Lajmet

Miratohen disa marrëveshje ndërkombëtare, PDK s’merr pjesë në votim

AAK-ja votoi pro tyre.

Published

2 years ago

November 23, 2023

Betim Gashi

Kuvendi i Kosovës ka nisur me miratimin e marrëveshje ndërkombëtare. Në votimin e tyre kanë marrë pjesë LDK dhe AAK, por jo edhe PDK. Qëndrimi i kësaj partie nuk ka ndryshuar, meqë siç thanë nga ky subjekt, Kosova po vazhdon të mbetet e sanksionuar nga Bashkimi Evropian.

Marrëveshja e parë e cila është miratuar është ajo “Rehabilitimi i linjës hekurudhore 10B” . Paraprakisht kryeparlamentari Glauk Konjufca tha se qeveria e ka obligim që të ju përgjigjet pyetjeve parlamentare.

“Qeveria, kryeministri dhe ministrat e kanë obligim me ju përgjigj pyetjeve parlamentare. Edhe në çdo mos-përgjigje e kanë vërejtjen e qartë të parlamentit dhe kryetarit të parlamentit që kjo nuk është mirë. Tek e fundit ekziston në përgjegjësinë publike të personave që të jenë të përgjegjshëm para Kuvendit të Kosovës. E në këtë rast sidomos qeveria dhe ministrat. Por kjo qenë një pozicionim politik i Qeverisë së Kosovës, e cila nuk është brenda rregullave të kuvendit edhe këtë e kanë ndërlidhur me mos votimin e marrëveshjeve ndërkombëtare. Por, unë i përgëzoj edhe një herë një lloj marrëveshje që është arritur mes grupeve të mazhorancës, Lidhjen Demokratike nuk po e shti këtu sepse gjithmonë ka qenë sa i përket votimit të marrëveshjeve ndërkombëtare, por Aleancën për Ardhmërinë e Kosovës. por sot varet krejt prej mobilizimit që është i deputetëve edhe përgjegjësinë që ata të vijnë këtu. Nëse këto tri grupe parlamentare vërtetë i kanë deputetët e tyre, atëherë unë mendoj që kuvendi mund t’i kalojë marrëveshjet ndërkombëtare”,deklaroi Konjufca.

Megjithatë shefi i Grupit Parlamentar të PDK-së, Abelard Tahiri theksoi se vendi po vazhdon të jetë nën sanksione të BE-së.

“Si Grup Parlamentar i PDK-së në asnjë rrethanë nuk pajtohemi që sot të vijmë për diskutim dhe për votim marrëveshjet tjera ndërkombëtare. Si Grup Parlamentar i PDK-së nuk do t’i votojmë, sepse vendi është nën masa dhe nën sanksione pikërisht nga BE”, u shpreh ai.

Shefi i Grupit Parlamentar të AAK-së, Besnik Tahiri tha se do të votojnë këto marrëveshje ndërkombëtare.

“Qëndrimi ynë politik për të mos votuar marrëveshjet ndërkombëtare është për të ju treguar se sa e rëndësishme është opozita dhe sa i rëndësishëm është debati parlamentar dhe ndërtimi i konsensusit për cështje të brendshme, jo për të dëmtuar të mirën publike…Aleanca për Ardhmërinë e Kosovës do të votojë. Po ashtu ju them se Grup Parlamentar kemi diskutuar edhe me deputetin Haki Abazi edhe ai është zotuar paraprakisht që do jap votën, për të vetmen arsyeje me pa fuqinë opozitare që e ka”, përfundoi ai.

Up Next

ZPS-ja kërkoi pezullimin e vizitave për Thaçin, Veselin dhe Selimin

Don't Miss

Ligji i ri për zgjedhjet, KQZ-ja do të zhvillojë takime me kryetarët e komunave

Aktualitet

UBT shpall thirrjen për Konferencën Ndërkombëtare të Gjuhës dhe Kulturës 2025

Published

11 hours ago

September 27, 2025

Driton Iseni

UBT ka bërë hapjen e thirrjes për pjesëmarrje në Konferencën Ndërkombëtare të Gjuhës dhe Kulturës 2025 (IC-LAC), e cila këtë vit organizohet në kuadër të Konferencës së 14-të Ndërkombëtare të UBT-së për Biznes, Teknologji dhe Inovacion.

Ky aktivitet shkencor do të bashkojë studiues, akademikë, studentë të cikleve të avancuara, doktorantë, ekspertë të fushës dhe profesionistë të arsimit nga vende të ndryshme të botës, me synim shkëmbimin e njohurive, përvojave dhe praktikave më të mira mbi gjuhën, kulturën dhe ndërthurjen e tyre në sistemet bashkëkohore arsimore.

Tema kryesore e këtij edicioni është: “Ndërtimi i sistemeve arsimore reziliente për një të ardhme të qëndrueshme.”

Datat kryesore:

Dorëzimi i abstrakteve: 10 tetor 2025
Njoftimi i pranimit & rishikimi shkencor: 17 tetor 2025
Regjistrimi i hershëm: deri më 17 tetor 2025
Regjistrimi i vonuar: deri më 20 tetor 2025
Dorëzimi i punimit të plotë: 14 nëntor 2025

Qëllimet dhe objektivat

Konferenca IC-LAC synon të hapë një hapësirë të gjërë diskutimi mbi rolin e gjuhës dhe kulturës në shoqëritë moderne, duke nxitur qasje multidisiplinare për edukimin dhe komunikimin ndërkulturor.

Fushat e diskutimit përfshijnë:

Gjuha dhe kultura në arsim
Përdorimi i teknologjisë në mësimdhënie dhe të nxënë
Komunikimi ndërkulturor dhe shumëgjuhësia
Praktikat e qëndrueshme në edukimin gjuhësor
Inteligjenca artificiale dhe ndikimi i saj në të nxënit e gjuhëve
Përkthimi, interpretimi dhe komunikimi global
Rezilienca arsimore dhe dizajnimi i kurrikulave

Dorëzimi i punimeve

Punimet e paraqitura duhet të jenë origjinale, të papublikuara më parë dhe të mos jenë në proces shqyrtimi në konferenca të tjera. Gjatësia maksimale e një punimi është 6 faqe. Punimet që nuk respektojnë kriteret e formatimit nuk do të merren në konsideratë.

Organizatorët ftojnë të gjithë të interesuarit që të kontribuojnë me hulumtimet e tyre shkencore dhe praktikat profesionale, duke u bërë pjesë e një platforme ndërkombëtare shkëmbimi idesh që synon të forcojë lidhjen mes gjuhës, kulturës dhe arsimit për një të ardhme më të qëndrueshme.

Lajmet

Gjykata spanjolle liron Dani Alves-in

Published

2 days ago

September 26, 2025

UBT News

Gjykata e Lartë e Katalonjës ka rrëzuar të premten dënimin për përdhunim ndaj ish-futbollistit brazilian Dani Alves, duke arsyetuar se çështja kishte mospërputhje dhe kontradikta në dëshmitë e paraqitura.

Alves, 41 vjeç, ishte dënuar vitin e kaluar me katër vjet e gjysmë burg për përdhunimin e një gruaje në një klub nate në Barcelonë në vitin 2022. Megjithatë, gjykata e apelit vendosi se dëshmia e akuzueses nuk kishte besueshmëri të mjaftueshme, duke theksuar se mungonin prova të qarta për të mbështetur akuzën.

“Dani Alves është shumë i lumtur. Ai është i pafajshëm, kjo është demonstruar. Drejtësia ka folur,” deklaroi avokatja e tij, Ines Guardiola.

Ndërkohë, avokatja e akuzueses, Ester Garcia, paralajmëroi se do ta çojë çështjen në Gjykatën Supreme të Spanjës, proces që mund të zgjasë deri në një vit./S.K/KP/Morung Express/

Lajmet

Caktohet data, Pogba rikthehet në fushë

Published

2 days ago

September 26, 2025

UBT News

Paul Pogba është shumë pranë rikthimit në futboll pas një periudhe të gjatë mungese tha trajneri i Monacos, Adi Hütter. Ai zyrtarisht ka konfirmuar se mesfushori francez po përparon ndjeshëm.

“Fizikisht dhe mendërisht po shkon mirë. Është stërvitur për tre muaj dhe është afër kthimit në skuadër,” deklaroi Hütter.

Sipas mediave franceze, Pogba pritet të jetë i disponueshëm më 5 tetor, në ndeshjen e Ligue 1 kundër Nice në Stade Louis II.

Ndërkohë, rikthimi në sfidën e së shtunës kundër Lorient shihet më pak i mundshëm.

Ish-mesfushori i Juventusit nuk ka luajtur një ndeshje zyrtare që prej 3 shtatorit 2023, kur u aktivizua ndaj Empolit.

Pak javë më vonë, ai u pezullua për doping dhe u dënua fillimisht me katër vite jashtë fushave. Megjithatë, në tetor 2024, Gjykata e Arbitrazhit Sportiv uli ndalimin në 18 muaj, që skadoi më 11 mars 2025.

Pas ndarjes me Juventusin, Pogba refuzoi një transferim në MLS dhe verën e kaluar nënshkroi një kontratë dyvjeçare me Monacon, e vlefshme deri më 30 qershor 2027.

Klubi monegask e ka regjistruar 31-vjeçarin edhe për Ligën e Kampionëve, ku pritet të rikthehet në tetor.

Ky rikthim do të shënojë një moment të rëndësishëm për kampionin e botës 2018, i cili synon të rifitojë formën dhe të lërë pas periudhën më të vështirë të karrierës së tij./S.K/KP/CNN/