Lajmet
Ministri Sveçla dhe komandanti i KFOR-it në Kosovë, Franco Federici pjesëmarrës në “Global UBT Fest 2021”
“Global UBT Fest 2021” është bërë vendtakim i profesionistëve, ekspertëve e udhëheqësve të institucioneve lokale e qendrore, që po kontribuojnë jashtëzakonisht shumë në ndarjen e njohurive dhe eksperiencave të tyre në fushat dhe dikasteret përkatëse.
Akademia Ndërkombëtare Verore e Fakultetit Shkenca Politike, këtë herë solli në UBT, ministrin e Ministrisë së Punëve të Brendshme, Xhelal Sveçla, dhe komandantin e KFOR-it në Kosovë, Gjeneralmajor, Franco Federici, me diskutimin e tyre që u përqendrua në fushën e sigurisë.
Në bibliotekën universitare të Parkut Shkencor Inovativ të UBT-së, rektori i këtij institucioni, prof.dr Edmond Hajrizi, mirëpriti të dy mysafirët, duke i njoftuar ata me punën e UBT-së, angazhimin dhe avancimin e institucionit në Artificial Intelligence, rrjetin 5G, realitetin virtual, si dhe laboratorët inovativ të institucionit.
Ai tha se UBT vlerëson se çështjet rreth sigurisë janë shumë të rëndësishme dhe se patjetër që duhet të trajtohen edhe në festivalin ndërkombëtar të dijes “Global UBT Fest 2021”.
“Ne vlerësojmë se studimet rreth sigurisë janë çështje shumë të rëndësishme, që s’mund të injorohen në akademi. Ne kemi zhvilluar një program rreth studimeve të sigurisë, që mendoj se është diçka e re në Kosovë dhe ndoshta edhe në rajon, dhe paralelisht me këtë, UBT vazhdon të jetë universiteti më i njohur ICT në Ballkan”, tha rektori Hajrizi.
Ministri i Ministrisë së Punëve të Brendshme, Xhelal Sveçla shpalosi para studentëve të UBT-së dhe të pranishmëve të tjerë vizionin e ministrisë që ai drejton rreth sigurisë dhe rendit publik.
“Vizioni ynë është që të garantojmë një ambient të sigurt dhe të ofrojmë shërbime cilësore te të gjithë qytetarët. Këtë synojmë ta arrijmë përmes profesionalizmit të shtuar të policisë, transparencës, pajtueshmërisë dhe integritetit institucional, reformave efektive, duke bërë kështu rritjen e besimit publik”, deklaroi mes tjerash ministri Sveçla.
Ndërkaq, komandanti i KFOR-it në Kosovë, Gjeneralmajor, Franco Federici u ndje i priviligjuar për pjesëmarrjen e tij në Akademinë Ndërkombëtare Verore të Fakultetit Shkenca Politike, për të diskutuar rreth sigurisë, duke vlerësuar se pa siguri nuk mund të ketë zhvillim.
“Siguria është vlera më e madhe e botës dhe siguria nuk është koncept abstrakt, pasi që ka ndikim të madh te të gjithë qytetarët. S’ka zhvillim pa siguri, ndaj çështja e parë është siguria”, ka thënë komandanti i KFOR-it në Kosovë, Franco Federici.
Akademia Ndërkombëtare Verore e Fakultetit Shkenca Politike, që është duke u mbajtur në kuadër të festivalit ndërkombëtar të dijes “Global UBT Fest 2021”, do të vazhdojë aktivitetin ditëve në vijim me ligjërata dhe tema interesante që prekin fushën e politikës dhe sigurisë.
Dy armë zjarri u gjetën në vendin ku ndodhi vrasja e dyfishtë në Gollubovc
Skandal në futbollin turk: Arrestohen 17 gjyqtarë dhe një president klubi
Arrestohet i dyshuari për vrasjen e dy vëllezërve në Malishevë
Millie Bobby Brown reagon ndaj mediave që sulmojnë pamjen e saj
Pse duhani është më i dëmshëm për gratë: Shkencëtarët zbulojnë arsyen
Pas këtij artikulli, nuk do vendosni më asnjë unazë në gishtin e mesit
Një person i lënduar nga vetaksidenti me traktor në Suhogërll të Istogut
Drita me fitore historike ndaj Shelbourne
Ekonomia gjermane mbetet në stagnacion pavarësisht qeverisë së re
-
Lajmet2 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 weeks agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Rajoni1 month agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Vendi2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën