Lajmet

Ministri Krasniqi: Është absurde që Ura mbi lumin Ibër të vazhdojë të jetë e mbyllur

Published

on

Jo vetëm që nuk ka arsye, por tashmë është absurde që Ura mbi lumin Ibër të mbahet e mbyllur.

Kështu, ka deklaruar ministri i Administrimit të Pushtetit Lokal, Elbert Krasniqi.

Krasniqi, këto komente i bëri në Komunën e Mitrovicës së Veriut në takim dhe bashkëbisedim me aktivistë të shoqërisë civile dhe përfaqësues të mediave lokale me temën ‘Bashkëpunimi ndëretnik, këshillim komunal për siguri në bashkësi, bashkëpunimi në mes të institucioneve dhe shoqërisë civile”.

Sipas Krasniqit, hapja e Urës mbi lumin Ibër nuk është dhe nuk do të jetë kundër askujt.

“Ditëve të fundit është ngritur në diskutim publik edhe hapja për qarkullim të plotë e Urës mbi lumin Ibër. Dua të ritheksoj, ashtu siç thuhet edhe në planin e Bashkimit Evropian për rivitalizim të kësaj ure , se ura mbi lumin Ibër do të bëhet simbol i normalizimit të marrëdhënieve në Kosovë. Në atë plan thuhet se rivitalizimi i saj do të kontribuoj shumë në lehtësimin e kontakteve të të gjithë qytetarëve të Mitrovicës së Veriut dhe Mitrovicës së Jugut dhe kështu do të kontribuoj në shkëmbimin dhe mirëkuptimin. Konsideroj se jo vetëm që nuk ka arsye, por tashmë është absurde vazhdimi i mbajtjes së urës mbyllur. Sipas vet natyrës së urave edhe kjo urë duhet të jetë në shërbim të të gjithëve dhe hapja e saj nuk është dhe nuk do të jetë kundër askujt. Jemi të bindur që liria e lëvizjes dhe sundimi I ligjit nuk e rrezikon paqen dhe sigurinë, përkundrazi e sforcon atë”, ka thënë ministri Krasniqi.

Ndërsa, derisa ka folur për bashkëpunimin ndëretnik, Krasniqi ka thënë se ky diskutim i organizuar sot është në shërbim të të gjithë qytetarëve, pa asnjë dallim dhe asnjë përjashtim.

Ministri Krasniqi, po ashtu deklaroi se çdo ditë e më shumë po dëshmohet që bashkëjetesa në Mitrovicën e Veriut është e mundshme sikurse në të gjitha vendet kudo në Kosovë

“Është shumë e rëndësishme të kuptojmë se ky diskutim publik është në shërbim të të gjithë qytetarëve dhe pa asnjë dallim, e pa asnjë përjashtim. Çdo ditë e më shumë po dëshmohet që bashkëjetesa në Mitrovicën e Veriut është e mundshme sikurse në të gjitha vendet kudo në Kosovë. Mes nesh duhet të ndërtojmë sa më shumë ura të komunikimit e të thellojmë sa më shumë bashkëjetesën tonë. Qytetarët nga lagjja e boshnjakëve, qendra e qytetit, Kodra e Minatorëve, lagjja e Doktorëve, Suhudolli e të tjerë kanë përbërje etnike të ndryshme, por problemet dhe sfidat i kanë të njëjta, andaj duhet punë e përbashkët për t’i zgjedhur ato. Më lejoni të them se komuna juaj ka një kryetar të angazhuar maksimalisht dhe një nënkryetarë po aq të zellshme”, ka thënë ai.

Lajmet

Zyrtare: Felix transferohet nga Chelsea në Al-Nassr

Published

on

Joao Felix është larguar nga Chelsea dhe ka nënshkruar një kontratë të përhershme me Al-Nassr.

Portugezi bëri 20 paraqitje në të gjitha garat për Blues sezonin e kaluar, duke shënuar shtatë gola pas transferimit të tij të verës në Stamford Bridge nga Atletico Madrid.

Ai e kaloi gjysmën e dytë të sezonit 2024/25 si huazim te AC Milan dhe tani është larguar nga “Blutë” në mënyrë të përhershme, duke u bashkuar me skuadrën e Ligës Profesionale Saudite, Al-Nassr.

Continue Reading

Lajmet

Rastet e para të sëmundjes “Gjuha e Kaltër” konfirmohen në Kosovë, AUV merr masa parandaluese

Published

on

By

Agjencia e Ushqimit dhe Veterinarisë (AUV) ka konfirmuar sot, më 29 korrik 2025, rastet e para të sëmundjes virale “Gjuha e Kaltër” në dy ferma: në fshatin Marec (Prishtinë) dhe në fshatin Brus (Lipjan).

Sëmundja, e cila transmetohet nga mushkonjat e llojit Culicoides, prek ruminantët si delet, dhitë dhe gjedhët, por nuk transmetohet te njerëzit.

Për të parandaluar përhapjen e saj, AUV ka ndaluar lëvizjen e kafshëve në të gjithë territorin e Kosovës dhe ka vendosur masa të rrepta biosigurie.

Fermat e prekura janë vendosur në karantinë të plotë, ndërsa fermerët janë urdhëruar të përdorin masa të dezinfektimit dhe të shmangin kontaktin ndërmjet tufave. Po ashtu, është pezulluar puna në të gjitha tregjet e kafshëve, dhe Policia e Kosovës, bashkë me autoritetet komunale, do të mbikëqyrin zbatimin e vendimit.

Continue Reading

Lajmet

FSK konfirmon gjetjen e trupit të pajetë të 33-vjeçarit të zhdukur në liqenin e Ujmanit

Published

on

By

Forca e Sigurisë së Kosovës (FSK) ka konfirmuar gjetjen e trupit të pajetë të 33-vjeçarit që ishte zhdukur ditë më parë në liqenin e Ujmanit.

Në një njoftim zyrtar, FSK bëri të ditur se pas kërkimeve intensive, është lokalizuar trupi i viktimës, i cili më pas i është dorëzuar Policisë së Kosovës dhe ekipit të forenzikës për procedurat e mëtejme ligjore.

Njoftimi:

FSK-ja gjen trupin e pajetë të personit të zhdukur

Pas ftesës së Qendrës së Situatave të Qeverisë së Republikës së Kosovës, dhe koordinimeve me partnerët për angazhimin e Ekipeve të FSK-së, Komandanti i FSK-së Gjenerallejtënant Bashkim Jashari ka urdhëruar ekipet e Kërkim Shpëtimit në Ujëra, për realizimin e operacionit humanitar në kërkim të personit të raportuar si i zhdukur. Me pranimin e urdhërit, ekipet e FSK kanë marrë të gjitha masat dhe në koordinim me partnerët ndërkombëtarë dhe qëndror janë angazhuar në operacion e kërkimit të personit të zhdukur.

Falë intesitetit të lartë të kërkimit dhe profesionalizmit të ekipeve tona në terren, pas disa orësh kërkimi në bashkëpunim me Policinë e Kosovës, AME dhe KFOR, kanë arritur të gjejnë trupin e pajetë në zonën e liqenit të Ujmanit.

Pas evakuimit, trupi i pajetë i viktimës i është dorëzuar Policisë së Kosovës dhe ekipit të forenzikës për procedurat e mëtejme.

Continue Reading

Lajmet

​Presidenti i Milanit thyen heshtjen për Ardon Jasharit

Published

on

Presidenti i Milanit, Paolo Scaroni, këmbëngul se Ardon Jashari dëshiron t’i bashkohet Rossonerëve ‘me çdo kusht’, por gjigantët e Serie A nuk duan të ofrojnë shumë. Milani mbetet në kërkim të talentit zviceran Jashari, por oferta e tyre e fundit me vlerë 33.5 milionë euro plus bonuset u refuzua nga Club Brugge.

“Nuk duam të ofrojmë shumë, por ai dëshiron të vijë me çdo kusht”, tha presidenti i Milanit, Scaroni, të martën, nëpërmjet “Calciomercato”

Scaroni iu përgjigj shpejt një pyetjeje nga një gazetar në Lega Serie A në Milano, përpara një takimi me presidentët e tjerë të Serie A.

Gjatë të njëjtit takim, drejtuesit e Interit dhe Atalantës pritet të vazhdojnë negociatat për Ademola Lookman .

Drejtori i Milanit, Igli Tare, tha të dielën se Milani nuk do të bënte një ofertë tjetër për Jasharin, pavarësisht se e dinte se çmimi i kërkuar nga Club Brugge për 22-vjeçarin është vendosur në 40 milionë euro.

Jashari nuk ishte pjesë e skuadrës së Club Brugge për dy ndeshjet e para garuese këtë sezon.

Milani ka bërë ndryshime të mëdha në mesfushë këtë verë, duke shitur Tijjani Reijnders te Manchester City dhe duke nënshkruar me Samuele Ricci dhe Luka Modric.

Continue Reading

Të kërkuara