Lajmet

Ministri i Jashtëm i Serbisë i reagon Presidentes së Kosovës

Published

on

Selakoviq: Deklaratat e Osmanit tregojnë se Prishtina në thelb nuk dëshiron dialog.

Deklaratat dhe sjellja skandaloze e Vjosa Osmanit, e cila tregon se Prishtina në thelb nuk dëshiron dialog, janë skandaloze.

Kështu thuhet në një deklaratë të ministrit të Punëve të Jashtme të Serbisë, Nikolla Selakoviq

“Mesazhi nga përfaqësuesit e Prishtinës që ata do të rishikojnë marrëveshjen e Brukselit në mënyrë që të” rivendosin “dialogun me Beogradin, i cili, kujtoj, po zhvillohet me ndërmjetësimin dhe garancitë e BE-së, është një guxim politik i paparë dhe kërkon një urgjencë dhe reagim të mprehtë nga të gjithë ata që duan një stabilitet të qëndrueshëm dhe paqe në Ballkanin Perëndimor”, tha ai, raporton portal Kosovo Online, transmeton Klan Kosova.

Sipas tij, mesazhet e djeshme të Vjosa Osmanit janë një eufemizëm për bllokimin e dialogut, sepse siç tha Selakoviq “rezultatet e dialogut midis Beogradit dhe Prishtinës nuk janë një tavolinë suedeze, nga e cila mund të zgjidhet se çfarë do të zbatohet dhe çfarë jo”.

Selakoviq thekson se kjo është e vërtetë për mesazhet parazgjedhore të Albin Kurtit se dialogu me Beogradin do të jetë i ultë në listën e tyre të përparësive, gjë që, siç thekson ai “në të vërtetë do të thotë se ai nuk është aspak i interesuar për dialog ose kompromis”.

“Për vite, më saktësisht për tetë vjet, Prishtina ka refuzuar të zbatojë detyrimin e saj të vetëm real dhe thelbësor nga Marrëveshja e Brukselit, dhe kjo është formimi i Asociacionit të Komunave Serbe, dhe sot Beogradit dhe bashkësisë ndërkombëtare u është thënë qartë se evazioni, manipulimi dhe gënjeshtra janë standardi”, tha ministri serb, transmeton Klan Kosova.

Continue Reading

Kulturë

​Christina Aguilera vesh fustanin ikonik të Versace 20 vjet më vonë

Published

on

22 vjet pas fushatës ikonike të Versace për vjeshtën 2003, Christina Aguilera është rikthyer në mënyrë magjepsëse duke u shfaqur me të njëjtin stil në premierën londineze të “Burlesque: The Musical”.

Me një fustan pa rripa, korse të kryqëzuar dhe fund me volane, ajo e kompletoi pamjen me çizme të zeza të gjata dhe buzë të errëta, ndërsa flokët biond platin i la të rrjedhin natyrshëm si një homazh i qartë për dukjen e dikurshme.

Këngëtarja e “Genie in a Bottle”, producente e shfaqjes skenike të filmit të vitit 2010 ku luajti me Cher, riktheu jo vetëm stilin, por edhe frymën krijuese. Donatella Versace, e cila e zgjodhi atë për fushatën e vitit 2003, u shpreh: “Zëri i saj është i jashtëzakonshëm. Doja të ishim mikesha, kjo ishte më e rëndësishmja”.

Christina tha atëherë se ishte e emocionuar për të eksploruar një fushë të re, dhe ky vizion i saj vazhdon: “Jam më e përqendruar se kurrë në atë që dua të bëj”, tha ajo për Vogue.

 

Continue Reading

Aktualitet

Hapet pika e përkohshme kufitare mes Kosovës dhe Maqedonisë së Veriut

Published

on

Qendra Kombëtare për Menaxhim Kufitar, ka njoftuar hapjen për qarkullim të përkohshëm (sezonal) të PKK Strazimir, ndërmjet Republikës së Kosovës dhe Republikës së Maqedonisë së Veriut.

Sipas njoftimit, kjo pikë do të jetë e hapur nga data 25 korrik deri më 25 shtator 2025.

“Pika e Kalimit Kufitar e përcaktuar me këtë Vendim hapet për aktivitet dhe manifestime kulturore, shkencore, profesionale, sportive apo turistike”, thuhet në vendim.

Continue Reading

Lajmet

Ndeshja Ballkani dhe FC Floriana: Pesë gola në pjesën e parë

Published

on

Pjesa e parë e sfidës mes Ballkanit dhe FC Florianës në raundin e dytë të UEFA Conference League ka qenë një festival i vërtetë golash, me plot pesë realizime të shënuara në stadiumin “Fadil Vokrri” në Prishtinë.

Ishin mysafirët nga Malta që e hapën serinë e golave. Në minutën e 8-të, Grech zhbllokoi rezultatin dhe kaloi Florianën në epërsi. Ballkani reagoi shpejt dhe barazoi në minutën e 13-të me golin e sulmuesit Arbër Tolaj.

Por miqtë rikthyen epërsinë në minutën e 25-të me golin e Jah, duke e çuar rezultatin në 1-2. Megjithatë, gëzimi i Florianës zgjati vetëm tri minuta, pasi në minutën e 28-të, Adetunji shënoi për 2-2 dhe riktheu ekuilibrin.

Epërsia erdhi për herë të parë për suharekasit në minutën e 32-të, kur Arbër Tolaj realizoi golin e dytë personal dhe të tretin për Ballkanin, duke përmbysur gjithçka në vetëm pak minuta.

Përballja mbetet e hapur dhe interesante, ndërsa 45 minutat e dyta pritet të përcaktojnë fatin e kësaj ndeshjeje emocionuese në kuadër të Ligës së Konferencës.

Continue Reading

Aktualitet

Një person humb jetën në vendin e punës, policia e cilëson si vdekje e dyshimtë

Published

on

Një person ka vdekur në vendin e punës në Skenderaj, ku në këtë rast Policia e Kosovës e ka cilësuar si “vdekje e dyshimtë”. Sipas njoftimit policor të martën rreth orës 16:00, policia në Skenderaj është njoftuar se një person kishte probleme shëndetësore dhe gjendej i shtrirë në vendin e punës në rrugën “17 Shkurti” në Skenderaj.

Gjithashtu ata thanë se është njoftuar menjëherë emergjenca mjekësore dhe në vendin e ngjarjes kishte shkuar një ekip mjekësore dhe njësitë policore.

“Mjeku kujdestar kishte konfirmuar vdekjen e personit në vendin e ngjarjes. Personi pa shenja jete është i moshës 44 vjeçare”, njoftoi Policia.

Më tej thuhet se në vendin e ngjarjes kanë dalë hetuesit e Njësisë Rajonale të Hetimeve dhe të krim teknikës e po ashtu edhe inspektorët e punës të cilët kanë kryer veprimet hetimore dhe procedurat e nevojshme ligjore.

“Me urdhër të prokurorit kujdestar, trupi i pa jetë dërgohet në Institutin e Mjekësisë Ligjore në Prishtinë ndërsa iniciohet rasti dhe hetimet do të vazhdojnë për ndriçimin e plotë të rrethanave të këtij rasti”, thuhet në njoftim.

Për këtë ngjarje tragjike ka reaguar edhe kryetari i Skenderajt, Fadil Nura.

“Për shkak të vdekjes së papritur të bashkëqytetarit tonë, të riut Robert Veliu, ish-basketbollist profesionist, dhe në respek të thellë ndaj familjes së pikëlluar Veliu, programi i sotëm muzikor në festival anulohet. I shpreh ngushëllimet më të thella familjes Veliu, shokëve dhe dashamirëve”, ka shkruar Nura.

Pak ditë më parë, dy persona vdiqën në vendin e tyre të punës  në Gjakovë duke rënë nga kati i tretë i një objekti i cili ishte në ndërtim.

 

 

 

 

Continue Reading

Të kërkuara