Sport

Milot Rashicës i bie vlera pas formës jo të mirë me Werderin

Published

5 years ago

November 27, 2020

Betim Gashi

Njëri ndër yjet e Kombëtares së Kosovës dhe Werder Bremenit, Milot Rashica, tash e një kohë nuk është duke zhvilluar ndeshje të mira me skuadrën gjermane, duke bërë kështu që edhe forma e tij të bie.

Merkaton që lamë pas, ylli nga Kosova nuk arriti që të gjej skuadër të re, rezultat ky që edhe këtë sezon e mbajti në Werder Bremen. Mirëpo Rashicës i ka rënë forma dhe kjo ka bërë që me formën të bie edhe çmimi i tij në treg.

Faqja e cila merret me vlerën e futbollistëve, transfermarkt, e ka vlerësuar Rashicën me 18 milionë euro, vlerë kjo që është ulur për 4 milionë, 22 milionë euro sa kishte në vlerësimin e fundit.

Sido që të jetë, Rashica përkundër vlerës së ulur në tregun e transferimeve, ai ende është i kërkuar nga Bayer Leverkusen, Wolsburg, Leeds United e Leipzig./UBTNews

Related Topics:Milot Rashica Werder Bremeni

Up Next

Renditja e re në ranglistën e FIFA, ka ndryshime te Kombëtarja e Shqipërisë

Don't Miss

Kandidati për president të Barcelonës premton rikthimin e Neymar

Sport

Arianit Hasani “Ylli i Javës” në Superligë

Published

51 minutes ago

May 18, 2026

UBTNews

Federata e Futbollit e Kosovës, në bashkëpunim me sponsorin zyrtar të Superligës, Albi Mall, ka ndarë çmimin tradicional “Ylli i Javës” për xhiron e 34-t të Superliga e Kosovës.

Ky vlerësim i është dhënë futbollistit të Llapi, Arianit Hasani, pas paraqitjes së tij të shkëlqyer dhe kontributit të madh në fitoren e skuadrës ndaj Gjilani.

Sipas FFK-së, përzgjedhja është bërë nga Komisioni i Veteranëve të Futbollit, i cili vlerësoi performancën e Hasanit si më të mirën e javës.

Pas marrjes së çmimit, Hasani u shpreh i lumtur për vlerësimin dhe rëndësinë e tri pikëve të fituara nga skuadra e tij.

“E kemi ditur që na pret një ndeshje shumë e vështirë. Jemi përgatitur gjatë gjithë javës për këtë përballje dhe presioni ka qenë shumë i madh, por jam i lumtur që morëm tri pikë dhe dolëm faqebardhë”, deklaroi Hasani për faqen zyrtare të FFK-së.

Ai theksoi se synimi i Llapi mbetet përfundimi i kampionatit në mesin e tri skuadrave të para, duke shtuar se ekipi ka cilësi më të mëdha sesa pozita aktuale në tabelë.

Në fund, Hasani falënderoi bashkëlojtarët dhe trajnerin për mbështetjen, duke shprehur shpresën që skuadra të vazhdojë me rezultate pozitive edhe në ndeshjet e ardhshme.

Sport

Përfaqësuesja e Kosovës në kickboks me paraqitje të shkëlqyer në “Turkish WAKO World Cup”

Published

4 hours ago

May 18, 2026

UBTNews

Përfaqësuesja e Kosovës në kickboks ka shënuar sukses të jashtëzakonshëm në turneun ndërkombëtar “Turkish WAKO World Cup”, ku morën pjesë afro 3 mijë garues nga 43 shtete të botës.

Për suksesin e sportistëve kosovarë ka reaguar edhe ministri në detyrë i Sportit dhe Rinisë, Blerim Gashani, i cili vlerësoi paraqitjen e tyre, duke theksuar se ata dëshmuan talent, disiplinë dhe potencial të madh për konkurrim në arenën ndërkombëtare.

Në mesin e rezultateve më të mira u veçua Art Dulaj, i cili fitoi medaljen e artë në kategorinë Full Contact pas tri fitoreve me nokaut, duke e ngritur flamurin e Kosovës në majën e podiumit.

Po ashtu, Artor Mehmeti dhe Nart Mehmeti fituan medalje të bronzta, pasi arritën deri në fazën gjysmëfinale të garës.

Vlerësime mori edhe gjyqtari ndërkombëtar Albin Musa për përfaqësimin profesional të Kosovës në këtë turne prestigjioz.

Ministri Gashani theksoi se institucionet do të vazhdojnë mbështetjen për sportistët kosovarë në rrugën drejt sukseseve të reja ndërkombëtare.

Sport

Superliga ndez garën për titull dhe mbijetesë, Prishtina mban kreun

Published

4 hours ago

May 18, 2026

UBTNews

Fundjava në Superligën e Kosovës solli spektakël, rezultate befasuese dhe shumë emocione në stadiumet kosovare, ndërsa gara për kreun dhe mbijetesën po bëhet gjithnjë e më interesante.

Malisheva regjistroi fitore bindëse ndaj Drenica me rezultat 4:1, duke vazhduar formën pozitive këtë sezon.

Në një tjetër përballje interesante, Dukagjini triumfoi 2:0 ndaj Drita, rezultat që konsiderohet ndër surprizat e javës.

Spektakël me gjashtë gola u zhvillua në duelin ndërmjet Prishtina dhe Ferizaj, ku skuadrat ndanë pikët pas barazimit 3:3.

Fitore të rëndësishme në udhëtim arriti Llapi, që mposhti Gjilani me rezultat 2:1.

Ndërkohë, Ballkani fitoi me vështirësi ndaj Prishtina e Re me rezultat 3:2, në një ndeshje dramatike deri në fund.

Pas kësaj xhiroje, Prishtina vazhdon të kryesojë tabelën e Superligës, ndërsa Ferizaj dhe Prishtina e Re mbesin në zonën e fundit të renditjes.

Sport

FC 2 Korriku kampion në Ligën e Parë dhe BPB Ligën U17

Published

5 hours ago

May 18, 2026

UBTNews

FC 2 Korriku ka kurorëzuar një sezon të jashtëzakonshëm në futbollin e vajzave, duke fituar titullin e kampionit në Ligën e Parë për seniore dhe njëkohësisht duke triumfuar edhe në BPB Ligën U17 – Grupi A. Me këtë sukses, ekipi i senioreve ka siguruar promovimin në Superligën e Kosovës.

Ky triumf i dyfishtë vjen si rezultat i një pune të vazhdueshme dhe të përkushtuar nga klubi, i cili që nga viti 2020 ka investuar në zhvillimin e futbollit të vajzave në kryeqytet. Pas suksesit shumëvjeçar në akademinë e djemve, FC 2 Korriku ka arritur të ndërtojë edhe një ekip konkurrues të vajzave, që tashmë do të jetë pjesë e elitës së futbollit kosovar.

Nga klubi kanë vlerësuar se ky sukses është fryt i vizionit të qartë, punës profesionale dhe përkushtimit të futbollisteve, trajnerëve dhe stafit drejtues gjatë gjithë sezonit.

Urime për futbollistet, trajnerët dhe gjithë kontribuuesit për këtë arritje të madhe, me dëshirën që rrugëtimi në Superligë të sjellë edhe më shumë suksese dhe rezultate pozitive për klubin dhe futbollin e vajzave në Kosovë.