Lajmet

Miliarderi izraelit shpreson në paqe pavarësisht vrasjes së të bijës

Pavarësisht vrasjes së të bijës, Eyal Waldman ende beson se palestinezët duhet të kenë shtetin e tyre – dhe atë së shpejti.

Published

2 years ago

on

Danielle Waldman shijoi vallëzimin e saj të fundit para agimit të 7 tetorit. Pas atij momenti ajo dhe miqtë e saj duhej të mbronin jetërat e tyre, por nuk ia dolën të kthehen në shtëpi.

Është një regjistrim i momenteve të saj të fundit – një video e shkurtër e realizuar me telefon. Videoja ofron një aluzion të momenteve të tmerrshme që do të pasojnë.

24-vjeçarja ishte e ulur në ulëse mbrapa me dy shoqet e saj. Të trija veshur thjesht. Ka buzëqeshje dhe zëra të ëmbël, dhe një vështrim i bandave blu në kyçin e dorës nga festivali i muzikës Supernova trance që sapo kanë marrë pjesë. Ato po mundohen të qëndrojnë të qetë, por po gjurmohen. Dhe me një bisedë të saj me të dashurin, Noamin, mbyllet regjistrimi.

Disa minuta më vonë persona të armatosur të Hamasit gjuajtën veturën me plumba. Noam, Danielle dhe miqtë e tyre në ulëset mbrapa u vranë – ashtu siç u vranë afërsisht edhe 360 izraelitë të tjerë që shkuan në këtë festival në shkretëtirën Negev afër kufirit me Gazën.

Kur dielli perëndoi atë ditë, 1 mijë e 200 izraelitë ishin therur – qoftë në festival ose në shtëpitë e tyre afër kufirit. Ishte humbja më e rëndë e jetës hebreje në një ditë të vetme që nga Holokausti. Shumica dërrmuese ishin civilë. Që atëherë, Izraeli ka shkuar në luftë në Gaza “për të zhdukur Hamasin”, dhe palestinezët nga ana e tyre janë masakruar. Në Gaza tani, si në Izrael pas 7 tetorit, prindërit varrosin fëmijët e tyre. Dhe për çdo prind, palestinez apo izraelit, humbja është e pakrahasueshme.

Babai i Danielles, miliarder i teknologjisë, i cili themeloi kompaninë izraelite për krijimin e çipave – Mellanox Technologies, e shiti atë për 6.8 miliardë dollarë në vitin 2019. Ai po e vuan humbjen e vajzës së tij.

“Ishte e mrekullueshme. I pëlqente vallëzimi. I donte kafshët. I donte njerëzit. Kishte shumë miq”, deklaroi ai mes tjerash.

Kur e kuptoi se Danielle u zhduk, ai u kthye nga udhëtimi i tij prej Indonezisë, mori leje për të udhëtuar drejt Izraelit – edhe pse vija ajrore ishte mbyllur. Tri orë më vonë nisi kërkimin e saj, duke e gjurmuar përmes orës apple. Ishte një udhëtim drejt fushëbetejës. Ai gjeti makinën e mbushur me plumba, por nuk kishte asnjë shenjë të Danielles.

“Kishte shumë gjak brenda në veturë. Shpresoja që ajo mos të jetë brenda në veturë ose që ajo të jetë plagosur, porse ia doli të largohej ose të jetë marrë peng”.

Dy ditë më vonë u gjet trupi i saj i pajetë.

“Ajo na preku me buzëqeshjen e saj. Nuk e ka lënduar askënd. Asaj i pëlqente të merrej me aktivitete. Dhe Hamasi e vrau pa ndonjë arsye”.

Pavarësisht vrasjes së të bijës, Eyal Waldman ende beson se palestinezët duhet të kenë shtetin e tyre – dhe atë së shpejti.

“Duhet të ndryshojmë lidershipin nga të dyja palët. Dhe pastaj shpresoj se pas dy deri në katër vjet do të jemi në gjendje të arrijmë paqen dhe të ndërtojmë dy shtete për të dy njerëzit dhe të jemi në gjendje të jetojmë së bashku pranë njëri-tjetrit”, thotë ai.

Por para kësaj, ai dëshiron diçka tjetër. “Kushdo që ishte përgjegjës, kushdo që ishte i lidhur me atë që ndodhi më 7 tetor 2023, do të eliminohet. Dhe ne do të kujdesemi për këtë”, thotë ai me vendosmëri.

“Ne e dimë saktësisht se kush erdhi, kush përdhunoi, kush theri. Ne kemi video, kemi numrat e tyre. Ne e dimë se kush janë ata. Ne mund t’i eliminojmë ata. Dhe unë mendoj se mund ta eliminojmë Hamasin”.

Ish-oficeri i ushtrisë izraelite di për luftën. Ai shërbeu në një njësi elitare – Brigadën Golani. Ai gjithashtu di për ndërtimin e urave. Në të kaluarën ai hapi një qendër dizajni në Gaza, dhuroi 360 mijë dollarë për ndërtimin e një spitali dhe krijoi vende pune për palestinezët si në Rripin e Gazës ashtu edhe në Bregun Perëndimor./UBTNews/

Related Topics:
Continue Reading

Lajmet

Rinumërohen 21 kuti me vota, këto janë të dhënat

Published

9 minutes ago

on

January 14, 2026

By

Pas njoftimit të djeshëm të Komisionit Qendror të Zgjedhjeve, lidhur me rinumërimin e tërësishëm në disa komuna dhe të pjesshëm në të tjerat, në Qendrën për Numërimin e Rezultateve ka nisur procesi i rinumërimit.

Deri në përditësimin e fundit, të bërë sot në orën 07:30, në QNR janë rinumëruar 21 pako me vota.

Sipas të dhënave, Lëvizja Vetëvendosje prin me 2321 vota (39.33%), e pasuar nga Aleanca për Ardhmërinë e Kosovës, me 1815 vota (30.75%).

Partia Demokratike e Kosovës renditet e treta, me 847 vota (14.35%), ndërkaq Lidhja Demokratike e Kosovës ka 700 vota, apo 11.86%.

Deri më tani, rinumërimi gjen partitë e tjera me numër dyshifror të votave.

Procesi i rinumërimit po vijon.

Continue Reading

Lajmet

KOSTT paralajmëron reduktime të rrymës sot

Published

13 minutes ago

on

January 14, 2026

By

Operatori i Sistemit, Transmisionit dhe Tregut të energjisë elektrike të Kosovës-KOSTT ka ka njoftuar se do të ketë reduktime të rrymës për sot dhe nesër në vend.

Në njoftimin e KOSTT thuhet se kjo do të bëhet “për të garantuar funksionimin e sigurt të sistemit elektroenergjetik dhe për të mbrojtur integritetin e rrjetit”.

“Me përmirësimin e situatës dhe stabilizimin e balancimit, KOSTT do të ndërmarrë menjëherë veprimet e nevojshme për stabilizim të sistemit”, thuhet në njoftim.

KOSTT ka deklaruar se ka ndërmarrë të gjitha veprimet e nevojshme për stabilizimin e sistemit, përfshirë aktivizimin e shërbimeve ndihmëse të balancimit si dhe organizimin e ankandeve brendaditore për balancimin e sistemit, e megjithatë, “për shkak të diferencës jashtëzakonisht të madhe ndërmjet nominimeve dhe konsumit real, masat e ndërmarra nuk kanë qenë të mjaftueshme për të eliminuar jo balancat në nivelin e krijuar”.

“Këto devijime po ndikojnë negativisht në rrjetin interkonektiv evropian, rrisin ndjeshëm rrezikun për stabilitetin e sistemit dhe mund të sjellin pasoja serioze për KOSTT-in, përfshirë masa ndëshkuese dhe rrezikim të Marrëveshjes së Kyçjes me ENTSO-E”, theksohet në njoftim.

Continue Reading

Lajmet

​Sorensen viziton Kosovën, takohet me Osmanin

Published

14 minutes ago

on

January 14, 2026

By

Përfaqësuesi i Bashkimit Evropian për Dialogun Kosovë-Serbi, Peter Sorensen, do të qëndrojë sot në vizitë zyrtare në Kosovë.

Sorensen pritet të takohet me presidenten Vjosa Osmani.

Sipas njoftimit, takimi që do të mbahet në Kabinetin e Presidencës, do të nisë orën 10:00.

Continue Reading

Lajmet

Termokos njofton konsumatorët: Për shkak të rënies së Bllokut 1, furnizimi me ngrohje me kapacitet të kufizuar

Published

18 hours ago

on

January 13, 2026

By

NP “Termokos” SH.A. njofton konsumatorët se, për shkak të rënies nga funksioni të Bllokut 1 të Termocentralit Kosova B, furnizimi me energji termike, aktualisht, po realizohet me kapacitet të kufizuar.

Kjo situatë ka ndikuar në uljen e cilësisë ngrohjes për disa objekte banesore në lagjet “Mati 1” dhe “Bregu i Diellit”.

Por, sipas paralajmërimeve nga KEK-u, Blloku 1 pritet të rikthehet në funksion gjatë ditës së nesërme, gjë që do të mundësojë furnizimin me energji termike me kapacitet maksimal, përkatësisht përmirësimin e plotë të furnizimit me ngrohje.

“Deri në stabilizimin e plotë të furnizimit me ngrohje, NP “Termokos” kërkon mirëkuptimin e gjithë konsumatorëve”, thuhet në njoftim.

Continue Reading

Të kërkuara