Lajmet

Miqësia është si dashuria

Ajo transformohet, por mbetet.

Published

5 years ago

on

Njëherë e një kohë kishte gara mes fijeve të barit të lagur dhe piknike të improvizuara nën diell. Në ato ditë nuk mund të largoheshim shumë nga shtëpia, sepse nënat na shikonin nga ballkonet për t’u siguruar që asgjë nuk do të na ndodhte.

Ne, kaq të vegjël, të shkujdesur dhe madje naivë, nuk na interesonin ato detaje sepse në fund të fundit, gjithçka që kishte rëndësi ishte të ishim së bashku. Duke u rritur, rekomandimet e nënave tona mbetën të njëjtat, edhe pse ato ishin më të qeta kur e dinin se ishim bashkë.

Garat u kthyen në shëtitje buzë detit dhe më pas në parada para djemve, të cilëve na pëlqente t’u tregonim se si ishim mësuar të vishnim ato këpucë me takë të lartë.  Puthjet tona të para u zhvilluan në të njëjtën kohë: ne ishim të ngazëllyera dhe të hutuara, nuk kishim ide se çfarë të prisnim dhe po diskutonim se si të përmirësonim shfaqjet tona.

Këto momente, ndonjëherë edhe pak të sikletshme, kanë mbetur në kujtimet tona dhe sa herë që shohim njëra-tjetrën dhe i kujtojmë shpërthejmë në një të qeshur gjëmuese. Po, sepse ne, megjithë vitet dhe distancat gjeografike, kemi mbetur gjithnjë të njëjtat.

Pas shkollës së mesme, natyrisht, gjërat kanë ndryshuar pak. Ne ndalëm së treguari sekretet e njëri-tjetrit dhe filluam të dilnim me njerëz të tjerë, kjo na largoi për një farë kohe, sepse nuk kishim pjekurinë për të kuptuar se lidhja jonë do të zgjaste përgjithmonë.

Megjithatë, përkundër jetës sonë në dukje të plotë midis provimeve të universitetit, miqve dhe të dashurve të rinj, ne gjithmonë e gjetëm atë moment për të dëgjuar njëra-tjetrën, për të shkëmbyer qoftë edhe vetëm një mesazh dhe të dinim nëse gjithçka po shkonte mirë. Jemi zhgënjyer mbase nga koha e vogël që kemi kaluar së bashku, jemi mësuar gjithmonë të ndajmë gjithçka, që nga patatinat e deri tek këpucët.

Pastaj ndërsa u rritëm, ne kuptuam, në kohë dhe mënyra të ndryshme, se jeta nuk përbëhej vetëm nga ato dalje në bar që bënim si fëmijë, dhe puthjet e vjedhura në adoleshencë. Se ishte marrëzi të humbim kohë duke qortuar gjëra të vogla kur e vërteta ishte se kishim nevojë për njëra-tjetrën.

Jeta nuk ishte aq bujare dhe shkatërroi papritmas atë univers përrallash në të cilin ne gjithmonë kishim besuar. Megjithatë nuk shkoi aq keq, sepse ai ishte momenti kur kuptuam se do të ishim gjithmonë ne, vetvetja, me çdo kusht.

Se distancat fizike, zgjedhjet e ndryshme të jetës, angazhimet në punë dhe mosmarrëveshjet nuk kishin rëndësi. Ne të dyja e dinim se në çdo kohë dhe në çdo orë të ditës që të telefononim, nga ana tjetër dikush do të përgjigjej gjithmonë.

Ne i kemi mbajtur duart gjatë kohërave kur botët tona po shembeshin dhe kuptuam se distancat, mosmarrëveshjet dhe zgjedhjet e jetës nuk kishin rëndësi.

Sepse pavarësisht nga koha, pavarësisht nga distanca, unë do të jem gjithmonë aty. Dhe ti për mua.  Mikja ime, shoqja, përgjithmonë.

Related Topics:
Continue Reading

Lajmet

Prishtinë: Policia realizon 134 urdhëresa gjykate dhe sekuestron armë gjatë javës së kaluar

Published

39 minutes ago

on

June 22, 2026

By

Zyrtarët policorë të rajonit të Prishtinës kanë vazhduar aktivitetet e tyre gjatë javës së kaluar në lokacione të ndryshme dhe aksione të ndara operative.

Sipas të dhënave zyrtare, janë realizuar gjithsej 134 urdhëresa të gjykatës, prej të cilave 35 kanë të bëjnë me vepra penale, ndërsa pjesa tjetër me kundërvajtje, seanca gjyqësore dhe verifikime të ndryshme.

Pas përfundimit të procedurave policore, personat e dënuar me burgim janë dërguar për vuajtje të dënimit, ndërsa ata të dënuar me gjobë janë liruar pas përmbushjes së obligimeve të përcaktuara në urdhëresa.

Në kuadër të aktiviteteve të tjera të sigurisë, policia ka sekuestruar 10 armë zjarri të llojeve dhe kalibrave të ndryshëm, si dhe sasi të municionit.

Ndërkohë, në fushën e sigurisë në trafikun rrugor, janë shqiptuar gjithsej 3,814 masa administrative me gjobë për shkelje të ndryshme të kodit rrugor, prej të cilave 567 janë evidentuar nga vetura inteligjente dhe radarët mobilë.

/A.K/

Continue Reading

Lajmet

Apel për qytetarët në Pejë: Kujdes i shtuar ndaj zjarreve gjatë temperaturave të larta

Published

42 minutes ago

on

June 22, 2026

By

Policia e Kosovës u bën apel qytetarëve në rajonin e Pejës që të tregojnë kujdes të shtuar gjatë ditëve me temperatura të larta, për shkak të rrezikut të shtuar nga zjarret.

Duke u bazuar në përvojat e viteve të kaluara, Policia thekson se zjarret paraqesin rrezik serioz për jetën e qytetarëve dhe shkaktojnë dëme të mëdha materiale kudo që shfaqen.

Qytetarët kërkohet të shmangin ndezjen e zjarreve në ambiente të hapura dhe të raportojnë menjëherë tek autoritetet çdo person të dyshuar për zjarrvënie apo veprime të pakujdesshme që mund të shkaktojnë zjarr.

Po ashtu, Policia e Kosovës paralajmëron se do të ndërmarrë masa ligjore ndaj çdo individi që rrezikon jetën apo pronën e qytetarëve, qoftë me dashje apo nga pakujdesia.

Apeli u drejtohet të gjithë qytetarëve që të jenë maksimalisht të kujdesshëm gjatë përdorimit të mjeteve që mund të shkaktojnë zjarr, si shkrepëset, cigaret, grillat dhe zjarret në natyrë.

/A.K/

Continue Reading

Lajmet

PDK dorëzon dy ankesa në PZAP, KQZ në pritje të vendimit për rezultatet përfundimtare

Published

1 hour ago

on

June 22, 2026

By

Komisioni Qendror i Zgjedhjeve është në pritje të përfundimit të shqyrtimit të ankesave lidhur me procesin zgjedhor, para se të shpallë rezultatet përfundimtare të zgjedhjeve të parakohshme për Kuvendin e Kosovës.

Zëdhënësi i KQZ-së, Valmir Elezi, ka deklaruar se shpallja e rezultateve varet nga përmbyllja e procedurave ankimore dhe vendimet që do të merren nga institucionet përkatëse.

Ai theksoi se pas këtyre vendimeve do të vlerësohet nëse ato përmbajnë obligime konkrete për KQZ-në.

Dy ankesa lidhur me procesin e rinumërimit janë dorëzuar në Panelin Zgjedhor për Ankesa dhe Parashtresa (PZAP), pas përfundimit të afatit 48-orësh të ankimimit të dielën në mesditë.

PZAP ka afat prej tre ditësh për të vendosur lidhur me këto ankesa, të cilat janë paraqitur nga Partia Demokratike e Kosovës (PDK), njëra të premten dhe tjetra të shtunën.

/A.K/

Continue Reading

Lajmet

Sekuestrohen armë dhe municion në tri raste në Zubin Potok

Published

2 hours ago

on

June 22, 2026

By

Në tri raste të ndara në Zubin Potok janë gjetur dhe sekuestruar armë, municion dhe pajisje të tjera të dyshuara, ndërsa policia ka nisur hetimet.

Sipas raportit 24-orësh të Policisë së Kosovës, më 21.06.2026, në një objekt (shtallë për ushqim bagëtish) është gjetur dhe sekuestruar një armë zjarri, pesë karikatorë të armës së gjatë me gjithsej 151 fishekë, pjesë të uniformës së kamufluar si dhe një bateri ndriçuese. Rasti është nën hetime nga njësitet relevante policore.

Në një rast tjetër në të njëjtën zonë dhe datë, në një objekt të ngjashëm janë sekuestruar një armë zjarri, 74 fishekë të kësaj arme dhe 254 fishekë të armës së gjatë. Edhe për këtë rast janë duke u zhvilluar hetime.

Ndërsa në rastin e tretë, në një objekt të pabanuar janë gjetur dhe sekuestruar një pushkë dhe një bajonetë, 11 fishekë të së njëjtës armë, 33 fishekë të armës së gjatë, dy makina për mbushjen e fishekëve të armës së gjuetisë, rreth 200 gramë barut dhe rreth 2 kg sfera për mbushje fishekësh.

Hetimet për të tri rastet po vazhdojnë nga ekipet relevante policore.

/A.K/

Continue Reading

Të kërkuara