Lajmet

Miftaraj: Udhëzimi i Lumezit qesharak

Published

5 years ago

April 21, 2021

Betim Gashi

Drejtori i Institutit të Kosovës për Drejtësi (IKD), Ehat Miftaraj, e ka quajtur qesharak vendimin e kryeprokurorit Aleksandër Lumezi që prokurorët mos të detyrojnë gazetarët t’i tregojnë burimet.

Miftaraj në një intervistë për Ekonomia Online shtoi se në bazë të Kushtetutës dhe ligjeve gazetarët detyrohen që t’i zbulojnë burimet e tyre në raste të jashtëzakonshme.

“Nga qytetarët mund të shihet si një vendim populist, i drejtë, i mirë, por për profesionistë është ndër vendimet më qesharake që mund të dëgjojë veshi i një juristi. Kjo është e rregulluar me Kushtetutë dhe ligj dhe një prokuror profesionist dhe polic që i kryen detyrat e tij në bazë të ligjit, duhet ta dijë që kjo është një kufizim një e drejtë e gazetarëve që nuk mund të shkelet nga askush”.

“Në bazë të Kushtetutës dhe ligjit gazetarët mund t’i zbulojnë burimet e tyre vetëm në raste të jashtëzakonshme kur kemi të bëjmë me shpëtimin dhe ruajtjen e që është e drejta për medien. Në Kosovë kjo nuk ka ndodhur asnjëherë dhe udhëzimet e tilla fatkeqësisht janë për të blerë një paqe me gazetarë me medie pas asaj që ndodhi në vikend. Në anën tjetër në bazë të Ligjit prokurori i shtetit është pritur të na informojë sepse në aspektin juridik nuk guxon t’i ndodhë një gabim i tillë një prokurori që ta dërgojë policinë në zyre e një medie të pavarur”.

Ai theksoi se kufizimi për t’i hetuar gazetarët për shkak të moszbulimit të informacionit është garanci ligjore që prokurori duhet ta dijë, duke shtuar se nëse nuk e di bën shkelje disiplinore.

“Kufizimi për t’i hetuar gazetarët që gazetaret të jenë subjekt i një procedure penale për shkak të mos zbulimit të informacionit është garanci ligjore dhe standard i Bashkimit Evropian për të drejtat dhe liritë e njeriut. A janë të informuar prokurorët. Thjesht është diçka që prokurori duhet ta dijë dhe nëse nuk e dinë bënë shkelje disiplinore dhe padyshim që kufizon të drejtat e njeriut të cilat mund të kenë pasoja”.

Sipas tij, ndërrimi i pushteteve i ka vënë në një presion të jashtëzakonshme prokurorët, të cilët qe 20 vjet kanë qenë të kërcënuar nga vettingu.

“Fatkeqësisht ndërrimi i pushteteve që ka ndodhur në Kosovë i ka vënë në një presion të jashtëzakonshme prokurorët gjykatësit të cilët që 20 vjet kanë fjetur të kërcënuar nga ajo që pushteti do të ketë vetting sigurisht që tani më po mundohen të gjejnë rrugë të shpejta për t’i hyrë në qef pushtetit edhe pse Kushtetuta ua garanton pavarësinë e tyre. Dhe ky presioni për t’u dëshmuar para politikës marrin veprime të tilla të cilat fatkeqësisht e cenojnë parimet e mbrojtura me kushtetutë dhe ligj në Kosovë”.

Kryeprokurori i Shtetit ka lëshuar udhëzim detyrues për të gjithë prokurorët, ku detyrohen prokurorët që të shmangin ndërmarrjen e çfarëdo veprimi hetimor ndaj mediumeve apo gazetarëve, që në kundërshtim me Ligjin për Mbrojtjen e Burimeve të Gazetarisë do t’i detyronte gazetarët apo profesionistet e tjerë të medies të zbulojnë burimet e informacionit.

Udhëzimi gjithashtu ua rikujton prokurorëve që, sipas ligjit, gazetarët nuk mund të ndiqen penalisht në

Kryeprokurori i Shtetit ka kërkuar nga të gjithë prokurorët që ta njoftojnë para se të ndërmarrin ndonjë veprim hetimor ndaj gazetarëve apo profesionistëve të medies.

Lajmet

Një muaj paraburgim ndaj dy të dyshuarve për vrasjen e imamit në Dragash

Published

27 minutes ago

July 2, 2026

UBT News

Gjykata Themelore në Prizren u ka caktuar nga një muaj paraburgim dy të dyshuarve për përfshirjen në vrasjen e imamit në Zlipotok të Dragashit.

Në kërkesën e Prokurorisë një ditë më parë, thuhej se ekziston dyshimi i bazuar se më 29 qershor 2026, rreth orës 23:00, i pandehuri B.H. ka privuar nga jeta tani të ndjerin G.T., pas një mosmarrëveshjeje të mëhershme që lidhej me shfrytëzimin e një prone, përkatësisht një livadhi.

Ndërkaq, i pandehuri I.H., (babai i të pandehurit B.H.) dyshohet se, edhe pse ka qenë në afërsi të vendit të ngjarjes dhe ka pasur mundësi të ofrojë ndihmë pa rrezikuar veten apo të tjerët, nuk ka ndërmarrë veprimet e nevojshme për t’i ofruar ndihmë viktimës, e cila ndodhej në rrezik të drejtpërdrejtë për jetën.

Në vendimin e Gjykatës Themelore në Prizren për caktimin e masës së paraburgimit, thuhet se me masën e paraburgimit do të arrihet të sigurohet prezenca e të pandehurve dhe se do të mund të zhvillohen normalisht dhe pa pengesa procedura penale.

Tutje thuhet se është marrë parasysh edhe fakti se i pandehuri ishte larguar nga vendi i ngjarjes çka për Gjykatën rezulton se me lënien në liri ekziston rreziku i ikjes dhe arratisjes, me qëllim të shmangies nga përgjegjësia penale, andaj masa e paraburgimit në këtë fazë është e domosdoshme./A.K/

Lajmet

Suharekë: Dyshohet se u godit nga rrufeja, vdes një person

Published

1 hour ago

July 2, 2026

UBTNews

Një person në Suharekë ka humbur jetën pasi dyshohet se është goditur nga rrufeja.

Sipas raportit zyrtar të Policisë së Kosovës, rasti po trajtohet si “hetim i vdekjes”.

Në vendin e ngjarjes kanë dalë menjëherë autoritetet kompetente, si dhe ekipi mjekësor, ku mjeku kujdestar ka konstatuar vdekjen e viktimës, mashkull kosovar.

“Lidhur me rastin, vdekjen e viktimës mashkull kosovar i cili dyshohet se është goditur nga rrufeja e ka konstatuar mjeku kujdestar.

Me vendim të prokurorit trupi i pajetë i viktimës dërgohet për obduksion në Institutin e Mjekësisë Ligjore (IML) në Prishtinë”, njofton Policia.

Hetimet po vazhdojnë nga njësitet përkatëse, ndërsa raporti i obduksionit pritet të konfirmojë zyrtarisht shkakun e vdekjes. /E.A/

Lajmet

Gjendet pa shenja jete një person në Podujevë

Published

1 hour ago

July 2, 2026

UBTNews

Policia e Kosovës ka nisur hetimet lidhur me gjetjen e një trupit të pajetë të një burri në Podujevë. Ngjarja ka ndodhur të martën, më 30 qershor 2026, rreth orës 13:05.

Sipas raportit 24 orësh të Policisë, pas pranimit të informatës, në vendin e ngjarjes kanë dalë njësitet përkatëse dhe ekipi mjekësor, i cili ka konstatuar vdekjen e viktimës, shtetas kosovar.

Për rastin është njoftuar menjëherë prokurori i shtetit, me urdhër të të cilit janë ndërmarrë masat e para procedurale për zbardhjen e rrethanave.

“Lidhur me rastin është gjetur trupi i pajetë i viktimës mashkull kosovar, vdekjen e të cilit e ka konstatuar ekipi mjekësor në vendin e ngjarjes. Me vendim të prokurorit, trupi i pajetë është dërguar në Institutin e Mjekësisë Ligjore (IML) për obduksion”, bëhet e ditur në njoftim.

Rasti po trajtohet nga organet e hetuesisë si “hetim mbi vdekjen”, ndërsa rezultatet e autopsisë pritet të përcaktojnë shkakun e saktë të vdekjes së viktimës. /E.A/

Lajmet

Arrestohet një person në Prishtinë, dyshohet për dhunim

Published

2 hours ago

July 2, 2026

UBTNews

Policia e Kosovës ka arrestuar një person në Prishtinë nën dyshimin për kryerjen e veprës penale “dhunim”.

Sipas raporti 24-oresh, bëhet me dije se i dyshuari dhe viktima janë të dy shtetas kosovarë.

“Është raportuar se i dyshuari mashkull kosovar ka kryer veprën e lartcekur ndaj viktimës femër kosovare. Lidhur me rastin, i dyshuari është arrestuar dhe pas intervistimit, i njëjti me vendim të prokurorit dërgohet në mbajtje”, thuhet në njoftimin e Policisë.

Rasti tashmë ka kaluar në fazën e hetimeve të mëtejshme në koordinim me organet e drejtësisë, ndërsa i dyshuari mbetet në ndalim policor. /E.A/