Kryetari i AAK-së, Ramush Haradinaj, tha se situata politike nuk ka ndryshuar nga seancat e kaluara dhe se vetëm një ndërrim i kandidatit për president mund të sjellë zhvillime të reja.

“Nëse ndodh ndryshimi i kandidatit, atëherë mund të lëvizë diçka dhe ne do të votojmë”, theksoi Haradinaj, duke shtuar se janë përmendur disa emra potencialë.

“Për fat të keq nuk ka ndonjë ndryshim sikurse seancat e ardhshme, nëse sot ndodh që do të ndërrohet kandidatja sot do të votohet nga ne. Nëse ndërrohet kandidati mund të lëvizë diçka, përndryshe situata do të jetë e njëjtë. Kemi dhënë një zgjidhje për kandidatë unifikues, nëse kjo ndodhë me siguri se do të votohet. Ne kemi përmendur dy emra, por ka edhe emra të tjerë”, shtoi Hardinaj.

Deputeti i Vetëvendosjes, Dimal Basha, rikonfirmoi se sërish do të votojnë për zgjedhjen e Albulena Haxhiut për kryetare të Kuvendit.  

“Pjesa e parë është që ne prapë do të votojmë pro dhe bllokimi vjen nga deputetë që votojnë kundër. E dyta: Konstituimi i Kuvendit bëhet me zgjedhjen e kryesisë. Kjo nuk i takon krejt VV-së. Argumenti i opozitës që po thirret se Haxhiu nuk duhet të bëhet kryeparlamentare, për shkak se është përçarëse në thellësi kjo është ofenduese. Haxhiu ka qenë deputete mbi dhjetë vjet, ministre mbi katër vjet dhe nuk e gjeni askund një njollë të vetmë gjatë këtyre viteve”, tha Basha.

Deputeti i zgjedhur nga Lëvizja Vetëvendosje, Hekuran Murati, ka bërë thirrje për pjesëmarrje të të gjitha partive në seancën e Kuvendit, duke theksuar rëndësinë e zhbllokimit të procesit të konstituimit të institucioneve.

Ai theksoi se gjithçka është duke u bërë në mënyrë transparente dhe se nuk bëhet fjalë për çështje të koalicioneve qeverisëse.

“Atëherë jemi edhe sot në vazhdimin e seancës së radhës, po shpresoj që ngjashëm me ditën e bukur që është sot do të kemi një rezultat të kënaqshëm në Kuvend në mënyrë që të hapet rruga dhe të zhbllokohet institucionet kontitohet Kuvendi. Patjetër që është emrin e njëjtë lus edhe njëherë të gjitha partitë që me votën e tyre të marrin pjesë dhe të ndihmojnë në konstituimin e Kuvendit sepse kjo është detyrë e të gjithë deputeteve sipas Kushtetutës”, deklaroi Murati.

Murati shtoi se pas zgjedhjes së kryetarit dhe nënkryetarëve të Kuvendit, mandatari do të ketë 15 ditë për të formuar qeverinë.

“Ne kemi bërë ftesë dhe thirrje në mënyrë që të zhbllokohet procesi sepse nuk është vetëm emri i kryparlamentarit por edhe nënkryetarët që duhet të zgjidhen. Jo privatisht nuk kemi bërë ftesë është gjithçka transparence nuk është çështje e koalicioni qeverisës siç po pretendohet të prezantohet. Por koalicioni vlen për qeverinë që pas konstituimin mandatari ka kohë edhe 15 ditë të tjera ta formojë qeverinë”, shtoi ai.

Kryeministri në detyrë i Kosovës, Albin Kurti ka njoftuar për tetë shërbime të reja digjitale të rëndësishme në e-Kosova, që sipas tij e rritin numrin e shërbimeve elektronike në mbi 230 sosh.

“E-Kosova që tanimë është e qasshme edhe si aplikacion mobil për iOS dhe Android, ka më shumë se 1 milion përdorues të regjistruar. Më shumë shërbime, më pranë qytetarëve”, tha Kurti në rrjetin social Facebook.

Sipas njoftimit të platformës E-Kosova, në bashkëpunim me Agjencinë e Regjistrit Civil janë lansuan tetë shërbime të reja në kuadër të kategorisë “Gjendja Civile”: Certifikata e vendbanimit, Cerifikata e shtetësisë, Certifikata mbi statusin martesor, Certifikata e bashkësisë familjare, Certifikata e vendbanimit për anëtarë të familjes, 6.Certifikata e shtetësisë për anëtarë të familjes, Certifikata mbi statusin martesor për anëtarë të familjes, Certifikata e bashkësisë familjare për anëtarë të familjes.