Sport

​Milani po përgatitet për rikthimin e madh

Published

on

Burime të shumta në Itali thonë se Milani së shpejti do të njoftojë rikthimin e Zlatan Ibrahimovic.

Ish-sulmuesi i kuqezinjve ka qenë në bisedime me pronarin Gerry Cardinale për disa javë dhe sipas “Calciomercato”, rikthimi i Ibras në “San Siro” është vetëm çështje kohe tani.

Ibrahimovic u tërhoq nga futbolli në fund të edicionit 2022-23, por Cardinale dëshiron ta mbajë atë në klub për të qenë në kontakt të ngushtë me lojtarët dhe drejtorët.

Milani mund të konfirmojë rikthimin e Ibras me një njoftim zyrtar deri në fundjavë përpara ndeshjes së kuqezinjve në Serie A kundër Lecces të shtunën.

“Calciomercato” raporton se Milani aktualisht është duke finalizuar detajet e fundit përpara se të konfirmojë kthimin e Ibrahimovic në klub.

Sport

​Malisheva përforcohet me një sulmues të ri

Published

on

By

FC Malisheva ka prezantuar sulmuesin Xhemajl Ibishi si përforcimin e parë të këtij afati kalimtar, transmeton KosovaPress.

Ibishi ishte një nga më të mirët me FC Shkupi në Maqedoni të Veriut, ndërsa vije tek Malisheva për të qenë vlerë e shtuar në skuadrën e drejtuar nga Bekim Isufi për garat evropiane dhe për edicionin e ri në Albi Mall Superligë.

Ibishi njihet për cilësitë e tij fizike dhe ‘vrasës’ para portës, andaj pritet që me kualitetin e tij të dhuroj spektakël, shumë gola dhe asiste.

Klubi po ashtu ka bërë të ditur se do të punohet edhe më tutje për të rritur vlerat dhe konkurrueshmërinë përbrenda skuadres, për të qenë sa më të gatshëm për sfidat që i presin dhe realizimin e objektivave në të gjitha drejtimet.

Continue Reading

Sport

Ademi e konfirmon: Foda nuk largohet!

Published

on

Kryetari i Federatës së Futbollit të Kosovës, Agim Ademi, ka konfirmuar se përzgjedhësi Franco Foda, do të qëndrojë te Kosova.

Pak pasi dha shenja në Facebook me një foto ai ka deklaruar se Foda nuk ka thënë asnjëherë që do të largohet.

“Ishte një bisede normale. Biseduam për ndeshjet e radhës. Nuk ka pasur diçka. Ai nuk ka thënë asnjëherë që do të shkojë. Thjeshtë ka pasur një ofertë shumë të mirë”, ka thënë ai.

Agim Ademi jep shenja se Foda do të mbetet në krye të Kosovës

Kryetari i FFK-së, Agim Ademi, ka zhvilluar të mërkurën takim me selektorin e Kosovës, Franco Foda, pati raportime të shumta që Foda mund të marrë drejtimin e një skuadre në Emiratet e Bashkuara Arabe.

Por Ademi ka dhënë sinjale se Foda do të mbetet edhe më tutje në krye të Kosovës.

“Sot në Vjenë, një kafe dhe një bisedë e frytshme për të ardhmen e Kombëtares me përzgjedhësin Franco Foda”, ka shkruar kryetari i FFK-së.

Continue Reading

Sport

Daku e pret prezantimin tek Zeniti, rroga e tij do të jetë e hatashme për një lojtar shqiptar

Published

on

Dita zero erdhi. Mirlind Daku ka mbërritur në Shën Peterburg, për të qenë lojtari më i ri i Zenitit.

Futbollisti shqiptar është fotografuar në aeroportin e kryeqytetit të dytë rus këtë të hënë, në shoqëri të futbollistit tjetër kosovar, Bernard Berisha.

Berisha ka luajtur për Ahmatin e Groznit në Premier Ligën ruse, ndërsa Daku ka qenë për dy sezone pjesë e Rubinit, në të njëjtin kampionat.

Sulmuesi kuqezi është tashmë pjesë e Zenitit, ekipit 11 herë kampion të Rusisë dhe Bashkimit Sovjetik, që fitoi titullin gjashtë vjet radhazi deri në 2024, ndërsa këtë sezon u mund vetëm për një pikë nga Krasnodari.

Kontrata e Dakut është 4-vjeçare, dhe pagesa për të jepet deri në 3.5 milionë euro në sezon, që është rroga e dytë më e lartë e Premier Ligës së Rusisë.

Besohet se transferimi i tij do të arrijë deri në 10 milionë euro, ndërsa pagesa e parë është 8.5 milionë euro, shkruan abcnews.

Në dy sezone, sulmuesi i kombëtares shqiptare shënoi 25 gola dhe shërbeu 12 asistë në 53 ndeshje të kampionatit, duke qenë më i miri tek Rubini dhe më i miri në elitën ruse për kontributin për rrjetat.

Continue Reading

Sport

Vdes futbollisti shqiptar, ra nga kati i 8-të i restorantit

Published

on

Futbollisti shqiptar, Mario Bacaj, ka vdekur në qendër të qytetit të Adelaides në Australi.

28 vjeçari Bacaj, i cili ishte pjesë e Adelaide Eagles Soccer Club, kishte njoftuar në grupin e skuadrës në orën 10:15 të mëngjesit të 15 qershorit se ndihej i sëmurë dhe nuk do të mund të luante në ndeshjen e planifikuar atë ditë.

Pak orë më vonë, shokët e skuadrës morën lajmin e hidhur se ai kishte ndërruar jetë pas rënies nga kati i tetë i një restoranti në zonën qendrore të qytetit.

Siç raporton Top Channel, Mario Bacaj kishte jetuar në Adelaide për disa vite, ku punonte dhe studionte, dhe ishte në prag të marrjes së licencës për ndërtim.

Të hënën, shokët e tij të skuadrës u mblodhën pranë barit ku ndodhi ngjarja për të vendosur lule të bardha dhe për t’i dhënë lamtumirën e fundit. Një kartolinë shprehte ngushëllimet në gjuhën shqipe: “Pushofsh në Paqe Mario.”

Policia dhe shërbimet emergjente mbyllën zonën për disa orë për hetime, ndërsa vdekja e tij nuk po trajtohet si e dyshimtë.

 

Continue Reading

Të kërkuara