Lajmet

Ministri bullgar i Mbrojtjes: Bullgaria do të trajnojë mjekë ushtarakë ukrainas

Tagarev kujtoi se Asambleja e 48-të Kombëtare autorizoi deri në 60 ushtarakë ukrainas.

Published

on

Ministri Bullgar i Mbrojtjes, Todor Tagarev të enjten mbajti një seancë në Parlament në lidhje me planet që Bullgaria t’i bashkohet një marrëveshjeje të BE-së për ofrimin e 1 milion raundeve artilerie në Ukrainë dhe trajnimin e mjekëve ushtarakë për të ndihmuar Ukrainën.

Tagarev kujtoi se Asambleja e 48-të Kombëtare autorizoi deri në 60 ushtarakë ukrainas për t’iu nënshtruar trajnimit si mjekë ushtarakë në Bullgari çdo vit.

Ministri tha se Bullgaria i ka propozuar përfaqësuesit ukrainas në selinë e Misionit të Ndihmës Ushtarake të BE-së, që në mbështetje të Ukrainës, që të zhvillojë një trajnim të tillë në shtator të vitit 2023.

Bullgaria do t’i bashkohet një projekti për furnizim të përbashkët me municion, tha ministri në lidhje me iniciativën e Bashkimit Evropian për t’i dhënë Ukrainës 1 milion fishekë artilerie. Kësaj lëvizjeje do t’i paraprijë një vendim i qeverisë dhe nënshkrimi i një marrëveshjeje, e cila po përgatitet nga Këshilli i Ministrave.

Sipas Tagarev, pjesëmarrja në projekte të tilla ka avantazhe. Në aspektin politik, Bullgaria do të demonstrojë mbështetje për politikën e re sektoriale të BE-së për tenderat e përbashkët të prokurimeve në mbrojtje, e cila synon të avancojë bashkëpunimin e mbrojtjes në planin afatgjatë. Tagarev tha se kjo do të ofrojë mundësi për të përforcuar forcat e armatosura të Bullgarisë përmes ofertave për furnizim me municione të cilat Ministria e Mbrojtjes e Bullgarisë nuk i prodhon aktualisht.

Një avantazh tjetër lidhet me kostot potencialisht më të ulëta për porositë më të mëdha dhe heqjen e TVSH-së. Prokurimi i përbashkët do të eliminojë konkurrencën e mundshme midis vendeve dhe do t’i japë një horizont të qartë industrisë evropiane të mbrojtjes për investime të planifikuara për zgjerimin ekzistues dhe ndërtimin e kapaciteteve të reja prodhuese, tha Tagarev.

Ai tha se pjesëmarrja e Bullgarisë në projekt do të sigurojë qasje në stimuj financiarë për vendet prodhuese. Afro 500 milionë euro do të disbursohen deri në mesin e vitit 2025, tha Tagarev, duke shtuar se paratë mund të përdoren për modernizimin dhe ndërtimin e kapaciteteve të reja prodhuese për industrinë e mbrojtjes.

Ministri Tagarev tha se Bullgaria nuk do të marrë pjesë në transferimin e predhave 155 mm për Ukrainën nga rezervat ekzistuese pasi ajo nuk ka municione të tilla, por ai nuk përjashtoi që Agjencia Evropiane e Mbrojtjes mund të kontraktojë kompani bullgare për prodhimin e këtij lloj municioni.

Për mënyrat e financimit të ndihmës, Tagarev tha se kjo bëhet përmes fondeve jashtë buxhetit të BE-së, për të cilat vendet e BE-së paguajnë kontribute. Kontributi i Bullgarisë është pak më pak se 0.5%./BTA-KosovaPress

Lajmet

Osmani pranoi letrat kredenciale nga ambasadori i ri i Hungarisë në Kosovë

Published

on

By

Presidentja Vjosa Osmani ka pranuar sot letrat kredenciale nga ambasadori i ri i Hungarisë në Prishtinë Laszlo Istvan Dux.

Gjatë ceremonisë, presidentja Osmani i uroi mirëseardhje ambasadorit Dux, duke theksuar faktin se Hungaria ka qenë ndër vendet e para që e ka njohur pavarësinë e Kosovës.

Osmani vlerësoi marrëdhëniet ndërmjet dy shteteve dhe shprehu përkushtimin për zgjerimin e mëtejshëm të bashkëpunimit në fusha me interes të përbashkët, veçanërisht në arsim dhe ekonomi, raporton KosovaPress.

Continue Reading

Lajmet

Punëtorët e “Pastrimit” në ditën e nëntë të grevës

Published

on

By

Punëtorët e ndërmarrjes “Pastrimi” kanë hyrë në ditën e nëntë të grevës para Komunës së Prishtinës, duke kërkuar pagesën e borxhit prej 2.7 milionë euro që komuna i detyrohet ndërmarrjes.

Pavarësisht ndryshimeve klimatike, ata qëndrojnë në tenda ditë e natë dhe paralajmërojnë se nuk do të tërhiqen pa u realizuar kërkesat.

Nënkryetari i Sindikatës, Shpend Qosa, në një intervistë për Ekonomia Online tha se janë në pritje të një takimi vendimtar me zyrtarët komunalë, ndërsa theksoi se kërkesat kryesore janë sigurimi i naftës, pagave dhe stabilizimi i kompanisë.

Sot kemi hyrë në ditë e nëntë të grevës, ne e kemi pasur një takim me zyrtarët komunal jemi në shqyrtim të kërkesave tona edhe sot jemi në pritje të një takimi. Deri sa të gjejmë një zgjidhje për kërkesat tona. Diçka konkrete nuk kemi që do të arrijmë një zgjedhje ne vazhdojmë punën dhe dalim në punë. Ato kërkesa tona që i kemi në takim kemi folur, edhe komuna ka dhënë disa zgjidhje të saj të cilat i kemi shqyrtuar. Sot i presim në takim për të arrijmë një marrëveshje, realisht kërkesat tona janë me pasur naftë paga dhe me stabilizuar gjendja e kompanisë. Punëtorët pagat i kanë marr”, ka thënë Qosa.

Punëtori Blerim Hajdini, i cili punon prej 16 vitesh në këtë ndërmarrje, tha se greva nuk do të ndalet pa u plotësuar kërkesat.

Ai shprehu shqetësimin për pagat e ulëta dhe borxhet personale, duke theksuar se paga mujore prej 425 euro është e pamjaftueshme për të përballuar jetesën.

Jemi në grevë deri të na plotësohet kërkesat tona dhe kushtet tona nuk e kemi ndërmend ta ndalim grevën. Unë punoj që 16 vite këtu të gjithë kanë kredi të majme, unë i kam 15 euro kredi nuk mund t’ia dal assesi për arsye se paga është shumë vogël, e kemi 425 euro në kontratë. Kërkesa jonë është të na kthej borxhin 100 për qind dhe ta ndërpresin privatin menjëherë”, shtoi ai.

Continue Reading

Lajmet

Ministria e Shëndetësisë paralajmëron 100 inspektorë të rinj për luftën kundër duhanit

Published

on

By

Ministria e Shëndetësisë po planifikon t’i punësojë edhe 100 inspektorë me qëllim të rritjes së kontrollit të përdorimit të duhanit në Kosovë, kështu tha ministri në detyrë i Shëndetësisë, Arben Vitia gjatë një konference për media në prag të Ditës Botërore Kundër Duhanit.

Ministri i Shëndetësisë, Arben Vitia tha se është lajm i mirë që në Kosovë ka rënie të përdorimit të duhanit për shkak të politikave të ndërmarra, por shtoi se ende duhet punë.

Vitia theksoi se miratimi dhe zbatimi i udhëzimit administrativ për vërejtjet e kombinuara shëndetësore në pakot e duhanit ka dhënë rezultatet e tij.

Në Kosovë sipas STEPS përdorimi i duhanit është në rënie krahasuar me vitin 2011 apo hulumtimin paraprak, që natyrisht kjo është një lajm i mirë, ky është trend inkurajues që dëshmon efektivitetin e politikave të deritanishme, por një trend i pamjaftueshëm për qëllimet që ia kemi bërë vetes,” tha ai.

Ministri në detyrë i Shëndetësisë, Arben Vitia tha se me Ministrinë e Financave po shohin mundësinë t’i shtojnë kapacitetet inspektuese edhe për 100 inspektorë me qëllim të rritjes më të madhe të kontrollit të duhanit.

Rritja e akcizës në 65 euro për kilogram sipas vendimit të qeverisë së Kosovës është tjetër sinjal që politikat fiskale po japin efekt… Kemi fuqizuar edhe kapacitetin inspektues përmes rekrutimit të rreth 30 inspektorëve të rinj që kanë ndihmuar në zbatim të ligjit, por natyrisht kjo akoma nuk është e mjaftueshme dhe vazhdon të mbetet sfidë serioze, prandaj kohëve të fundit në bashkëpunim me ministrinë e Financave po përgatisim një plan për angazhimin e rreth 100 vetave shtesë që ky ligj të zbatohet në përpikëri në të gjitha vendet ku nuk duhet të pihet duhani,” theksoi Vitia.

 

Continue Reading

Lajmet

PDK-ja dorëzoi zyrtarisht në ZRRE kundërshtimin për daljen e bizneseve në tregun e lirë

Published

on

By

Partia Demokratike e Kosovës (PDK) ka dorëzuar sot në mënyrë zyrtare kundërshtimin e saj ndaj vendimit të Zyrës së Rregullatorit për Energji (ZRRE) për daljen e bizneseve në tregun e lirë, duke e cilësuar këtë vendim si të paligjshëm dhe të papërballueshëm për qytetarët.

Në një konferencë për media, deputeti i PDK-së, Abelard Tahiri, bëri të ditur se partia ka ndërmarrë hapa ligjorë për ta sfiduar këtë vendim brenda afateve të përcaktuara.

Ngritja e çmimit e ka bërë të pamundur përballimin e kësaj kostoje të lartë nga rritja e çmimeve që do të pasojë nga vendimet e paligjshme të ZRRE-së. Ne sot, duke ndjekur hapat ligjorë, e kemi dorëzuar kundërshtimin tonë administratës në ZRRE. Jemi të bindur që qëndrimet e tyre do të jenë të njëjta. Ne do të presim 15 ditë për ta anuluar këtë. Nëse brenda 15 ditëve ata nuk e anulojnë, ne do ta procedojmë në departament,” tha Tahiri.

Continue Reading

Të kërkuara