Lajmet

Ministrja e Brendshme gjermane kërkon ndalimin e hyrjeve ilegale nga Ballkani

Faeser i tha rrjetit editorial gjerman RND se shtetet e BE-së ishin bashkërisht përgjegjëse për hyrjet ilegale.

Published

3 years ago

October 20, 2022

Betim Gashi

Ministrja e Brendshme Federale e Gjermanisë, Nancy Faeser nga SPD-ja, ka thënë se ndalimi i migrimit ilegal përmes së të ashtuquajturës Rrugë Ballkanike është detyrë pan-evropiane – sa më shpejt që të jetë e mundur dhe së bashku. Këtë ajo e bëri të qartë para një takimi me ministrat e brendshëm të BE-së me kolegët e saj nga gjashtë shtetet e Ballkanit Perëndimor.

Faeser i tha rrjetit editorial gjerman RND se shtetet e BE-së ishin bashkërisht përgjegjëse për hyrjet ilegale. Ajo iu referua situatës veçse të tensionuar si pasojë e luftës ruse të agresionit kundër Ukrainës. “Që nga nisja e luftës, në Gjermani kemi marrë më shumë se një milion refugjatë nga Ukraina”.

Edhe hyrjet ilegale përmes Ballkanit duhet të ndalohen “në mënyrë që t’u ndihmojmë njerëzve që urgjentisht kanë nevojë për mbështetjen tonë”. Një nga problemet është se autoritetet nuk e dinë se sa njerëz aktualisht ku po udhëtojnë kur i kalojnë kufijtë ilegalë. Kjo e bën edhe më të vështirë përgatitjen për javët dhe muajt pasues.

Riatdhesim për njerëzit “që nuk kanë të drejtë të qëndrojnë me ne”

Pas takimit të tyre në Berlin (“Procesi i Berlinit”), ministrat e Brendshëm duan të diskutojnë një pako me masa që mund të ndihmojnë në kufizimin e migrimit përmes rrugës ballkanike. Mes tjerash, kjo përfshin harmonizimin e politikave të vizave për shtetet e Ballkanit Perëndimor me standarde të BE-së. Veç kësaj, ata duan të ndërmarrin veprime edhe më të fuqishme kundër kontrabanduesve dhe të rrisin mbrojtjen e përgjithshme të kufijve.

Megjithatë, sipas Faeserit, duhet të ketë veprime edhe për riatdhesimin e njerëzve “që nuk kanë të drejtë të qëndrojnë me ne”.

Gerald Knaus, hulumtues i migrimit dhe bashkëthemelues i organizatës “European Stability Initiative”, nuk ka shpresa të mëdha për këto. “Mbyllja e Rrugës Ballkanike kurrë nuk ka funksionuar”, tha ai për RND. Sipas tij, presioni momentalisht nuk po shkaktohet nga migrimi ilegal, por nga migrimi legal: nëntë nga dhjetë refugjatë vijnë nga Ukraina.

Faeser ka ftuar përfaqësuesit e gjashtë shteteve të Ballkanit Perëndimor – Kosovën, Shqipërinë, Malin e Zi, Maqedoninë e Veriut, Bosnjën e Hercegovinën dhe Serbinë – në “Procesin e Berlinit”. Do të jenë përfaqësues edhe nga Bullgaria, Franca, Greqia, Italia, Kroacia, Austria, Polonia, Sllovenia, Republika Çeke dhe Mbretëria e Bashkuar. Të premten, ministrat e Jashtëm pritet t’u bashkëngjiten konferencës.

Nikoqire do të jetë ministrja e Jashtme federale e Gjermanisë, Annalena Baerbock (nga të Gjelbrit). Ajo veçse ka deklaruar se qëllimi i takimit është promovimi i afrimit të Ballkanit Perëndimor me BE-në. Veç kësaj, është e rëndësishme që shtetet e rajonit të kuptojnë njëri-tjetrin më mirë.

Related Topics:ministrja gjermane Nancy Faeser

Up Next

Macron: Britania e Madhe ka nevojë për stabilitet sa më shpejt të jetë e mundur

Don't Miss

Gjermani: Digjet hoteli ku po qëndronin refugjatët nga Ukraina

Botë

Turqia do të bisedojë me Hamasin për planin amerikan të Gazës

Published

39 minutes ago

September 30, 2025

UBTnews

Presidenti turk, Recep Tayyip Erdogan, vlerësoi më parë “përpjekjet dhe lidershipin” e Donald Trump për t’i dhënë fund luftës në Gaza.

Përfaqësuesit turq do të marrin pjesë në diskutimet me delegacionin e Hamasit mbi planin e Presidentit të SHBA-ve Donald Trump për t’i dhënë fund luftës në Gaza, tha një zëdhënës i Ministrisë së Jashtme të Katarit.

Presidenti turk, Recep Tayyip Erdogan, vlerësoi më parë “përpjekjet dhe lidershipin” e Donald Trump për t’i dhënë fund luftës në Gaza, pasi udhëheqësi amerikan siguroi mbështetjen e kryeministrit izraelit Benjamin Netanyahu për një propozim paqeje të sponsorizuar nga SHBA-të.

“Unë përgëzoj përpjekjet dhe lidershipin e presidentit amerikan Donald Trump që synojnë ndalimin e gjakderdhjes në Gaza dhe arritjen e një armëpushimi”, tha Erdogan, i cili u takua me Trump në Shtëpinë e Bardhë për herë të parë në gjashtë vjet javën e kaluar.

Turqia do të vazhdojë të kontribuojë në proces “me qëllim krijimin e një paqeje të drejtë dhe të qëndrueshme të pranueshme për të gjitha palët”, shtoi ai në X.

Një burim nga Ministria e Jashtme turke tha vonë të hënën se ministri i Jashtëm Hakan Fidan kishte diskutuar propozimin e Trump me homologët e Arabisë Saudite, Katarit dhe Jordanisë në një telefonatë./D.B/EO

Lajmet

Zyra e BE-së bën thirrje për një proces të drejtë në zgjedhjen e një anëtari të ri të Këshillit Prokurorial të Kosovës

Published

44 minutes ago

September 30, 2025

UBTnews

Zyra e BE-së në Kosovë përmes një komunikate për media, kanë kërkuar që anëtari i ri i Këshillit Prokurorial të zgjidhet përmes një procesi të drejtë që tërheq kandidat të mirë për të njejtën pozitë.

“Pas njoftimit të Këshillit Prokurorial të Kosovës për një anëtar të ri, BE-ja në Kosovë bën thirrje për një proces të drejtë që tërheq kandidatë të fortë dhe siguron zgjedhjen e një anëtari, integriteti dhe profesionalizmi i të cilit do të forcojë sistemin prokurorial të Kosovës në dobi të publikut”, thuhet në njoftimin e Zyrës.

Nga Zyra e BE-së kanë thënë se do ta monitorojnë procesin e përzgjedhjes së anëtarit të ri të KPK-së.

“Duke pasur parasysh rëndësinë e reformës së vazhdueshme të Këshillit, siç përcaktohet në ndryshimet e fundit në Ligjin për KPK-në, BE-ja do të monitorojë nga afër procesin e përzgjedhjes.Procedurat transparente dhe të bazuara në meritë janë thelbësore për përparimin e vazhdueshëm të Kosovës në rrugën e saj të integrimit në BE.”, përfundon reagimi./D.B/EO

Lajmet

Dugolli intervistohet nga Prokuroria Speciale

Published

1 hour ago

September 30, 2025

UBTnews

Enver Dugolli nga Lëvizja Vetëvendosje ka bërë të ditur se është intervistuar sot në Prokurorinë Speciale të Republikës së Kosovës si i pandehur për akuza të “nxitjes së urrejtjes”.

Padi kundër tij është ngritur nga pjesëtari i Policisë së Kosovës, Shpend Istogu, i biri i Ajet Istogut.

Dugolli thotë se gjatë viteve ’80 ka qenë viktimë e dhunës fizike, psikike dhe emocionale nga Ajet Istogu dhe se kjo dhunë ka lënë pasoja edhe në shëndetin e tij.

“Padia është ngritur nga një pjesëtar i Policisë së Kosovës, Shpend Istogu, djali i ish-oficerit famëkeq të UDB-së, Ajet Istogu, i njohur për torturat e rënda ndaj të rinjve, intelektualëve dhe punëtorëve shqiptarë gjatë viteve ’80”, ka shkruar Dugolli.

Ai ka shtuar se për familjarët që ngrenë padi, nuk ka kërkuar të mbrojnë krimet e të afërmit të tyre, por të tregojnë pak dinjitet, qoftë edhe në formën e heshtjes.

“Unë nuk kam çfarë të tërheq nga ajo që kam deklaruar. Përkundrazi, kam bërë denoncime publike dhe do të vazhdoj t’i bëj. Unë prisja të intervistohesha si viktimë dhe dëshmitar i krimeve të rënda të kryera ndaj të burgosurve politikë. Nuk e kam pritur kurrë të intervistohem për këso lloj pretendime”, ka shkruar Dugolli.

Në të kaluarën, Dugolli ka përmendur emrat e disa shqiptarëve që sipas tij kanë punuar për UDB-në dhe kanë kryer tortura. Ndër emrat që ka përmendur janë: Ajet Istogu, Isa Bunjaku, Lutfi Ajazi, Hamëz Hajra dhe Tahir Shala./D.B/EO

Botë

Sulmi me dronë rus vret një familje të tërë ukrainase

Published

1 hour ago

September 30, 2025

UBTnews

Një familje e tërë, një çift i martuar dhe dy djemtë e tyre të vegjël janë vrarë në një sulm me dron rus gjatë natës në rajonin verilindor Sumy të Ukrainës, thanë zyrtarët lokalë.

Kreu rajonal Oleh Hryhorov tha se një ndërtesë banimi u godit në fshatin Chernechchyna. Trupat e dy fëmijëve, të moshës katër dhe gjashtë vjeç, dhe të prindërve të tyre u nxorën më vonë nga rrënojat, shkruan BBC.

Forca ajrore e Ukrainës tha se njësitë e saj qëlluan 46 nga 65 dronë rusë në të gjithë vendin – por pati 19 goditje të drejtpërdrejta në gjashtë vende.

Ushtria ruse nuk ka komentuar. Në një deklaratë, tha se 81 dronë ukrainas u shkatërruan gjatë natës në pesë rajone ruse./D.B/KP