Deputeti i zgjedhur nga Lëvizja Vetëvendosje, Hekuran Murati, ka bërë thirrje për pjesëmarrje të të gjitha partive në seancën e Kuvendit, duke theksuar rëndësinë e zhbllokimit të procesit të konstituimit të institucioneve.

Ai theksoi se gjithçka është duke u bërë në mënyrë transparente dhe se nuk bëhet fjalë për çështje të koalicioneve qeverisëse.

“Atëherë jemi edhe sot në vazhdimin e seancës së radhës, po shpresoj që ngjashëm me ditën e bukur që është sot do të kemi një rezultat të kënaqshëm në Kuvend në mënyrë që të hapet rruga dhe të zhbllokohet institucionet kontitohet Kuvendi. Patjetër që është emrin e njëjtë lus edhe njëherë të gjitha partitë që me votën e tyre të marrin pjesë dhe të ndihmojnë në konstituimin e Kuvendit sepse kjo është detyrë e të gjithë deputeteve sipas Kushtetutës”, deklaroi Murati.

Murati shtoi se pas zgjedhjes së kryetarit dhe nënkryetarëve të Kuvendit, mandatari do të ketë 15 ditë për të formuar qeverinë.

“Ne kemi bërë ftesë dhe thirrje në mënyrë që të zhbllokohet procesi sepse nuk është vetëm emri i kryparlamentarit por edhe nënkryetarët që duhet të zgjidhen. Jo privatisht nuk kemi bërë ftesë është gjithçka transparence nuk është çështje e koalicioni qeverisës siç po pretendohet të prezantohet. Por koalicioni vlen për qeverinë që pas konstituimin mandatari ka kohë edhe 15 ditë të tjera ta formojë qeverinë”, shtoi ai.

Kryeministri në detyrë i Kosovës, Albin Kurti ka njoftuar për tetë shërbime të reja digjitale të rëndësishme në e-Kosova, që sipas tij e rritin numrin e shërbimeve elektronike në mbi 230 sosh.

“E-Kosova që tanimë është e qasshme edhe si aplikacion mobil për iOS dhe Android, ka më shumë se 1 milion përdorues të regjistruar. Më shumë shërbime, më pranë qytetarëve”, tha Kurti në rrjetin social Facebook.

Sipas njoftimit të platformës E-Kosova, në bashkëpunim me Agjencinë e Regjistrit Civil janë lansuan tetë shërbime të reja në kuadër të kategorisë “Gjendja Civile”: Certifikata e vendbanimit, Cerifikata e shtetësisë, Certifikata mbi statusin martesor, Certifikata e bashkësisë familjare, Certifikata e vendbanimit për anëtarë të familjes, 6.Certifikata e shtetësisë për anëtarë të familjes, Certifikata mbi statusin martesor për anëtarë të familjes, Certifikata e bashkësisë familjare për anëtarë të familjes.

Deputetët e zgjedhur do të mblidhen sot në vazhdimin e tetë të seancës për konstituimin e legjislativit të dalë nga zgjedhjet parlamentare të 9 shkurtit.

Vazhdimi i seancës nis në orën 10:00 dhe është caktuar nga kryesuesi Avni Dehari.

Rregullorja e Kuvendit të Kosovës parasheh që çdo ndërprerje e seancës konstituive nuk mund të zgjasë më shumë se 48 orë.

Në pesë tentime, Lëvizja Vetëvendosje dështoi të sigurojë votat për zgjedhjen e Albulena Haxhiut kryetare të re të Kuvendit.

Kuvendi konsiderohet i konstituuar vetëm pasi të jenë emëruar kryetari dhe nënkryetarët, për t’i hapur rrugë formimit të Qeverisë së re, për të cilën Albin Kurti nuk i ka votat e nevojshme.

PDK dhe AAK kanë thënë se partia e parë fituese duhet ta propozojë një kandidat tjetër të pranueshëm për kryetar Kuvendi, derisa LDK ka paralajmëruar se nuk do ta votojë asnjë kandidat të LVV-së për kryeparlamentar.

Partitë politike nuk kanë përjashtuar shkuarjen në zgjedhje të reja, por për një gjë të tillë, së pari, duhet të bëhet konstituimi i legjislaturës së nëntë, pas së cilës ajo do të shpërbëhej dhe presidentja e Kosovës do të caktonte datën për mbajtjen e zgjedhjeve të parakohshme.

Disa prej përvojave trauamtike të fëmijërisë, siç janë neglizhenca, abuzimi fizik e emocional, apo edhe ndarja nga prindërit mund të rezultojë në vetëbesim të ulët

Te personat e rritur, vetëbesimi mund të ulet si pasojë e ndonjë sëmundje, humbja e punës, divorci, etj. Mungesa e saj i bën njerëzit ta shohin botën në mënyrë më ndryshe.

Për këta persona, bota bëhet vend më “armiqësor” dhe ata e shohin veten si viktima. Kështu, ata dështojnë ta shprehin vetveten dhe nuk i shfrytëzojnë mundësitë të cilat iu ofrohen në jetë.

Nëse jeni në mesin e këtyre personave që kanë vetëbesim të ulët, atëherë më poshtë ju sjellim disa mënyra si mund ta rritni vetëbesimin.

Largohuni nga negativiteti

Duhet t’ia rikujtoni vetes pavarësisht çfarë probleme keni, keni shumë dhurata. Jeni unik e nuk ka ndonjë njeri tjetër në botë si ju. Duhet ta konsideroni veten të vlefshëm, pastaj t’i identifikoni të gjitha mendimet negative dhe t’i sfidoni ato.

Kushtoni vëmendje pamjes tuaj

Kur është fjala për vetëbesimin, pamja luan rol të rëndësishëm. Mënyra si qëndroni, buzëqeshja, kontakti me sy e mënyra si flisni janë elemente që ndihmojnë të paraqiteni si person me vetëbesim. Një kontakt i qëndrueshëm me sy, ngrehja e shpatullave, buzëqeshja e veshja e mirë janë bonus për pamjen.

Qëndroni të përgatitur

Ndonjëherë vetëbesimi mund të ulet kur përjetoni ngjarje të papritura, siç mund të jetë humbja e punës. Ju duhet të përgatiteni për gjërat e pacaktuara dhe të mësoni çdo gjë në fushën tuaj. Kur jeni gjithmonë të përgatitur dhe keni sasi adekuate të njohurive, atëherë niveli juaj i vetëbesimit rritet.

Asnjëherë mos u dorëzoni

Dështimet janë pjesë e jetës – krejt çfarë duhet të bëni është të mos hiqni dorë. Rikujtojani vetes se ka zgjidhje për çdo problem.