Aktori i filmit “Sinners” mori një reagim të madh nga yjet në audiencë kur u lexua emri i tij.

Jordan e nisi fjalimin e tij të pranimit duke përshëndetur gjithë familjen e tij, të cilët ishin të gjithë të pranishëm në sallë atë mbrëmje.

Më pas ai falënderoi regjisorin e filmit, Ryan Coogler, duke thënë:
“Jam shumë i nderuar që të quaj bashkëpunëtor dhe mik. Ti më dhe mundësinë dhe hapësirën që të jem i dukshëm.”

Jordan ka luajtur në çdo film që Coogler ka realizuar.

“Unë qëndroj këtu falë njerëzve që erdhën para meje,” tha Jordan, duke përmendur aktorë si Sidney Poitier, Denzel Washington, Jamie Foxx dhe Halle Berry, ndër të tjerë.
“Të jem mes këtyre gjigantëve, mes këtyre të mëdhenjve, mes paraardhësve të mi, mes njerëzve të mi… Faleminderit të gjithëve në këtë sallë dhe të gjithëve në shtëpi që më keni mbështetur gjatë karrierës sime. Unë e ndiej këtë mbështetje!”

Jordan vazhdoi:
“E di që ju doni që unë të kem sukses dhe unë dua ta bëj këtë sepse ju keni besuar tek unë. Faleminderit që vazhdoni të besoni tek unë. Unë do të vazhdoj të përmirësohem dhe do të vazhdoj të jem versioni më i mirë i vetes që mund të jem.”

Marrë dhe përshtaur nga CNN

Është nata më e madhe e Hollywood-it. Ceremonia e 98-të e Academy Awards solli fjalime emocionale, momente komike dhe shumë ngjarje interesante prapa skenës.

Edhe pse ceremonia duket madhështore në TV, shumë gjëra ndodhin jashtë kamerave. Ceremonia zhvillohet në Dolby Theatre, i cili në fakt ndodhet brenda një qendre tregtare në Hollywood.

Një nga momentet interesante ishte kur një nga dizajnerët e produksionit të filmit Frankenstein foli me gazetarët duke mbajtur në njërën dorë statujën e Oscar-it dhe në tjetrën një birrë.

Ndërkohë regjisori Pasha Talankin, autor i dokumentarit Mr Nobody Against Putin, rikrijoi momentin e fitores duke rilexuar zarfin që njoftonte se filmi i tij kishte fituar çmimin për dokumentarin më të mirë.

 

Siguri e jashtëzakonshme

Autoritetet në Los Angeles rritën ndjeshëm sigurinë këtë vit për shkak të tensioneve ndërkombëtare mes SHBA-së, Izraelit dhe Iranit.

Masat përfshinin:

• disa zona sigurie të rrethuara
• plane të veçanta për menaxhimin e trafikut
• prani të madhe policie në zonën e Hollywood-it

Rrugët përreth Dolby Theatre ishin të mbushura me gardhe sigurie dhe automjete të ngjashme me ato të SWAT.

Gazetarët që mbulonin ceremoninë qëndronin në Loews Hollywood Hotel, përballë teatrit. Për të hyrë, duhej të kalonin nëpër dy kontrolla metalike dhe qentë e policisë kontrollonin çantat.

 

Një barazim historik

Çmimet Oscar ekzistojnë prej pothuajse 100 vitesh, por barazimet janë shumë të rralla.

Këtë vit pati një barazim historik për filmin më të mirë të shkurtër aksion, mes:

• The Singers
• Two People Exchanging Saliva

Herën e fundit që ndodhi një barazim ishte në vitin 2013, kur filmat Skyfall dhe Zero Dark Thirty ndanë çmimin për montazhin më të mirë të zërit.

 

Surpriza nga prezantuesi

Prezantuese i ceremonisë Conan O’Brien kishte lënë një mesazh të shkruar me dorë nën çdo karrige në teatër.

Mesazhi shoqërohej me disa ushqime që ai i quajti me humor “Moderately Happy Meal”.

Në shënim ai shkruante:

“Këto ushqime mund të mos duken shumë, por në një kinema do të kushtonin 85 dollarë.”

Ai shtonte gjithashtu:

“Qeshja e fortë dhe entuziaste është e mirë për shëndetin dhe për egon time.”

 

Fjalime të ndërprera

Oscars janë të njohura për ndërprerjen e fjalimeve që zgjasin shumë — dhe kjo ndodhi edhe këtë vit.

Kënga Golden nga filmi i animuar KPop Demon Hunters fitoi çmimin për këngën më të mirë origjinale, duke u bërë kënga e parë K-pop që fiton një Oscar.

Por gjatë fjalimit të tyre, muzika filloi dhe i ndërpreu. Më vonë prapa skenës ata falënderuan:

• këngëtaret Audrey Nuna dhe Rei Ami
• producentin Teddy Park
• familjet dhe ekipin e filmit

 

Moment historik për kinematografinë

Kinematografja Autumn Durald Arkapaw, e filmit Sinners, bëri histori duke u bërë gruaja e parë që fiton Oscar për kinematografi.

Në një deklaratë prapa skenës ajo tha:

“Shumë vajza të vogla që duken si unë do të flenë shumë të qeta sonte, sepse duan të bëhen kinematografe.”

Ajo shtoi se momenti ishte i mundur falë grave që e mbështetën gjatë sezonit të çmimeve.

Marrë dhe përshtaur nga BBC

 

 

Hollywood-i ka nderuar talentet më të mëdha me çmimet më të lakmuara në industrinë e filmit, Oscars.

One Battle After Another kryesoi me gjashtë fitore, ndërsa Jessie Buckley nga Hamnet dhe Michael B Jordan nga Sinners fituan çmimet kryesore për aktrim.

Shihni më poshtë listën e plotë të fituesve dhe të nominuarve.

Filmi më i mirë

FITUES: One Battle After Another
Bugonia
Frankenstein
F1
Hamnet
Marty Supreme
The Secret Agent
Sentimental Value
Sinners
Train Dreams

Aktorja më e mirë

FITUESE: Jessie Buckley – Hamnet
Rose Byrne – If I Had Legs I’d Kick You
Kate Hudson – Song Sung Blue
Renate Reinsve – Sentimental Value
Emma Stone – Bugonia

Aktori më i mirë

FITUES: Michael B Jordan – Sinners
Timothée Chalamet – Marty Supreme
Leonardo DiCaprio – One Battle After Another
Ethan Hawke – Blue Moon
Wagner Moura – The Secret Agent

Aktorja më e mirë në rol dytësor

FITUESE: Amy Madigan – Weapons
Elle Fanning – Sentimental Value
Inga Ibsdotter Lilleaas – Sentimental Value
Wunmi Mosaku – Sinners
Teyana Taylor – One Battle After Another

Aktori më i mirë në rol dytësor

FITUES: Sean Penn – One Battle After Another
Benicio del Toro – One Battle After Another
Jacob Elordi – Frankenstein
Delroy Lindo – Sinners
Stellan Skarsgård – Sentimental Value

Regjisori më i mirë

FITUES: Paul Thomas Anderson – One Battle After Another
Ryan Coogler – Sinners
Josh Safdie – Marty Supreme
Joachim Trier – Sentimental Value
Chloé Zhao – Hamnet

Filmi më i mirë i animuar

FITUES: KPop Demon Hunters
Arco
Elio
Little Amélie or the Character of Rain
Zootopia 2

Filmi më i mirë ndërkombëtar

FITUES: Sentimental Value
It Was Just an Accident
Sirât
The Secret Agent
The Voice of Hind Rajab

Dokumentari më i mirë

FITUES: Mr Nobody Against Putin
Come See Me in the Good Light
Cutting Through the Rocks
The Alabama Solution
The Perfect Neighbor

Skenari më i mirë origjinal

FITUES: Sinners – Ryan Coogler
Blue Moon – Robert Kaplow
It Was Just an Accident – Jafar Panahi
Marty Supreme – Ronald Bronstein dhe Josh Safdie
Sentimental Value – Eskil Vogt dhe Joachim Trier

Skenari më i mirë i adaptuar

FITUES: One Battle After Another – Paul Thomas Anderson
Bugonia – Will Tracy
Frankenstein – Guillermo del Toro
Hamnet – Chloé Zhao dhe Maggie O’Farrell
Train Dreams – Clint Bentley dhe Greg Kwedar

Kënga më e mirë origjinale

FITUES: Golden – KPop Demon Hunters (nga EJAE, Mark Sonnenblick, Joong Gyu Kwak, Yu Han Lee, Hee Dong Nam, Jeong Hoon Seo dhe Teddy Park)
Dear Me – Diane Warren: Relentless (nga Diane Warren)
I Lied to You – Sinners (nga Raphael Saadiq dhe Ludwig Goransson)
Sweet Dreams of Joy – Viva Verdi! (nga Nicholas Pike)
Train Dreams – Train Dreams (nga Nick Cave dhe Bryce Dessner)

Muzika më e mirë origjinale

FITUES: Sinners – Ludwig Goransson
Bugonia – Jerskin Fendrix
Frankenstein – Alexandre Desplat
Hamnet – Max Richter
One Battle After Another – Jonny Greenwood

Kinematografia më e mirë

FITUES: Sinners – Autumn Durald Arkapaw
Frankenstein – Dan Laustsen
Marty Supreme – Darius Khondji
One Battle After Another – Michael Bauman
Train Dreams – Adolpho Veloso

Montazhi më i mirë i filmit

FITUES: One Battle After Another – Andy Jurgensen
F1 – Stephen Mirrione
Marty Supreme – Ronald Bronstein dhe Josh Safdie
Sentimental Value – Olivier Bugge Coutté
Sinners – Michael P Shawver

Zëri më i mirë

FITUES: F1 – Gareth John, Al Nelson, Gwendolyn Yates Whittle, Gary A Rizzo dhe Juan Peralta
Frankenstein – Greg Chapman, Nathan Robitaille, Nelson Ferreira, Christian Cooke dhe Brad Zoern
One Battle After Another – José Antonio García, Christopher Scarabosio dhe Tony Villaflor
Sinners – Chris Welcker, Benjamin A Burtt, Felipe Pacheco, Brandon Proctor dhe Steve Boeddeker
Sirât – Amanda Villavieja, Laia Casanovas dhe Yasmina Praderas

Efektet vizuale më të mira

FITUES: Avatar: Fire and Ash – Joe Letteri, Richard Baneham, Eric Saindon dhe Daniel Barrett
F1 – Ryan Tudhope, Nicolas Chevallier, Robert Harrington dhe Keith Dawson
Jurassic World Rebirth – David Vickery, Stephen Aplin, Charmaine Chan dhe Neil Corbould
Sinners – Michael Ralla, Espen Nordahl, Guido Wolter dhe Donnie Dean
The Lost Bus – Charlie Noble, David Zaretti, Russell Bowen dhe Brandon K McLaughlin

Dizajni më i mirë i produksionit

FITUES: Frankenstein – Tamara Deverell dhe Shane Vieau
Hamnet – Fiona Crombie dhe Alice Felton
Marty Supreme – Jack Fisk dhe Adam Willis
One Battle After Another – Florencia Martin dhe Anthony Carlino
Sinners – Hannah Beachler dhe Monique Champagne

Grupi i famshëm amerikan i muzikës pop The Pussycat Dolls ka konfirmuar rikthimin zyrtar në vitin 2026, këtë herë si një trio e përbërë nga Nicole Scherzinger, Kimberly Wyatt dhe Ashley Roberts. Treshja ka paralajmëruar një rikthim të madh në skenën muzikore me publikimin e një kënge të re dhe një turne global.

Sot, grupi publikoi singlin e ri të titulluar “Club Song”, duke shënuar materialin e tyre të parë të ri pas një kohe të gjatë. Krahas kësaj, ato kanë njoftuar edhe turneun botëror “PCD Forever”, i cili do të përfshijë plot 53 koncerte në Amerikën e Veriut, Evropë dhe Mbretërinë e Bashkuar.

Turneu do të nisë më 5 qershor 2026 në Acrisure Arena në Palm Desert, Kaliforni, ndërsa në disa nga koncertet do të performojnë edhe mysafire speciale si reperja Lil’ Kim dhe këngëtarja Mýa.

Megjithatë, jo të gjitha ish-anëtaret e grupit do të jenë pjesë e këtij rikthimi. Melody Thornton, Jessica Sutta dhe Carmit Bachar nuk janë përfshirë në këtë ribashkim.

Biletat për turneun “PCD Forever” do të dalin në parashitje më 18 mars 2026, ndërsa shitja e përgjithshme për publikun fillon më 20 mars.

Marrë dhe përshtatur nga BBC