Lajmet

Miratohen projektligjet për tekste shkollore dhe për performancën energjetike të ndërtesave

Deputeti Hyseni kërkoi që të votohen këto projektligje.

Published

1 year ago

on

Pa vota nga opozita, Komisioni për Integrime Evropiane miratoi Projektligjin për tekste shkollore dhe Projektligjin për performancën energjetike të ndërtesave.

Pavarësisht kërkesës së deputetit Driton Hyseni, nuk u votuan projektligjet nga opozita. Deputeti Hyseni bëri një lutje drejtuar opozitës për t’i votuar këto projektligje.

“Të votojnë për këto projektligje sepse e dërgojmë besimin e qytetarëve në nivele që ata presin”, tha ai.

Deputetja nga PDK, Blerta Deliu, tha se vendi duhet t’i hap rrugët për zgjedhje dhe nuk ka diçka që duhet të votojnë. Ajo përmendi raportin e DASh-it dhe Freedom House, ku flitet për korrupsion nga Qeveria.

“Kësaj qeverie i ka humbur kuptimi, goditja e dy raporteve të DASh-it dhe Freedom House, tregojnë se kjo qeveri ka probleme me gjyqësorin, cenim në institucione të drejtësisë. Ka zyrtarë që kanë qenë të zënë në fushata te shteti fqinjë. Konsideroj se vendi duhet të hap rrugë për zgjedhje të reja, nuk kemi çfarë të votojmë”, tha ajo.

Deputeti Hyseni, duke replikuar, tha se nuk e sheh të arsyeshme për t’iu referuar raporteve ndërkombëtare e të mos votohen projektligjet që janë më shërbim të qytetarëve.

“Qeveria ka marrë hapa konkret dhe serioz në luftimin e korrupsionit. Nuk e shoh të arsyeshme të referoheni në ato raporte, projektligjet që janë të rëndësishme për qytetarët duhet t’i votojmë. Kjo qeveri ka marrë hapa serioz. Nuk mund të jemi peng i raporteve ndërkombëtare që të mos votohen projektligjet që janë më shërbim të qytetarëve. Ne e kemi privilegj t’i votojmë”, tha ai.

Ndërsa deputetja nga AAK, Time Kadrijaj tha se ky komision nuk mund të kërkojë përkrahjen e opozitës kur nuk i merr seriozisht mbajtjet e mbledhjeve të Komisioneve.

“Nuk po e merrni me seriozitet shqyrtimin e projektligjeve, po shihet këtu. Nuk mund të kërkoni votë dhe përkrahjen e opozitës kur keni mungesë të seriozitetit”, tha Kadrijaj.

Ndërsa, Projektligjet u votuan nga pozita me gjashtë vota për, por në mungesë të opozitës.

Related Topics:
Continue Reading

Aktualitet

​Mbështetësit e Vuçiq sulmojnë protestuesit në Serbi

Published

2 minutes ago

on

August 14, 2025

By

Në Serbi protestuesit serbë janë ndeshur policinë pasi që ata po vazhdojnë me protesta në disa qytete në Serbi pas sulmit të djeshëm nga mbështetësit e Partisë Progresive Serbe (SNS) ndaj demonstruesve në Vërbas dhe Baçka Pallankë.

Tubimet u organizuan nga “Studentët në bllokadë”, të cilët u bënë thirrje qytetarëve të dalin në rrugë dhe të protestojnë para ambienteve të partisë së Vuçiq dhe departamenteve të policisë.

Situata u përshkallëzua në Novi Sad kur piroteknikë u qëlluan drejt qytetarëve nga drejtimi i ambienteve të SNS.

Tubimet më të mëdha po zhvillohen në Beograd, Novi Sad, Nish, Kragujevc dhe qytete të tjera, duke përfshirë Suboticën, Shabacin, Leskovcin, Somborin, Pançevën dhe Valevën.

Prokuroria ka urdhëruar identifikimin dhe ndjekjen penale të personave që kanë sulmuar policinë. Ministri i Brendshëm i Serbisë, Ivica Daçiç, ka konfirmuar plagosjen e “shumë qytetarëve” dhe të paktën gjashtë policëve.

Dje në Vërbas, mbështetësit e Aleksandar Vuçiq sulmuan protestuesit me fishekzjarrë, gurë, shishe dhe çelësa dhe një sulm i ngjashëm ndodhi edhe në Baçka Pallankë.

Protestat në Serbi kanë shpërthyer pas shembjes së tendës hekurudhore më 1 nëntor 2024 në Novi Sad, ku mbetën të vdekur 16 persona.

Continue Reading

Aktualitet

​Gjermania premton pako të re mbështetjeje prej 500 milionë dollarësh për Ukrainën

Published

6 minutes ago

on

August 14, 2025

By

Gjermania do të ofrojë një paketë të re mbështetjeje prej 500 milionë dollarësh për Ukrainën, njoftoi përmes një deklarate NATO.

NATO tha se paketa e pajisjeve dhe municioneve ushtarake për Ukrainën do të sigurohet nga SHBA-të në kuadër të një iniciative të Aleancës Veri-Atlantike.Gjithashtu u tha se premtimi është i projektuar për të përmbushur kërkesat më urgjente operacionale të Ukrainës në fushën e betejës duke u mbështetur nga rezervat amerikane.

Kreu i NATO-s Mark Rutte tha se Gjermania është kontribuuesi më i madh evropian i ndihmës ushtarake për Ukrainën.

“Njoftimi i sotëm nënvizon më tej angazhimin e saj për të ndihmuar popullin ukrainas të mbrojë lirinë dhe sovranitetin e tij”, shtoi ai.

Continue Reading

Lajmet

Zjarri në Delvinë: Digjen edhe kosheret, bletët ‘pushtojnë’ fshatin

Published

18 minutes ago

on

August 14, 2025

By

Situata në Lefterhor në Delvinë paraqitet serioze, ndërsa zjarri ka djegur edhe kishën e fshatit. Ndërkohë zjarri ka djegur disa koshere bletësh, teksa këto të fundit thuhet se vërtiten dhe kanë pushtuar fshatin.

Aktualisht vatrat në këtë fshat janë shuar, por banorët i druhen ri-ndezjes së tyre.

Zjarri vijon të jetë aktiv në mal dhe sipas banorëve në orët e mbrëmjes i frikësohen flakëve që mund të zbresin sërish drejt fshatit.

Continue Reading

Bota

​Von der Leyen: BE, SHBA e NATO forcojnë qëndrimin e përbashkët për Ukrainën

Published

23 minutes ago

on

August 14, 2025

By

Evropa, Shtetet e Bashkuara të Amerikës dhe NATO kanë forcuar qëndrimin e tyre të përbashkët për Ukrainën përpara takimit midis Donald Trump dhe Vladimir Putin të premten në Alaska.

Kështu tha Presidentja e Komisionit Evropian, Ursula von der Leyen, i bëri në një status në platformën X pas një takimi virtual me presidentin e SHBA-së Donald Trump, liderët evropianë dhe presidentin ukrainas Volodymyr Zelensky.

“Patëm një bisedë shumë të mirë. Udhëheqësit euroatlantikë formuan një qëndrim të përbashkët në takim përpara takimit të Trump me presidentin rus Vladimir Putin të premten në Alaska. Evropa, SHBA dhe NATO kanë përforcuar sot qëndrimin e tyre të përbashkët për Ukrainën,” tha von der Leyen, duke shtuar se ata mbeten të koordinuar ngushtë” tha Von der Leyen.

Ndërsa kreu i NATO-s, Mark Rutte, tha se evropianët dhe Trump ishin të bashkuar në përpjekjet e tyre për t’i dhënë fund luftës në Ukrainë.

Continue Reading

Të kërkuara