Sport

​Miliarderi që po kërkon blerjen e Interit: Mbappe s’do të ishte vetëm ëndërr

Published

3 years ago

on

Biznesmeni finlandez Thomas Zilliacus i cili ka shprehur interesimin e tij për të marr pronësinë e Interit, ka folur edhe për planet e tij në rrugën e përforcimit të këtij klubi.

Miliarder njoftoi në mediat sociale të hënën se kompania e tij e investimeve XXI Century Capital kishte rënë dakord për marrëveshje me investitorë me vlerë 2.5 miliardë dollarë amerikanë përpara një oferte të re për “Nerazzurrët”.

Familja Zhang, pronarët aktualë të Interit, kanë menaxhuar vështirësitë financiare që nga pandemia COVID dhe raportet e ndryshme në muajt e fundit kanë sugjeruar se ata do të ishin të hapur për të shitur klubin, veçanërisht duke marrë parasysh afrimin e shpejtë të afatit të borxhit të tyre mbi 300 milionë euro.

Duke folur për “TVPlay”, Zilliacus detajoi planet e tij për Interin nëse oferta e tij pranohet nga familja Zhang.

“Investitorët tanë janë investitorë financiarë që nuk janë pjesë e botës së futbollit. Jemi të bindur se mund të bëhemi, si Inter, një klub edhe më i madh se tani. Kjo nuk është një kritikë për klubin aktual, i cili ka një menaxhim serioz dhe një trajner të madh. Qëllimi ynë do të ishte rritja, me këtë pronësi të re ne do të donim të specializonim në krijimin e shërbimeve edhe për fansat në mbarë botën, me synimin për të rritur të ardhurat dhe më pas për të pasur një forcë më të madhe në treg”, tha ai.

“Pasoja e gjithë kësaj do të ishte mundësia e blerjes së lojtarëve më të mirë dhe, në përgjithësi, përmirësimi i një ekipi tashmë të fortë. Mbappe, për shembull, nuk do të ishte thjesht një ëndërr. Ideja do të ishte që gradualisht të forcohej një formacion tashmë cilësor për të konkurruar, çdo vit, si për Scudetton ashtu edhe për Ligën e Kampionëve”, shtoi ai.

Interi aktualisht ndodhet në krye të tabelës së Serie A dhe është në një vend të fortë në Ligën e Kampionëve teksa lufton për të arritur në fazën eliminatore.

Related Topics:
Continue Reading

Sport

Andoni Iraola pranë emërimit si trajner i Liverpoolit

Published

37 minutes ago

on

June 2, 2026

By

Trajneri spanjoll, Andoni Iraola, është shumë pranë marrjes së drejtimit të Liverpoolit. Lajmin e ka bërë të ditur eksperti i transferimeve, Fabrizio Romano, sipas të cilit marrëveshja mes palëve është në fazën përfundimtare dhe zyrtarizimi pritet të ndodhë brenda ditëve të ardhshme.

Iraola pritet të nënshkruajë kontratën me klubin anglez dhe të zëvendësojë Arne Slotin, i cili u shkarkua javën e kaluar pas përfundimit të sezonit.

43-vjeçari largohet nga Bournemouthi pas një periudhe të suksesshme, ku arriti ta udhëheqë skuadrën drejt kualifikimit në Ligën e Evropës për edicionin e ardhshëm. Ai mori drejtimin e Bournemouthit në vitin 2023 dhe gjatë kohës së tij në krye të ekipit regjistroi 48 fitore, 38 barazime dhe 41 humbje në 127 ndeshje.

Karriera trajneriale e Iraolës përfshin gjithashtu angazhime te Rayo Vallecano, Mirandes dhe AEK Larnaca, ku ndërtoi reputacionin si një nga trajnerët më premtues të futbollit evropian.

Nëse marrëveshja finalizohet, Iraola do të marrë drejtimin e njërit prej klubeve më të mëdha në botë, me synimin për ta rikthyer Liverpoolin në garën për trofetë kryesorë në futbollin anglez dhe evropian.

Continue Reading

Sport

Dennis Buzukja do të luftojë në UFC Beograd, shqiptari përballë Bogdan Gradit më 1 gusht

Published

5 hours ago

on

June 2, 2026

By

Luftëtari shqiptar i arteve marciale të përziera (MMA), Dennis Buzukja, do të jetë pjesë e një eventi historik të UFC-së që do të mbahet më 1 gusht në Beograd. Kjo do të jetë hera e parë që organizata më prestigjioze e MMA-së, Ultimate Fighting Championship, organizon një ngjarje në Serbi.

Buzukja do të përballet me Bogdan Grad, një duel që konsiderohet tejet i rëndësishëm për të ardhmen e shqiptarit në UFC. Grad ka bilanc prej 15 fitoresh dhe katër humbjesh në karrierë, megjithëse dy ndeshjet e fundit i ka mbyllur me humbje.

I lindur në Shtetet e Bashkuara të Amerikës, Buzukja garon nën flamurin amerikan, por nuk e ka fshehur asnjëherë origjinën dhe krenarinë e tij shqiptare. Në karrierën e tij profesionale në MMA ai numëron 12 fitore dhe gjashtë humbje, ndërsa në UFC ka regjistruar një fitore dhe katër humbje.

Pikërisht për këtë arsye, përballja në Beograd pritet të ketë peshë të madhe për karrierën e tij, pasi një rezultat pozitiv do ta ndihmonte të forconte pozitën e tij në organizatën më të madhe të MMA-së në botë.

Buzukja u bë i njohur edhe jashtë kafazit gjatë vitit 2024, kur nuk u lejua të hynte në arenë i mbështjellë me flamurin shqiptar para duelit të fituar ndaj Connor Matthews. Sipas tij, organizatorët e kishin ndaluar përdorimin e flamurit për shkak të zbukurimeve të arta që kishte mbi të.

“Jam i bekuar që përfaqësoj Shqipërinë dhe ishte e çuditshme që pak para daljes më thanë se nuk mund ta mbaja flamurin”, ishte shprehur atëherë Buzukja, duke mos e fshehur zhgënjimin për vendimin.

Tashmë, shqiptari do të ketë një tjetër mundësi për t’u paraqitur në një skenë të madhe ndërkombëtare, kësaj radhe në kryeqytetin serb. Buzukja garon në kategorinë e peshave deri në 66 kilogramë dhe synon një fitore që mund t’i japë shtysë të re karrierës së tij në UFC. Ndërkohë, mediat serbe kanë nisur t’i kushtojnë vëmendje paraqitjes së luftëtarit shqiptar në eventin e shumëpritur të Beogradit.

Continue Reading

Sport

Përfaqësuesja e Kosovës nis përgatitjet për sfidat vendimtare

Published

5 hours ago

on

June 2, 2026

By

Përfaqësuesja A e Kosovës në konkurrencën e vajzave ka nisur përgatitjet për dy ndeshjet e fundit të ciklit kualifikues për Kupën e Botës. Dardanet zhvilluan seancën e parë stërvitore në Kampin Nacional të FFK-së në Hajvali, nën drejtimin e përzgjedhësit Sami Sermaxhaj.

Me përkushtim maksimal dhe motivim të lartë, futbollistet kosovare po punojnë intensivisht për sfidat vendimtare që i presin në këtë fazë të garave.

Kosova do të përballet me rivalin direkt, Kroacia, më 5 qershor në Prishtina, në një ndeshje që mund të jetë përcaktuese për renditjen finale në grup. Më pas, Dardanet do të udhëtojnë drejt Gjibraltari, ku do ta zhvillojnë ndeshjen e fundit të këtij cikli kualifikues.

Të bashkuara, të vendosura dhe krenare për fanellën shtetërore, vajzat dardane synojnë ta mbyllin këtë rrugëtim me paraqitje të mira dhe rezultate që do t’u mundësonin ta ruajnë pozitën e parë në renditje.

Continue Reading

Lajmet

Talenti kosovar i Bayern Munich, Erblin Osmani, viziton FFK-në dhe ndjek stërvitjen e Kombëtares

Published

19 hours ago

on

June 1, 2026

By

Futbollisti i ri dhe premtues kosovar, Erblin Osmani, i cili është pjesë e klubit gjerman Bayern Munich, ka vizituar sot Federatën e Futbollit të Kosovës (FFK).

Osmani, i cili po qëndron në Kosovë për pushimet verore, u prit në ambientet e FFK-së, ku pati rastin të njihet më nga afër me aktivitetet e federatës dhe të ndjekë seancën stërvitore të Kombëtares së Kosovës në stadiumin “Fadil Vokrri”.

Sipas FFK-së, vizita e tij përfaqëson lidhjen e fortë që talentët kosovarë, të cilët po zhvillojnë karrierën e tyre në klubet më të njohura evropiane, vazhdojnë ta ruajnë me vendlindjen.

Erblin Osmani konsiderohet një nga talentët e rinj që po ndërton karrierën e tij në futbollin evropian, ndërsa Federata e Futbollit e Kosovës e vlerësoi si pjesë të gjeneratës së re që po promovon Kosovën në arenën ndërkombëtare të futbollit.

FFK i ka uruar Osmanit suksese të mëtejshme dhe arritje të reja në karrierën e tij sportive.

 

Continue Reading

Të kërkuara