjen e Prokurorisë – Departamentit për Krime Lufte./A.K/

Continue Reading

Lajmet

Leonardo da Vinci sjell frymën e Rilindjes në UBT – ekspozitë që ndërthur artin, shkencën dhe inovacionin

Published

4 hours ago

on

November 12, 2026

By

Kampusi Shkencor Inovativ dhe Teknologjik i UBT-së është bërë nikoqir i një ekspozite të veçantë kushtuar njërit prej mendjeve më të jashtëzakonshme në historinë njerëzore, Leonardo da Vincit.

Përmes kësaj ekspozite, studentët, stafi akademik dhe vizitorët kanë mundësi të njihen më nga afër me botën krijuese të Da Vincit, idetë e tij revolucionare dhe projektet që dëshmojnë gjenialitetin e tij në fusha të ndryshme, nga arti e anatomia, deri te inxhinieria dhe teknologjia.

E organizuar në kuadër të edicionit të XXVI të Javës së Gjuhës Italiane në Botë, me temën “Gjuhë e mirësjelljes, gjuhë gjeniale: të ideosh, të projektosh, të krijosh me italisht”, ekspozita sjell në vëmendje rëndësinë e gjuhës, kulturës dhe trashëgimisë italiane në zhvillimin e mendimit krijues dhe shkencor.

Ky aktivitet është realizuar në bashkëpunim me Ambasadën e Italisë në Prishtinë dhe përfaqëson një mundësi të rëndësishme për të nxitur kureshtjen intelektuale, kreativitetin dhe frymën inovative te gjeneratat e reja.

Përmes kësaj ekspozite, UBT sjell në kampusin e tij trashëgiminë e një figure që vazhdon të frymëzojë botën, duke dëshmuar se idetë e mëdha nuk njohin kohë dhe se arti, shkenca dhe teknologjia janë pjesë e së njëjtës gjuhë: gjuhës së inovacionit.

 

 

 

Continue Reading

Aktualitet

40 sportistët më të mëdhenj (2000–2026)

Published

6 hours ago

on

November 12, 2026

By

Sporti është një nga veprimtaritë më tërheqëse në botën modern. Interesimi në vazhdim i publikut bën që edhe media ta ketë temë të shpeshtë.

Këtë herë, kemi zgjedhur të sjellim tek ju një listë prej 40 sportistësh më të mëdhenj, të periudhës 2000-20026:

  1. Michael Phelps – Not
  2. Lionel Messi – Futboll
  3. LeBron James – Basketboll
  4. Tom Brady – Futboll amerikan
  5. Roger Federer – Tenis
  6. Tiger Woods – Golf
  7. Usain Bolt – Atletikë
  8. Kobe Bryant – Basketboll
  9. Rafael Nadal – Tenis
  10. Cristiano Ronaldo – Futboll
  11. Stephen Curry – Basketboll
  12. Tim Duncan – Basketboll
  13. Shaquille O’Neal – Basketboll
  14. Patrick Mahomes – Futboll amerikan
  15. Lewis Hamilton – Formula 1
  16. Aaron Donald – Futboll amerikan
  17. Sidney Crosby – Hokej në akull
  18. Kevin Garnett – Basketboll
  19. Albert Pujols – Bejsboll
  20. Floyd Mayweather Jr. – Boks
  21. Peyton Manning – Futboll amerikan
  22. Randy Moss – Futboll amerikan
  23. Michael Schumacher – Formula 1
  24. Mike Trout – Bejsboll
  25. Clayton Kershaw – Bejsboll
  26. Miguel Cabrera – Bejsboll
  27. Dwyane Wade – Basketboll
  28. Ichiro Suzuki – Bejsboll
  29. Kevin Durant – Basketboll
  30. Justin Verlander – Bejsboll
  31. Dirk Nowitzki – Basketboll
  32. Giannis Antetokounmpo – Basketboll
  33. Alex Rodriguez – Bejsboll
  34. David Ortiz – Bejsboll
  35. Max Scherzer – Bejsboll
  36. Jimmie Johnson – NASCAR
  37. Zinedine Zidane – Futboll
  38. Steve Nash – Basketboll
  39. Adrian Beltre – Bejsboll
  40. Dedrek Jeter – Bejsboll

 

Continue Reading

Lajmet

Mungesa e deputetëve pas pauzës shtyn seancën e Kuvendit për nesër

Published

6 hours ago

on

November 12, 2026

By

Kryetarja e Kuvendit të Kosovës, Albulena Haxhiu, ka marrë vendim që ta shtyjë vazhdimin e seancës së sotme plenare për ditën e nesërme, në orën 11:00, pasi deputetët u vonuan rreth gjysmë ore për t’u kthyer në sallë pas pauzës.

Duke arsyetuar vendimin, kryeparlamentarja Haxhiu theksoi se është e pamundur të zhvillohen punimet e Kuvendit kur deputetët nuk respektojnë orarin. Në momentin e ndërprerjes, në sallën plenare ndodheshin vetëm disa deputetë të PDK-së, disa të LDK-së dhe vetëm dy deputetë të Lëvizjes Vetëvendosje.

Për shkak të kësaj shtyrjeje, mbetën pa u shqyrtuar pikat e mbetura të rendit të ditës, ku përfshiheshin katër marrëveshje ndërkombëtare, interpelanca me ministrin e Shëndetësisë, Arben Vitia, mocioni lidhur me energjinë, si dhe diskutimi për Projektligjin për Gjykatën Speciale. /E.A/

Continue Reading

Të kërkuara